| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
навамажид̇д̇аван̣н̣анаа
Navamacittavaṇṇanā
413. висаббанаанидтаруубасамудтаанавасзна ад̇д̇ано бавад̇д̇иаагааравасзна жа висаббанарасо. д̣̇осо убаяог̇апалзсу анидтад̇д̇аа висасам̣садтабууд̇имуд̇д̇ам̣ вияа д̣̇адтаб̣б̣о. анабхирад̇ирасаад̇и звам̣багаарзсу бадигкзбзна расаважанзсу д̇ам̣д̇ам̣бадибагкагижжаг̇ахан̣ам̣ д̣̇адтаб̣б̣ам̣. гадугаагаараг̇ад̇и гадуган̃жугад̇аа, ад̇д̇асамбад̇д̇и ааваасаад̣̇и, барааяад̇д̇ад̇ааяа д̣̇аасаб̣яам̣ вияа д̣̇адтаб̣б̣ам̣. яат̇аа хи д̣̇аасаб̣яз сад̇и д̣̇аасо барааяад̇д̇о ход̇и, звам̣ гуггужжз сад̇и д̇ам̣саман̇г̇ий. на хи со ад̇д̇ано д̇хаммад̇ааяа бавад̇д̇ид̇ум̣ саггод̇и гусалзд̇и. ат̇а ваа гад̇аагад̇аагусалагусалаанусожанз ааяад̇д̇ад̇ааяа д̇ад̣̇убхаяавасзна гуггужжзна д̇ам̣саман̇г̇ий ход̇ийд̇и д̣̇аасаб̣яам̣ вияа д̇ам̣ ход̇и.
413. Visappanaaniṭṭharūpasamuṭṭhānavasena attano pavattiākāravasena ca visappanaraso. Doso upayogaphalesu aniṭṭhattā visasaṃsaṭṭhapūtimuttaṃ viya daṭṭhabbo. Anabhiratirasāti evaṃpakāresu paṭikkhepena rasavacanesu taṃtaṃpaṭipakkhakiccagahaṇaṃ daṭṭhabbaṃ. Kaṭukākāragati kaṭukañcukatā, attasampatti āvāsādi, parāyattatāya dāsabyaṃ viya daṭṭhabbaṃ. Yathā hi dāsabye sati dāso parāyatto hoti, evaṃ kukkucce sati taṃsamaṅgī. Na hi so attano dhammatāya pavattituṃ sakkoti kusaleti. Atha vā katākatākusalakusalānusocane āyattatāya tadubhayavasena kukkuccena taṃsamaṅgī hotīti dāsabyaṃ viya taṃ hoti.
418. вируд̣̇д̇хаагаарод̇и вируд̣̇д̇хасса буг̇г̇аласса, жид̇д̇асса ваа аагааро вируд̣̇д̇хабхааво. д̇зна вируж̇жханам̣ вирод̇ход̇и д̣̇ассзд̇и. важананд̇и зд̇ам̣ нид̣̇ассанамад̇д̇ам̣ д̣̇адтаб̣б̣ам̣. саб̣б̣амзва хи гижжам̣ зд̇зна гарияамаанам̣ суробид̇ам̣ суж̇анид̇ам̣ на ход̇ийд̇и. робасад̣̇д̣̇аважанад̇т̇амзва гзжи ван̣н̣знд̇и. д̇ам̣ аббамаан̣анд̇и год̇хасса д̇ат̇аабавад̇д̇анасабхааваабхааваа ан̃н̃зна гзнажи гааран̣зна барибун̣н̣ад̇аа сияаад̇и санд̇хааяа вуд̇д̇ам̣.
418. Viruddhākāroti viruddhassa puggalassa, cittassa vā ākāro viruddhabhāvo. Tena virujjhanaṃ virodhoti dasseti. Vacananti etaṃ nidassanamattaṃ daṭṭhabbaṃ. Sabbameva hi kiccaṃ etena kariyamānaṃ suropitaṃ sujanitaṃ na hotīti. Ropasaddavacanatthameva keci vaṇṇenti. Taṃ appamāṇanti kodhassa tathāpavattanasabhāvābhāvā aññena kenaci kāraṇena paripuṇṇatā siyāti sandhāya vuttaṃ.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / д̣̇ваад̣̇аса агусалаани • Dvādasa akusalāni
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / навамажид̇д̇ам̣ • Navamacittaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / навамажид̇д̇аван̣н̣анаа • Navamacittavaṇṇanā
