| Library / Tipiṭaka / திபிடக • Tipiṭaka / பஞ்சபகரண-மூலடீகா • Pañcapakaraṇa-mūlaṭīkā |
9. நவமனயோ ஸம்பயுத்தேனஸம்பயுத்தபத³வண்ணனா
9. Navamanayo sampayuttenasampayuttapadavaṇṇanā
319. ஸம்பயுத்தேனஸம்பயுத்தபத³வண்ணனாயங் யங்க²ந்தா⁴தி³வஸேனாதி ஸமாஸபத³ங் இத³ங் த³ட்ட²ப்³ப³ங், யஸ்ஸ க²ந்தா⁴தி³னோ வஸேனாதி அத்தோ². தஸ்ஸேவாதி ச தஸ்ஸேவ க²ந்தா⁴தி³னோதி அத்தோ². இத³ங் வுத்தங் ஹோதி – யங் இத⁴ ஸம்பயுத்தங் வுத்தங், தங் ரூபக்க²ந்தா⁴தீ³ஸு அரணந்தேஸு யேன வேத³னாக்க²ந்தா⁴தி³னா ஸம்பயுத்தங், புன தஸ்ஸேவ வேத³னாக்க²ந்தா⁴தி³னோ க²ந்தா⁴தீ³ஹி ஸம்பயோக³ங் புச்சி²த்வா விஸ்ஸஜ்ஜனங் கதங் . தஞ்ஹி அத்தனா ஸம்பயுத்தேன ஸம்பயுத்தத்தா ‘‘ஸம்பயுத்தேன ஸம்பயுத்த’’ந்தி நித்³தா⁴ரிதந்தி. ரூபேன வாதி ஏதேன நிரோத⁴ஸச்சஅப்பச்சயஅஸங்க²தேஹிபி அயோகோ³ வுத்தோ ஹோதீதி த³ட்ட²ப்³போ³, ததா² ரூபமிஸ்ஸகேஹி வாதி ஏதேன அனுபாதி³ன்னஅனுபாதா³னியாதீ³ஹி நிப்³பா³னமிஸ்ஸகேஹிபி. வக்க²தி ஹி ‘‘நிப்³பா³னங் பன ஸுகு²மரூபக³திகமேவா’’தி. ஸப்³பா³ரூபக்க²ந்த⁴ஸங்கா³ஹகேஹீதி வத்தமானானமேவ ஸம்பயோகோ³ லப்³ப⁴தீதி வத்தமானேஸு ஏகம்பி த⁴ம்மங் அனபனெத்வா அவிகலசதுக்க²ந்த⁴ஸங்கா³ஹகேஹி அரூபப⁴வாதீ³ஹீதி அத்தோ². அயங் பனெத்த² ஸங்கே²போ – யே ஸம்பயோக³ங் ந லப⁴ந்தி ரூபக்க²ந்தா⁴த³யோ, தே ஸப்³பே³ ந க³ஹிதா, இதரே ச வேத³னாக்க²ந்தா⁴த³யோ ஸப்³பே³ க³ஹிதாதி.
319. Sampayuttenasampayuttapadavaṇṇanāyaṃ yaṃkhandhādivasenāti samāsapadaṃ idaṃ daṭṭhabbaṃ, yassa khandhādino vasenāti attho. Tassevāti ca tasseva khandhādinoti attho. Idaṃ vuttaṃ hoti – yaṃ idha sampayuttaṃ vuttaṃ, taṃ rūpakkhandhādīsu araṇantesu yena vedanākkhandhādinā sampayuttaṃ, puna tasseva vedanākkhandhādino khandhādīhi sampayogaṃ pucchitvā vissajjanaṃ kataṃ . Tañhi attanā sampayuttena sampayuttattā ‘‘sampayuttena sampayutta’’nti niddhāritanti. Rūpena vāti etena nirodhasaccaappaccayaasaṅkhatehipi ayogo vutto hotīti daṭṭhabbo, tathā rūpamissakehi vāti etena anupādinnaanupādāniyādīhi nibbānamissakehipi. Vakkhati hi ‘‘nibbānaṃ pana sukhumarūpagatikamevā’’ti. Sabbārūpakkhandhasaṅgāhakehīti vattamānānameva sampayogo labbhatīti vattamānesu ekampi dhammaṃ anapanetvā avikalacatukkhandhasaṅgāhakehi arūpabhavādīhīti attho. Ayaṃ panettha saṅkhepo – ye sampayogaṃ na labhanti rūpakkhandhādayo, te sabbe na gahitā, itare ca vedanākkhandhādayo sabbe gahitāti.
நவமனயஸம்பயுத்தேனஸம்பயுத்தபத³வண்ணனா நிட்டி²தா.
Navamanayasampayuttenasampayuttapadavaṇṇanā niṭṭhitā.
Next: 10. த³ஸமனயோ விப்பயுத்தேனவிப்பயுத்தபத³வண்ணனா • 10. Dasamanayo vippayuttenavippayuttapadavaṇṇanā
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / தா⁴துகதா²பாளி • Dhātukathāpāḷi / 9. ஸம்பயுத்தேனஸம்பயுத்தபத³னித்³தே³ஸோ • 9. Sampayuttenasampayuttapadaniddeso
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 9. நவமனயோ ஸம்பயுத்தேனஸம்பயுத்தபத³வண்ணனா • 9. Navamanayo sampayuttenasampayuttapadavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 9. நவமனயோ ஸம்பயுத்தேனஸம்பயுத்தபத³வண்ணனா • 9. Navamanayo sampayuttenasampayuttapadavaṇṇanā
