| Library / Tipiṭaka / திபிடக • Tipiṭaka / பஞ்சபகரண-அனுடீகா • Pañcapakaraṇa-anuṭīkā |
9. நவமனயோ ஸம்பயுத்தேனஸம்பயுத்தபத³வண்ணனா
9. Navamanayo sampayuttenasampayuttapadavaṇṇanā
319. ‘‘ஸமாஸபத³ங் இத³’’ந்தி வத்வா அயங் நாம ஸமாஸோதி த³ஸ்ஸெந்தோ ‘‘யஸ்ஸ க²ந்தா⁴தி³னோ’’திஆதி³மாஹ, யஸ்ஸ வேத³னாக்க²ந்தா⁴தி³னோதி அத்தோ². யங் இத⁴ ஸம்பயுத்தங் வுத்தந்தி இமஸ்மிங் நவமனயே யங் த⁴ம்மஜாதங் ஸம்பயுத்தந்தி வுத்தங். ரூபக்க²ந்தா⁴தீ³ஸு அரணந்தேஸு அப்³ப⁴ந்தரபா³ஹிரமாதிகாத⁴ம்மேஸூதி நித்³தா⁴ரணே பு⁴ம்மங். தஞ்ஹி த⁴ம்மஜாதங் அத்தனா ஸம்பயுத்தேன வேத³னாக்க²ந்தா⁴தி³னா ஸயங் ஸம்பயுத்தந்தி நித்³தா⁴ரிதங். அயோகோ³தி அஸம்பயோகோ³. வக்க²தி த³ஸமனயே. தத்த² ஹி ‘‘ரூபக்க²ந்தே⁴ன வேத³னாத³யோ விப்பயுத்தா, தேஹி ரூபக்க²ந்தோ⁴ விப்பயுத்தோ’’தி வத்வா நிப்³பா³னங் கத²ந்தி சோத³னங் ஸந்தா⁴யாஹ ‘‘நிப்³பா³னங் பன ஸுகு²மரூபக³திகமேவா’’தி வுத்தங். ‘‘மனாயதனங் ஏகேனாயதனேன ஏகாய தா⁴துயா கேஹிசி விப்பயுத்த’’ந்தி எத்த² ஹி யதா² ஸுகு²மரூபங் விய ஸரூபதோ அனுத்³த⁴டம்பி நிப்³பா³னங் கேஹிசீதிபதே³ன க³ஹிதமேவ ஹோதீதி ஏதி³ஸேஸு டா²னேஸு நிப்³பா³னங் ஸுகு²மரூபக³திகந்தி விஞ்ஞாயதி, ஏவமிதா⁴பி ‘‘ரூபமிஸ்ஸகேஹி வா’’தி ஏதேன அனுபாதி³ன்னஅனுபாதா³னியாதீ³ஹி நிப்³பா³னமிஸ்ஸகேஹிபி அஸம்பயோகோ³ வுத்தோ ஹோதீதி த³ட்ட²ப்³போ³. அவிகலசதுக்க²ந்த⁴ஸங்கா³ஹகேஹி பதே³ஹி ஸஹவத்தினோ அஞ்ஞஸ்ஸ ஸம்பயோகி³னோ அபா⁴வதோ அதீதானாக³தேஹி ச ஸம்பயோகோ³ நத்தே²வாதி தஸ்ஸ அயுஜ்ஜமானதங் த³ஸ்ஸெந்தோ ‘‘வத்தமானானமேவ…பே॰… அரூபப⁴வாதீ³ஹீதி அத்தோ²’’தி ஆஹ. இதரேதி யே ஸம்பயோக³ங் லப⁴ந்தி, கே பன தே ரூபேன அஸம்மிஸ்ஸா அரூபேகதே³ஸபூ⁴தா. தேனாஹ ‘‘வேத³னாக்க²ந்தா⁴த³யோ’’தி.
319. ‘‘Samāsapadaṃ ida’’nti vatvā ayaṃ nāma samāsoti dassento ‘‘yassa khandhādino’’tiādimāha, yassa vedanākkhandhādinoti attho. Yaṃ idha sampayuttaṃ vuttanti imasmiṃ navamanaye yaṃ dhammajātaṃ sampayuttanti vuttaṃ. Rūpakkhandhādīsu araṇantesu abbhantarabāhiramātikādhammesūti niddhāraṇe bhummaṃ. Tañhi dhammajātaṃ attanā sampayuttena vedanākkhandhādinā sayaṃ sampayuttanti niddhāritaṃ. Ayogoti asampayogo. Vakkhati dasamanaye. Tattha hi ‘‘rūpakkhandhena vedanādayo vippayuttā, tehi rūpakkhandho vippayutto’’ti vatvā nibbānaṃ kathanti codanaṃ sandhāyāha ‘‘nibbānaṃ pana sukhumarūpagatikamevā’’ti vuttaṃ. ‘‘Manāyatanaṃ ekenāyatanena ekāya dhātuyā kehici vippayutta’’nti ettha hi yathā sukhumarūpaṃ viya sarūpato anuddhaṭampi nibbānaṃ kehicītipadena gahitameva hotīti edisesu ṭhānesu nibbānaṃ sukhumarūpagatikanti viññāyati, evamidhāpi ‘‘rūpamissakehi vā’’ti etena anupādinnaanupādāniyādīhi nibbānamissakehipi asampayogo vutto hotīti daṭṭhabbo. Avikalacatukkhandhasaṅgāhakehi padehi sahavattino aññassa sampayogino abhāvato atītānāgatehi ca sampayogo natthevāti tassa ayujjamānataṃ dassento ‘‘vattamānānameva…pe… arūpabhavādīhīti attho’’ti āha. Itareti ye sampayogaṃ labhanti, ke pana te rūpena asammissā arūpekadesabhūtā. Tenāha ‘‘vedanākkhandhādayo’’ti.
நவமனயஸம்பயுத்தேனஸம்பயுத்தபத³வண்ணனா நிட்டி²தா.
Navamanayasampayuttenasampayuttapadavaṇṇanā niṭṭhitā.
Next: 10. த³ஸமனயோ விப்பயுத்தேனவிப்பயுத்தபத³வண்ணனா • 10. Dasamanayo vippayuttenavippayuttapadavaṇṇanā
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / தா⁴துகதா²பாளி • Dhātukathāpāḷi / 9. ஸம்பயுத்தேனஸம்பயுத்தபத³னித்³தே³ஸோ • 9. Sampayuttenasampayuttapadaniddeso
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 9. நவமனயோ ஸம்பயுத்தேனஸம்பயுத்தபத³வண்ணனா • 9. Navamanayo sampayuttenasampayuttapadavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 9. நவமனயோ ஸம்பயுத்தேனஸம்பயுத்தபத³வண்ணனா • 9. Navamanayo sampayuttenasampayuttapadavaṇṇanā
