| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
9. наваманаяо самбаяуд̇д̇знасамбаяуд̇д̇абад̣̇аван̣н̣анаа
9. Navamanayo sampayuttenasampayuttapadavaṇṇanā
319. ид̣̇аани самбаяуд̇д̇знасамбаяуд̇д̇абад̣̇ам̣ бхааж̇зд̇ум̣ взд̣̇анаагканд̇хзнаад̇иаад̣̇и аарад̣̇д̇хам̣. д̇ад̇т̇а яам̣ канд̇хаад̣̇ивасзна самбаяуд̇д̇ам̣, буна д̇ассзва канд̇хаад̣̇ийхи самбаяог̇ам̣ бужчид̇ваа виссаж̇ж̇анам̣ гад̇ам̣. д̇ам̣ руубзна ваа руубамиссагзхи ваа саб̣б̣аруубагканд̇хасан̇г̇аахагзхи ваа бад̣̇зхи сад̣̇д̇хим̣ на яуж̇ж̇ад̇и. руубзна хи руубамиссагзна ваа ан̃н̃зсам̣ самбаяог̇о над̇т̇и. саб̣б̣аруубагканд̇хасан̇г̇аахагзхи саб̣б̣зсам̣ самбаяог̇аарахаанам̣ канд̇хаад̣̇ийнам̣ г̇ахид̇ад̇д̇аа ан̃н̃ам̣язва над̇т̇и, яам̣ д̇зна саха самбаяог̇ам̣ г̇ажчзяяа. д̇асмаа д̇ат̇ааруубаани бад̣̇аани ид̇ха на г̇ахид̇аани. яаани бана бад̣̇аани руубзна асаммиссам̣ аруубзгад̣̇зсам̣ д̣̇ийбзнд̇и, д̇аани ид̇ха г̇ахид̇аани. д̇зсам̣ ид̣̇амуд̣̇д̣̇аанам̣ –
319. Idāni sampayuttenasampayuttapadaṃ bhājetuṃ vedanākkhandhenātiādi āraddhaṃ. Tattha yaṃ khandhādivasena sampayuttaṃ, puna tasseva khandhādīhi sampayogaṃ pucchitvā vissajjanaṃ kataṃ. Taṃ rūpena vā rūpamissakehi vā sabbarūpakkhandhasaṅgāhakehi vā padehi saddhiṃ na yujjati. Rūpena hi rūpamissakena vā aññesaṃ sampayogo natthi. Sabbarūpakkhandhasaṅgāhakehi sabbesaṃ sampayogārahānaṃ khandhādīnaṃ gahitattā aññaṃyeva natthi, yaṃ tena saha sampayogaṃ gaccheyya. Tasmā tathārūpāni padāni idha na gahitāni. Yāni pana padāni rūpena asammissaṃ arūpekadesaṃ dīpenti, tāni idha gahitāni. Tesaṃ idamuddānaṃ –
‘‘аруубагканд̇хаа жад̇д̇ааро, манааяад̇анамзва жа;
‘‘Arūpakkhandhā cattāro, manāyatanameva ca;
вин̃н̃аан̣ад̇хаад̇уяо сад̇д̇а, д̣̇вз сажжаа жуд̣̇д̣̇асинд̣̇рияаа.
Viññāṇadhātuyo satta, dve saccā cuddasindriyā.
‘‘бажжаяз д̣̇ваад̣̇аса бад̣̇аа, д̇ад̇о убари сол̣аса;
‘‘Paccaye dvādasa padā, tato upari soḷasa;
д̇игзсу адта г̇ожчагз, д̇зжад̇д̇аалийсамзва жа.
Tikesu aṭṭha gocchake, tecattālīsameva ca.
‘‘маханд̇арад̣̇угз сад̇д̇а, бад̣̇аа бидтид̣̇угзсу ча;
‘‘Mahantaraduke satta, padā piṭṭhidukesu cha;
навамасса бад̣̇ассзд̇з, нид̣̇д̣̇зсз сан̇г̇ахам̣ г̇ад̇аа’’д̇и.
Navamassa padassete, niddese saṅgahaṃ gatā’’ti.
саб̣б̣абан̃хзсу бана яз д̇хаммаа бужчааяа уд̣̇д̇хадаа, д̇з язхи самбаяуд̇д̇аа хонд̇и, д̇зсам̣ васзна канд̇хаад̣̇ибхзд̣̇о взд̣̇ид̇аб̣б̣о . взд̣̇анаагканд̇хзна хи ид̇арз д̇аяо канд̇хаа самбаяуд̇д̇аа, буна д̇зхи взд̣̇анаагканд̇хо самбаяуд̇д̇о. со д̇зхи сан̃н̃аад̣̇ийхи д̇ийхи канд̇хзхи, згзна манааяад̇анзна, сад̇д̇ахи вин̃н̃аан̣ад̇хаад̇уухи, згасмим̣ д̇хаммааяад̇анз, д̇хаммад̇хаад̇уяаа жа, гзхижи сан̃н̃аасан̇каарзхзва самбаяуд̇д̇о. зсзва наяо саб̣б̣ад̇т̇аад̇и.
Sabbapañhesu pana ye dhammā pucchāya uddhaṭā, te yehi sampayuttā honti, tesaṃ vasena khandhādibhedo veditabbo . Vedanākkhandhena hi itare tayo khandhā sampayuttā, puna tehi vedanākkhandho sampayutto. So tehi saññādīhi tīhi khandhehi, ekena manāyatanena, sattahi viññāṇadhātūhi, ekasmiṃ dhammāyatane, dhammadhātuyā ca, kehici saññāsaṅkhāreheva sampayutto. Eseva nayo sabbatthāti.
самбаяуд̇д̇знасамбаяуд̇д̇абад̣̇аван̣н̣анаа.
Sampayuttenasampayuttapadavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 9. самбаяуд̇д̇знасамбаяуд̇д̇абад̣̇анид̣̇д̣̇зсо • 9. Sampayuttenasampayuttapadaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 9. наваманаяо самбаяуд̇д̇знасамбаяуд̇д̇абад̣̇аван̣н̣анаа • 9. Navamanayo sampayuttenasampayuttapadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 9. наваманаяо самбаяуд̇д̇знасамбаяуд̇д̇абад̣̇аван̣н̣анаа • 9. Navamanayo sampayuttenasampayuttapadavaṇṇanā
