| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
9. наваманаяо самбаяуд̇д̇знасамбаяуд̇д̇абад̣̇аван̣н̣анаа
9. Navamanayo sampayuttenasampayuttapadavaṇṇanā
319. самбаяуд̇д̇знасамбаяуд̇д̇абад̣̇аван̣н̣анааяам̣ яам̣канд̇хаад̣̇ивасзнаад̇и самаасабад̣̇ам̣ ид̣̇ам̣ д̣̇адтаб̣б̣ам̣, яасса канд̇хаад̣̇ино васзнаад̇и ад̇т̇о. д̇ассзваад̇и жа д̇ассзва канд̇хаад̣̇инод̇и ад̇т̇о. ид̣̇ам̣ вуд̇д̇ам̣ ход̇и – яам̣ ид̇ха самбаяуд̇д̇ам̣ вуд̇д̇ам̣, д̇ам̣ руубагканд̇хаад̣̇ийсу аран̣анд̇зсу язна взд̣̇анаагканд̇хаад̣̇инаа самбаяуд̇д̇ам̣, буна д̇ассзва взд̣̇анаагканд̇хаад̣̇ино канд̇хаад̣̇ийхи самбаяог̇ам̣ бужчид̇ваа виссаж̇ж̇анам̣ гад̇ам̣ . д̇ан̃хи ад̇д̇анаа самбаяуд̇д̇зна самбаяуд̇д̇ад̇д̇аа ‘‘самбаяуд̇д̇зна самбаяуд̇д̇а’’нд̇и нид̣̇д̇хаарид̇анд̇и. руубзна ваад̇и зд̇зна нирод̇хасажжааббажжаяаасан̇кад̇зхиби аяог̇о вуд̇д̇о ход̇ийд̇и д̣̇адтаб̣б̣о, д̇ат̇аа руубамиссагзхи ваад̇и зд̇зна анубаад̣̇иннаанубаад̣̇аанияаад̣̇ийхи ниб̣б̣аанамиссагзхиби. вагкад̇и хи ‘‘ниб̣б̣аанам̣ бана сукумаруубаг̇ад̇игамзваа’’д̇и. саб̣б̣ааруубагканд̇хасан̇г̇аахагзхийд̇и вад̇д̇амаанаанамзва самбаяог̇о лаб̣бхад̇ийд̇и вад̇д̇амаанзсу згамби д̇хаммам̣ анабанзд̇ваа авигалажад̇угканд̇хасан̇г̇аахагзхи аруубабхаваад̣̇ийхийд̇и ад̇т̇о. аяам̣ банзд̇т̇а сан̇кзбо – яз самбаяог̇ам̣ на лабханд̇и руубагканд̇хаад̣̇аяо, д̇з саб̣б̣з на г̇ахид̇аа, ид̇арз жа взд̣̇анаагканд̇хаад̣̇аяо саб̣б̣з г̇ахид̇аад̇и.
319. Sampayuttenasampayuttapadavaṇṇanāyaṃ yaṃkhandhādivasenāti samāsapadaṃ idaṃ daṭṭhabbaṃ, yassa khandhādino vasenāti attho. Tassevāti ca tasseva khandhādinoti attho. Idaṃ vuttaṃ hoti – yaṃ idha sampayuttaṃ vuttaṃ, taṃ rūpakkhandhādīsu araṇantesu yena vedanākkhandhādinā sampayuttaṃ, puna tasseva vedanākkhandhādino khandhādīhi sampayogaṃ pucchitvā vissajjanaṃ kataṃ . Tañhi attanā sampayuttena sampayuttattā ‘‘sampayuttena sampayutta’’nti niddhāritanti. Rūpena vāti etena nirodhasaccaappaccayaasaṅkhatehipi ayogo vutto hotīti daṭṭhabbo, tathā rūpamissakehi vāti etena anupādinnaanupādāniyādīhi nibbānamissakehipi. Vakkhati hi ‘‘nibbānaṃ pana sukhumarūpagatikamevā’’ti. Sabbārūpakkhandhasaṅgāhakehīti vattamānānameva sampayogo labbhatīti vattamānesu ekampi dhammaṃ anapanetvā avikalacatukkhandhasaṅgāhakehi arūpabhavādīhīti attho. Ayaṃ panettha saṅkhepo – ye sampayogaṃ na labhanti rūpakkhandhādayo, te sabbe na gahitā, itare ca vedanākkhandhādayo sabbe gahitāti.
наваманаяасамбаяуд̇д̇знасамбаяуд̇д̇абад̣̇аван̣н̣анаа нидтид̇аа.
Navamanayasampayuttenasampayuttapadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 9. самбаяуд̇д̇знасамбаяуд̇д̇абад̣̇анид̣̇д̣̇зсо • 9. Sampayuttenasampayuttapadaniddeso
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 9. наваманаяо самбаяуд̇д̇знасамбаяуд̇д̇абад̣̇аван̣н̣анаа • 9. Navamanayo sampayuttenasampayuttapadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 9. наваманаяо самбаяуд̇д̇знасамбаяуд̇д̇абад̣̇аван̣н̣анаа • 9. Navamanayo sampayuttenasampayuttapadavaṇṇanā
