| Library / Tipiṭaka / ติปิฎก • Tipiṭaka / ปญฺจปกรณ-มูลฎีกา • Pañcapakaraṇa-mūlaṭīkā |
๙. นวมนโย สมฺปยุเตฺตนสมฺปยุตฺตปทวณฺณนา
9. Navamanayo sampayuttenasampayuttapadavaṇṇanā
๓๑๙. สมฺปยุเตฺตนสมฺปยุตฺตปทวณฺณนายํ ยํขนฺธาทิวเสนาติ สมาสปทํ อิทํ ทฎฺฐพฺพํ, ยสฺส ขนฺธาทิโน วเสนาติ อโตฺถฯ ตเสฺสวาติ จ ตเสฺสว ขนฺธาทิโนติ อโตฺถฯ อิทํ วุตฺตํ โหติ – ยํ อิธ สมฺปยุตฺตํ วุตฺตํ, ตํ รูปกฺขนฺธาทีสุ อรณเนฺตสุ เยน เวทนากฺขนฺธาทินา สมฺปยุตฺตํ, ปุน ตเสฺสว เวทนากฺขนฺธาทิโน ขนฺธาทีหิ สมฺปโยคํ ปุจฺฉิตฺวา วิสฺสชฺชนํ กตํ ฯ ตญฺหิ อตฺตนา สมฺปยุเตฺตน สมฺปยุตฺตตฺตา ‘‘สมฺปยุเตฺตน สมฺปยุตฺต’’นฺติ นิทฺธาริตนฺติฯ รูเปน วาติ เอเตน นิโรธสจฺจอปฺปจฺจยอสงฺขเตหิปิ อโยโค วุโตฺต โหตีติ ทฎฺฐโพฺพ, ตถา รูปมิสฺสเกหิ วาติ เอเตน อนุปาทินฺนอนุปาทานิยาทีหิ นิพฺพานมิสฺสเกหิปิฯ วกฺขติ หิ ‘‘นิพฺพานํ ปน สุขุมรูปคติกเมวา’’ติฯ สพฺพารูปกฺขนฺธสงฺคาหเกหีติ วตฺตมานานเมว สมฺปโยโค ลพฺภตีติ วตฺตมาเนสุ เอกมฺปิ ธมฺมํ อนปเนตฺวา อวิกลจตุกฺขนฺธสงฺคาหเกหิ อรูปภวาทีหีติ อโตฺถฯ อยํ ปเนตฺถ สเงฺขโป – เย สมฺปโยคํ น ลภนฺติ รูปกฺขนฺธาทโย, เต สเพฺพ น คหิตา, อิตเร จ เวทนากฺขนฺธาทโย สเพฺพ คหิตาติฯ
319. Sampayuttenasampayuttapadavaṇṇanāyaṃ yaṃkhandhādivasenāti samāsapadaṃ idaṃ daṭṭhabbaṃ, yassa khandhādino vasenāti attho. Tassevāti ca tasseva khandhādinoti attho. Idaṃ vuttaṃ hoti – yaṃ idha sampayuttaṃ vuttaṃ, taṃ rūpakkhandhādīsu araṇantesu yena vedanākkhandhādinā sampayuttaṃ, puna tasseva vedanākkhandhādino khandhādīhi sampayogaṃ pucchitvā vissajjanaṃ kataṃ . Tañhi attanā sampayuttena sampayuttattā ‘‘sampayuttena sampayutta’’nti niddhāritanti. Rūpena vāti etena nirodhasaccaappaccayaasaṅkhatehipi ayogo vutto hotīti daṭṭhabbo, tathā rūpamissakehi vāti etena anupādinnaanupādāniyādīhi nibbānamissakehipi. Vakkhati hi ‘‘nibbānaṃ pana sukhumarūpagatikamevā’’ti. Sabbārūpakkhandhasaṅgāhakehīti vattamānānameva sampayogo labbhatīti vattamānesu ekampi dhammaṃ anapanetvā avikalacatukkhandhasaṅgāhakehi arūpabhavādīhīti attho. Ayaṃ panettha saṅkhepo – ye sampayogaṃ na labhanti rūpakkhandhādayo, te sabbe na gahitā, itare ca vedanākkhandhādayo sabbe gahitāti.
นวมนยสมฺปยุเตฺตนสมฺปยุตฺตปทวณฺณนา นิฎฺฐิตาฯ
Navamanayasampayuttenasampayuttapadavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / ธาตุกถาปาฬิ • Dhātukathāpāḷi / ๙. สมฺปยุเตฺตนสมฺปยุตฺตปทนิเทฺทโส • 9. Sampayuttenasampayuttapadaniddeso
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๙. นวมนโย สมฺปยุเตฺตนสมฺปยุตฺตปทวณฺณนา • 9. Navamanayo sampayuttenasampayuttapadavaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๙. นวมนโย สมฺปยุเตฺตนสมฺปยุตฺตปทวณฺณนา • 9. Navamanayo sampayuttenasampayuttapadavaṇṇanā
