| Library / Tipiṭaka / ཏིཔིཊཀ • Tipiṭaka / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā |
༩. ནཝམནཡོ སམྤཡུཏྟེནསམྤཡུཏྟཔདཝཎྞནཱ
9. Navamanayo sampayuttenasampayuttapadavaṇṇanā
༣༡༩. སམྤཡུཏྟེནསམྤཡུཏྟཔདཝཎྞནཱཡཾ ཡཾཁནྡྷཱདིཝསེནཱཏི སམཱསཔདཾ ཨིདཾ དཊྛབྦཾ, ཡསྶ ཁནྡྷཱདིནོ ཝསེནཱཏི ཨཏྠོ། ཏསྶེཝཱཏི ཙ ཏསྶེཝ ཁནྡྷཱདིནོཏི ཨཏྠོ། ཨིདཾ ཝུཏྟཾ ཧོཏི – ཡཾ ཨིདྷ སམྤཡུཏྟཾ ཝུཏྟཾ, ཏཾ རཱུཔཀྑནྡྷཱདཱིསུ ཨརཎནྟེསུ ཡེན ཝེདནཱཀྑནྡྷཱདིནཱ སམྤཡུཏྟཾ, པུན ཏསྶེཝ ཝེདནཱཀྑནྡྷཱདིནོ ཁནྡྷཱདཱིཧི སམྤཡོགཾ པུཙྪིཏྭཱ ཝིསྶཛྫནཾ ཀཏཾ ། ཏཉྷི ཨཏྟནཱ སམྤཡུཏྟེན སམྤཡུཏྟཏྟཱ ‘‘སམྤཡུཏྟེན སམྤཡུཏྟ’’ནྟི ནིདྡྷཱརིཏནྟི། རཱུཔེན ཝཱཏི ཨེཏེན ནིརོདྷསཙྩཨཔྤཙྩཡཨསངྑཏེཧིཔི ཨཡོགོ ཝུཏྟོ ཧོཏཱིཏི དཊྛབྦོ, ཏཐཱ རཱུཔམིསྶཀེཧི ཝཱཏི ཨེཏེན ཨནུཔཱདིནྣཨནུཔཱདཱནིཡཱདཱིཧི ནིབྦཱནམིསྶཀེཧིཔི། ཝཀྑཏི ཧི ‘‘ནིབྦཱནཾ པན སུཁུམརཱུཔགཏིཀམེཝཱ’’ཏི། སབྦཱརཱུཔཀྑནྡྷསངྒཱཧཀེཧཱིཏི ཝཏྟམཱནཱནམེཝ སམྤཡོགོ ལབྦྷཏཱིཏི ཝཏྟམཱནེསུ ཨེཀམྤི དྷམྨཾ ཨནཔནེཏྭཱ ཨཝིཀལཙཏུཀྑནྡྷསངྒཱཧཀེཧི ཨརཱུཔབྷཝཱདཱིཧཱིཏི ཨཏྠོ། ཨཡཾ པནེཏྠ སངྑེཔོ – ཡེ སམྤཡོགཾ ན ལབྷནྟི རཱུཔཀྑནྡྷཱདཡོ, ཏེ སབྦེ ན གཧིཏཱ, ཨིཏརེ ཙ ཝེདནཱཀྑནྡྷཱདཡོ སབྦེ གཧིཏཱཏི།
319. Sampayuttenasampayuttapadavaṇṇanāyaṃ yaṃkhandhādivasenāti samāsapadaṃ idaṃ daṭṭhabbaṃ, yassa khandhādino vasenāti attho. Tassevāti ca tasseva khandhādinoti attho. Idaṃ vuttaṃ hoti – yaṃ idha sampayuttaṃ vuttaṃ, taṃ rūpakkhandhādīsu araṇantesu yena vedanākkhandhādinā sampayuttaṃ, puna tasseva vedanākkhandhādino khandhādīhi sampayogaṃ pucchitvā vissajjanaṃ kataṃ . Tañhi attanā sampayuttena sampayuttattā ‘‘sampayuttena sampayutta’’nti niddhāritanti. Rūpena vāti etena nirodhasaccaappaccayaasaṅkhatehipi ayogo vutto hotīti daṭṭhabbo, tathā rūpamissakehi vāti etena anupādinnaanupādāniyādīhi nibbānamissakehipi. Vakkhati hi ‘‘nibbānaṃ pana sukhumarūpagatikamevā’’ti. Sabbārūpakkhandhasaṅgāhakehīti vattamānānameva sampayogo labbhatīti vattamānesu ekampi dhammaṃ anapanetvā avikalacatukkhandhasaṅgāhakehi arūpabhavādīhīti attho. Ayaṃ panettha saṅkhepo – ye sampayogaṃ na labhanti rūpakkhandhādayo, te sabbe na gahitā, itare ca vedanākkhandhādayo sabbe gahitāti.
ནཝམནཡསམྤཡུཏྟེནསམྤཡུཏྟཔདཝཎྞནཱ ནིཊྛིཏཱ།
Navamanayasampayuttenasampayuttapadavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / དྷཱཏུཀཐཱཔཱལི༹ • Dhātukathāpāḷi / ༩. སམྤཡུཏྟེནསམྤཡུཏྟཔདནིདྡེསོ • 9. Sampayuttenasampayuttapadaniddeso
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༩. ནཝམནཡོ སམྤཡུཏྟེནསམྤཡུཏྟཔདཝཎྞནཱ • 9. Navamanayo sampayuttenasampayuttapadavaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༩. ནཝམནཡོ སམྤཡུཏྟེནསམྤཡུཏྟཔདཝཎྞནཱ • 9. Navamanayo sampayuttenasampayuttapadavaṇṇanā
