| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੯. ਨવਮਨਯੋ ਸਮ੍ਪਯੁਤ੍ਤੇਨਸਮ੍ਪਯੁਤ੍ਤਪਦવਣ੍ਣਨਾ
9. Navamanayo sampayuttenasampayuttapadavaṇṇanā
੩੧੯. ਇਦਾਨਿ ਸਮ੍ਪਯੁਤ੍ਤੇਨਸਮ੍ਪਯੁਤ੍ਤਪਦਂ ਭਾਜੇਤੁਂ વੇਦਨਾਕ੍ਖਨ੍ਧੇਨਾਤਿਆਦਿ ਆਰਦ੍ਧਂ। ਤਤ੍ਥ ਯਂ ਖਨ੍ਧਾਦਿવਸੇਨ ਸਮ੍ਪਯੁਤ੍ਤਂ, ਪੁਨ ਤਸ੍ਸੇવ ਖਨ੍ਧਾਦੀਹਿ ਸਮ੍ਪਯੋਗਂ ਪੁਚ੍ਛਿਤ੍વਾ વਿਸ੍ਸਜ੍ਜਨਂ ਕਤਂ। ਤਂ ਰੂਪੇਨ વਾ ਰੂਪਮਿਸ੍ਸਕੇਹਿ વਾ ਸਬ੍ਬਰੂਪਕ੍ਖਨ੍ਧਸਙ੍ਗਾਹਕੇਹਿ વਾ ਪਦੇਹਿ ਸਦ੍ਧਿਂ ਨ ਯੁਜ੍ਜਤਿ। ਰੂਪੇਨ ਹਿ ਰੂਪਮਿਸ੍ਸਕੇਨ વਾ ਅਞ੍ਞੇਸਂ ਸਮ੍ਪਯੋਗੋ ਨਤ੍ਥਿ। ਸਬ੍ਬਰੂਪਕ੍ਖਨ੍ਧਸਙ੍ਗਾਹਕੇਹਿ ਸਬ੍ਬੇਸਂ ਸਮ੍ਪਯੋਗਾਰਹਾਨਂ ਖਨ੍ਧਾਦੀਨਂ ਗਹਿਤਤ੍ਤਾ ਅਞ੍ਞਂਯੇવ ਨਤ੍ਥਿ, ਯਂ ਤੇਨ ਸਹ ਸਮ੍ਪਯੋਗਂ ਗਚ੍ਛੇਯ੍ਯ। ਤਸ੍ਮਾ ਤਥਾਰੂਪਾਨਿ ਪਦਾਨਿ ਇਧ ਨ ਗਹਿਤਾਨਿ। ਯਾਨਿ ਪਨ ਪਦਾਨਿ ਰੂਪੇਨ ਅਸਮ੍ਮਿਸ੍ਸਂ ਅਰੂਪੇਕਦੇਸਂ ਦੀਪੇਨ੍ਤਿ, ਤਾਨਿ ਇਧ ਗਹਿਤਾਨਿ। ਤੇਸਂ ਇਦਮੁਦ੍ਦਾਨਂ –
319. Idāni sampayuttenasampayuttapadaṃ bhājetuṃ vedanākkhandhenātiādi āraddhaṃ. Tattha yaṃ khandhādivasena sampayuttaṃ, puna tasseva khandhādīhi sampayogaṃ pucchitvā vissajjanaṃ kataṃ. Taṃ rūpena vā rūpamissakehi vā sabbarūpakkhandhasaṅgāhakehi vā padehi saddhiṃ na yujjati. Rūpena hi rūpamissakena vā aññesaṃ sampayogo natthi. Sabbarūpakkhandhasaṅgāhakehi sabbesaṃ sampayogārahānaṃ khandhādīnaṃ gahitattā aññaṃyeva natthi, yaṃ tena saha sampayogaṃ gaccheyya. Tasmā tathārūpāni padāni idha na gahitāni. Yāni pana padāni rūpena asammissaṃ arūpekadesaṃ dīpenti, tāni idha gahitāni. Tesaṃ idamuddānaṃ –
‘‘ਅਰੂਪਕ੍ਖਨ੍ਧਾ ਚਤ੍ਤਾਰੋ, ਮਨਾਯਤਨਮੇવ ਚ।
‘‘Arūpakkhandhā cattāro, manāyatanameva ca;
વਿਞ੍ਞਾਣਧਾਤੁਯੋ ਸਤ੍ਤ, ਦ੍વੇ ਸਚ੍ਚਾ ਚੁਦ੍ਦਸਿਨ੍ਦ੍ਰਿਯਾ॥
Viññāṇadhātuyo satta, dve saccā cuddasindriyā.
‘‘ਪਚ੍ਚਯੇ ਦ੍વਾਦਸ ਪਦਾ, ਤਤੋ ਉਪਰਿ ਸੋਲ਼ਸ।
‘‘Paccaye dvādasa padā, tato upari soḷasa;
ਤਿਕੇਸੁ ਅਟ੍ਠ ਗੋਚ੍ਛਕੇ, ਤੇਚਤ੍ਤਾਲੀਸਮੇવ ਚ॥
Tikesu aṭṭha gocchake, tecattālīsameva ca.
‘‘ਮਹਨ੍ਤਰਦੁਕੇ ਸਤ੍ਤ, ਪਦਾ ਪਿਟ੍ਠਿਦੁਕੇਸੁ ਛ।
‘‘Mahantaraduke satta, padā piṭṭhidukesu cha;
ਨવਮਸ੍ਸ ਪਦਸ੍ਸੇਤੇ, ਨਿਦ੍ਦੇਸੇ ਸਙ੍ਗਹਂ ਗਤਾ’’ਤਿ॥
Navamassa padassete, niddese saṅgahaṃ gatā’’ti.
ਸਬ੍ਬਪਞ੍ਹੇਸੁ ਪਨ ਯੇ ਧਮ੍ਮਾ ਪੁਚ੍ਛਾਯ ਉਦ੍ਧਟਾ, ਤੇ ਯੇਹਿ ਸਮ੍ਪਯੁਤ੍ਤਾ ਹੋਨ੍ਤਿ, ਤੇਸਂ વਸੇਨ ਖਨ੍ਧਾਦਿਭੇਦੋ વੇਦਿਤਬ੍ਬੋ । વੇਦਨਾਕ੍ਖਨ੍ਧੇਨ ਹਿ ਇਤਰੇ ਤਯੋ ਖਨ੍ਧਾ ਸਮ੍ਪਯੁਤ੍ਤਾ, ਪੁਨ ਤੇਹਿ વੇਦਨਾਕ੍ਖਨ੍ਧੋ ਸਮ੍ਪਯੁਤ੍ਤੋ। ਸੋ ਤੇਹਿ ਸਞ੍ਞਾਦੀਹਿ ਤੀਹਿ ਖਨ੍ਧੇਹਿ, ਏਕੇਨ ਮਨਾਯਤਨੇਨ, ਸਤ੍ਤਹਿ વਿਞ੍ਞਾਣਧਾਤੂਹਿ, ਏਕਸ੍ਮਿਂ ਧਮ੍ਮਾਯਤਨੇ, ਧਮ੍ਮਧਾਤੁਯਾ ਚ, ਕੇਹਿਚਿ ਸਞ੍ਞਾਸਙ੍ਖਾਰੇਹੇવ ਸਮ੍ਪਯੁਤ੍ਤੋ। ਏਸੇવ ਨਯੋ ਸਬ੍ਬਤ੍ਥਾਤਿ।
Sabbapañhesu pana ye dhammā pucchāya uddhaṭā, te yehi sampayuttā honti, tesaṃ vasena khandhādibhedo veditabbo . Vedanākkhandhena hi itare tayo khandhā sampayuttā, puna tehi vedanākkhandho sampayutto. So tehi saññādīhi tīhi khandhehi, ekena manāyatanena, sattahi viññāṇadhātūhi, ekasmiṃ dhammāyatane, dhammadhātuyā ca, kehici saññāsaṅkhāreheva sampayutto. Eseva nayo sabbatthāti.
ਸਮ੍ਪਯੁਤ੍ਤੇਨਸਮ੍ਪਯੁਤ੍ਤਪਦવਣ੍ਣਨਾ।
Sampayuttenasampayuttapadavaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਧਾਤੁਕਥਾਪਾਲ਼ਿ • Dhātukathāpāḷi / ੯. ਸਮ੍ਪਯੁਤ੍ਤੇਨਸਮ੍ਪਯੁਤ੍ਤਪਦਨਿਦ੍ਦੇਸੋ • 9. Sampayuttenasampayuttapadaniddeso
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੯. ਨવਮਨਯੋ ਸਮ੍ਪਯੁਤ੍ਤੇਨਸਮ੍ਪਯੁਤ੍ਤਪਦવਣ੍ਣਨਾ • 9. Navamanayo sampayuttenasampayuttapadavaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੯. ਨવਮਨਯੋ ਸਮ੍ਪਯੁਤ੍ਤੇਨਸਮ੍ਪਯੁਤ੍ਤਪਦવਣ੍ਣਨਾ • 9. Navamanayo sampayuttenasampayuttapadavaṇṇanā
