| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā |
੯. ਨવਮਨਯੋ ਸਮ੍ਪਯੁਤ੍ਤੇਨਸਮ੍ਪਯੁਤ੍ਤਪਦવਣ੍ਣਨਾ
9. Navamanayo sampayuttenasampayuttapadavaṇṇanā
੩੧੯. ‘‘ਸਮਾਸਪਦਂ ਇਦ’’ਨ੍ਤਿ વਤ੍વਾ ਅਯਂ ਨਾਮ ਸਮਾਸੋਤਿ ਦਸ੍ਸੇਨ੍ਤੋ ‘‘ਯਸ੍ਸ ਖਨ੍ਧਾਦਿਨੋ’’ਤਿਆਦਿਮਾਹ, ਯਸ੍ਸ વੇਦਨਾਕ੍ਖਨ੍ਧਾਦਿਨੋਤਿ ਅਤ੍ਥੋ। ਯਂ ਇਧ ਸਮ੍ਪਯੁਤ੍ਤਂ વੁਤ੍ਤਨ੍ਤਿ ਇਮਸ੍ਮਿਂ ਨવਮਨਯੇ ਯਂ ਧਮ੍ਮਜਾਤਂ ਸਮ੍ਪਯੁਤ੍ਤਨ੍ਤਿ વੁਤ੍ਤਂ। ਰੂਪਕ੍ਖਨ੍ਧਾਦੀਸੁ ਅਰਣਨ੍ਤੇਸੁ ਅਬ੍ਭਨ੍ਤਰਬਾਹਿਰਮਾਤਿਕਾਧਮ੍ਮੇਸੂਤਿ ਨਿਦ੍ਧਾਰਣੇ ਭੁਮ੍ਮਂ। ਤਞ੍ਹਿ ਧਮ੍ਮਜਾਤਂ ਅਤ੍ਤਨਾ ਸਮ੍ਪਯੁਤ੍ਤੇਨ વੇਦਨਾਕ੍ਖਨ੍ਧਾਦਿਨਾ ਸਯਂ ਸਮ੍ਪਯੁਤ੍ਤਨ੍ਤਿ ਨਿਦ੍ਧਾਰਿਤਂ। ਅਯੋਗੋਤਿ ਅਸਮ੍ਪਯੋਗੋ। વਕ੍ਖਤਿ ਦਸਮਨਯੇ। ਤਤ੍ਥ ਹਿ ‘‘ਰੂਪਕ੍ਖਨ੍ਧੇਨ વੇਦਨਾਦਯੋ વਿਪ੍ਪਯੁਤ੍ਤਾ, ਤੇਹਿ ਰੂਪਕ੍ਖਨ੍ਧੋ વਿਪ੍ਪਯੁਤ੍ਤੋ’’ਤਿ વਤ੍વਾ ਨਿਬ੍ਬਾਨਂ ਕਥਨ੍ਤਿ ਚੋਦਨਂ ਸਨ੍ਧਾਯਾਹ ‘‘ਨਿਬ੍ਬਾਨਂ ਪਨ ਸੁਖੁਮਰੂਪਗਤਿਕਮੇવਾ’’ਤਿ વੁਤ੍ਤਂ। ‘‘ਮਨਾਯਤਨਂ ਏਕੇਨਾਯਤਨੇਨ ਏਕਾਯ ਧਾਤੁਯਾ ਕੇਹਿਚਿ વਿਪ੍ਪਯੁਤ੍ਤ’’ਨ੍ਤਿ ਏਤ੍ਥ ਹਿ ਯਥਾ ਸੁਖੁਮਰੂਪਂ વਿਯ ਸਰੂਪਤੋ ਅਨੁਦ੍ਧਟਮ੍ਪਿ ਨਿਬ੍ਬਾਨਂ ਕੇਹਿਚੀਤਿਪਦੇਨ ਗਹਿਤਮੇવ ਹੋਤੀਤਿ ਏਦਿਸੇਸੁ ਠਾਨੇਸੁ ਨਿਬ੍ਬਾਨਂ ਸੁਖੁਮਰੂਪਗਤਿਕਨ੍ਤਿ વਿਞ੍ਞਾਯਤਿ, ਏવਮਿਧਾਪਿ ‘‘ਰੂਪਮਿਸ੍ਸਕੇਹਿ વਾ’’ਤਿ ਏਤੇਨ ਅਨੁਪਾਦਿਨ੍ਨਅਨੁਪਾਦਾਨਿਯਾਦੀਹਿ ਨਿਬ੍ਬਾਨਮਿਸ੍ਸਕੇਹਿਪਿ ਅਸਮ੍ਪਯੋਗੋ વੁਤ੍ਤੋ ਹੋਤੀਤਿ ਦਟ੍ਠਬ੍ਬੋ। ਅવਿਕਲਚਤੁਕ੍ਖਨ੍ਧਸਙ੍ਗਾਹਕੇਹਿ ਪਦੇਹਿ ਸਹવਤ੍ਤਿਨੋ ਅਞ੍ਞਸ੍ਸ ਸਮ੍ਪਯੋਗਿਨੋ ਅਭਾવਤੋ ਅਤੀਤਾਨਾਗਤੇਹਿ ਚ ਸਮ੍ਪਯੋਗੋ ਨਤ੍ਥੇવਾਤਿ ਤਸ੍ਸ ਅਯੁਜ੍ਜਮਾਨਤਂ ਦਸ੍ਸੇਨ੍ਤੋ ‘‘વਤ੍ਤਮਾਨਾਨਮੇવ…ਪੇ॰… ਅਰੂਪਭવਾਦੀਹੀਤਿ ਅਤ੍ਥੋ’’ਤਿ ਆਹ। ਇਤਰੇਤਿ ਯੇ ਸਮ੍ਪਯੋਗਂ ਲਭਨ੍ਤਿ, ਕੇ ਪਨ ਤੇ ਰੂਪੇਨ ਅਸਮ੍ਮਿਸ੍ਸਾ ਅਰੂਪੇਕਦੇਸਭੂਤਾ। ਤੇਨਾਹ ‘‘વੇਦਨਾਕ੍ਖਨ੍ਧਾਦਯੋ’’ਤਿ।
319. ‘‘Samāsapadaṃ ida’’nti vatvā ayaṃ nāma samāsoti dassento ‘‘yassa khandhādino’’tiādimāha, yassa vedanākkhandhādinoti attho. Yaṃ idha sampayuttaṃ vuttanti imasmiṃ navamanaye yaṃ dhammajātaṃ sampayuttanti vuttaṃ. Rūpakkhandhādīsu araṇantesu abbhantarabāhiramātikādhammesūti niddhāraṇe bhummaṃ. Tañhi dhammajātaṃ attanā sampayuttena vedanākkhandhādinā sayaṃ sampayuttanti niddhāritaṃ. Ayogoti asampayogo. Vakkhati dasamanaye. Tattha hi ‘‘rūpakkhandhena vedanādayo vippayuttā, tehi rūpakkhandho vippayutto’’ti vatvā nibbānaṃ kathanti codanaṃ sandhāyāha ‘‘nibbānaṃ pana sukhumarūpagatikamevā’’ti vuttaṃ. ‘‘Manāyatanaṃ ekenāyatanena ekāya dhātuyā kehici vippayutta’’nti ettha hi yathā sukhumarūpaṃ viya sarūpato anuddhaṭampi nibbānaṃ kehicītipadena gahitameva hotīti edisesu ṭhānesu nibbānaṃ sukhumarūpagatikanti viññāyati, evamidhāpi ‘‘rūpamissakehi vā’’ti etena anupādinnaanupādāniyādīhi nibbānamissakehipi asampayogo vutto hotīti daṭṭhabbo. Avikalacatukkhandhasaṅgāhakehi padehi sahavattino aññassa sampayogino abhāvato atītānāgatehi ca sampayogo natthevāti tassa ayujjamānataṃ dassento ‘‘vattamānānameva…pe… arūpabhavādīhīti attho’’ti āha. Itareti ye sampayogaṃ labhanti, ke pana te rūpena asammissā arūpekadesabhūtā. Tenāha ‘‘vedanākkhandhādayo’’ti.
ਨવਮਨਯਸਮ੍ਪਯੁਤ੍ਤੇਨਸਮ੍ਪਯੁਤ੍ਤਪਦવਣ੍ਣਨਾ ਨਿਟ੍ਠਿਤਾ।
Navamanayasampayuttenasampayuttapadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਧਾਤੁਕਥਾਪਾਲ਼ਿ • Dhātukathāpāḷi / ੯. ਸਮ੍ਪਯੁਤ੍ਤੇਨਸਮ੍ਪਯੁਤ੍ਤਪਦਨਿਦ੍ਦੇਸੋ • 9. Sampayuttenasampayuttapadaniddeso
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੯. ਨવਮਨਯੋ ਸਮ੍ਪਯੁਤ੍ਤੇਨਸਮ੍ਪਯੁਤ੍ਤਪਦવਣ੍ਣਨਾ • 9. Navamanayo sampayuttenasampayuttapadavaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੯. ਨવਮਨਯੋ ਸਮ੍ਪਯੁਤ੍ਤੇਨਸਮ੍ਪਯੁਤ੍ਤਪਦવਣ੍ਣਨਾ • 9. Navamanayo sampayuttenasampayuttapadavaṇṇanā
