| Library / Tipiṭaka / തിപിടക • Tipiṭaka / പഞ്ചപകരണ-മൂലടീകാ • Pañcapakaraṇa-mūlaṭīkā |
൯. നവമനയോ സമ്പയുത്തേനസമ്പയുത്തപദവണ്ണനാ
9. Navamanayo sampayuttenasampayuttapadavaṇṇanā
൩൧൯. സമ്പയുത്തേനസമ്പയുത്തപദവണ്ണനായം യംഖന്ധാദിവസേനാതി സമാസപദം ഇദം ദട്ഠബ്ബം, യസ്സ ഖന്ധാദിനോ വസേനാതി അത്ഥോ. തസ്സേവാതി ച തസ്സേവ ഖന്ധാദിനോതി അത്ഥോ. ഇദം വുത്തം ഹോതി – യം ഇധ സമ്പയുത്തം വുത്തം, തം രൂപക്ഖന്ധാദീസു അരണന്തേസു യേന വേദനാക്ഖന്ധാദിനാ സമ്പയുത്തം, പുന തസ്സേവ വേദനാക്ഖന്ധാദിനോ ഖന്ധാദീഹി സമ്പയോഗം പുച്ഛിത്വാ വിസ്സജ്ജനം കതം . തഞ്ഹി അത്തനാ സമ്പയുത്തേന സമ്പയുത്തത്താ ‘‘സമ്പയുത്തേന സമ്പയുത്ത’’ന്തി നിദ്ധാരിതന്തി. രൂപേന വാതി ഏതേന നിരോധസച്ചഅപ്പച്ചയഅസങ്ഖതേഹിപി അയോഗോ വുത്തോ ഹോതീതി ദട്ഠബ്ബോ, തഥാ രൂപമിസ്സകേഹി വാതി ഏതേന അനുപാദിന്നഅനുപാദാനിയാദീഹി നിബ്ബാനമിസ്സകേഹിപി. വക്ഖതി ഹി ‘‘നിബ്ബാനം പന സുഖുമരൂപഗതികമേവാ’’തി. സബ്ബാരൂപക്ഖന്ധസങ്ഗാഹകേഹീതി വത്തമാനാനമേവ സമ്പയോഗോ ലബ്ഭതീതി വത്തമാനേസു ഏകമ്പി ധമ്മം അനപനേത്വാ അവികലചതുക്ഖന്ധസങ്ഗാഹകേഹി അരൂപഭവാദീഹീതി അത്ഥോ. അയം പനേത്ഥ സങ്ഖേപോ – യേ സമ്പയോഗം ന ലഭന്തി രൂപക്ഖന്ധാദയോ, തേ സബ്ബേ ന ഗഹിതാ, ഇതരേ ച വേദനാക്ഖന്ധാദയോ സബ്ബേ ഗഹിതാതി.
319. Sampayuttenasampayuttapadavaṇṇanāyaṃ yaṃkhandhādivasenāti samāsapadaṃ idaṃ daṭṭhabbaṃ, yassa khandhādino vasenāti attho. Tassevāti ca tasseva khandhādinoti attho. Idaṃ vuttaṃ hoti – yaṃ idha sampayuttaṃ vuttaṃ, taṃ rūpakkhandhādīsu araṇantesu yena vedanākkhandhādinā sampayuttaṃ, puna tasseva vedanākkhandhādino khandhādīhi sampayogaṃ pucchitvā vissajjanaṃ kataṃ . Tañhi attanā sampayuttena sampayuttattā ‘‘sampayuttena sampayutta’’nti niddhāritanti. Rūpena vāti etena nirodhasaccaappaccayaasaṅkhatehipi ayogo vutto hotīti daṭṭhabbo, tathā rūpamissakehi vāti etena anupādinnaanupādāniyādīhi nibbānamissakehipi. Vakkhati hi ‘‘nibbānaṃ pana sukhumarūpagatikamevā’’ti. Sabbārūpakkhandhasaṅgāhakehīti vattamānānameva sampayogo labbhatīti vattamānesu ekampi dhammaṃ anapanetvā avikalacatukkhandhasaṅgāhakehi arūpabhavādīhīti attho. Ayaṃ panettha saṅkhepo – ye sampayogaṃ na labhanti rūpakkhandhādayo, te sabbe na gahitā, itare ca vedanākkhandhādayo sabbe gahitāti.
നവമനയസമ്പയുത്തേനസമ്പയുത്തപദവണ്ണനാ നിട്ഠിതാ.
Navamanayasampayuttenasampayuttapadavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / ധാതുകഥാപാളി • Dhātukathāpāḷi / ൯. സമ്പയുത്തേനസമ്പയുത്തപദനിദ്ദേസോ • 9. Sampayuttenasampayuttapadaniddeso
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൯. നവമനയോ സമ്പയുത്തേനസമ്പയുത്തപദവണ്ണനാ • 9. Navamanayo sampayuttenasampayuttapadavaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൯. നവമനയോ സമ്പയുത്തേനസമ്പയുത്തപദവണ്ണനാ • 9. Navamanayo sampayuttenasampayuttapadavaṇṇanā
