| Library / Tipiṭaka / ਤਿਪਿਟਕ • Tipiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga |
੯. ਨવਮਸਙ੍ਘਾਦਿਸੇਸਸਿਕ੍ਖਾਪਦਂ
9. Navamasaṅghādisesasikkhāpadaṃ
੭੨੧. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਥੁਲ੍ਲਨਨ੍ਦਾਯ ਭਿਕ੍ਖੁਨਿਯਾ ਅਨ੍ਤੇવਾਸਿਕਾ ਭਿਕ੍ਖੁਨਿਯੋ ਸਂਸਟ੍ਠਾ વਿਹਰਨ੍ਤਿ ਪਾਪਾਚਾਰਾ ਪਾਪਸਦ੍ਦਾ ਪਾਪਸਿਲੋਕਾ, ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ, ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ। ਯਾ ਤਾ ਭਿਕ੍ਖੁਨਿਯੋ ਅਪ੍ਪਿਚ੍ਛਾ…ਪੇ॰… ਤਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਭਿਕ੍ਖੁਨਿਯੋ ਸਂਸਟ੍ਠਾ વਿਹਰਿਸ੍ਸਨ੍ਤਿ ਪਾਪਾਚਾਰਾ ਪਾਪਸਦ੍ਦਾ ਪਾਪਸਿਲੋਕਾ ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ’’ਤਿ…ਪੇ॰… ਸਚ੍ਚਂ ਕਿਰ, ਭਿਕ੍ਖવੇ, ਭਿਕ੍ਖੁਨਿਯੋ ਸਂਸਟ੍ਠਾ વਿਹਰਨ੍ਤਿ ਪਾਪਾਚਾਰਾ ਪਾਪਸਦ੍ਦਾ ਪਾਪਸਿਲੋਕਾ ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ, ਭਿਕ੍ਖવੇ, ਭਿਕ੍ਖੁਨਿਯੋ ਸਂਸਟ੍ਠਾ વਿਹਰਿਸ੍ਸਨ੍ਤਿ ਪਾਪਾਚਾਰਾ ਪਾਪਸਦ੍ਦਾ ਪਾਪਸਿਲੋਕਾ, ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ, ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ! ਨੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਭਿਕ੍ਖੁਨਿਯੋ ਇਮਂ ਸਿਕ੍ਖਾਪਦਂ ਉਦ੍ਦਿਸਨ੍ਤੁ –
721. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandāya bhikkhuniyā antevāsikā bhikkhuniyo saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma bhikkhuniyo saṃsaṭṭhā viharissanti pāpācārā pāpasaddā pāpasilokā bhikkhunisaṅghassa vihesikā aññamaññissā vajjappaṭicchādikā’’ti…pe… saccaṃ kira, bhikkhave, bhikkhuniyo saṃsaṭṭhā viharanti pāpācārā pāpasaddā pāpasilokā bhikkhunisaṅghassa vihesikā aññamaññissā vajjappaṭicchādikāti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhuniyo saṃsaṭṭhā viharissanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
੭੨੨. ‘‘ਭਿਕ੍ਖੁਨਿਯੋ ਪਨੇવ ਸਂਸਟ੍ਠਾ વਿਹਰਨ੍ਤਿ ਪਾਪਾਚਾਰਾ ਪਾਪਸਦ੍ਦਾ ਪਾਪਸਿਲੋਕਾ, ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ, ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ। ਤਾ ਭਿਕ੍ਖੁਨਿਯੋ ਭਿਕ੍ਖੁਨੀਹਿ ਏવਮਸ੍ਸੁ વਚਨੀਯਾ – ‘ਭਗਿਨਿਯੋ ਖੋ ਸਂਸਟ੍ਠਾ વਿਹਰਨ੍ਤਿ ਪਾਪਾਚਾਰਾ ਪਾਪਸਦ੍ਦਾ ਪਾਪਸਿਲੋਕਾ, ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ। વਿવਿਚ੍ਚਥਾਯ੍ਯੇ। વਿવੇਕਞ੍ਞੇવ ਭਗਿਨੀਨਂ ਸਙ੍ਘੋ વਣ੍ਣੇਤੀ’ਤਿ। ਏવਞ੍ਚ ਤਾ ਭਿਕ੍ਖੁਨਿਯੋ ਭਿਕ੍ਖੁਨੀਹਿ વੁਚ੍ਚਮਾਨਾ ਤਥੇવ ਪਗ੍ਗਣ੍ਹੇਯ੍ਯੁਂ, ਤਾ ਭਿਕ੍ਖੁਨਿਯੋ ਭਿਕ੍ਖੁਨੀਹਿ ਯਾવਤਤਿਯਂ ਸਮਨੁਭਾਸਿਤਬ੍ਬਾ ਤਸ੍ਸ ਪਟਿਨਿਸ੍ਸਗ੍ਗਾਯ। ਯਾવਤਤਿਯਞ੍ਚੇ ਸਮਨੁਭਾਸੀਯਮਾਨਾ ਤਂ ਪਟਿਨਿਸ੍ਸਜ੍ਜੇਯ੍ਯੁਂ, ਇਚ੍ਚੇਤਂ ਕੁਸਲਂ; ਨੋ ਚੇ ਪਟਿਨਿਸ੍ਸਜ੍ਜੇਯ੍ਯੁਂ, ਇਮਾਪਿ ਭਿਕ੍ਖੁਨਿਯੋ ਯਾવਤਤਿਯਕਂ ਧਮ੍ਮਂ ਆਪਨ੍ਨਾ ਨਿਸ੍ਸਾਰਣੀਯਂ ਸਙ੍ਘਾਦਿਸੇਸ’’ਨ੍ਤਿ।
722.‘‘Bhikkhuniyo paneva saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Tā bhikkhuniyo bhikkhunīhi evamassu vacanīyā – ‘bhaginiyo kho saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā aññamaññissā vajjappaṭicchādikā. Viviccathāyye. Vivekaññeva bhaginīnaṃ saṅgho vaṇṇetī’ti. Evañca tā bhikkhuniyo bhikkhunīhi vuccamānā tatheva paggaṇheyyuṃ, tā bhikkhuniyo bhikkhunīhi yāvatatiyaṃ samanubhāsitabbā tassa paṭinissaggāya. Yāvatatiyañce samanubhāsīyamānā taṃ paṭinissajjeyyuṃ, iccetaṃ kusalaṃ; no ce paṭinissajjeyyuṃ, imāpi bhikkhuniyo yāvatatiyakaṃ dhammaṃ āpannā nissāraṇīyaṃ saṅghādisesa’’nti.
੭੨੩. ਭਿਕ੍ਖੁਨਿਯੋ ਪਨੇવਾਤਿ ਉਪਸਮ੍ਪਨ੍ਨਾਯੋ વੁਚ੍ਚਨ੍ਤਿ।
723.Bhikkhuniyo panevāti upasampannāyo vuccanti.
ਸਂਸਟ੍ਠਾ વਿਹਰਨ੍ਤੀਤਿ ਸਂਸਟ੍ਠਾ ਨਾਮ ਅਨਨੁਲੋਮਿਕੇਨ ਕਾਯਿਕવਾਚਸਿਕੇਨ ਸਂਸਟ੍ਠਾ વਿਹਰਨ੍ਤਿ।
Saṃsaṭṭhā viharantīti saṃsaṭṭhā nāma ananulomikena kāyikavācasikena saṃsaṭṭhā viharanti.
ਪਾਪਾਚਾਰਾਤਿ ਪਾਪਕੇਨ ਆਚਾਰੇਨ ਸਮਨ੍ਨਾਗਤਾ।
Pāpācārāti pāpakena ācārena samannāgatā.
ਪਾਪਸਦ੍ਦਾਤਿ ਪਾਪਕੇਨ ਕਿਤ੍ਤਿਸਦ੍ਦੇਨ ਅਬ੍ਭੁਗ੍ਗਤਾ।
Pāpasaddāti pāpakena kittisaddena abbhuggatā.
ਪਾਪਸਿਲੋਕਾਤਿ ਪਾਪਕੇਨ ਮਿਚ੍ਛਾਜੀવੇਨ ਜੀવਿਤਂ ਕਪ੍ਪੇਨ੍ਤਿ।
Pāpasilokāti pāpakena micchājīvena jīvitaṃ kappenti.
ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾਤਿ ਅਞ੍ਞਮਞ੍ਞਿਸ੍ਸਾ ਕਮ੍ਮੇ ਕਰੀਯਮਾਨੇ ਪਟਿਕ੍ਕੋਸਨ੍ਤਿ।
Bhikkhunisaṅghassa vihesikāti aññamaññissā kamme karīyamāne paṭikkosanti.
ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾਤਿ ਅਞ੍ਞਮਞ੍ਞਂ વਜ੍ਜਂ ਪਟਿਚ੍ਛਾਦੇਨ੍ਤਿ।
Aññamaññissā vajjappaṭicchādikāti aññamaññaṃ vajjaṃ paṭicchādenti.
ਤਾ ਭਿਕ੍ਖੁਨਿਯੋਤਿ ਯਾ ਤਾ ਸਂਸਟ੍ਠਾ ਭਿਕ੍ਖੁਨਿਯੋ।
Tā bhikkhuniyoti yā tā saṃsaṭṭhā bhikkhuniyo.
ਭਿਕ੍ਖੁਨੀਹੀਤਿ ਅਞ੍ਞਾਹਿ ਭਿਕ੍ਖੁਨੀਹਿ।
Bhikkhunīhīti aññāhi bhikkhunīhi.
ਯਾ ਪਸ੍ਸਨ੍ਤਿ ਯਾ ਸੁਣਨ੍ਤਿ ਤਾਹਿ વਤ੍ਤਬ੍ਬਾ – ‘‘ਭਗਿਨਿਯੋ ਖੋ ਸਂਸਟ੍ਠਾ વਿਹਰਨ੍ਤਿ ਪਾਪਾਚਾਰਾ ਪਾਪਸਦ੍ਦਾ ਪਾਪਸਿਲੋਕਾ, ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ, ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ। વਿવਿਚ੍ਚਥਾਯ੍ਯੇ। વਿવੇਕਞ੍ਞੇવ ਭਗਿਨੀਨਂ ਸਙ੍ਘੋ વਣ੍ਣੇਤੀ’’ਤਿ। ਦੁਤਿਯਮ੍ਪਿ વਤ੍ਤਬ੍ਬਾ। ਤਤਿਯਮ੍ਪਿ વਤ੍ਤਬ੍ਬਾ। ਸਚੇ ਪਟਿਨਿਸ੍ਸਜ੍ਜਨ੍ਤਿ, ਇਚ੍ਚੇਤਂ ਕੁਸਲਂ; ਨੋ ਚੇ ਪਟਿਨਿਸ੍ਸਜ੍ਜਨ੍ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੁਤ੍વਾ ਨ વਦਨ੍ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤਾ ਭਿਕ੍ਖੁਨਿਯੋ ਸਙ੍ਘਮਜ੍ਝਮ੍ਪਿ ਆਕਡ੍ਢਿਤ੍વਾ વਤ੍ਤਬ੍ਬਾ – ‘‘ਭਗਿਨਿਯੋ ਖੋ ਸਂਸਟ੍ਠਾ વਿਹਰਨ੍ਤਿ ਪਾਪਾਚਾਰਾ ਪਾਪਸਦ੍ਦਾ ਪਾਪਸਿਲੋਕਾ, ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ, ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ। વਿવਿਚ੍ਚਥਾਯ੍ਯੇ। વਿવੇਕਞ੍ਞੇવ ਭਗਿਨੀਨਂ ਸਙ੍ਘੋ વਣ੍ਣੇਤੀ’’ਤਿ। ਦੁਤਿਯਮ੍ਪਿ વਤ੍ਤਬ੍ਬਾ। ਤਤਿਯਮ੍ਪਿ વਤ੍ਤਬ੍ਬਾ। ਸਚੇ ਪਟਿਨਿਸ੍ਸਜ੍ਜਨ੍ਤਿ, ਇਚ੍ਚੇਤਂ ਕੁਸਲਂ; ਨੋ ਚੇ ਪਟਿਨਿਸ੍ਸਜ੍ਜਨ੍ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਤਾ ਭਿਕ੍ਖੁਨਿਯੋ ਸਮਨੁਭਾਸਿਤਬ੍ਬਾ। ਏવਞ੍ਚ ਪਨ, ਭਿਕ੍ਖવੇ, ਸਮਨੁਭਾਸਿਤਬ੍ਬਾ। ਬ੍ਯਤ੍ਤਾਯ ਭਿਕ੍ਖੁਨਿਯਾ ਪਟਿਬਲਾਯ ਸਙ੍ਘੋ ਞਾਪੇਤਬ੍ਬੋ –
Yā passanti yā suṇanti tāhi vattabbā – ‘‘bhaginiyo kho saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Viviccathāyye. Vivekaññeva bhaginīnaṃ saṅgho vaṇṇetī’’ti. Dutiyampi vattabbā. Tatiyampi vattabbā. Sace paṭinissajjanti, iccetaṃ kusalaṃ; no ce paṭinissajjanti, āpatti dukkaṭassa. Sutvā na vadanti, āpatti dukkaṭassa. Tā bhikkhuniyo saṅghamajjhampi ākaḍḍhitvā vattabbā – ‘‘bhaginiyo kho saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Viviccathāyye. Vivekaññeva bhaginīnaṃ saṅgho vaṇṇetī’’ti. Dutiyampi vattabbā. Tatiyampi vattabbā. Sace paṭinissajjanti, iccetaṃ kusalaṃ; no ce paṭinissajjanti, āpatti dukkaṭassa. Tā bhikkhuniyo samanubhāsitabbā. Evañca pana, bhikkhave, samanubhāsitabbā. Byattāya bhikkhuniyā paṭibalāya saṅgho ñāpetabbo –
੭੨੪. ‘‘ਸੁਣਾਤੁ ਮੇ, ਅਯ੍ਯੇ, ਸਙ੍ਘੋ। ਇਤ੍ਥਨ੍ਨਾਮਾ ਚ ਇਤ੍ਥਨ੍ਨਾਮਾ ਚ ਭਿਕ੍ਖੁਨਿਯੋ ਸਂਸਟ੍ਠਾ વਿਹਰਨ੍ਤਿ ਪਾਪਾਚਾਰਾ ਪਾਪਸਦ੍ਦਾ ਪਾਪਸਿਲੋਕਾ, ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ, ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ। ਤਾ ਤਂ વਤ੍ਥੁਂ ਨ ਪਟਿਨਿਸ੍ਸਜ੍ਜਨ੍ਤਿ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਞ੍ਚ ਇਤ੍ਥਨ੍ਨਾਮਞ੍ਚ ਭਿਕ੍ਖੁਨਿਯੋ ਸਮਨੁਭਾਸੇਯ੍ਯ ਤਸ੍ਸ વਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ। ਏਸਾ ਞਤ੍ਤਿ।
724. ‘‘Suṇātu me, ayye, saṅgho. Itthannāmā ca itthannāmā ca bhikkhuniyo saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Tā taṃ vatthuṃ na paṭinissajjanti. Yadi saṅghassa pattakallaṃ, saṅgho itthannāmañca itthannāmañca bhikkhuniyo samanubhāseyya tassa vatthussa paṭinissaggāya. Esā ñatti.
‘‘ਸੁਣਾਤੁ ਮੇ, ਅਯ੍ਯੇ, ਸਙ੍ਘੋ। ਇਤ੍ਥਨ੍ਨਾਮਾ ਚ ਇਤ੍ਥਨ੍ਨਾਮਾ ਚ ਭਿਕ੍ਖੁਨਿਯੋ ਸਂਸਟ੍ਠਾ વਿਹਰਨ੍ਤਿ ਪਾਪਾਚਾਰਾ ਪਾਪਸਦ੍ਦਾ ਪਾਪਸਿਲੋਕਾ, ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ, ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ। ਤਾ ਤਂ વਤ੍ਥੁਂ ਨ ਪਟਿਨਿਸ੍ਸਜ੍ਜਨ੍ਤਿ। ਸਙ੍ਘੋ ਇਤ੍ਥਨ੍ਨਾਮਞ੍ਚ ਇਤ੍ਥਨ੍ਨਾਮਞ੍ਚ ਭਿਕ੍ਖੁਨਿਯੋ ਸਮਨੁਭਾਸਤਿ ਤਸ੍ਸ વਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ। ਯਸ੍ਸਾ ਅਯ੍ਯਾਯ ਖਮਤਿ ਇਤ੍ਥਨ੍ਨਾਮਾਯ ਚ ਇਤ੍ਥਨ੍ਨਾਮਾਯ ਚ ਭਿਕ੍ਖੁਨੀਨਂ ਸਮਨੁਭਾਸਨਾ ਤਸ੍ਸ વਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ, ਸਾ ਤੁਣ੍ਹਸ੍ਸ; ਯਸ੍ਸਾ ਨਕ੍ਖਮਤਿ, ਸਾ ਭਾਸੇਯ੍ਯ।
‘‘Suṇātu me, ayye, saṅgho. Itthannāmā ca itthannāmā ca bhikkhuniyo saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Tā taṃ vatthuṃ na paṭinissajjanti. Saṅgho itthannāmañca itthannāmañca bhikkhuniyo samanubhāsati tassa vatthussa paṭinissaggāya. Yassā ayyāya khamati itthannāmāya ca itthannāmāya ca bhikkhunīnaṃ samanubhāsanā tassa vatthussa paṭinissaggāya, sā tuṇhassa; yassā nakkhamati, sā bhāseyya.
‘‘ਦੁਤਿਯਮ੍ਪਿ ਏਤਮਤ੍ਥਂ વਦਾਮਿ…ਪੇ॰… ਤਤਿਯਮ੍ਪਿ ਏਤਮਤ੍ਥਂ વਦਾਮਿ…ਪੇ॰…।
‘‘Dutiyampi etamatthaṃ vadāmi…pe… tatiyampi etamatthaṃ vadāmi…pe….
‘‘ਸਮਨੁਭਟ੍ਠਾ ਸਙ੍ਘੇਨ, ਇਤ੍ਥਨ੍ਨਾਮਾ ਚ ਇਤ੍ਥਨ੍ਨਾਮਾ ਚ ਭਿਕ੍ਖੁਨਿਯੋ ਤਸ੍ਸ વਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀ’’ਤਿ।
‘‘Samanubhaṭṭhā saṅghena, itthannāmā ca itthannāmā ca bhikkhuniyo tassa vatthussa paṭinissaggāya. Khamati saṅghassa, tasmā tuṇhī, evametaṃ dhārayāmī’’ti.
ਞਤ੍ਤਿਯਾ ਦੁਕ੍ਕਟਂ, ਦ੍વੀਹਿ ਕਮ੍ਮવਾਚਾਹਿ ਥੁਲ੍ਲਚ੍ਚਯਾ, ਕਮ੍ਮવਾਚਾਪਰਿਯੋਸਾਨੇ ਆਪਤ੍ਤਿ ਸਙ੍ਘਾਦਿਸੇਸਸ੍ਸ। ਸਙ੍ਘਾਦਿਸੇਸਂ ਅਜ੍ਝਾਪਜ੍ਜਨ੍ਤੀਨਂ ਞਤ੍ਤਿਯਾ ਦੁਕ੍ਕਟਂ ਦ੍વੀਹਿ ਕਮ੍ਮવਾਚਾਹਿ ਥੁਲ੍ਲਚ੍ਚਯਾ ਪਟਿਪ੍ਪਸ੍ਸਮ੍ਭਨ੍ਤਿ। ਦ੍વੇ ਤਿਸ੍ਸੋ ਏਕਤੋ ਸਮਨੁਭਾਸਿਤਬ੍ਬਾ। ਤਤੁਤ੍ਤਰਿ ਨ ਸਮਨੁਭਾਸਿਤਬ੍ਬਾ।
Ñattiyā dukkaṭaṃ, dvīhi kammavācāhi thullaccayā, kammavācāpariyosāne āpatti saṅghādisesassa. Saṅghādisesaṃ ajjhāpajjantīnaṃ ñattiyā dukkaṭaṃ dvīhi kammavācāhi thullaccayā paṭippassambhanti. Dve tisso ekato samanubhāsitabbā. Tatuttari na samanubhāsitabbā.
ਇਮਾਪਿ ਭਿਕ੍ਖੁਨਿਯੋਤਿ ਪੁਰਿਮਾਯੋ ਉਪਾਦਾਯ વੁਚ੍ਚਨ੍ਤਿ।
Imāpi bhikkhuniyoti purimāyo upādāya vuccanti.
ਯਾવਤਤਿਯਕਨ੍ਤਿ ਯਾવਤਤਿਯਂ ਸਮਨੁਭਾਸਨਾਯ ਆਪਜ੍ਜਨ੍ਤਿ, ਨ ਸਹ વਤ੍ਥੁਜ੍ਝਾਚਾਰਾ।
Yāvatatiyakanti yāvatatiyaṃ samanubhāsanāya āpajjanti, na saha vatthujjhācārā.
ਨਿਸ੍ਸਾਰਣੀਯਨ੍ਤਿ ਸਙ੍ਘਮ੍ਹਾ ਨਿਸ੍ਸਾਰੀਯਤਿ।
Nissāraṇīyanti saṅghamhā nissārīyati.
ਸਙ੍ਘਾਦਿਸੇਸੋਤਿ…ਪੇ॰… ਤੇਨਪਿ વੁਚ੍ਚਤਿ ਸਙ੍ਘਾਦਿਸੇਸੋਤਿ।
Saṅghādisesoti…pe… tenapi vuccati saṅghādisesoti.
੭੨੫. ਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞਾ ਨ ਪਟਿਨਿਸ੍ਸਜ੍ਜਨ੍ਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ। ਧਮ੍ਮਕਮ੍ਮੇ વੇਮਤਿਕਾ ਨ ਪਟਿਨਿਸ੍ਸਜ੍ਜਨ੍ਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ। ਧਮ੍ਮਕਮ੍ਮੇ ਅਧਮ੍ਮਕਮ੍ਮਸਞ੍ਞਾ ਨ ਪਟਿਨਿਸ੍ਸਜ੍ਜਨ੍ਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
725. Dhammakamme dhammakammasaññā na paṭinissajjanti, āpatti saṅghādisesassa. Dhammakamme vematikā na paṭinissajjanti, āpatti saṅghādisesassa. Dhammakamme adhammakammasaññā na paṭinissajjanti, āpatti saṅghādisesassa.
ਅਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞਾ, ਆਪਤ੍ਤਿ ਦੁਕ੍ਕਟਸ੍ਸ। ਅਧਮ੍ਮਕਮ੍ਮੇ વੇਮਤਿਕਾ, ਆਪਤ੍ਤਿ ਦੁਕ੍ਕਟਸ੍ਸ। ਅਧਮ੍ਮਕਮ੍ਮੇ ਅਧਮ੍ਮਕਮ੍ਮਸਞ੍ਞਾ, ਆਪਤ੍ਤਿ ਦੁਕ੍ਕਟਸ੍ਸ।
Adhammakamme dhammakammasaññā, āpatti dukkaṭassa. Adhammakamme vematikā, āpatti dukkaṭassa. Adhammakamme adhammakammasaññā, āpatti dukkaṭassa.
੭੨੬. ਅਨਾਪਤ੍ਤਿ ਅਸਮਨੁਭਾਸਨ੍ਤੀਨਂ, ਪਟਿਨਿਸ੍ਸਜ੍ਜਨ੍ਤੀਨਂ, ਉਮ੍ਮਤ੍ਤਿਕਾਨਂ, ਆਦਿਕਮ੍ਮਿਕਾਨਨ੍ਤਿ।
726. Anāpatti asamanubhāsantīnaṃ, paṭinissajjantīnaṃ, ummattikānaṃ, ādikammikānanti.
ਨવਮਸਙ੍ਘਾਦਿਸੇਸਸਿਕ੍ਖਾਪਦਂ ਨਿਟ੍ਠਿਤਂ।
Navamasaṅghādisesasikkhāpadaṃ niṭṭhitaṃ.
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā / ੯. ਨવਮਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 9. Navamasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੯. ਨવਮਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 9. Navamasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੯. ਨવਮਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 9. Navamasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੬. ਛਟ੍ਠਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 6. Chaṭṭhasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੯. ਨવਮਸਙ੍ਘਾਦਿਸੇਸਸਿਕ੍ਖਾਪਦਂ • 9. Navamasaṅghādisesasikkhāpadaṃ
