| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
9. நவமஸிக்கா²பத³ங்
9. Navamasikkhāpadaṃ
1015. நவமே ஸிப்பஸத்³தோ³ பச்சேகங் யோஜேதப்³போ³ ‘‘ஹத்தி²ஸிப்பஞ்ச அஸ்ஸஸிப்பஞ்ச ரத²ஸிப்பஞ்ச த⁴னுஸிப்பஞ்ச த²ருஸிப்பஞ்சா’’தி. தத்த² த²ருஸிப்பந்தி அஸிகீளனஸிப்பங். மந்தஸத்³தோ³பி பச்சேகங் யோஜேதப்³போ³ ‘‘ஆத²ப்³ப³ணமந்தோ ச கீ²லனமந்தோ ச வஸீகரணமந்தோ ச ஸோஸாபனமந்தோ சா’’தி. தத்த² ஆத²ப்³ப³ணமந்தோதி ஆத²ப்³ப³ணவேதே³ன விஹிதோ பரூபகா⁴தகரோ மந்தோ. கீ²லனமந்தோதி ஸாரதா³ருகீ²லங் மந்தேன ஜப்பித்வா பத²வியங் நிக²ணித்வா தா⁴ரணமந்தோ. வஸீகரணமந்தோதி மந்தேன ஜப்பித்வா பரஸ்ஸ உம்மத்தபா⁴வமாபன்னகரணோ மந்தோ. ஸோஸாபனமந்தோதி பரஸ்ஸ மங்ஸலோஹிதாதி³ஸோஸாபனமந்தோ. அக³த³பயோகோ³தி பு⁴ஸவிஸஸ்ஸ பயோஜனங். ஆதி³ஸத்³தே³ன அஞ்ஞேபி பரூபகா⁴தகரணே ஸிப்பே ஸங்க³ண்ஹாதி. யக்க²பரித்தந்தி யக்கே²ஹி ஸமந்ததோ தாணங். நாக³மண்ட³லந்தி ஸப்பானங் பவேஸனநிவாரணத்த²ங் மண்ட³லப³ந்த⁴மந்தோ. ஆதி³ஸத்³தே³ன விஸபடிஹனநமந்தாத³யோ ஸங்க³ண்ஹாதீதி. நவமங்.
1015. Navame sippasaddo paccekaṃ yojetabbo ‘‘hatthisippañca assasippañca rathasippañca dhanusippañca tharusippañcā’’ti. Tattha tharusippanti asikīḷanasippaṃ. Mantasaddopi paccekaṃ yojetabbo ‘‘āthabbaṇamanto ca khīlanamanto ca vasīkaraṇamanto ca sosāpanamanto cā’’ti. Tattha āthabbaṇamantoti āthabbaṇavedena vihito parūpaghātakaro manto. Khīlanamantoti sāradārukhīlaṃ mantena jappitvā pathaviyaṃ nikhaṇitvā dhāraṇamanto. Vasīkaraṇamantoti mantena jappitvā parassa ummattabhāvamāpannakaraṇo manto. Sosāpanamantoti parassa maṃsalohitādisosāpanamanto. Agadapayogoti bhusavisassa payojanaṃ. Ādisaddena aññepi parūpaghātakaraṇe sippe saṅgaṇhāti. Yakkhaparittanti yakkhehi samantato tāṇaṃ. Nāgamaṇḍalanti sappānaṃ pavesananivāraṇatthaṃ maṇḍalabandhamanto. Ādisaddena visapaṭihananamantādayo saṅgaṇhātīti. Navamaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 9. நவமஸிக்கா²பத³ங் • 9. Navamasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / 9. நவமஸிக்கா²பத³வண்ணனா • 9. Navamasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 5. சித்தாகா³ரவக்³க³வண்ணனா • 5. Cittāgāravaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 9. நவமஸிக்கா²பத³வண்ணனா • 9. Navamasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. பட²மாதி³ஸிக்கா²பத³வண்ணனா • 1. Paṭhamādisikkhāpadavaṇṇanā
