| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
9. навамасигкаабад̣̇ам̣
9. Navamasikkhāpadaṃ
874. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна бхигкунияо ад̇д̇ано бхан̣д̣агам̣ абассанд̇ияо жан̣д̣агаал̣им̣ бхигкуним̣ зд̇ад̣̇авожум̣ – ‘‘абааяяз, амхаагам̣, бхан̣д̣агам̣ бассзяяаасий’’д̇и? жан̣д̣агаал̣ий бхигкуний уж̇жхааяад̇и кияяад̇и вибаажзд̇и – ‘‘ахамзва нууна жорий, ахамзва нууна алаж̇ж̇иний, яаа аяяааяо ад̇д̇ано бхан̣д̣агам̣ абассанд̇ияо д̇аа мам̣ звамаахам̣су – ‘абааяяз, амхаагам̣ бхан̣д̣агам̣ бассзяяаасий’д̇и? сажаахам̣, аяяз, д̇умхаагам̣ бхан̣д̣агам̣ г̇ан̣хаами, ассаман̣ий хоми, б̣рахмажарияаа жаваами, нираяам̣ убабаж̇ж̇аами; яаа бана мам̣ абхууд̇зна звамааха сааби ассаман̣ий ход̇у, б̣рахмажарияаа жавад̇у, нираяам̣ убабаж̇ж̇ад̇уу’’д̇и. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа жан̣д̣агаал̣ий ад̇д̇аанамби барамби нираязнаби б̣рахмажариязнаби абхисабиссад̇ий’’д̇и…бз… сажжам̣ гира, бхигкавз, жан̣д̣агаал̣ий бхигкуний ад̇д̇аанамби барамби нираязнаби б̣рахмажариязнаби абхисабад̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, жан̣д̣агаал̣ий бхигкуний ад̇д̇аанамби барамби нираязнаби б̣рахмажариязнаби абхисабиссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
874. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhikkhuniyo attano bhaṇḍakaṃ apassantiyo caṇḍakāḷiṃ bhikkhuniṃ etadavocuṃ – ‘‘apāyye, amhākaṃ, bhaṇḍakaṃ passeyyāsī’’ti? Caṇḍakāḷī bhikkhunī ujjhāyati khiyyati vipāceti – ‘‘ahameva nūna corī, ahameva nūna alajjinī, yā ayyāyo attano bhaṇḍakaṃ apassantiyo tā maṃ evamāhaṃsu – ‘apāyye, amhākaṃ bhaṇḍakaṃ passeyyāsī’ti? Sacāhaṃ, ayye, tumhākaṃ bhaṇḍakaṃ gaṇhāmi, assamaṇī homi, brahmacariyā cavāmi, nirayaṃ upapajjāmi; yā pana maṃ abhūtena evamāha sāpi assamaṇī hotu, brahmacariyā cavatu, nirayaṃ upapajjatū’’ti. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā caṇḍakāḷī attānampi parampi nirayenapi brahmacariyenapi abhisapissatī’’ti…pe… saccaṃ kira, bhikkhave, caṇḍakāḷī bhikkhunī attānampi parampi nirayenapi brahmacariyenapi abhisapatīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, caṇḍakāḷī bhikkhunī attānampi parampi nirayenapi brahmacariyenapi abhisapissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
875. ‘‘яаа бана бхигкуний ад̇д̇аанам̣ ваа барам̣ ваа нираязна ваа б̣рахмажариязна ваа абхисабзяяа, баажид̇д̇ияяа’’нд̇и.
875.‘‘Yā pana bhikkhunī attānaṃ vā paraṃ vā nirayena vā brahmacariyena vā abhisapeyya, pācittiyya’’nti.
876. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
876.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
ад̇д̇аананд̇и бажжад̇д̇ам̣. баранд̇и убасамбаннам̣. нираязна ваа б̣рахмажариязна ваа абхисабад̇и, аабад̇д̇и баажид̇д̇ияасса.
Attānanti paccattaṃ. Paranti upasampannaṃ. Nirayena vā brahmacariyena vā abhisapati, āpatti pācittiyassa.
877. убасамбаннааяа убасамбаннасан̃н̃аа нираязна ваа б̣рахмажариязна ваа абхисабад̇и, аабад̇д̇и баажид̇д̇ияасса. убасамбаннааяа взмад̇игаа нираязна ваа б̣рахмажариязна ваа абхисабад̇и, аабад̇д̇и баажид̇д̇ияасса. убасамбаннааяа анубасамбаннасан̃н̃аа нираязна ваа б̣рахмажариязна ваа абхисабад̇и, аабад̇д̇и баажид̇д̇ияасса.
877. Upasampannāya upasampannasaññā nirayena vā brahmacariyena vā abhisapati, āpatti pācittiyassa. Upasampannāya vematikā nirayena vā brahmacariyena vā abhisapati, āpatti pācittiyassa. Upasampannāya anupasampannasaññā nirayena vā brahmacariyena vā abhisapati, āpatti pācittiyassa.
д̇иражчаанаяонияаа ваа бзд̇д̇ивисаязна ваа мануссад̣̇обхаг̇г̇зна ваа абхисабад̇и, аабад̇д̇и д̣̇уггадасса. анубасамбаннам̣ абхисабад̇и, аабад̇д̇и д̣̇уггадасса. анубасамбаннааяа убасамбаннасан̃н̃аа, аабад̇д̇и д̣̇уггадасса. анубасамбаннааяа взмад̇игаа, аабад̇д̇и д̣̇уггадасса. анубасамбаннааяа анубасамбаннасан̃н̃аа, аабад̇д̇и д̣̇уггадасса.
Tiracchānayoniyā vā pettivisayena vā manussadobhaggena vā abhisapati, āpatti dukkaṭassa. Anupasampannaṃ abhisapati, āpatti dukkaṭassa. Anupasampannāya upasampannasaññā, āpatti dukkaṭassa. Anupasampannāya vematikā, āpatti dukkaṭassa. Anupasampannāya anupasampannasaññā, āpatti dukkaṭassa.
878. анаабад̇д̇и ад̇т̇абурзгкаарааяа, д̇хаммабурзгкаарааяа, анусаасанибурзгкаарааяа, уммад̇д̇игааяа, аад̣̇игаммигааяаад̇и.
878. Anāpatti atthapurekkhārāya, dhammapurekkhārāya, anusāsanipurekkhārāya, ummattikāya, ādikammikāyāti.
навамасигкаабад̣̇ам̣ нидтид̇ам̣.
Navamasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 9. навамасигкаабад̣̇аван̣н̣анаа • 9. Navamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. навамасигкаабад̣̇аван̣н̣анаа • 9. Navamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 9. навамасигкаабад̣̇ам̣ • 9. Navamasikkhāpadaṃ
