| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๙. นวมสิกฺขาปทํ
9. Navamasikkhāpadaṃ
๑๐๑๕. นวเม สิปฺปสโทฺท ปเจฺจกํ โยเชตโพฺพ ‘‘หตฺถิสิปฺปญฺจ อสฺสสิปฺปญฺจ รถสิปฺปญฺจ ธนุสิปฺปญฺจ ถรุสิปฺปญฺจา’’ติฯ ตตฺถ ถรุสิปฺปนฺติ อสิกีฬนสิปฺปํฯ มนฺตสโทฺทปิ ปเจฺจกํ โยเชตโพฺพ ‘‘อาถพฺพณมโนฺต จ ขีลนมโนฺต จ วสีกรณมโนฺต จ โสสาปนมโนฺต จา’’ติฯ ตตฺถ อาถพฺพณมโนฺตติ อาถพฺพณเวเทน วิหิโต ปรูปฆาตกโร มโนฺตฯ ขีลนมโนฺตติ สารทารุขีลํ มเนฺตน ชปฺปิตฺวา ปถวิยํ นิขณิตฺวา ธารณมโนฺตฯ วสีกรณมโนฺตติ มเนฺตน ชปฺปิตฺวา ปรสฺส อุมฺมตฺตภาวมาปนฺนกรโณ มโนฺตฯ โสสาปนมโนฺตติ ปรสฺส มํสโลหิตาทิโสสาปนมโนฺตฯ อคทปโยโคติ ภุสวิสสฺส ปโยชนํฯ อาทิสเทฺทน อเญฺญปิ ปรูปฆาตกรเณ สิเปฺป สงฺคณฺหาติฯ ยกฺขปริตฺตนฺติ ยเกฺขหิ สมนฺตโต ตาณํฯ นาคมณฺฑลนฺติ สปฺปานํ ปเวสนนิวารณตฺถํ มณฺฑลพนฺธมโนฺตฯ อาทิสเทฺทน วิสปฎิหนนมนฺตาทโย สงฺคณฺหาตีติฯ นวมํฯ
1015. Navame sippasaddo paccekaṃ yojetabbo ‘‘hatthisippañca assasippañca rathasippañca dhanusippañca tharusippañcā’’ti. Tattha tharusippanti asikīḷanasippaṃ. Mantasaddopi paccekaṃ yojetabbo ‘‘āthabbaṇamanto ca khīlanamanto ca vasīkaraṇamanto ca sosāpanamanto cā’’ti. Tattha āthabbaṇamantoti āthabbaṇavedena vihito parūpaghātakaro manto. Khīlanamantoti sāradārukhīlaṃ mantena jappitvā pathaviyaṃ nikhaṇitvā dhāraṇamanto. Vasīkaraṇamantoti mantena jappitvā parassa ummattabhāvamāpannakaraṇo manto. Sosāpanamantoti parassa maṃsalohitādisosāpanamanto. Agadapayogoti bhusavisassa payojanaṃ. Ādisaddena aññepi parūpaghātakaraṇe sippe saṅgaṇhāti. Yakkhaparittanti yakkhehi samantato tāṇaṃ. Nāgamaṇḍalanti sappānaṃ pavesananivāraṇatthaṃ maṇḍalabandhamanto. Ādisaddena visapaṭihananamantādayo saṅgaṇhātīti. Navamaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ภิกฺขุนีวิภงฺค • Bhikkhunīvibhaṅga / ๙. นวมสิกฺขาปทํ • 9. Navamasikkhāpadaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ภิกฺขุนีวิภงฺค-อฎฺฐกถา • Bhikkhunīvibhaṅga-aṭṭhakathā / ๙. นวมสิกฺขาปทวณฺณนา • 9. Navamasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๕. จิตฺตาคารวคฺควณฺณนา • 5. Cittāgāravaggavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๙. นวมสิกฺขาปทวณฺณนา • 9. Navamasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๑. ปฐมาทิสิกฺขาปทวณฺณนา • 1. Paṭhamādisikkhāpadavaṇṇanā
