| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၉. နဝမသိက္ခာပဒံ
9. Navamasikkhāpadaṃ
၁၀၁၅. နဝမေ သိပ္ပသဒ္ဒော ပစ္စေကံ ယောဇေတဗ္ဗော ‘‘ဟတ္ထိသိပ္ပဉ္စ အသ္သသိပ္ပဉ္စ ရထသိပ္ပဉ္စ ဓနုသိပ္ပဉ္စ ထရုသိပ္ပဉ္စာ’’တိ။ တတ္ထ ထရုသိပ္ပန္တိ အသိကီဠနသိပ္ပံ။ မန္တသဒ္ဒောပိ ပစ္စေကံ ယောဇေတဗ္ဗော ‘‘အာထဗ္ဗဏမန္တော စ ခီလနမန္တော စ ဝသီကရဏမန္တော စ သောသာပနမန္တော စာ’’တိ။ တတ္ထ အာထဗ္ဗဏမန္တောတိ အာထဗ္ဗဏဝေဒေန ဝိဟိတော ပရူပဃာတကရော မန္တော။ ခီလနမန္တောတိ သာရဒာရုခီလံ မန္တေန ဇပ္ပိတ္ဝာ ပထဝိယံ နိခဏိတ္ဝာ ဓာရဏမန္တော။ ဝသီကရဏမန္တောတိ မန္တေန ဇပ္ပိတ္ဝာ ပရသ္သ ဥမ္မတ္တဘာဝမာပန္နကရဏော မန္တော။ သောသာပနမန္တောတိ ပရသ္သ မံသလောဟိတာဒိသောသာပနမန္တော။ အဂဒပယောဂောတိ ဘုသဝိသသ္သ ပယောဇနံ။ အာဒိသဒ္ဒေန အညေပိ ပရူပဃာတကရဏေ သိပ္ပေ သင္ဂဏ္ဟာတိ။ ယက္ခပရိတ္တန္တိ ယက္ခေဟိ သမန္တတော တာဏံ။ နာဂမဏ္ဍလန္တိ သပ္ပာနံ ပဝေသနနိဝာရဏတ္ထံ မဏ္ဍလဗန္ဓမန္တော။ အာဒိသဒ္ဒေန ဝိသပဋိဟနနမန္တာဒယော သင္ဂဏ္ဟာတီတိ။ နဝမံ။
1015. Navame sippasaddo paccekaṃ yojetabbo ‘‘hatthisippañca assasippañca rathasippañca dhanusippañca tharusippañcā’’ti. Tattha tharusippanti asikīḷanasippaṃ. Mantasaddopi paccekaṃ yojetabbo ‘‘āthabbaṇamanto ca khīlanamanto ca vasīkaraṇamanto ca sosāpanamanto cā’’ti. Tattha āthabbaṇamantoti āthabbaṇavedena vihito parūpaghātakaro manto. Khīlanamantoti sāradārukhīlaṃ mantena jappitvā pathaviyaṃ nikhaṇitvā dhāraṇamanto. Vasīkaraṇamantoti mantena jappitvā parassa ummattabhāvamāpannakaraṇo manto. Sosāpanamantoti parassa maṃsalohitādisosāpanamanto. Agadapayogoti bhusavisassa payojanaṃ. Ādisaddena aññepi parūpaghātakaraṇe sippe saṅgaṇhāti. Yakkhaparittanti yakkhehi samantato tāṇaṃ. Nāgamaṇḍalanti sappānaṃ pavesananivāraṇatthaṃ maṇḍalabandhamanto. Ādisaddena visapaṭihananamantādayo saṅgaṇhātīti. Navamaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ဘိက္ခုနီဝိဘင္ဂ • Bhikkhunīvibhaṅga / ၉. နဝမသိက္ခာပဒံ • 9. Navamasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ဘိက္ခုနီဝိဘင္ဂ-အဋ္ဌကထာ • Bhikkhunīvibhaṅga-aṭṭhakathā / ၉. နဝမသိက္ခာပဒဝဏ္ဏနာ • 9. Navamasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၅. စိတ္တာဂာရဝဂ္ဂဝဏ္ဏနာ • 5. Cittāgāravaggavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၉. နဝမသိက္ခာပဒဝဏ္ဏနာ • 9. Navamasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၁. ပဌမာဒိသိက္ခာပဒဝဏ္ဏနာ • 1. Paṭhamādisikkhāpadavaṇṇanā
