| Library / Tipiṭaka / ਤਿਪਿਟਕ • Tipiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga |
੯. ਨવਮਸਿਕ੍ਖਾਪਦਂ
9. Navamasikkhāpadaṃ
੭੭੩. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਪੂਗਸ੍ਸ ਪਰਿવੇਣવਾਸਿਕਾ ਭਿਕ੍ਖੁਨਿਯੋ ਯਾਗੁਯਾ ਕਿਲਮਨ੍ਤਿ। ਅਥ ਖੋ ਸੋ ਪੂਗੋ ਭਿਕ੍ਖੁਨੀਨਂ ਯਾਗੁਅਤ੍ਥਾਯ ਛਨ੍ਦਕਂ ਸਙ੍ਘਰਿਤ੍વਾ ਅਞ੍ਞਤਰਸ੍ਸ ਆਪਣਿਕਸ੍ਸ ਘਰੇ ਪਰਿਕ੍ਖਾਰਂ ਨਿਕ੍ਖਿਪਿਤ੍વਾ ਭਿਕ੍ਖੁਨਿਯੋ ਉਪਸਙ੍ਕਮਿਤ੍વਾ ਏਤਦવੋਚ – ‘‘ਅਮੁਕਸ੍ਸ, ਅਯ੍ਯੇ, ਆਪਣਿਕਸ੍ਸ ਘਰੇ ਯਾਗੁਅਤ੍ਥਾਯ ਪਰਿਕ੍ਖਾਰੋ ਨਿਕ੍ਖਿਤ੍ਤੋ। ਤਤੋ ਤਣ੍ਡੁਲੇ ਆਹਰਾਪੇਤ੍વਾ ਯਾਗੁਂ ਪਚਾਪੇਤ੍વਾ ਪਰਿਭੁਞ੍ਜਥਾ’’ਤਿ। ਭਿਕ੍ਖੁਨਿਯੋ ਤੇਨ ਚ ਪਰਿਕ੍ਖਾਰੇਨ ਸਯਮ੍ਪਿ ਯਾਚਿਤ੍વਾ ਭੇਸਜ੍ਜਂ ਚੇਤਾਪੇਤ੍વਾ ਪਰਿਭੁਞ੍ਜਿਂਸੁ। ਸੋ ਪੂਗੋ ਜਾਨਿਤ੍વਾ ਉਜ੍ਝਾਯਤਿ ਖਿਯ੍ਯਤਿ વਿਪਾਚੇਤਿ – ‘‘ਕਥਞ੍ਹਿ ਨਾਮ ਭਿਕ੍ਖੁਨਿਯੋ ਅਞ੍ਞਦਤ੍ਥਿਕੇਨ ਪਰਿਕ੍ਖਾਰੇਨ ਅਞ੍ਞੁਦ੍ਦਿਸਿਕੇਨ ਮਹਾਜਨਿਕੇਨ ਸਞ੍ਞਾਚਿਕੇਨ ਅਞ੍ਞਂ ਚੇਤਾਪੇਸ੍ਸਨ੍ਤੀ’’ਤਿ…ਪੇ॰… ਸਚ੍ਚਂ ਕਿਰ, ਭਿਕ੍ਖવੇ, ਭਿਕ੍ਖੁਨਿਯੋ ਅਞ੍ਞਦਤ੍ਥਿਕੇਨ ਪਰਿਕ੍ਖਾਰੇਨ ਅਞ੍ਞੁਦ੍ਦਿਸਿਕੇਨ ਮਹਾਜਨਿਕੇਨ ਸਞ੍ਞਾਚਿਕੇਨ ਅਞ੍ਞਂ ਚੇਤਾਪੇਨ੍ਤੀਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ, ਭਿਕ੍ਖવੇ, ਭਿਕ੍ਖੁਨਿਯੋ ਅਞ੍ਞਦਤ੍ਥਿਕੇਨ ਪਰਿਕ੍ਖਾਰੇਨ ਅਞ੍ਞੁਦ੍ਦਿਸਿਕੇਨ ਮਹਾਜਨਿਕੇਨ ਸਞ੍ਞਾਚਿਕੇਨ ਅਞ੍ਞਂ ਚੇਤਾਪੇਸ੍ਸਨ੍ਤਿ! ਨੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਭਿਕ੍ਖੁਨਿਯੋ ਇਮਂ ਸਿਕ੍ਖਾਪਦਂ ਉਦ੍ਦਿਸਨ੍ਤੁ –
773. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññatarassa pūgassa pariveṇavāsikā bhikkhuniyo yāguyā kilamanti. Atha kho so pūgo bhikkhunīnaṃ yāguatthāya chandakaṃ saṅgharitvā aññatarassa āpaṇikassa ghare parikkhāraṃ nikkhipitvā bhikkhuniyo upasaṅkamitvā etadavoca – ‘‘amukassa, ayye, āpaṇikassa ghare yāguatthāya parikkhāro nikkhitto. Tato taṇḍule āharāpetvā yāguṃ pacāpetvā paribhuñjathā’’ti. Bhikkhuniyo tena ca parikkhārena sayampi yācitvā bhesajjaṃ cetāpetvā paribhuñjiṃsu. So pūgo jānitvā ujjhāyati khiyyati vipāceti – ‘‘kathañhi nāma bhikkhuniyo aññadatthikena parikkhārena aññuddisikena mahājanikena saññācikena aññaṃ cetāpessantī’’ti…pe… saccaṃ kira, bhikkhave, bhikkhuniyo aññadatthikena parikkhārena aññuddisikena mahājanikena saññācikena aññaṃ cetāpentīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhuniyo aññadatthikena parikkhārena aññuddisikena mahājanikena saññācikena aññaṃ cetāpessanti! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
੭੭੪. ‘‘ਯਾ ਪਨ ਭਿਕ੍ਖੁਨੀ ਅਞ੍ਞਦਤ੍ਥਿਕੇਨ ਪਰਿਕ੍ਖਾਰੇਨ ਅਞ੍ਞੁਦ੍ਦਿਸਿਕੇਨ ਮਹਾਜਨਿਕੇਨ ਸਞ੍ਞਾਚਿਕੇਨ ਅਞ੍ਞਂ ਚੇਤਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ।
774.‘‘Yā pana bhikkhunī aññadatthikena parikkhārena aññuddisikena mahājanikena saññācikena aññaṃ cetāpeyya, nissaggiyaṃ pācittiya’’nti.
੭੭੫. ਯਾ ਪਨਾਤਿ ਯਾ ਯਾਦਿਸਾ…ਪੇ॰… ਭਿਕ੍ਖੁਨੀਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤਾ ਭਿਕ੍ਖੁਨੀਤਿ।
775.Yāpanāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
ਅਞ੍ਞਦਤ੍ਥਿਕੇਨ ਪਰਿਕ੍ਖਾਰੇਨ ਅਞ੍ਞੁਦ੍ਦਿਸਿਕੇਨਾਤਿ ਅਞ੍ਞਸ੍ਸਤ੍ਥਾਯ ਦਿਨ੍ਨੇਨ।
Aññadatthikena parikkhārena aññuddisikenāti aññassatthāya dinnena.
ਮਹਾਜਨਿਕੇਨਾਤਿ ਗਣਸ੍ਸ, ਨ ਸਙ੍ਘਸ੍ਸ, ਨ ਏਕਭਿਕ੍ਖੁਨਿਯਾ।
Mahājanikenāti gaṇassa, na saṅghassa, na ekabhikkhuniyā.
ਸਞ੍ਞਾਚਿਕੇਨਾਤਿ ਸਯਂ ਯਾਚਿਤ੍વਾ।
Saññācikenāti sayaṃ yācitvā.
ਅਞ੍ਞਂ ਚੇਤਾਪੇਯ੍ਯਾਤਿ ਯਂਅਤ੍ਥਾਯ ਦਿਨ੍ਨਂ ਤਂ ਠਪੇਤ੍વਾ ਅਞ੍ਞਂ ਚੇਤਾਪੇਤਿ, ਪਯੋਗੇ ਦੁਕ੍ਕਟਂ। ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ। ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ વਾ ਗਣਸ੍ਸ વਾ ਏਕਭਿਕ੍ਖੁਨਿਯਾ વਾ। ਏવਞ੍ਚ ਪਨ, ਭਿਕ੍ਖવੇ, ਨਿਸ੍ਸਜ੍ਜਿਤਬ੍ਬਂ…ਪੇ॰… ‘‘ਇਦਂ ਮੇ, ਅਯ੍ਯੇ, ਅਞ੍ਞਦਤ੍ਥਿਕੇਨ ਪਰਿਕ੍ਖਾਰੇਨ ਅਞ੍ਞੁਦ੍ਦਿਸਿਕੇਨ ਮਹਾਜਨਿਕੇਨ ਸਞ੍ਞਾਚਿਕੇਨ ਅਞ੍ਞਂ ਚੇਤਾਪਿਤਂ ਨਿਸ੍ਸਗ੍ਗਿਯਂ। ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀ’’ਤਿ…ਪੇ॰… ਦਦੇਯ੍ਯਾਤਿ…ਪੇ॰… ਦਦੇਯ੍ਯੁਨ੍ਤਿ…ਪੇ॰… ਅਯ੍ਯਾਯ ਦਮ੍ਮੀਤਿ।
Aññaṃ cetāpeyyāti yaṃatthāya dinnaṃ taṃ ṭhapetvā aññaṃ cetāpeti, payoge dukkaṭaṃ. Paṭilābhena nissaggiyaṃ hoti. Nissajjitabbaṃ saṅghassa vā gaṇassa vā ekabhikkhuniyā vā. Evañca pana, bhikkhave, nissajjitabbaṃ…pe… ‘‘idaṃ me, ayye, aññadatthikena parikkhārena aññuddisikena mahājanikena saññācikena aññaṃ cetāpitaṃ nissaggiyaṃ. Imāhaṃ saṅghassa nissajjāmī’’ti…pe… dadeyyāti…pe… dadeyyunti…pe… ayyāya dammīti.
੭੭੬. ਅਞ੍ਞਦਤ੍ਥਿਕੇ ਅਞ੍ਞਦਤ੍ਥਿਕਸਞ੍ਞਾ ਅਞ੍ਞਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਅਞ੍ਞਦਤ੍ਥਿਕੇ વੇਮਤਿਕਾ ਅਞ੍ਞਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਅਞ੍ਞਦਤ੍ਥਿਕੇ ਅਨਞ੍ਞਦਤ੍ਥਿਕਸਞ੍ਞਾ ਅਞ੍ਞਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਨਿਸ੍ਸਟ੍ਠਂ ਪਟਿਲਭਿਤ੍વਾ ਯਥਾਦਾਨੇ ਉਪਨੇਤਬ੍ਬਂ।
776. Aññadatthike aññadatthikasaññā aññaṃ cetāpeti, nissaggiyaṃ pācittiyaṃ. Aññadatthike vematikā aññaṃ cetāpeti, nissaggiyaṃ pācittiyaṃ. Aññadatthike anaññadatthikasaññā aññaṃ cetāpeti, nissaggiyaṃ pācittiyaṃ. Nissaṭṭhaṃ paṭilabhitvā yathādāne upanetabbaṃ.
ਅਨਞ੍ਞਦਤ੍ਥਿਕੇ ਅਞ੍ਞਦਤ੍ਥਿਕਸਞ੍ਞਾ, ਆਪਤ੍ਤਿ ਦੁਕ੍ਕਟਸ੍ਸ। ਅਨਞ੍ਞਦਤ੍ਥਿਕੇ વੇਮਤਿਕਾ, ਆਪਤ੍ਤਿ ਦੁਕ੍ਕਟਸ੍ਸ। ਅਨਞ੍ਞਦਤ੍ਥਿਕੇ ਅਨਞ੍ਞਦਤ੍ਥਿਕਸਞ੍ਞਾ ਅਨਾਪਤ੍ਤਿ।
Anaññadatthike aññadatthikasaññā, āpatti dukkaṭassa. Anaññadatthike vematikā, āpatti dukkaṭassa. Anaññadatthike anaññadatthikasaññā anāpatti.
੭੭੭. ਅਨਾਪਤ੍ਤਿ ਸੇਸਕਂ ਉਪਨੇਤਿ, ਸਾਮਿਕੇ ਅਪਲੋਕੇਤ੍વਾ ਉਪਨੇਤਿ, ਆਪਦਾਸੁ, ਉਮ੍ਮਤ੍ਤਿਕਾਯ, ਆਦਿਕਮ੍ਮਿਕਾਯਾਤਿ।
777. Anāpatti sesakaṃ upaneti, sāmike apaloketvā upaneti, āpadāsu, ummattikāya, ādikammikāyāti.
ਨવਮਸਿਕ੍ਖਾਪਦਂ ਨਿਟ੍ਠਿਤਂ।
Navamasikkhāpadaṃ niṭṭhitaṃ.
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā / ਨવਮਨਿਸ੍ਸਗ੍ਗਿਯਪਾਚਿਤ੍ਤਿਯਸਿਕ੍ਖਾਪਦવਣ੍ਣਨਾ • Navamanissaggiyapācittiyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੩. ਨਿਸ੍ਸਗ੍ਗਿਯਕਣ੍ਡਂ (ਭਿਕ੍ਖੁਨੀવਿਭਙ੍ਗવਣ੍ਣਨਾ) • 3. Nissaggiyakaṇḍaṃ (bhikkhunīvibhaṅgavaṇṇanā)
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੯. ਨવਮਨਿਸ੍ਸਗ੍ਗਿਯਪਾਚਿਤ੍ਤਿਯਸਿਕ੍ਖਾਪਦવਣ੍ਣਨਾ • 9. Navamanissaggiyapācittiyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੨. ਦੁਤਿਯਨਿਸ੍ਸਗ੍ਗਿਯਾਦਿਪਾਚਿਤ੍ਤਿਯਸਿਕ੍ਖਾਪਦવਣ੍ਣਨਾ • 2. Dutiyanissaggiyādipācittiyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੯. ਨવਮਨਿਸ੍ਸਗ੍ਗਿਯਪਾਚਿਤ੍ਤਿਯਸਿਕ੍ਖਾਪਦਂ • 9. Navamanissaggiyapācittiyasikkhāpadaṃ
