| Library / Tipiṭaka / തിപിടക • Tipiṭaka / പാചിത്യാദിയോജനാപാളി • Pācityādiyojanāpāḷi |
൯. നവമസിക്ഖാപദം
9. Navamasikkhāpadaṃ
൧൦൧൫. നവമേ സിപ്പസദ്ദോ പച്ചേകം യോജേതബ്ബോ ‘‘ഹത്ഥിസിപ്പഞ്ച അസ്സസിപ്പഞ്ച രഥസിപ്പഞ്ച ധനുസിപ്പഞ്ച ഥരുസിപ്പഞ്ചാ’’തി. തത്ഥ ഥരുസിപ്പന്തി അസികീളനസിപ്പം. മന്തസദ്ദോപി പച്ചേകം യോജേതബ്ബോ ‘‘ആഥബ്ബണമന്തോ ച ഖീലനമന്തോ ച വസീകരണമന്തോ ച സോസാപനമന്തോ ചാ’’തി. തത്ഥ ആഥബ്ബണമന്തോതി ആഥബ്ബണവേദേന വിഹിതോ പരൂപഘാതകരോ മന്തോ. ഖീലനമന്തോതി സാരദാരുഖീലം മന്തേന ജപ്പിത്വാ പഥവിയം നിഖണിത്വാ ധാരണമന്തോ. വസീകരണമന്തോതി മന്തേന ജപ്പിത്വാ പരസ്സ ഉമ്മത്തഭാവമാപന്നകരണോ മന്തോ. സോസാപനമന്തോതി പരസ്സ മംസലോഹിതാദിസോസാപനമന്തോ. അഗദപയോഗോതി ഭുസവിസസ്സ പയോജനം. ആദിസദ്ദേന അഞ്ഞേപി പരൂപഘാതകരണേ സിപ്പേ സങ്ഗണ്ഹാതി. യക്ഖപരിത്തന്തി യക്ഖേഹി സമന്തതോ താണം. നാഗമണ്ഡലന്തി സപ്പാനം പവേസനനിവാരണത്ഥം മണ്ഡലബന്ധമന്തോ. ആദിസദ്ദേന വിസപടിഹനനമന്താദയോ സങ്ഗണ്ഹാതീതി. നവമം.
1015. Navame sippasaddo paccekaṃ yojetabbo ‘‘hatthisippañca assasippañca rathasippañca dhanusippañca tharusippañcā’’ti. Tattha tharusippanti asikīḷanasippaṃ. Mantasaddopi paccekaṃ yojetabbo ‘‘āthabbaṇamanto ca khīlanamanto ca vasīkaraṇamanto ca sosāpanamanto cā’’ti. Tattha āthabbaṇamantoti āthabbaṇavedena vihito parūpaghātakaro manto. Khīlanamantoti sāradārukhīlaṃ mantena jappitvā pathaviyaṃ nikhaṇitvā dhāraṇamanto. Vasīkaraṇamantoti mantena jappitvā parassa ummattabhāvamāpannakaraṇo manto. Sosāpanamantoti parassa maṃsalohitādisosāpanamanto. Agadapayogoti bhusavisassa payojanaṃ. Ādisaddena aññepi parūpaghātakaraṇe sippe saṅgaṇhāti. Yakkhaparittanti yakkhehi samantato tāṇaṃ. Nāgamaṇḍalanti sappānaṃ pavesananivāraṇatthaṃ maṇḍalabandhamanto. Ādisaddena visapaṭihananamantādayo saṅgaṇhātīti. Navamaṃ.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / ഭിക്ഖുനീവിഭങ്ഗ • Bhikkhunīvibhaṅga / ൯. നവമസിക്ഖാപദം • 9. Navamasikkhāpadaṃ
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / ഭിക്ഖുനീവിഭങ്ഗ-അട്ഠകഥാ • Bhikkhunīvibhaṅga-aṭṭhakathā / ൯. നവമസിക്ഖാപദവണ്ണനാ • 9. Navamasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ൫. ചിത്താഗാരവഗ്ഗവണ്ണനാ • 5. Cittāgāravaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ൯. നവമസിക്ഖാപദവണ്ണനാ • 9. Navamasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ൧. പഠമാദിസിക്ഖാപദവണ്ണനാ • 1. Paṭhamādisikkhāpadavaṇṇanā
