| Library / Tipiṭaka / д̇ибидага • Tipiṭaka / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā |
9. навамасигкаабад̣̇аван̣н̣анаа
9. Navamasikkhāpadavaṇṇanā
830-2. навамз – яам̣ мануссаанам̣ убабхог̇абарибхог̇ам̣ робиманд̇и кзд̇д̇ам̣ ваа ход̇у наал̣игзраад̣̇иаараамо ваа, яад̇т̇а гад̇т̇ажи робимахарид̇адтаанз зд̇аани вад̇т̇ууни чад̣д̣знд̇ияаа буриманаязнзва аабад̇д̇ибхзд̣̇о взд̣̇ид̇аб̣б̣о. кзд̇д̇з ваа аараамз ваа нисийд̣̇ид̇ваа бхун̃ж̇амаанаа ужчуаад̣̇ийни ваа каад̣̇анд̇ий; г̇ажчамаанаа ужчидтод̣̇агажалагаад̣̇ийни харид̇адтаанз чад̣д̣зд̇и, анд̇амасо уд̣̇агам̣ бивид̇ваа мад̇т̇агажчиннанаал̣игзрамби чад̣д̣зд̇и, баажид̇д̇ияамзва. бхигкуно д̣̇уггадам̣. гасид̇адтаанз бана нигкид̇д̇аб̣ийж̇з яаава ан̇гурам̣ на удтахад̇и, д̇аава саб̣б̣зсам̣ д̣̇уггадам̣ . анигкид̇д̇аб̣ийж̇зсу кзд̇д̇агон̣аад̣̇ийсу ваа асан̃ж̇аад̇аробимзсу кзд̇д̇амарияаад̣̇аад̣̇ийсу ваа чад̣д̣зд̇ум̣ ваддад̇и. мануссаанам̣ гажаварачад̣д̣анадтаанзби ваддад̇и. чад̣д̣ид̇акзд̇д̇зд̇и мануссзсу сассам̣ уд̣̇д̇харид̇ваа г̇ад̇зсу чад̣д̣ид̇акзд̇д̇ам̣ наама ход̇и, д̇ад̇т̇а ваддад̇и. яад̇т̇а бана лааяид̇амби буб̣б̣ан̣н̣аад̣̇и буна удтахиссад̇ийд̇и рагканд̇и, д̇ад̇т̇а яат̇аавад̇т̇угамзва. сзсам̣ уд̇д̇аанамзва. часамудтаанам̣ – гирияаагирияам̣…бз… д̇ивзд̣̇ананд̇и.
830-2. Navame – yaṃ manussānaṃ upabhogaparibhogaṃ ropimanti khettaṃ vā hotu nāḷikerādiārāmo vā, yattha katthaci ropimaharitaṭṭhāne etāni vatthūni chaḍḍentiyā purimanayeneva āpattibhedo veditabbo. Khette vā ārāme vā nisīditvā bhuñjamānā ucchuādīni vā khādantī; gacchamānā ucchiṭṭhodakacalakādīni haritaṭṭhāne chaḍḍeti, antamaso udakaṃ pivitvā matthakacchinnanāḷikerampi chaḍḍeti, pācittiyameva. Bhikkhuno dukkaṭaṃ. Kasitaṭṭhāne pana nikkhittabīje yāva aṅkuraṃ na uṭṭhahati, tāva sabbesaṃ dukkaṭaṃ . Anikkhittabījesu khettakoṇādīsu vā asañjātaropimesu khettamariyādādīsu vā chaḍḍetuṃ vaṭṭati. Manussānaṃ kacavarachaḍḍanaṭṭhānepi vaṭṭati. Chaḍḍitakhetteti manussesu sassaṃ uddharitvā gatesu chaḍḍitakhettaṃ nāma hoti, tattha vaṭṭati. Yattha pana lāyitampi pubbaṇṇādi puna uṭṭhahissatīti rakkhanti, tattha yathāvatthukameva. Sesaṃ uttānameva. Chasamuṭṭhānaṃ – kiriyākiriyaṃ…pe… tivedananti.
навамасигкаабад̣̇ам̣.
Navamasikkhāpadaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 9. навамасигкаабад̣̇ам̣ • 9. Navamasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. ласун̣аваг̇г̇аван̣н̣анаа • 1. Lasuṇavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. навамасигкаабад̣̇аван̣н̣анаа • 9. Navamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаласун̣аад̣̇исигкаабад̣̇аван̣н̣анаа • 1. Paṭhamalasuṇādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 9. навамасигкаабад̣̇ам̣ • 9. Navamasikkhāpadaṃ
