| Library / Tipiṭaka / д̇ибидага • Tipiṭaka / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā |
9. навамасигкаабад̣̇аван̣н̣анаа
9. Navamasikkhāpadavaṇṇanā
875. навамз – абхисабзяяаад̇и сабат̇ам̣ гарзяяа. нираязна абхисабад̇и наама ‘‘нираяз ниб̣б̣ад̇д̇аами, авийжимхи ниб̣б̣ад̇д̇аами, нираяз ниб̣б̣ад̇д̇ад̇у, авийжимхи ниб̣б̣ад̇д̇ад̇уу’’д̇и звамаад̣̇инаа наязна аггосад̇и. б̣рахмажариязна абхисабад̇и наама ‘‘г̇ихиний хоми, од̣̇аад̇авад̇т̇аа хоми, бариб̣б̣ааж̇игаа хоми, ид̇араа ваа зд̣̇исаа ход̇уу’’д̇и звамаад̣̇инаа наязна аггосад̇и; ваажааяа ваажааяа баажид̇д̇ияам̣. табзд̇ваа бана нираяан̃жа б̣рахмажарияан̃жа ‘‘сунакий суугарий гаан̣аа гун̣ий’’д̇иаад̣̇инаа наязна аггосанд̇ияаа ваажааяа ваажааяа д̣̇уггадам̣.
875. Navame – abhisapeyyāti sapathaṃ kareyya. Nirayena abhisapati nāma ‘‘niraye nibbattāmi, avīcimhi nibbattāmi, niraye nibbattatu, avīcimhi nibbattatū’’ti evamādinā nayena akkosati. Brahmacariyena abhisapati nāma ‘‘gihinī homi, odātavatthā homi, paribbājikā homi, itarā vā edisā hotū’’ti evamādinā nayena akkosati; vācāya vācāya pācittiyaṃ. Ṭhapetvā pana nirayañca brahmacariyañca ‘‘sunakhī sūkarī kāṇā kuṇī’’tiādinā nayena akkosantiyā vācāya vācāya dukkaṭaṃ.
878. ад̇т̇абурзгкаарааяаад̇и адтагат̇ам̣ гат̇знд̇ияаа. д̇хаммабурзгкаарааяаад̇и баал̣им̣ ваажзнд̇ияаа. анусаасанибурзгкаарааяаад̇и ‘‘ид̣̇ааниби д̇вам̣ зд̣̇исаа, саад̇ху вирамассу, но жз вирамаси, ад̣̇д̇хаа буна зваруубаани гаммаани гад̇ваа нираяз уббаж̇ж̇иссаси, д̇иражчаанаяонияаа уббаж̇ж̇иссасий’’д̇и звам̣ анусаасанияам̣ тад̇ваа вад̣̇анд̇ияаа анаабад̇д̇и. сзсам̣ уд̇д̇аанамзва.
878.Atthapurekkhārāyāti aṭṭhakathaṃ kathentiyā. Dhammapurekkhārāyāti pāḷiṃ vācentiyā. Anusāsanipurekkhārāyāti ‘‘idānipi tvaṃ edisā, sādhu viramassu, no ce viramasi, addhā puna evarūpāni kammāni katvā niraye uppajjissasi, tiracchānayoniyā uppajjissasī’’ti evaṃ anusāsaniyaṃ ṭhatvā vadantiyā anāpatti. Sesaṃ uttānameva.
д̇исамудтаанам̣ – гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̣̇угкавзд̣̇ананд̇и.
Tisamuṭṭhānaṃ – kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
навамасигкаабад̣̇ам̣.
Navamasikkhāpadaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 9. навамасигкаабад̣̇ам̣ • 9. Navamasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. навамасигкаабад̣̇аван̣н̣анаа • 9. Navamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 9. навамасигкаабад̣̇ам̣ • 9. Navamasikkhāpadaṃ
