| Library / Tipiṭaka / ติปิฎก • Tipiṭaka / วชิรพุทฺธิ-ฎีกา • Vajirabuddhi-ṭīkā |
๙. นวมสิกฺขาปทวณฺณนา
9. Navamasikkhāpadavaṇṇanā
๙๖๙. เอกินฺทฺริยนฺติ กายินฺทฺริเยเนว เอกินฺทฺริยํ, นิคณฺฐานํ อเจลกานํ มตํฯ กาปิลา ปน ‘‘ปญฺจินฺทฺริยา’’ติ มญฺญนฺตา เอวํ วทนฺติ ‘‘สจกฺขุกตฺตา อลาพุมาลุวาทโย ยตฺถ อาลมฺพนํ, ตตฺถ คจฺฉนฺติฯ สโสตกตฺตา กทลิโย เมฆคชฺชิตํ สุตฺวา คพฺภํ คณฺหนฺติฯ สฆานกตฺตา ปนสาทโย กุณปคเนฺธน ผลนฺติฯ สชิวฺหกตฺตา อุทกํ ปิวนฺติ เยน, สเพฺพปิ ‘ปาทปา’ติ วุจฺจนฺติฯ สกายปสาทตฺตา อิตฺถิสมฺผเสฺสน อโสกรุกฺขา ปุปฺผนฺตี’’ติฯ สงฺฆาตนฺติ วินาสํฯ
969.Ekindriyanti kāyindriyeneva ekindriyaṃ, nigaṇṭhānaṃ acelakānaṃ mataṃ. Kāpilā pana ‘‘pañcindriyā’’ti maññantā evaṃ vadanti ‘‘sacakkhukattā alābumāluvādayo yattha ālambanaṃ, tattha gacchanti. Sasotakattā kadaliyo meghagajjitaṃ sutvā gabbhaṃ gaṇhanti. Saghānakattā panasādayo kuṇapagandhena phalanti. Sajivhakattā udakaṃ pivanti yena, sabbepi ‘pādapā’ti vuccanti. Sakāyapasādattā itthisamphassena asokarukkhā pupphantī’’ti. Saṅghātanti vināsaṃ.
๙๗๐. อิธ จ วสฺสเจฺฉเทน ทุกฺกฎํฯ ปฐมํ อาวสิตฺวา ปจฺฉา จาริกา จรณปจฺจยา ปาจิตฺติยํ อาปชฺชตีติ เวทิตพฺพํฯ อถ วสฺสํ อวสิตฺวา จรติ, อวสฺสุปคมนปจฺจยา ทุกฺกฎํ อาปชฺชติฯ โปราณคณฺฐิปเท ปน ‘‘อโนฺตสตฺตาเห อโนฺตวเสฺส จาริกํ จรนฺติยา ปาจิตฺติยํฯ สตฺตาหกรณีเยน ปน วฎฺฎติ, ภิกฺขุโน ทุกฺกฎํ โหตี’’ติ วุตฺตํฯ
970. Idha ca vassacchedena dukkaṭaṃ. Paṭhamaṃ āvasitvā pacchā cārikā caraṇapaccayā pācittiyaṃ āpajjatīti veditabbaṃ. Atha vassaṃ avasitvā carati, avassupagamanapaccayā dukkaṭaṃ āpajjati. Porāṇagaṇṭhipade pana ‘‘antosattāhe antovasse cārikaṃ carantiyā pācittiyaṃ. Sattāhakaraṇīyena pana vaṭṭati, bhikkhuno dukkaṭaṃ hotī’’ti vuttaṃ.
๙๗๒. เกนจิ อุพฺพาฬฺหาติ วสฺสเจฺฉทการเณนาติ โน ตโกฺกติ อาจริโยฯ กิตฺตาวตา จาริกา โหตีติ? อิทํ น สพฺพตฺถ วิจาริตํฯ อนนฺตรสิกฺขาปเท ‘‘อนฺตมโส ฉปฺปญฺจโยชนานิปี’’ติ วุตฺตตฺตา โส จ มเญฺญ เหฎฺฐิมปริเจฺฉโทติฯ
972.Kenaci ubbāḷhāti vassacchedakāraṇenāti no takkoti ācariyo. Kittāvatā cārikā hotīti? Idaṃ na sabbattha vicāritaṃ. Anantarasikkhāpade ‘‘antamaso chappañcayojanānipī’’ti vuttattā so ca maññe heṭṭhimaparicchedoti.
นวมสิกฺขาปทวณฺณนา นิฎฺฐิตาฯ
Navamasikkhāpadavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ภิกฺขุนีวิภงฺค • Bhikkhunīvibhaṅga / ๙. นวมสิกฺขาปทํ • 9. Navamasikkhāpadaṃ
