| Library / Tipiṭaka / ཏིཔིཊཀ • Tipiṭaka / བྷིཀྑུནཱིཝིབྷངྒ-ཨཊྛཀཐཱ • Bhikkhunīvibhaṅga-aṭṭhakathā |
༩. ནཝམསིཀྑཱཔདཝཎྞནཱ
9. Navamasikkhāpadavaṇṇanā
༨༧༥. ནཝམེ – ཨབྷིསཔེཡྻཱཏི སཔཐཾ ཀརེཡྻ། ནིརཡེན ཨབྷིསཔཏི ནཱམ ‘‘ནིརཡེ ནིབྦཏྟཱམི, ཨཝཱིཙིམྷི ནིབྦཏྟཱམི, ནིརཡེ ནིབྦཏྟཏུ, ཨཝཱིཙིམྷི ནིབྦཏྟཏཱུ’’ཏི ཨེཝམཱདིནཱ ནཡེན ཨཀྐོསཏི། བྲཧྨཙརིཡེན ཨབྷིསཔཏི ནཱམ ‘‘གིཧིནཱི ཧོམི, ཨོདཱཏཝཏྠཱ ཧོམི, པརིབྦཱཛིཀཱ ཧོམི, ཨིཏརཱ ཝཱ ཨེདིསཱ ཧོཏཱུ’’ཏི ཨེཝམཱདིནཱ ནཡེན ཨཀྐོསཏི; ཝཱཙཱཡ ཝཱཙཱཡ པཱཙིཏྟིཡཾ། ཋཔེཏྭཱ པན ནིརཡཉྩ བྲཧྨཙརིཡཉྩ ‘‘སུནཁཱི སཱུཀརཱི ཀཱཎཱ ཀུཎཱི’’ཏིཨཱདིནཱ ནཡེན ཨཀྐོསནྟིཡཱ ཝཱཙཱཡ ཝཱཙཱཡ དུཀྐཊཾ།
875. Navame – abhisapeyyāti sapathaṃ kareyya. Nirayena abhisapati nāma ‘‘niraye nibbattāmi, avīcimhi nibbattāmi, niraye nibbattatu, avīcimhi nibbattatū’’ti evamādinā nayena akkosati. Brahmacariyena abhisapati nāma ‘‘gihinī homi, odātavatthā homi, paribbājikā homi, itarā vā edisā hotū’’ti evamādinā nayena akkosati; vācāya vācāya pācittiyaṃ. Ṭhapetvā pana nirayañca brahmacariyañca ‘‘sunakhī sūkarī kāṇā kuṇī’’tiādinā nayena akkosantiyā vācāya vācāya dukkaṭaṃ.
༨༧༨. ཨཏྠཔུརེཀྑཱརཱཡཱཏི ཨཊྛཀཐཾ ཀཐེནྟིཡཱ། དྷམྨཔུརེཀྑཱརཱཡཱཏི པཱལི༹ཾ ཝཱཙེནྟིཡཱ། ཨནུསཱསནིཔུརེཀྑཱརཱཡཱཏི ‘‘ཨིདཱནིཔི ཏྭཾ ཨེདིསཱ, སཱདྷུ ཝིརམསྶུ, ནོ ཙེ ཝིརམསི, ཨདྡྷཱ པུན ཨེཝརཱུཔཱནི ཀམྨཱནི ཀཏྭཱ ནིརཡེ ཨུཔྤཛྫིསྶསི, ཏིརཙྪཱནཡོནིཡཱ ཨུཔྤཛྫིསྶསཱི’’ཏི ཨེཝཾ ཨནུསཱསནིཡཾ ཋཏྭཱ ཝདནྟིཡཱ ཨནཱཔཏྟི། སེསཾ ཨུཏྟཱནམེཝ།
878.Atthapurekkhārāyāti aṭṭhakathaṃ kathentiyā. Dhammapurekkhārāyāti pāḷiṃ vācentiyā. Anusāsanipurekkhārāyāti ‘‘idānipi tvaṃ edisā, sādhu viramassu, no ce viramasi, addhā puna evarūpāni kammāni katvā niraye uppajjissasi, tiracchānayoniyā uppajjissasī’’ti evaṃ anusāsaniyaṃ ṭhatvā vadantiyā anāpatti. Sesaṃ uttānameva.
ཏིསམུཊྛཱནཾ – ཀིརིཡཾ, སཉྙཱཝིམོཀྑཾ, སཙིཏྟཀཾ, ལོཀཝཛྫཾ, ཀཱཡཀམྨཾ, ཝཙཱིཀམྨཾ, ཨཀུསལཙིཏྟཾ, དུཀྑཝེདནནྟི།
Tisamuṭṭhānaṃ – kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
ནཝམསིཀྑཱཔདཾ།
Navamasikkhāpadaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / བྷིཀྑུནཱིཝིབྷངྒ • Bhikkhunīvibhaṅga / ༩. ནཝམསིཀྑཱཔདཾ • 9. Navamasikkhāpadaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༩. ནཝམསིཀྑཱཔདཝཎྞནཱ • 9. Navamasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༡. པཋམཱདིསིཀྑཱཔདཝཎྞནཱ • 1. Paṭhamādisikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༩. ནཝམསིཀྑཱཔདཾ • 9. Navamasikkhāpadaṃ
