| Library / Tipiṭaka / ਤਿਪਿਟਕ • Tipiṭaka / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā |
੯. ਨવਮਸਿਕ੍ਖਾਪਦવਣ੍ਣਨਾ
9. Navamasikkhāpadavaṇṇanā
੮੩੦-੨. ਨવਮੇ – ਯਂ ਮਨੁਸ੍ਸਾਨਂ ਉਪਭੋਗਪਰਿਭੋਗਂ ਰੋਪਿਮਨ੍ਤਿ ਖੇਤ੍ਤਂ વਾ ਹੋਤੁ ਨਾਲ਼ਿਕੇਰਾਦਿਆਰਾਮੋ વਾ, ਯਤ੍ਥ ਕਤ੍ਥਚਿ ਰੋਪਿਮਹਰਿਤਟ੍ਠਾਨੇ ਏਤਾਨਿ વਤ੍ਥੂਨਿ ਛਡ੍ਡੇਨ੍ਤਿਯਾ ਪੁਰਿਮਨਯੇਨੇવ ਆਪਤ੍ਤਿਭੇਦੋ વੇਦਿਤਬ੍ਬੋ। ਖੇਤ੍ਤੇ વਾ ਆਰਾਮੇ વਾ ਨਿਸੀਦਿਤ੍વਾ ਭੁਞ੍ਜਮਾਨਾ ਉਚ੍ਛੁਆਦੀਨਿ વਾ ਖਾਦਨ੍ਤੀ; ਗਚ੍ਛਮਾਨਾ ਉਚ੍ਛਿਟ੍ਠੋਦਕਚਲਕਾਦੀਨਿ ਹਰਿਤਟ੍ਠਾਨੇ ਛਡ੍ਡੇਤਿ, ਅਨ੍ਤਮਸੋ ਉਦਕਂ ਪਿવਿਤ੍વਾ ਮਤ੍ਥਕਚ੍ਛਿਨ੍ਨਨਾਲ਼ਿਕੇਰਮ੍ਪਿ ਛਡ੍ਡੇਤਿ, ਪਾਚਿਤ੍ਤਿਯਮੇવ। ਭਿਕ੍ਖੁਨੋ ਦੁਕ੍ਕਟਂ। ਕਸਿਤਟ੍ਠਾਨੇ ਪਨ ਨਿਕ੍ਖਿਤ੍ਤਬੀਜੇ ਯਾવ ਅਙ੍ਕੁਰਂ ਨ ਉਟ੍ਠਹਤਿ, ਤਾવ ਸਬ੍ਬੇਸਂ ਦੁਕ੍ਕਟਂ । ਅਨਿਕ੍ਖਿਤ੍ਤਬੀਜੇਸੁ ਖੇਤ੍ਤਕੋਣਾਦੀਸੁ વਾ ਅਸਞ੍ਜਾਤਰੋਪਿਮੇਸੁ ਖੇਤ੍ਤਮਰਿਯਾਦਾਦੀਸੁ વਾ ਛਡ੍ਡੇਤੁਂ વਟ੍ਟਤਿ। ਮਨੁਸ੍ਸਾਨਂ ਕਚવਰਛਡ੍ਡਨਟ੍ਠਾਨੇਪਿ વਟ੍ਟਤਿ। ਛਡ੍ਡਿਤਖੇਤ੍ਤੇਤਿ ਮਨੁਸ੍ਸੇਸੁ ਸਸ੍ਸਂ ਉਦ੍ਧਰਿਤ੍વਾ ਗਤੇਸੁ ਛਡ੍ਡਿਤਖੇਤ੍ਤਂ ਨਾਮ ਹੋਤਿ, ਤਤ੍ਥ વਟ੍ਟਤਿ। ਯਤ੍ਥ ਪਨ ਲਾਯਿਤਮ੍ਪਿ ਪੁਬ੍ਬਣ੍ਣਾਦਿ ਪੁਨ ਉਟ੍ਠਹਿਸ੍ਸਤੀਤਿ ਰਕ੍ਖਨ੍ਤਿ, ਤਤ੍ਥ ਯਥਾવਤ੍ਥੁਕਮੇવ। ਸੇਸਂ ਉਤ੍ਤਾਨਮੇવ। ਛਸਮੁਟ੍ਠਾਨਂ – ਕਿਰਿਯਾਕਿਰਿਯਂ…ਪੇ॰… ਤਿવੇਦਨਨ੍ਤਿ।
830-2. Navame – yaṃ manussānaṃ upabhogaparibhogaṃ ropimanti khettaṃ vā hotu nāḷikerādiārāmo vā, yattha katthaci ropimaharitaṭṭhāne etāni vatthūni chaḍḍentiyā purimanayeneva āpattibhedo veditabbo. Khette vā ārāme vā nisīditvā bhuñjamānā ucchuādīni vā khādantī; gacchamānā ucchiṭṭhodakacalakādīni haritaṭṭhāne chaḍḍeti, antamaso udakaṃ pivitvā matthakacchinnanāḷikerampi chaḍḍeti, pācittiyameva. Bhikkhuno dukkaṭaṃ. Kasitaṭṭhāne pana nikkhittabīje yāva aṅkuraṃ na uṭṭhahati, tāva sabbesaṃ dukkaṭaṃ . Anikkhittabījesu khettakoṇādīsu vā asañjātaropimesu khettamariyādādīsu vā chaḍḍetuṃ vaṭṭati. Manussānaṃ kacavarachaḍḍanaṭṭhānepi vaṭṭati. Chaḍḍitakhetteti manussesu sassaṃ uddharitvā gatesu chaḍḍitakhettaṃ nāma hoti, tattha vaṭṭati. Yattha pana lāyitampi pubbaṇṇādi puna uṭṭhahissatīti rakkhanti, tattha yathāvatthukameva. Sesaṃ uttānameva. Chasamuṭṭhānaṃ – kiriyākiriyaṃ…pe… tivedananti.
ਨવਮਸਿਕ੍ਖਾਪਦਂ।
Navamasikkhāpadaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੯. ਨવਮਸਿਕ੍ਖਾਪਦਂ • 9. Navamasikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੧. ਲਸੁਣવਗ੍ਗવਣ੍ਣਨਾ • 1. Lasuṇavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੯. ਨવਮਸਿਕ੍ਖਾਪਦવਣ੍ਣਨਾ • 9. Navamasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਪਠਮਲਸੁਣਾਦਿਸਿਕ੍ਖਾਪਦવਣ੍ਣਨਾ • 1. Paṭhamalasuṇādisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੯. ਨવਮਸਿਕ੍ਖਾਪਦਂ • 9. Navamasikkhāpadaṃ
