| Library / Tipiṭaka / ਤਿਪਿਟਕ • Tipiṭaka / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā |
੯. ਨવਮਸਿਕ੍ਖਾਪਦવਣ੍ਣਨਾ
9. Navamasikkhāpadavaṇṇanā
੮੭੫. ਨવਮੇ – ਅਭਿਸਪੇਯ੍ਯਾਤਿ ਸਪਥਂ ਕਰੇਯ੍ਯ। ਨਿਰਯੇਨ ਅਭਿਸਪਤਿ ਨਾਮ ‘‘ਨਿਰਯੇ ਨਿਬ੍ਬਤ੍ਤਾਮਿ, ਅવੀਚਿਮ੍ਹਿ ਨਿਬ੍ਬਤ੍ਤਾਮਿ, ਨਿਰਯੇ ਨਿਬ੍ਬਤ੍ਤਤੁ, ਅવੀਚਿਮ੍ਹਿ ਨਿਬ੍ਬਤ੍ਤਤੂ’’ਤਿ ਏવਮਾਦਿਨਾ ਨਯੇਨ ਅਕ੍ਕੋਸਤਿ। ਬ੍ਰਹ੍ਮਚਰਿਯੇਨ ਅਭਿਸਪਤਿ ਨਾਮ ‘‘ਗਿਹਿਨੀ ਹੋਮਿ, ਓਦਾਤવਤ੍ਥਾ ਹੋਮਿ, ਪਰਿਬ੍ਬਾਜਿਕਾ ਹੋਮਿ, ਇਤਰਾ વਾ ਏਦਿਸਾ ਹੋਤੂ’’ਤਿ ਏવਮਾਦਿਨਾ ਨਯੇਨ ਅਕ੍ਕੋਸਤਿ; વਾਚਾਯ વਾਚਾਯ ਪਾਚਿਤ੍ਤਿਯਂ। ਠਪੇਤ੍વਾ ਪਨ ਨਿਰਯਞ੍ਚ ਬ੍ਰਹ੍ਮਚਰਿਯਞ੍ਚ ‘‘ਸੁਨਖੀ ਸੂਕਰੀ ਕਾਣਾ ਕੁਣੀ’’ਤਿਆਦਿਨਾ ਨਯੇਨ ਅਕ੍ਕੋਸਨ੍ਤਿਯਾ વਾਚਾਯ વਾਚਾਯ ਦੁਕ੍ਕਟਂ।
875. Navame – abhisapeyyāti sapathaṃ kareyya. Nirayena abhisapati nāma ‘‘niraye nibbattāmi, avīcimhi nibbattāmi, niraye nibbattatu, avīcimhi nibbattatū’’ti evamādinā nayena akkosati. Brahmacariyena abhisapati nāma ‘‘gihinī homi, odātavatthā homi, paribbājikā homi, itarā vā edisā hotū’’ti evamādinā nayena akkosati; vācāya vācāya pācittiyaṃ. Ṭhapetvā pana nirayañca brahmacariyañca ‘‘sunakhī sūkarī kāṇā kuṇī’’tiādinā nayena akkosantiyā vācāya vācāya dukkaṭaṃ.
੮੭੮. ਅਤ੍ਥਪੁਰੇਕ੍ਖਾਰਾਯਾਤਿ ਅਟ੍ਠਕਥਂ ਕਥੇਨ੍ਤਿਯਾ। ਧਮ੍ਮਪੁਰੇਕ੍ਖਾਰਾਯਾਤਿ ਪਾਲ਼ਿਂ વਾਚੇਨ੍ਤਿਯਾ। ਅਨੁਸਾਸਨਿਪੁਰੇਕ੍ਖਾਰਾਯਾਤਿ ‘‘ਇਦਾਨਿਪਿ ਤ੍વਂ ਏਦਿਸਾ, ਸਾਧੁ વਿਰਮਸ੍ਸੁ, ਨੋ ਚੇ વਿਰਮਸਿ, ਅਦ੍ਧਾ ਪੁਨ ਏવਰੂਪਾਨਿ ਕਮ੍ਮਾਨਿ ਕਤ੍વਾ ਨਿਰਯੇ ਉਪ੍ਪਜ੍ਜਿਸ੍ਸਸਿ, ਤਿਰਚ੍ਛਾਨਯੋਨਿਯਾ ਉਪ੍ਪਜ੍ਜਿਸ੍ਸਸੀ’’ਤਿ ਏવਂ ਅਨੁਸਾਸਨਿਯਂ ਠਤ੍વਾ વਦਨ੍ਤਿਯਾ ਅਨਾਪਤ੍ਤਿ। ਸੇਸਂ ਉਤ੍ਤਾਨਮੇવ।
878.Atthapurekkhārāyāti aṭṭhakathaṃ kathentiyā. Dhammapurekkhārāyāti pāḷiṃ vācentiyā. Anusāsanipurekkhārāyāti ‘‘idānipi tvaṃ edisā, sādhu viramassu, no ce viramasi, addhā puna evarūpāni kammāni katvā niraye uppajjissasi, tiracchānayoniyā uppajjissasī’’ti evaṃ anusāsaniyaṃ ṭhatvā vadantiyā anāpatti. Sesaṃ uttānameva.
ਤਿਸਮੁਟ੍ਠਾਨਂ – ਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਲੋਕવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਅਕੁਸਲਚਿਤ੍ਤਂ, ਦੁਕ੍ਖવੇਦਨਨ੍ਤਿ।
Tisamuṭṭhānaṃ – kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
ਨવਮਸਿਕ੍ਖਾਪਦਂ।
Navamasikkhāpadaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੯. ਨવਮਸਿਕ੍ਖਾਪਦਂ • 9. Navamasikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੯. ਨવਮਸਿਕ੍ਖਾਪਦવਣ੍ਣਨਾ • 9. Navamasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਪਠਮਾਦਿਸਿਕ੍ਖਾਪਦવਣ੍ਣਨਾ • 1. Paṭhamādisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੯. ਨવਮਸਿਕ੍ਖਾਪਦਂ • 9. Navamasikkhāpadaṃ
