| Library / Tipiṭaka / तिपिटक • Tipiṭaka / कङ्खावितरणी-पुराण-टीका • Kaṅkhāvitaraṇī-purāṇa-ṭīkā |
९. नवमवग्गवण्णना
9. Navamavaggavaṇṇanā
ततिये ‘‘सेसं वुत्तनयेन वेदितब्बं, इदं पन अकुसलचित्त’’न्ति पाठो।
Tatiye ‘‘sesaṃ vuttanayena veditabbaṃ, idaṃ pana akusalacitta’’nti pāṭho.
चतुत्थे वुत्तनयेनाति ततिये वुत्तनयेन।
Catutthe vuttanayenāti tatiye vuttanayena.
एकादसमे ‘‘समुट्ठानादीनि कथिनसदिसानि, इदं पन किरियाकिरिय’’न्ति पाठो।
Ekādasame ‘‘samuṭṭhānādīni kathinasadisāni, idaṃ pana kiriyākiriya’’nti pāṭho.
द्वादसमे ‘‘समुट्ठानादीनि पदसोधम्मसदिसानि, इदं पन किरियाकिरिय’’न्ति पाठो।
Dvādasame ‘‘samuṭṭhānādīni padasodhammasadisāni, idaṃ pana kiriyākiriya’’nti pāṭho.
तेरसमे ‘‘संकच्चिकं नाम अधक्खकं उब्भनाभि, तस्सा पटिच्छादनत्थाया’’ति (पाचि॰ १२२६) पाळियं वुत्तत्ता इधापि ‘‘अधक्खकउब्भनाभिसङ्खातस्स सरीरस्स पटिच्छादनत्थ’’न्ति पाठो। अपरिक्खेपे आपत्तिपरिच्छेदं समन्तपासादिकवसेन अग्गहेत्वा इध वुत्तनयेन गहेतब्बन्ति लिखितं।
Terasame ‘‘saṃkaccikaṃ nāma adhakkhakaṃ ubbhanābhi, tassā paṭicchādanatthāyā’’ti (pāci. 1226) pāḷiyaṃ vuttattā idhāpi ‘‘adhakkhakaubbhanābhisaṅkhātassa sarīrassa paṭicchādanattha’’nti pāṭho. Aparikkhepe āpattiparicchedaṃ samantapāsādikavasena aggahetvā idha vuttanayena gahetabbanti likhitaṃ.
नवमवग्गवण्णना निट्ठिता।
Navamavaggavaṇṇanā niṭṭhitā.
सुद्धपाचित्तियवण्णना निट्ठिता।
Suddhapācittiyavaṇṇanā niṭṭhitā.
