| Library / Tipiṭaka / တိပိဋက • Tipiṭaka / ကင္ခာဝိတရဏီ-ပုရာဏ-ဋီကာ • Kaṅkhāvitaraṇī-purāṇa-ṭīkā |
၉. နဝမဝဂ္ဂဝဏ္ဏနာ
9. Navamavaggavaṇṇanā
တတိယေ ‘‘သေသံ ဝုတ္တနယေန ဝေဒိတဗ္ဗံ, ဣဒံ ပန အကုသလစိတ္တ’’န္တိ ပာဌော။
Tatiye ‘‘sesaṃ vuttanayena veditabbaṃ, idaṃ pana akusalacitta’’nti pāṭho.
စတုတ္ထေ ဝုတ္တနယေနာတိ တတိယေ ဝုတ္တနယေန။
Catutthe vuttanayenāti tatiye vuttanayena.
ဧကာဒသမေ ‘‘သမုဋ္ဌာနာဒီနိ ကထိနသဒိသာနိ, ဣဒံ ပန ကိရိယာကိရိယ’’န္တိ ပာဌော။
Ekādasame ‘‘samuṭṭhānādīni kathinasadisāni, idaṃ pana kiriyākiriya’’nti pāṭho.
ဒ္ဝာဒသမေ ‘‘သမုဋ္ဌာနာဒီနိ ပဒသောဓမ္မသဒိသာနိ, ဣဒံ ပန ကိရိယာကိရိယ’’န္တိ ပာဌော။
Dvādasame ‘‘samuṭṭhānādīni padasodhammasadisāni, idaṃ pana kiriyākiriya’’nti pāṭho.
တေရသမေ ‘‘သံကစ္စိကံ နာမ အဓက္ခကံ ဥဗ္ဘနာဘိ, တသ္သာ ပဋိစ္ဆာဒနတ္ထာယာ’’တိ (ပာစိ. ၁၂၂၆) ပာဠိယံ ဝုတ္တတ္တာ ဣဓာပိ ‘‘အဓက္ခကဥဗ္ဘနာဘိသင္ခာတသ္သ သရီရသ္သ ပဋိစ္ဆာဒနတ္ထ’’န္တိ ပာဌော။ အပရိက္ခေပေ အာပတ္တိပရိစ္ဆေဒံ သမန္တပာသာဒိကဝသေန အဂ္ဂဟေတ္ဝာ ဣဓ ဝုတ္တနယေန ဂဟေတဗ္ဗန္တိ လိခိတံ။
Terasame ‘‘saṃkaccikaṃ nāma adhakkhakaṃ ubbhanābhi, tassā paṭicchādanatthāyā’’ti (pāci. 1226) pāḷiyaṃ vuttattā idhāpi ‘‘adhakkhakaubbhanābhisaṅkhātassa sarīrassa paṭicchādanattha’’nti pāṭho. Aparikkhepe āpattiparicchedaṃ samantapāsādikavasena aggahetvā idha vuttanayena gahetabbanti likhitaṃ.
နဝမဝဂ္ဂဝဏ္ဏနာ နိဋ္ဌိတာ။
Navamavaggavaṇṇanā niṭṭhitā.
သုဒ္ဓပာစိတ္တိယဝဏ္ဏနာ နိဋ္ဌိတာ။
Suddhapācittiyavaṇṇanā niṭṭhitā.
