| Library / Tipiṭaka / තිපිටක • Tipiṭaka / කඞ්‌ඛාවිතරණී-පුරාණ-ටීකා • Kaṅkhāvitaraṇī-purāṇa-ṭīkā |
9. නවමවග්‌ගවණ්‌ණනා
9. Navamavaggavaṇṇanā
තතියෙ ‘‘සෙසං වුත්‌තනයෙන වෙදිතබ්‌බං, ඉදං පන අකුසලචිත්‌ත’’න්‌ති පාඨො.
Tatiye ‘‘sesaṃ vuttanayena veditabbaṃ, idaṃ pana akusalacitta’’nti pāṭho.
චතුත්‌ථෙ වුත්‌තනයෙනාති තතියෙ වුත්‌තනයෙන.
Catutthe vuttanayenāti tatiye vuttanayena.
එකාදසමෙ ‘‘සමුට්‌ඨානාදීනි කථිනසදිසානි, ඉදං පන කිරියාකිරිය’’න්‌ති පාඨො.
Ekādasame ‘‘samuṭṭhānādīni kathinasadisāni, idaṃ pana kiriyākiriya’’nti pāṭho.
ද්‌වාදසමෙ ‘‘සමුට්‌ඨානාදීනි පදසොධම්‌මසදිසානි, ඉදං පන කිරියාකිරිය’’න්‌ති පාඨො.
Dvādasame ‘‘samuṭṭhānādīni padasodhammasadisāni, idaṃ pana kiriyākiriya’’nti pāṭho.
තෙරසමෙ ‘‘සංකච්‌චිකං නාම අධක්‌ඛකං උබ්‌භනාභි, තස්‌සා පටිච්‌ඡාදනත්‌ථායා’’ති (පාචි. 1226) පාළියං වුත්‌තත්‌තා ඉධාපි ‘‘අධක්‌ඛකඋබ්‌භනාභිසඞ්‌ඛාතස්‌ස සරීරස්‌ස පටිච්‌ඡාදනත්‌ථ’’න්‌ති පාඨො. අපරික්‌ඛෙපෙ ආපත්‌තිපරිච්‌ඡෙදං සමන්‌තපාසාදිකවසෙන අග්‌ගහෙත්‌වා ඉධ වුත්‌තනයෙන ගහෙතබ්‌බන්‌ති ලිඛිතං.
Terasame ‘‘saṃkaccikaṃ nāma adhakkhakaṃ ubbhanābhi, tassā paṭicchādanatthāyā’’ti (pāci. 1226) pāḷiyaṃ vuttattā idhāpi ‘‘adhakkhakaubbhanābhisaṅkhātassa sarīrassa paṭicchādanattha’’nti pāṭho. Aparikkhepe āpattiparicchedaṃ samantapāsādikavasena aggahetvā idha vuttanayena gahetabbanti likhitaṃ.
නවමවග්‌ගවණ්‌ණනා නිට්‌ඨිතා.
Navamavaggavaṇṇanā niṭṭhitā.
සුද්‌ධපාචිත්‌තියවණ්‌ණනා නිට්‌ඨිතා.
Suddhapācittiyavaṇṇanā niṭṭhitā.
