| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
5. нааван̇г̇абан̃хо
5. Nāvaṅgapañho
5. ‘‘бханд̇з нааг̇асзна, ‘наавааяа д̇ийн̣и ан̇г̇аани г̇ахзд̇аб̣б̣ааний’д̇и яам̣ вад̣̇зси, гад̇амаани д̇аани д̇ийн̣и ан̇г̇аани г̇ахзд̇аб̣б̣ааний’’д̇и? ‘‘яат̇аа, махаарааж̇а, нааваа б̣ахувид̇хад̣̇аарусан̇гхаадасамавааязна б̣ахумби ж̇анам̣ д̇аараяад̇и, звамзва ко, махаарааж̇а, яог̇инаа яог̇ааважарзна аажаарасийлаг̇ун̣авад̇д̇аббадивад̇д̇аб̣ахувид̇хад̇хаммасан̇гхаадасамавааязна сад̣̇зваго лого д̇аараяид̇аб̣б̣о. ид̣̇ам̣, махаарааж̇а, наавааяа батамам̣ ан̇г̇ам̣ г̇ахзд̇аб̣б̣ам̣.
5. ‘‘Bhante nāgasena, ‘nāvāya tīṇi aṅgāni gahetabbānī’ti yaṃ vadesi, katamāni tāni tīṇi aṅgāni gahetabbānī’’ti? ‘‘Yathā, mahārāja, nāvā bahuvidhadārusaṅghāṭasamavāyena bahumpi janaṃ tārayati, evameva kho, mahārāja, yoginā yogāvacarena ācārasīlaguṇavattappaṭivattabahuvidhadhammasaṅghāṭasamavāyena sadevako loko tārayitabbo. Idaṃ, mahārāja, nāvāya paṭhamaṃ aṅgaṃ gahetabbaṃ.
‘‘буна жабарам̣, махаарааж̇а, нааваа б̣ахувид̇хауумид̇т̇анид̇авзг̇ависадамааваддавзг̇ам̣ сахад̇и, звамзва ко, махаарааж̇а, яог̇инаа яог̇ааважарзна б̣ахувид̇хагилзсауумивзг̇ам̣ лаабхасаггаараяасасилогабууж̇анаванд̣̇анаа барагулзсу нинд̣̇аабасам̣саасукад̣̇угкасаммаананавимаананаб̣ахувид̇хад̣̇осауумивзг̇ан̃жа сахид̇аб̣б̣ам̣. ид̣̇ам̣, махаарааж̇а, наавааяа д̣̇уд̇ияам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ, mahārāja, nāvā bahuvidhaūmitthanitavegavisaṭamāvaṭṭavegaṃ sahati, evameva kho, mahārāja, yoginā yogāvacarena bahuvidhakilesaūmivegaṃ lābhasakkārayasasilokapūjanavandanā parakulesu nindāpasaṃsāsukhadukkhasammānanavimānanabahuvidhadosaūmivegañca sahitabbaṃ. Idaṃ, mahārāja, nāvāya dutiyaṃ aṅgaṃ gahetabbaṃ.
‘‘буна жабарам̣, махаарааж̇а, нааваа абаримид̇амананд̇амабаарамагкобхид̇аг̇амбхийрз махад̇имахаагхосз д̇имид̇имин̇г̇аламагарамажчаг̇ан̣аагулз махад̇имахаасамуд̣̇д̣̇з жарад̇и, звамзва ко, махаарааж̇а, яог̇инаа яог̇ааважарзна д̇ибаривадда д̣̇ваад̣̇асаагаара жад̇усажжаабхисамаяаббадивзд̇хз маанасам̣ сан̃жаараяид̇аб̣б̣ам̣. ид̣̇ам̣, махаарааж̇а, наавааяа д̇ад̇ияам̣ ан̇г̇ам̣ г̇ахзд̇аб̣б̣ам̣. бхаасид̇амбзд̇ам̣, махаарааж̇а, бхаг̇авад̇аа д̣̇зваад̇ид̣̇звзна сам̣яуд̇д̇анигааяаварз сажжасам̣яуд̇д̇з –
‘‘Puna caparaṃ, mahārāja, nāvā aparimitamanantamapāramakkhobhitagambhīre mahatimahāghose timitimiṅgalamakaramacchagaṇākule mahatimahāsamudde carati, evameva kho, mahārāja, yoginā yogāvacarena tiparivaṭṭa dvādasākāra catusaccābhisamayappaṭivedhe mānasaṃ sañcārayitabbaṃ. Idaṃ, mahārāja, nāvāya tatiyaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena saṃyuttanikāyavare saccasaṃyutte –
‘‘‘вид̇аггзнд̇аа жа ко д̇умхз, бхигкавз, ‘‘ид̣̇ам̣ д̣̇угка’’нд̇и вид̇аггзяяаат̇а, ‘‘аяам̣ д̣̇угкасамуд̣̇аяо’’д̇и вид̇аггзяяаат̇а, ‘‘аяам̣ д̣̇угканирод̇хо’’д̇и вид̇аггзяяаат̇а, ‘‘аяам̣ д̣̇угканирод̇хаг̇ааминий бадибад̣̇аа’’д̇и вид̇аггзяяаат̇аа’’’д̇и.
‘‘‘Vitakkentā ca kho tumhe, bhikkhave, ‘‘idaṃ dukkha’’nti vitakkeyyātha, ‘‘ayaṃ dukkhasamudayo’’ti vitakkeyyātha, ‘‘ayaṃ dukkhanirodho’’ti vitakkeyyātha, ‘‘ayaṃ dukkhanirodhagāminī paṭipadā’’ti vitakkeyyāthā’’’ti.
нааван̇г̇абан̃хо бан̃жамо.
Nāvaṅgapañho pañcamo.
