| Library / Tipiṭaka / ತಿಪಿಟಕ • Tipiṭaka / ಪರಿವಾರಪಾಳಿ • Parivārapāḷi |
೫. ನವಸಙ್ಗಹವಗ್ಗೋ
5. Navasaṅgahavaggo
೫೦೧. ನವಸಙ್ಗಹಾ – ವತ್ಥುಸಙ್ಗಹೋ, ವಿಪತ್ತಿಸಙ್ಗಹೋ ಆಪತ್ತಿಸಙ್ಗಹೋ, ನಿದಾನಸಙ್ಗಹೋ, ಪುಗ್ಗಲಸಙ್ಗಹೋ, ಖನ್ಧಸಙ್ಗಹೋ, ಸಮುಟ್ಠಾನಸಙ್ಗಹೋ, ಅಧಿಕರಣಸಙ್ಗಹೋ, ಸಮಥಸಙ್ಗಹೋತಿ।
501. Navasaṅgahā – vatthusaṅgaho, vipattisaṅgaho āpattisaṅgaho, nidānasaṅgaho, puggalasaṅgaho, khandhasaṅgaho, samuṭṭhānasaṅgaho, adhikaraṇasaṅgaho, samathasaṅgahoti.
ಅಧಿಕರಣೇ ಸಮುಪ್ಪನ್ನೇ ಸಚೇ ಉಭೋ ಅತ್ಥಪಚ್ಚತ್ಥಿಕಾ ಆಗಚ್ಛನ್ತಿ ಉಭಿನ್ನಮ್ಪಿ ವತ್ಥು ಆರೋಚಾಪೇತಬ್ಬಂ। ಉಭಿನ್ನಮ್ಪಿ ವತ್ಥು ಆರೋಚಾಪೇತ್ವಾ ಉಭಿನ್ನಮ್ಪಿ ಪಟಿಞ್ಞಾ ಸೋತಬ್ಬಾ। ಉಭಿನ್ನಮ್ಪಿ ಪಟಿಞ್ಞಂ ಸುತ್ವಾ ಉಭೋಪಿ ವತ್ತಬ್ಬಾ – ‘‘ಅಮ್ಹಾಕಂ ಇಮಸ್ಮಿಂ ಅಧಿಕರಣೇ ವೂಪಸಮಿತೇ 1 ಉಭೋಪಿ ತುಟ್ಠಾ ಭವಿಸ್ಸಥಾ’’ತಿ। ಸಚೇ ಆಹಂಸು – ‘‘ಉಭೋಪಿ ತುಟ್ಠಾ ಭವಿಸ್ಸಾಮಾ’’ತಿ, ಸಙ್ಘೇನ ತಂ ಅಧಿಕರಣಂ ಸಮ್ಪಟಿಚ್ಛಿತಬ್ಬಂ। ಸಚೇ ಅಲಜ್ಜುಸ್ಸನ್ನಾ ಹೋತಿ, ಪರಿಸಾ ಉಬ್ಬಾಹಿಕಾಯ ವೂಪಸಮೇತಬ್ಬಂ। ಸಚೇ ಬಾಲುಸ್ಸನ್ನಾ ಹೋತಿ, ಪರಿಸಾ ವಿನಯಧರೋ ಪರಿಯೇಸಿತಬ್ಬೋ ಯೇನ ಧಮ್ಮೇನ ಯೇನ ವಿನಯೇನ ಯೇನ ಸತ್ಥುಸಾಸನೇನ ತಂ ಅಧಿಕರಣಂ ವೂಪಸಮ್ಮತಿ। ತಥಾ ತಂ ಅಧಿಕರಣಂ ವೂಪಸಮೇತಬ್ಬಂ।
Adhikaraṇe samuppanne sace ubho atthapaccatthikā āgacchanti ubhinnampi vatthu ārocāpetabbaṃ. Ubhinnampi vatthu ārocāpetvā ubhinnampi paṭiññā sotabbā. Ubhinnampi paṭiññaṃ sutvā ubhopi vattabbā – ‘‘amhākaṃ imasmiṃ adhikaraṇe vūpasamite 2 ubhopi tuṭṭhā bhavissathā’’ti. Sace āhaṃsu – ‘‘ubhopi tuṭṭhā bhavissāmā’’ti, saṅghena taṃ adhikaraṇaṃ sampaṭicchitabbaṃ. Sace alajjussannā hoti, parisā ubbāhikāya vūpasametabbaṃ. Sace bālussannā hoti, parisā vinayadharo pariyesitabbo yena dhammena yena vinayena yena satthusāsanena taṃ adhikaraṇaṃ vūpasammati. Tathā taṃ adhikaraṇaṃ vūpasametabbaṃ.
ವತ್ಥು ಜಾನಿತಬ್ಬಂ, ಗೋತ್ತಂ ಜಾನಿತಬ್ಬಂ, ನಾಮಂ ಜಾನಿತಬ್ಬಂ, ಆಪತ್ತಿ ಜಾನಿತಬ್ಬಾ।
Vatthu jānitabbaṃ, gottaṃ jānitabbaṃ, nāmaṃ jānitabbaṃ, āpatti jānitabbā.
ಮೇಥುನಧಮ್ಮೋತಿ ವತ್ಥು ಚೇವ ಗೋತ್ತಞ್ಚ – ಪಾರಾಜಿಕನ್ತಿ ನಾಮಞ್ಚೇವ ಆಪತ್ತಿ ಚ।
Methunadhammoti vatthu ceva gottañca – pārājikanti nāmañceva āpatti ca.
ಅದಿನ್ನಾದಾನನ್ತಿ ವತ್ಥು ಚೇವ ಗೋತ್ತಞ್ಚ – ಪಾರಾಜಿಕನ್ತಿ ನಾಮಞ್ಚೇವ ಆಪತ್ತಿ ಚ।
Adinnādānanti vatthu ceva gottañca – pārājikanti nāmañceva āpatti ca.
ಮನುಸ್ಸವಿಗ್ಗಹೋತಿ ವತ್ಥು ಚೇವ ಗೋತ್ತಞ್ಚ – ಪಾರಾಜಿಕನ್ತಿ ನಾಮಞ್ಚೇವ ಆಪತ್ತಿ ಚ।
Manussaviggahoti vatthu ceva gottañca – pārājikanti nāmañceva āpatti ca.
ಉತ್ತರಿಮನುಸ್ಸಧಮ್ಮೋತಿ ವತ್ಥು ಚೇವ ಗೋತ್ತಞ್ಚ – ಪಾರಾಜಿಕನ್ತಿ ನಾಮಞ್ಚೇವ ಆಪತ್ತಿ ಚ।
Uttarimanussadhammoti vatthu ceva gottañca – pārājikanti nāmañceva āpatti ca.
ಸುಕ್ಕವಿಸ್ಸಟ್ಠೀತಿ ವತ್ಥು ಚೇವ ಗೋತ್ತಞ್ಚ – ಸಙ್ಘಾದಿಸೇಸೋತಿ ನಾಮಞ್ಚೇವ ಆಪತ್ತಿ ಚ।
Sukkavissaṭṭhīti vatthu ceva gottañca – saṅghādisesoti nāmañceva āpatti ca.
ಕಾಯಸಂಸಗ್ಗೋತಿ ವತ್ಥು ಚೇವ ಗೋತ್ತಞ್ಚ – ಸಙ್ಘಾದಿಸೇಸೋತಿ ನಾಮಞ್ಚೇವ ಆಪತ್ತಿ ಚ।
Kāyasaṃsaggoti vatthu ceva gottañca – saṅghādisesoti nāmañceva āpatti ca.
ದುಟ್ಠುಲ್ಲವಾಚಾತಿ ವತ್ಥು ಚೇವ ಗೋತ್ತಞ್ಚ – ಸಙ್ಘಾದಿಸೇಸೋತಿ ನಾಮಞ್ಚೇವ ಆಪತ್ತಿ ಚ।
Duṭṭhullavācāti vatthu ceva gottañca – saṅghādisesoti nāmañceva āpatti ca.
ಅತ್ತಕಾಮನ್ತಿ ವತ್ಥು ಚೇವ ಗೋತ್ತಞ್ಚ – ಸಙ್ಘಾದಿಸೇಸೋತಿ ನಾಮಞ್ಚೇವ ಆಪತ್ತಿ ಚ।
Attakāmanti vatthu ceva gottañca – saṅghādisesoti nāmañceva āpatti ca.
ಸಞ್ಚರಿತ್ತನ್ತಿ ವತ್ಥು ಚೇವ ಗೋತ್ತಞ್ಚ – ಸಙ್ಘಾದಿಸೇಸೋತಿ ನಾಮಞ್ಚೇವ ಆಪತ್ತಿ ಚ।
Sañcarittanti vatthu ceva gottañca – saṅghādisesoti nāmañceva āpatti ca.
ಸಞ್ಞಾಚಿಕಾಯ ಕುಟಿಂ ಕಾರಾಪನನ್ತಿ ವತ್ಥು ಚೇವ ಗೋತ್ತಞ್ಚ – ಸಙ್ಘಾದಿಸೇಸೋತಿ ನಾಮಞ್ಚೇವ ಆಪತ್ತಿ ಚ।
Saññācikāya kuṭiṃ kārāpananti vatthu ceva gottañca – saṅghādisesoti nāmañceva āpatti ca.
ಮಹಲ್ಲಕಂ ವಿಹಾರಂ ಕಾರಾಪನನ್ತಿ ವತ್ಥು ಚೇವ ಗೋತ್ತಞ್ಚ – ಸಙ್ಘಾದಿಸೇಸೋತಿ ನಾಮಞ್ಚೇವ ಆಪತ್ತಿ ಚ।
Mahallakaṃ vihāraṃ kārāpananti vatthu ceva gottañca – saṅghādisesoti nāmañceva āpatti ca.
ಭಿಕ್ಖುಂ ಅಮೂಲಕೇನ ಪಾರಾಜಿಕೇನ ಧಮ್ಮೇನ ಅನುದ್ಧಂಸನನ್ತಿ ವತ್ಥು ಚೇವ ಗೋತ್ತಞ್ಚ – ಸಙ್ಘಾದಿಸೇಸೋತಿ ನಾಮಞ್ಚೇವ ಆಪತ್ತಿ ಚ।
Bhikkhuṃ amūlakena pārājikena dhammena anuddhaṃsananti vatthu ceva gottañca – saṅghādisesoti nāmañceva āpatti ca.
ಭಿಕ್ಖುಂ ಅಞ್ಞಭಾಗಿಯಸ್ಸ ಅಧಿಕರಣಸ್ಸ ಕಿಞ್ಚಿ ದೇಸಂ ಲೇಸಮತ್ತಂ ಉಪಾದಾಯ ಪಾರಾಜಿಕೇನ ಧಮ್ಮೇನ ಅನುದ್ಧಂಸನನ್ತಿ ವತ್ಥು ಚೇವ ಗೋತ್ತಞ್ಚ – ಸಙ್ಘಾದಿಸೇಸೋತಿ ನಾಮಞ್ಚೇವ ಆಪತ್ತಿ ಚ।
Bhikkhuṃ aññabhāgiyassa adhikaraṇassa kiñci desaṃ lesamattaṃ upādāya pārājikena dhammena anuddhaṃsananti vatthu ceva gottañca – saṅghādisesoti nāmañceva āpatti ca.
ಸಙ್ಘಭೇದಕಸ್ಸ ಭಿಕ್ಖುನೋ ಯಾವತತಿಯಂ ಸಮನುಭಾಸನಾಯ ನ ಪಟಿನಿಸ್ಸಜ್ಜನನ್ತಿ ವತ್ಥು ಚೇವ ಗೋತ್ತಞ್ಚ – ಸಙ್ಘಾದಿಸೇಸೋತಿ ನಾಮಞ್ಚೇವ ಆಪತ್ತಿ ಚ।
Saṅghabhedakassa bhikkhuno yāvatatiyaṃ samanubhāsanāya na paṭinissajjananti vatthu ceva gottañca – saṅghādisesoti nāmañceva āpatti ca.
ಭೇದಕಾನುವತ್ತಕಾನಂ ಭಿಕ್ಖೂನಂ ಯಾವತತಿಯಂ ಸಮನುಭಾಸನಾಯ ನ ಪಟಿನಿಸ್ಸಜ್ಜನನ್ತಿ ವತ್ಥು ಚೇವ ಗೋತ್ತಞ್ಚ – ಸಙ್ಘಾದಿಸೇಸೋತಿ ನಾಮಞ್ಚೇವ ಆಪತ್ತಿ ಚ।
Bhedakānuvattakānaṃ bhikkhūnaṃ yāvatatiyaṃ samanubhāsanāya na paṭinissajjananti vatthu ceva gottañca – saṅghādisesoti nāmañceva āpatti ca.
ದುಬ್ಬಚಸ್ಸ ಭಿಕ್ಖುನೋ ಯಾವತತಿಯಂ ಸಮನುಭಾಸನಾಯ ನ ಪಟಿನಿಸ್ಸಜ್ಜನನ್ತಿ ವತ್ಥು ಚೇವ ಗೋತ್ತಞ್ಚ – ಸಙ್ಘಾದಿಸೇಸೋತಿ ನಾಮಞ್ಚೇವ ಆಪತ್ತಿ ಚ।
Dubbacassa bhikkhuno yāvatatiyaṃ samanubhāsanāya na paṭinissajjananti vatthu ceva gottañca – saṅghādisesoti nāmañceva āpatti ca.
ಕುಲದೂಸಕಸ್ಸ ಭಿಕ್ಖುನೋ ಯಾವತತಿಯಂ ಸಮನುಭಾಸನಾಯ ನ ಪಟಿನಿಸ್ಸಜ್ಜನನ್ತಿ ವತ್ಥು ಚೇವ ಗೋತ್ತಞ್ಚ – ಸಙ್ಘಾದಿಸೇಸೋತಿ ನಾಮಞ್ಚೇವ ಆಪತ್ತಿ ಚ…ಪೇ॰…।
Kuladūsakassa bhikkhuno yāvatatiyaṃ samanubhāsanāya na paṭinissajjananti vatthu ceva gottañca – saṅghādisesoti nāmañceva āpatti ca…pe….
ಅನಾದರಿಯಂ ಪಟಿಚ್ಚ ಉದಕೇ ಉಚ್ಚಾರಂ ವಾ ಪಸ್ಸಾವಂ ವಾ ಖೇಳಂ ವಾ ಕರಣನ್ತಿ ವತ್ಥು ಚೇವ ಗೋತ್ತಞ್ಚ – ದುಕ್ಕಟನ್ತಿ ನಾಮಞ್ಚೇವ ಆಪತ್ತಿ ಚಾತಿ।
Anādariyaṃ paṭicca udake uccāraṃ vā passāvaṃ vā kheḷaṃ vā karaṇanti vatthu ceva gottañca – dukkaṭanti nāmañceva āpatti cāti.
ನವಸಙ್ಗಹವಗ್ಗೋ ನಿಟ್ಠಿತೋ ಪಞ್ಚಮೋ।
Navasaṅgahavaggo niṭṭhito pañcamo.
ತಸ್ಸುದ್ದಾನಂ –
Tassuddānaṃ –
ಅಪಲೋಕನಂ ಞತ್ತಿ ಚ, ದುತಿಯಂ ಚತುತ್ಥೇನ ಚ।
Apalokanaṃ ñatti ca, dutiyaṃ catutthena ca;
ವತ್ಥು ಞತ್ತಿ ಅನುಸ್ಸಾವನಂ, ಸೀಮಾ ಪರಿಸಮೇವ ಚ॥
Vatthu ñatti anussāvanaṃ, sīmā parisameva ca.
ಸಮ್ಮುಖಾ ಪಟಿಪುಚ್ಛಾ ಚ, ಪಟಿಞ್ಞಾ ವಿನಯಾರಹೋ।
Sammukhā paṭipucchā ca, paṭiññā vinayāraho;
ವತ್ಥು ಸಙ್ಘಪುಗ್ಗಲಞ್ಚ, ಞತ್ತಿಂ ನ ಪಚ್ಛಾ ಞತ್ತಿ ಚ॥
Vatthu saṅghapuggalañca, ñattiṃ na pacchā ñatti ca.
ವತ್ಥುಂ ಸಙ್ಘಪುಗ್ಗಲಞ್ಚ, ಸಾವನಂ ಅಕಾಲೇನ ಚ।
Vatthuṃ saṅghapuggalañca, sāvanaṃ akālena ca;
ಅತಿಖುದ್ದಕಾ ಮಹನ್ತಾ ಚ, ಖಣ್ಡಚ್ಛಾಯಾ ನಿಮಿತ್ತಕಾ॥
Atikhuddakā mahantā ca, khaṇḍacchāyā nimittakā.
ಬಹಿನದೀ ಸಮುದ್ದೇ ಚ, ಜಾತಸ್ಸರೇ ಚ ಭಿನ್ದತಿ।
Bahinadī samudde ca, jātassare ca bhindati;
ಅಜ್ಝೋತ್ಥರತಿ ಸೀಮಾಯ, ಚತು ಪಞ್ಚ ಚ ವಗ್ಗಿಕಾ॥
Ajjhottharati sīmāya, catu pañca ca vaggikā.
ದಸ ವೀಸತಿವಗ್ಗಾ ಚ, ಅನಾಹಟಾ ಚ ಆಹಟಾ।
Dasa vīsativaggā ca, anāhaṭā ca āhaṭā;
ಕಮ್ಮಪತ್ತಾ ಛನ್ದಾರಹಾ, ಕಮ್ಮಾರಹಾ ಚ ಪುಗ್ಗಲಾ॥
Kammapattā chandārahā, kammārahā ca puggalā.
ಅಪಲೋಕನಂ ಪಞ್ಚಟ್ಠಾನಂ, ಞತ್ತಿ ಚ ನವಠಾನಿಕಾ।
Apalokanaṃ pañcaṭṭhānaṃ, ñatti ca navaṭhānikā;
ಞತ್ತಿ ದುತಿಯಂ ಸತ್ತಟ್ಠಾನಂ, ಚತುತ್ಥಾ ಸತ್ತಠಾನಿಕಾ॥
Ñatti dutiyaṃ sattaṭṭhānaṃ, catutthā sattaṭhānikā.
ಸುಟ್ಠು ಫಾಸು ಚ ದುಮ್ಮಙ್ಕು, ಪೇಸಲಾ ಚಾಪಿ ಆಸವಾ।
Suṭṭhu phāsu ca dummaṅku, pesalā cāpi āsavā;
ವೇರವಜ್ಜಭಯಞ್ಚೇವ, ಅಕುಸಲಂ ಗಿಹೀನಞ್ಚ॥
Veravajjabhayañceva, akusalaṃ gihīnañca.
ಪಾಪಿಚ್ಛಾ ಅಪ್ಪಸನ್ನಾನಂ, ಪಸನ್ನಾ ಧಮ್ಮಟ್ಠಪನಾ।
Pāpicchā appasannānaṃ, pasannā dhammaṭṭhapanā;
ವಿನಯಾನುಗ್ಗಹಾ ಚೇವ, ಪಾತಿಮೋಕ್ಖುದ್ದೇಸೇನ ಚ॥
Vinayānuggahā ceva, pātimokkhuddesena ca.
ಪಾತಿಮೋಕ್ಖಞ್ಚ ಠಪನಾ, ಪವಾರಣಞ್ಚ ಠಪನಂ।
Pātimokkhañca ṭhapanā, pavāraṇañca ṭhapanaṃ;
ತಜ್ಜನೀಯಾ ನಿಯಸ್ಸಞ್ಚ, ಪಬ್ಬಾಜನೀಯ ಪಟಿಸಾರಣೀ।
Tajjanīyā niyassañca, pabbājanīya paṭisāraṇī;
ಉಕ್ಖೇಪನ ಪರಿವಾಸಂ, ಮೂಲಮಾನತ್ತಅಬ್ಭಾನಂ।
Ukkhepana parivāsaṃ, mūlamānattaabbhānaṃ;
ಓಸಾರಣಂ ನಿಸ್ಸಾರಣಂ, ತಥೇವ ಉಪಸಮ್ಪದಾ॥
Osāraṇaṃ nissāraṇaṃ, tatheva upasampadā.
ಅಪಲೋಕನಞತ್ತಿ ಚ, ದುತಿಯಞ್ಚ ಚತುತ್ಥಕಂ।
Apalokanañatti ca, dutiyañca catutthakaṃ;
ಅಪಞ್ಞತ್ತೇನುಪಞ್ಞತ್ತಂ, ಸಮ್ಮುಖಾವಿನಯೋ ಸತಿ॥
Apaññattenupaññattaṃ, sammukhāvinayo sati.
ಅಮೂಳ್ಹಪಟಿಯೇಭುಯ್ಯ, ಪಾಪಿಯ ತಿಣವತ್ಥಾರಕಂ।
Amūḷhapaṭiyebhuyya, pāpiya tiṇavatthārakaṃ;
ವತ್ಥು ವಿಪತ್ತಿ ಆಪತ್ತಿ, ನಿದಾನಂ ಪುಗ್ಗಲೇನ ಚ॥
Vatthu vipatti āpatti, nidānaṃ puggalena ca.
ಖನ್ಧಾ ಚೇವ ಸಮುಟ್ಠಾನಾ, ಅಧಿಕರಣಮೇವ ಚ।
Khandhā ceva samuṭṭhānā, adhikaraṇameva ca;
ಸಮಥಾ ಸಙ್ಗಹಾ ಚೇವ, ನಾಮಆಪತ್ತಿಕಾ ತಥಾತಿ॥
Samathā saṅgahā ceva, nāmaāpattikā tathāti.
ಪರಿವಾರೋ ನಿಟ್ಠಿತೋ।
Parivāro niṭṭhito.
ಪರಿವಾರಪಾಳಿ ನಿಟ್ಠಿತಾ।
Parivārapāḷi niṭṭhitā.
Footnotes:
Related texts:
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā / ಅತ್ಥವಸವಗ್ಗಾದಿವಣ್ಣನಾ • Atthavasavaggādivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ಅತ್ಥವಸವಗ್ಗಾದಿವಣ್ಣನಾ • Atthavasavaggādivaṇṇanā
