| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
10. நாவாஸுத்தங்
10. Nāvāsuttaṃ
158. ‘‘ஸெய்யதா²பி, பி⁴க்க²வே, ஸாமுத்³தி³காய நாவாய வெத்தப³ந்த⁴னப³ந்தா⁴ய ச² மாஸானி உத³கே பரியாதா³ய 1 ஹேமந்திகேன த²லங் உக்கி²த்தாய வாதாதபபரேதானி ப³ந்த⁴னானி தானி பாவுஸ்ஸகேன மேகே⁴ன அபி⁴ப்பவுட்டா²னி அப்பகஸிரேனேவ படிப்பஸ்ஸம்ப⁴ந்தி, பூதிகானி ப⁴வந்தி; ஏவமேவ கோ², பி⁴க்க²வே, பி⁴க்கு²னோ அரியங் அட்ட²ங்கி³கங் மக்³க³ங் பா⁴வயதோ அரியங் அட்ட²ங்கி³கங் மக்³க³ங் ப³ஹுலீகரோதோ அப்பகஸிரேனேவ ஸங்யோஜனானி படிப்பஸ்ஸம்ப⁴ந்தி, பூதிகானி ப⁴வந்தி . கத²ஞ்ச, பி⁴க்க²வே, பி⁴க்கு²னோ அரியங் அட்ட²ங்கி³கங் மக்³க³ங் பா⁴வயதோ அரியங் அட்ட²ங்கி³கங் மக்³க³ங் ப³ஹுலீகரோதோ அப்பகஸிரேனேவ ஸங்யோஜனானி படிப்பஸ்ஸம்ப⁴ந்தி, பூதிகானி ப⁴வந்தி? இத⁴, பி⁴க்க²வே, பி⁴க்கு² ஸம்மாதி³ட்டி²ங் பா⁴வேதி…பே॰… ஸம்மாஸமாதி⁴ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்…பே॰… ஏவங் கோ², பி⁴க்க²வே, பி⁴க்கு²னோ அரியங் அட்ட²ங்கி³கங் மக்³க³ங் பா⁴வயதோ அரியங் அட்ட²ங்கி³கங் மக்³க³ங் ப³ஹுலீகரோதோ அப்பகஸிரேனேவ ஸங்யோஜனானி படிப்பஸ்ஸம்ப⁴ந்தி, பூதிகானி ப⁴வந்தீ’’தி. த³ஸமங்.
158. ‘‘Seyyathāpi, bhikkhave, sāmuddikāya nāvāya vettabandhanabandhāya cha māsāni udake pariyādāya 2 hemantikena thalaṃ ukkhittāya vātātapaparetāni bandhanāni tāni pāvussakena meghena abhippavuṭṭhāni appakasireneva paṭippassambhanti, pūtikāni bhavanti; evameva kho, bhikkhave, bhikkhuno ariyaṃ aṭṭhaṅgikaṃ maggaṃ bhāvayato ariyaṃ aṭṭhaṅgikaṃ maggaṃ bahulīkaroto appakasireneva saṃyojanāni paṭippassambhanti, pūtikāni bhavanti . Kathañca, bhikkhave, bhikkhuno ariyaṃ aṭṭhaṅgikaṃ maggaṃ bhāvayato ariyaṃ aṭṭhaṅgikaṃ maggaṃ bahulīkaroto appakasireneva saṃyojanāni paṭippassambhanti, pūtikāni bhavanti? Idha, bhikkhave, bhikkhu sammādiṭṭhiṃ bhāveti…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… evaṃ kho, bhikkhave, bhikkhuno ariyaṃ aṭṭhaṅgikaṃ maggaṃ bhāvayato ariyaṃ aṭṭhaṅgikaṃ maggaṃ bahulīkaroto appakasireneva saṃyojanāni paṭippassambhanti, pūtikāni bhavantī’’ti. Dasamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 10. நாவாஸுத்தவண்ணனா • 10. Nāvāsuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 8-9-10. பட²மமேக⁴ஸுத்தாதி³வண்ணனா • 8-9-10. Paṭhamameghasuttādivaṇṇanā
