| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
4. நவஸுத்தவண்ணனா
4. Navasuttavaṇṇanā
238. சதுத்தே² அப்பொஸ்ஸுக்கோதி நிருஸ்ஸுக்கோ. ஸங்கஸாயதீதி விஹரதி. வெய்யாவச்சந்தி சீவரே கத்தப்³ப³கிச்சங். ஆபி⁴சேதஸிகானந்தி அபி⁴சித்தங் உத்தமசித்தங் நிஸ்ஸிதானங். நிகாமலாபீ⁴தி இச்சி²திச்சி²தக்க²ணே ஸமாபஜ்ஜனஸமத்த²தாய நிகாமலாபீ⁴. அகிச்ச²லாபீ⁴தி ஜா²னபாரிபந்தி²கே ஸுகே²ன விக்க²ம்பெ⁴த்வா ஸமாபஜ்ஜனஸமத்த²தாய அது³க்க²லாபீ⁴. அகஸிரலாபீ⁴தி யதா²பரிச்சே²தே³ன வுட்டா²னஸமத்த²தாய விபுலலாபீ⁴, பகு³ணஜ்ஜா²னோதி அத்தோ². ஸிதி²லமாரப்³பா⁴தி ஸிதி²லவீரியங் பவத்தெத்வா. சதுத்த²ங்.
238. Catutthe appossukkoti nirussukko. Saṅkasāyatīti viharati. Veyyāvaccanti cīvare kattabbakiccaṃ. Ābhicetasikānanti abhicittaṃ uttamacittaṃ nissitānaṃ. Nikāmalābhīti icchiticchitakkhaṇe samāpajjanasamatthatāya nikāmalābhī. Akicchalābhīti jhānapāripanthike sukhena vikkhambhetvā samāpajjanasamatthatāya adukkhalābhī. Akasiralābhīti yathāparicchedena vuṭṭhānasamatthatāya vipulalābhī, paguṇajjhānoti attho. Sithilamārabbhāti sithilavīriyaṃ pavattetvā. Catutthaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. நவஸுத்தங் • 4. Navasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. நவஸுத்தவண்ணனா • 4. Navasuttavaṇṇanā
