| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৪. নৰসুত্তৰণ্ণনা
4. Navasuttavaṇṇanā
২৩৮. অভিচেতসি নিস্সিতা আভিচেতসিকা। পটিপক্খৰিধমনেন অভিৰিসিট্ঠং চিত্তং অভিচিত্তং। যস্মা ঝানানং তংসম্পযুত্তং চিত্তং নিস্সায পচ্চযো হোতিযেৰ, তস্মা ‘‘নিস্সিতান’’ন্তি ৰুত্তং। নিকামলাভীতি যথিচ্ছিতলাভী । যথাপরিচ্ছেদেনাতি যথাকতেন কালপরিচ্ছেদেন। ৰিপুললাভীতি অপ্পমাণলাভী। ‘‘কসির’’ন্তি হি পরিত্তং ৰুচ্চতি, তপ্পটিপক্খেন অকসিরং অপ্পমাণং। তেনাহ ‘‘পগুণজ্ঝানোতি অত্থো’’তি। সিথিলমারব্ভাতি সিথিলং ৰীরিযারম্ভং কত্ৰাতি অত্থোতি আহ ‘‘সিথিলং ৰীরিযং পৰত্তেত্ৰা’’তি।
238. Abhicetasi nissitā ābhicetasikā. Paṭipakkhavidhamanena abhivisiṭṭhaṃ cittaṃ abhicittaṃ. Yasmā jhānānaṃ taṃsampayuttaṃ cittaṃ nissāya paccayo hotiyeva, tasmā ‘‘nissitāna’’nti vuttaṃ. Nikāmalābhīti yathicchitalābhī . Yathāparicchedenāti yathākatena kālaparicchedena. Vipulalābhīti appamāṇalābhī. ‘‘Kasira’’nti hi parittaṃ vuccati, tappaṭipakkhena akasiraṃ appamāṇaṃ. Tenāha ‘‘paguṇajjhānoti attho’’ti. Sithilamārabbhāti sithilaṃ vīriyārambhaṃ katvāti atthoti āha ‘‘sithilaṃ vīriyaṃ pavattetvā’’ti.
নৰসুত্তৰণ্ণনা নিট্ঠিতা।
Navasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৪. নৰসুত্তং • 4. Navasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪. নৰসুত্তৰণ্ণনা • 4. Navasuttavaṇṇanā
