| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
நாவட்ட²கதா²வண்ணனா
Nāvaṭṭhakathāvaṇṇanā
99. நாவட்ட²கதா²யங் பன யா ப³ந்த⁴னா முத்தமத்தே டா²னா ந சவதீதி இமினா சண்ட³ஸோதே ப³த்³த⁴னாவங் படிக்கி²பதி. தாவ து³க்கடந்தி ‘‘ப³ந்த⁴னங் மோசேதி, ஆபத்தி து³க்கடஸ்ஸா’’தி ஏவங் மோசெந்தஸ்ஸ பஞ்ஞத்தங் து³க்கடங் ஸந்தா⁴ய வுத்தங். து²ல்லச்சயம்பி பாராஜிகம்பி ஹோதீதி எத்த² பட²மங் டா²னா அசாவெத்வா முத்தே து²ல்லச்சயங், பட²மங் டா²னா சாவெத்வா முத்தே பாராஜிகந்தி வேதி³தப்³ப³ங்.
99. Nāvaṭṭhakathāyaṃ pana yā bandhanā muttamatte ṭhānā na cavatīti iminā caṇḍasote baddhanāvaṃ paṭikkhipati. Tāva dukkaṭanti ‘‘bandhanaṃ moceti, āpatti dukkaṭassā’’ti evaṃ mocentassa paññattaṃ dukkaṭaṃ sandhāya vuttaṃ. Thullaccayampi pārājikampi hotīti ettha paṭhamaṃ ṭhānā acāvetvā mutte thullaccayaṃ, paṭhamaṃ ṭhānā cāvetvā mutte pārājikanti veditabbaṃ.
‘‘பாஸே ப³த்³த⁴ஸூகரோ வியா’’திஆதி³னா வுத்தங் ஸந்தா⁴யாஹ ‘‘தத்த² யுத்தி புப்³பே³ வுத்தா ஏவா’’தி. விப்பனட்டா² நாவாதி விஸமவாதாதீ³ஹி வினாஸங் பத்வா உத³கே நிமுஜ்ஜித்வா ஹெட்டா² பூ⁴மிதலங் அப்பத்வா மஜ்ஜே² டி²தங் ஸந்தா⁴ய வத³தி. தேனேவ ‘‘அதோ⁴ வா ஓபிலாபெந்தஸ்ஸ…பே॰… நாவாதலேன பு²ட்டோ²காஸங் முக²வட்டிங் அதிக்கந்தமத்தே பாராஜிக’’ந்தி வுத்தங். ஓபிலாபெந்தஸ்ஸாதி ஓஸீதா³பெந்தஸ்ஸ. அதிக்கந்தமத்தேதி பு²ட்டோ²காஸங் அதிக்கந்தமத்தே. ஏஸேவ நயோதி முத்தமத்தே பாராஜிகந்தி த³ஸ்ஸேதி.
‘‘Pāse baddhasūkaro viyā’’tiādinā vuttaṃ sandhāyāha ‘‘tattha yutti pubbe vuttā evā’’ti. Vippanaṭṭhā nāvāti visamavātādīhi vināsaṃ patvā udake nimujjitvā heṭṭhā bhūmitalaṃ appatvā majjhe ṭhitaṃ sandhāya vadati. Teneva ‘‘adho vā opilāpentassa…pe… nāvātalena phuṭṭhokāsaṃ mukhavaṭṭiṃ atikkantamatte pārājika’’nti vuttaṃ. Opilāpentassāti osīdāpentassa. Atikkantamatteti phuṭṭhokāsaṃ atikkantamatte. Eseva nayoti muttamatte pārājikanti dasseti.
நாவாகட்³ட⁴னயொக்³க³மஹாயொத்ததாய யொத்தகோடிதோ பட்டா²ய ஸகலம்பி ‘‘டா²ன’’ந்தி வுத்தங்.
Nāvākaḍḍhanayoggamahāyottatāya yottakoṭito paṭṭhāya sakalampi ‘‘ṭhāna’’nti vuttaṃ.
அஸதிபி வாதே யதா² வாதங் க³ண்ஹாதி, ததா² ட²பிதத்தா ‘‘வாதங் க³ண்ஹாபேதீ’’தி வுத்தங். ப³லவா ச வாதோ ஆக³ம்மாதி இமினா அஸதி வாதே அயங் பயோகோ³ கதோதி த³ஸ்ஸேதி. தேனேவ ‘‘புக்³க³லஸ்ஸ நத்தி² அவஹாரோ’’தி வுத்தங். ஸதி பன வாதே கதோ பயோகோ³ டா²னாசாவனபயோகோ³யேவாதி மாதிகாஉஜுகரணே விய அத்தே²வ அவஹாரோதி த³ட்ட²ப்³ப³ங். டா²னாசாவனபயோகோ³ ந ஹோதீதி ஸுக்க²மாதிகாஉஜுகரணே விய அஸதி வாதே கதபயோக³த்தா. ப⁴ண்ட³தெ³ய்யங் பன ஹோதீதி நாவாஸாமிகஸ்ஸ ப⁴ண்ட³தெ³ய்யங் ஹோதி.
Asatipi vāte yathā vātaṃ gaṇhāti, tathā ṭhapitattā ‘‘vātaṃ gaṇhāpetī’’ti vuttaṃ. Balavā ca vāto āgammāti iminā asati vāte ayaṃ payogo katoti dasseti. Teneva ‘‘puggalassa natthi avahāro’’ti vuttaṃ. Sati pana vāte kato payogo ṭhānācāvanapayogoyevāti mātikāujukaraṇe viya attheva avahāroti daṭṭhabbaṃ. Ṭhānācāvanapayogo na hotīti sukkhamātikāujukaraṇe viya asati vāte katapayogattā. Bhaṇḍadeyyaṃ pana hotīti nāvāsāmikassa bhaṇḍadeyyaṃ hoti.
நாவட்ட²கதா²வண்ணனா நிட்டி²தா.
Nāvaṭṭhakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 2. து³தியபாராஜிகங் • 2. Dutiyapārājikaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 2. து³தியபாராஜிகங் • 2. Dutiyapārājikaṃ
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பூ⁴மட்ட²கதா²தி³வண்ணனா • Bhūmaṭṭhakathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / நாவட்ட²கதா²வண்ணனா • Nāvaṭṭhakathāvaṇṇanā
