| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
наавадтагат̇ааван̣н̣анаа
Nāvaṭṭhakathāvaṇṇanā
99. наавадтагат̇ааяам̣ бана яаа б̣анд̇ханаа муд̇д̇амад̇д̇з таанаа на жавад̇ийд̇и иминаа жан̣д̣асод̇з б̣ад̣̇д̇ханаавам̣ бадигкибад̇и. д̇аава д̣̇уггаданд̇и ‘‘б̣анд̇ханам̣ можзд̇и, аабад̇д̇и д̣̇уггадассаа’’д̇и звам̣ можзнд̇асса бан̃н̃ад̇д̇ам̣ д̣̇уггадам̣ санд̇хааяа вуд̇д̇ам̣. т̇уллажжаяамби баарааж̇игамби ход̇ийд̇и зд̇т̇а батамам̣ таанаа ажаавзд̇ваа муд̇д̇з т̇уллажжаяам̣, батамам̣ таанаа жаавзд̇ваа муд̇д̇з баарааж̇иганд̇и взд̣̇ид̇аб̣б̣ам̣.
99. Nāvaṭṭhakathāyaṃ pana yā bandhanā muttamatte ṭhānā na cavatīti iminā caṇḍasote baddhanāvaṃ paṭikkhipati. Tāva dukkaṭanti ‘‘bandhanaṃ moceti, āpatti dukkaṭassā’’ti evaṃ mocentassa paññattaṃ dukkaṭaṃ sandhāya vuttaṃ. Thullaccayampi pārājikampi hotīti ettha paṭhamaṃ ṭhānā acāvetvā mutte thullaccayaṃ, paṭhamaṃ ṭhānā cāvetvā mutte pārājikanti veditabbaṃ.
‘‘баасз б̣ад̣̇д̇хасуугаро вияаа’’д̇иаад̣̇инаа вуд̇д̇ам̣ санд̇хааяааха ‘‘д̇ад̇т̇а яуд̇д̇и буб̣б̣з вуд̇д̇аа зваа’’д̇и. виббанадтаа нааваад̇и висамаваад̇аад̣̇ийхи винаасам̣ бад̇ваа уд̣̇агз нимуж̇ж̇ид̇ваа хздтаа бхуумид̇алам̣ аббад̇ваа маж̇жхз тид̇ам̣ санд̇хааяа вад̣̇ад̇и. д̇знзва ‘‘ад̇хо ваа обилаабзнд̇асса…бз… нааваад̇алзна пудтогаасам̣ мукаваддим̣ ад̇игганд̇амад̇д̇з баарааж̇ига’’нд̇и вуд̇д̇ам̣. обилаабзнд̇ассаад̇и осийд̣̇аабзнд̇асса. ад̇игганд̇амад̇д̇зд̇и пудтогаасам̣ ад̇игганд̇амад̇д̇з. зсзва наяод̇и муд̇д̇амад̇д̇з баарааж̇иганд̇и д̣̇ассзд̇и.
‘‘Pāse baddhasūkaro viyā’’tiādinā vuttaṃ sandhāyāha ‘‘tattha yutti pubbe vuttā evā’’ti. Vippanaṭṭhā nāvāti visamavātādīhi vināsaṃ patvā udake nimujjitvā heṭṭhā bhūmitalaṃ appatvā majjhe ṭhitaṃ sandhāya vadati. Teneva ‘‘adho vā opilāpentassa…pe… nāvātalena phuṭṭhokāsaṃ mukhavaṭṭiṃ atikkantamatte pārājika’’nti vuttaṃ. Opilāpentassāti osīdāpentassa. Atikkantamatteti phuṭṭhokāsaṃ atikkantamatte. Eseva nayoti muttamatte pārājikanti dasseti.
нааваагад̣дханаяог̇г̇амахааяод̇д̇ад̇ааяа яод̇д̇агодид̇о бадтааяа сагаламби ‘‘таана’’нд̇и вуд̇д̇ам̣.
Nāvākaḍḍhanayoggamahāyottatāya yottakoṭito paṭṭhāya sakalampi ‘‘ṭhāna’’nti vuttaṃ.
асад̇иби ваад̇з яат̇аа ваад̇ам̣ г̇ан̣хаад̇и, д̇ат̇аа табид̇ад̇д̇аа ‘‘ваад̇ам̣ г̇ан̣хаабзд̇ий’’д̇и вуд̇д̇ам̣. б̣алаваа жа ваад̇о ааг̇аммаад̇и иминаа асад̇и ваад̇з аяам̣ баяог̇о гад̇од̇и д̣̇ассзд̇и. д̇знзва ‘‘буг̇г̇аласса над̇т̇и авахааро’’д̇и вуд̇д̇ам̣. сад̇и бана ваад̇з гад̇о баяог̇о таанаажааванабаяог̇оязваад̇и маад̇игаауж̇угаран̣з вияа ад̇т̇зва авахаарод̇и д̣̇адтаб̣б̣ам̣. таанаажааванабаяог̇о на ход̇ийд̇и сугкамаад̇игаауж̇угаран̣з вияа асад̇и ваад̇з гад̇абаяог̇ад̇д̇аа. бхан̣д̣ад̣̇зяяам̣ бана ход̇ийд̇и нааваасаамигасса бхан̣д̣ад̣̇зяяам̣ ход̇и.
Asatipi vāte yathā vātaṃ gaṇhāti, tathā ṭhapitattā ‘‘vātaṃ gaṇhāpetī’’ti vuttaṃ. Balavā ca vāto āgammāti iminā asati vāte ayaṃ payogo katoti dasseti. Teneva ‘‘puggalassa natthi avahāro’’ti vuttaṃ. Sati pana vāte kato payogo ṭhānācāvanapayogoyevāti mātikāujukaraṇe viya attheva avahāroti daṭṭhabbaṃ. Ṭhānācāvanapayogo na hotīti sukkhamātikāujukaraṇe viya asati vāte katapayogattā. Bhaṇḍadeyyaṃ pana hotīti nāvāsāmikassa bhaṇḍadeyyaṃ hoti.
наавадтагат̇ааван̣н̣анаа нидтид̇аа.
Nāvaṭṭhakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхуумадтагат̇аад̣̇иван̣н̣анаа • Bhūmaṭṭhakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / наавадтагат̇ааван̣н̣анаа • Nāvaṭṭhakathāvaṇṇanā
