| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਨਾવਟ੍ਠਕਥਾવਣ੍ਣਨਾ
Nāvaṭṭhakathāvaṇṇanā
੯੯. ਨਾવਟ੍ਠਕਥਾਯਂ ਥੁਲ੍ਲਚ੍ਚਯਮ੍ਪਿ ਪਾਰਾਜਿਕਮ੍ਪਿ ਹੋਤੀਤਿ ਏਤ੍ਥ ਪਠਮਂ ਠਾਨਾ ਅਚਾવੇਤ੍વਾ ਮੁਤ੍ਤੇ ਥੁਲ੍ਲਚ੍ਚਯਂ, ਪਠਮਂ ਪਨ ਠਾਨਾ ਚਾવੇਤ੍વਾ ਮੁਤ੍ਤੇ ਪਾਰਾਜਿਕਨ੍ਤਿ વੇਦਿਤਬ੍ਬਂ। ਪਾਸੇ ਬਦ੍ਧਸੂਕਰੋ વਿਯਾਤਿਆਦਿਨਾ વੁਤ੍ਤਂ ਸਨ੍ਧਾਯਾਹ ‘‘ਤਤ੍ਥ ਯੁਤ੍ਤਿ ਪੁਬ੍ਬੇ વੁਤ੍ਤਾਏવਾ’’ਤਿ। વਿਪਨ੍ਨਟ੍ਠਨਾવਾਤਿ વਿਸਮવਾਤੇਹਿ ਦੇਸਨ੍ਤਰਂ ਪਲਾਤਾ, ਭਿਜ੍ਜਿਤ੍વਾ વਾ વਿਨਾਸਂ ਪਤ੍વਾ ਉਦਕੇ ਨਿਮੁਜ੍ਜਿਤ੍વਾ ਹੇਟ੍ਠਾ ਭੂਮਿਤਲਂ ਅਪ੍ਪਤ੍વਾ ਸਾਮਿਕੇਹਿ ਚ ਅਪਰਿਚ੍ਚਤ੍ਤਾਲਯਾ વੁਚ੍ਚਤਿ। ਬਲવਾ ਚ વਾਤੋ ਆਗਮ੍ਮਾਤਿ ਇਮਿਨਾ ਅਸਤਿ વਾਤੇ ਅਯਂ ਪਯੋਗੋ ਕਤੋਤਿ ਦਸ੍ਸੇਤਿ। ਪੁਗ੍ਗਲਸ੍ਸ ਨਤ੍ਥਿ ਅવਹਾਰੋਤਿ ਸੁਕ੍ਖਮਾਤਿਕਾਯਂ ਉਜੁਕਰਣਨਯੇਨ વੁਤ੍ਤਂ। ਤਂ ਅਤ੍ਤਨੋ ਪਾਦੇਨ ਅਨਕ੍ਕਮਿਤ੍વਾ ਹਤ੍ਥੇਨ ਚ ਅਨੁਕ੍ਖਿਪਿਤ੍વਾ ਅਞ੍ਞਸ੍ਮਿਂ ਦਣ੍ਡਾਦੀਸੁ ਬਨ੍ਧਿਤ੍વਾ ਠਪਿਤੇ ਯੁਜ੍ਜਤਿ, ਅਤ੍ਤਨੋ ਪਾਦੇਨ ਅਕ੍ਕਮਿਤ੍વਾ ਹਤ੍ਥੇਨ ਚ ਉਕ੍ਖਿਪਿਤ੍વਾ ਠਿਤਸ੍ਸ ਪਨ ਬਲવવਾਤੇਨ ਛਤ੍ਤਚੀવਰਾਦੀਸੁ ਪਹਟੇਸੁ ਪਕਤਿਂ વਿਜਹਿਤ੍વਾ ਦਲ਼੍ਹਤਰਂ ਅਕ੍ਕਮਨਗਹਣਾਦਿਪਯੋਗੋ ਅਭਿਨવੋ ਕਾਤਬ੍ਬੋ ਸਿਯਾ। ਇਤਰਥਾ ਛਤ੍ਤਚੀવਰਾਦੀਨਿ વਾ વਿਗਚ੍ਛਨ੍ਤਿ, ਅવਹਾਰਕੋ વਾ ਸਯਂ ਪਤਿਸ੍ਸਤਿ, ਨਾવਾ ਚ ਤਦਾ ਨ ਗਮਿਸ੍ਸਤਿ। ਤਸ੍ਮਾ ਈਦਿਸੇ ਅਭਿਨવਪ੍ਪਯੋਗੇ ਸਤਿ ਅવਹਾਰੇਨ ਭવਿਤਬ੍ਬਂ। ਸੁਕ੍ਖਮਾਤਿਕਾਯਂ ਉਜੁਕਤਾਯ ਉਦਕਾਗਮਨਕਾਲੇ ਕਾਤਬ੍ਬਕਿਚ੍ਚਂ ਨਤ੍ਥੀਤਿ ਤਂ ਇਧ ਨਿਦਸ੍ਸਨਂ ਨ ਹੋਤਿ। ਦਾਸਂ ਪਨ ਪਕਤਿਯਾ ਪਲਾਯਨ੍ਤਂ ‘‘ਸੀਘਂ ਯਾਹੀ’’ਤਿ વਤ੍વਾ ਪਕਤਿਗਮਨਤੋ ਤੁਰਿਤਗਮਨੁਪ੍ਪਾਦਨਾਦਿਨਾ ਇਧ ਨਿਦਸ੍ਸਨੇਨ ਭવਿਤਬ੍ਬਨ੍ਤਿ ਅਮ੍ਹਾਕਂ ਖਨ੍ਤਿ , વੀਮਂਸਿਤ੍વਾ ਗਹੇਤਬ੍ਬਂ। વਾਤੇ ਆਗਤੇਪਿ ਯਤ੍ਥ ਅਤਿਲਹੁਕਤ੍ਤਾ ਨਾવਾਯ ਕਞ੍ਚਿ ਪਯੋਗਂ ਅਕਤ੍વਾ ਪਕਤਿਯਾ ਅવਹਾਰਕੋ ਤਿਟ੍ਠਤਿ, ਤਤ੍ਥਿਦਂ ਅਟ੍ਠਕਥਾਯਂ વੁਤ੍ਤਨ੍ਤਿ ਗਹੇਤਬ੍ਬਂ।
99. Nāvaṭṭhakathāyaṃ thullaccayampi pārājikampi hotīti ettha paṭhamaṃ ṭhānā acāvetvā mutte thullaccayaṃ, paṭhamaṃ pana ṭhānā cāvetvā mutte pārājikanti veditabbaṃ. Pāse baddhasūkaro viyātiādinā vuttaṃ sandhāyāha ‘‘tattha yutti pubbe vuttāevā’’ti. Vipannaṭṭhanāvāti visamavātehi desantaraṃ palātā, bhijjitvā vā vināsaṃ patvā udake nimujjitvā heṭṭhā bhūmitalaṃ appatvā sāmikehi ca apariccattālayā vuccati. Balavā ca vāto āgammāti iminā asati vāte ayaṃ payogo katoti dasseti. Puggalassa natthi avahāroti sukkhamātikāyaṃ ujukaraṇanayena vuttaṃ. Taṃ attano pādena anakkamitvā hatthena ca anukkhipitvā aññasmiṃ daṇḍādīsu bandhitvā ṭhapite yujjati, attano pādena akkamitvā hatthena ca ukkhipitvā ṭhitassa pana balavavātena chattacīvarādīsu pahaṭesu pakatiṃ vijahitvā daḷhataraṃ akkamanagahaṇādipayogo abhinavo kātabbo siyā. Itarathā chattacīvarādīni vā vigacchanti, avahārako vā sayaṃ patissati, nāvā ca tadā na gamissati. Tasmā īdise abhinavappayoge sati avahārena bhavitabbaṃ. Sukkhamātikāyaṃ ujukatāya udakāgamanakāle kātabbakiccaṃ natthīti taṃ idha nidassanaṃ na hoti. Dāsaṃ pana pakatiyā palāyantaṃ ‘‘sīghaṃ yāhī’’ti vatvā pakatigamanato turitagamanuppādanādinā idha nidassanena bhavitabbanti amhākaṃ khanti , vīmaṃsitvā gahetabbaṃ. Vāte āgatepi yattha atilahukattā nāvāya kañci payogaṃ akatvā pakatiyā avahārako tiṭṭhati, tatthidaṃ aṭṭhakathāyaṃ vuttanti gahetabbaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੨. ਦੁਤਿਯਪਾਰਾਜਿਕਂ • 2. Dutiyapārājikaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੨. ਦੁਤਿਯਪਾਰਾਜਿਕਂ • 2. Dutiyapārājikaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਨਾવਟ੍ਠਕਥਾવਣ੍ਣਨਾ • Nāvaṭṭhakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਭੂਮਟ੍ਠਕਥਾਦਿવਣ੍ਣਨਾ • Bhūmaṭṭhakathādivaṇṇanā
