| Library / Tipiṭaka / திபிடக • Tipiṭaka / பஞ்சபகரண-அனுடீகா • Pañcapakaraṇa-anuṭīkā |
1. மாதிகாவண்ணனா
1. Mātikāvaṇṇanā
1. நயமாதிகாவண்ணனா
1. Nayamātikāvaṇṇanā
1. சுத்³த³ஸவிதே⁴னாதி சுத்³த³ஸப்பகாரேன, சுத்³த³ஸஹி பதே³ஹீதி அத்தோ². தத்த² ‘‘ஸங்க³ஹோ அஸங்க³ஹோ’’தி இத³மேகங் பத³ங், ததா² ‘‘ஸம்பயோகோ³ விப்பயோகோ³’’தி. ‘‘ஸங்க³ஹிதேன ஸம்பயுத்தங் விப்பயுத்த’’ந்திஆதீ³னி பன தீணி தீணி பதா³னி ஏகேகங் பத³ங். இதரேஸு பத³விபா⁴கோ³ ஸுவிஞ்ஞெய்யோவ. ஏதேஹீதி ஸங்க³ஹாதி³ப்பகாரேஹி. நயனங் பாபனங், தங் பன பவத்தனங் ஞாபனஞ்ச ஹோதீதி ‘‘பவத்தீயதி ஞாயந்தீ’’தி ச த்³விதா⁴பி அத்தோ² வுத்தோ. நயா ஏவ உத்³தி³ஸியமானா மாதிகா. அத்த²த்³வயேபி பவத்தனஞாணகிரியானங் கரணபா⁴வேன ஸங்க³ஹாதி³ப்பகாரா நயாதி வுத்தா. தேனாஹ அட்ட²கதா²யங் ‘‘இமினா ஸங்க³ஹாதி³கேன நயேனா’’தி (தா⁴து॰ அட்ட²॰ 1). பதா³னந்தி அத்த²தீ³பகானங் வசனானங். பஜ்ஜதி ஏதேன அத்தோ²தி ஹி பத³ங். பதா³னந்தி ச ஸங்ஸாமிஸம்ப³ந்தே⁴ ஸாமிவசனங், பகரணஸ்ஸாதி பன அவயவாவயவீஸம்ப³ந்தே⁴.
1. Cuddasavidhenāti cuddasappakārena, cuddasahi padehīti attho. Tattha ‘‘saṅgaho asaṅgaho’’ti idamekaṃ padaṃ, tathā ‘‘sampayogo vippayogo’’ti. ‘‘Saṅgahitena sampayuttaṃ vippayutta’’ntiādīni pana tīṇi tīṇi padāni ekekaṃ padaṃ. Itaresu padavibhāgo suviññeyyova. Etehīti saṅgahādippakārehi. Nayanaṃ pāpanaṃ, taṃ pana pavattanaṃ ñāpanañca hotīti ‘‘pavattīyati ñāyantī’’ti ca dvidhāpi attho vutto. Nayā eva uddisiyamānā mātikā. Atthadvayepi pavattanañāṇakiriyānaṃ karaṇabhāvena saṅgahādippakārā nayāti vuttā. Tenāha aṭṭhakathāyaṃ ‘‘iminā saṅgahādikena nayenā’’ti (dhātu. aṭṭha. 1). Padānanti atthadīpakānaṃ vacanānaṃ. Pajjati etena atthoti hi padaṃ. Padānanti ca saṃsāmisambandhe sāmivacanaṃ, pakaraṇassāti pana avayavāvayavīsambandhe.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / தா⁴துகதா²பாளி • Dhātukathāpāḷi / 1. நயமாதிகா • 1. Nayamātikā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 1. நயமாதிகாவண்ணனா • 1. Nayamātikāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 1. நயமாதிகாவண்ணனா • 1. Nayamātikāvaṇṇanā
