| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
॥ নমো তস্স ভগৰতো অরহতো সম্মাসম্বুদ্ধস্স॥
Namo tassa bhagavato arahato sammāsambuddhassa
অভিধম্মপিটকে
Abhidhammapiṭake
পঞ্চপকরণ-অট্ঠকথা
Pañcapakaraṇa-aṭṭhakathā
ধাতুকথা-অট্ঠকথা
Dhātukathā-aṭṭhakathā
অট্ঠারসহি ভেদেহি, ৰিভঙ্গং মারভঞ্জনো।
Aṭṭhārasahi bhedehi, vibhaṅgaṃ mārabhañjano;
দেসযিত্ৰা মহাৰীরো, যং তস্সেৰ অনন্তরং॥
Desayitvā mahāvīro, yaṃ tasseva anantaraṃ.
অদেসযি ধাতুকথং, ধাতুভেদপ্পকাসনো।
Adesayi dhātukathaṃ, dhātubhedappakāsano;
তস্সত্থং দীপযিস্সামি, তং সুণাথ সমাহিতাতি॥
Tassatthaṃ dīpayissāmi, taṃ suṇātha samāhitāti.
১. মাতিকাৰণ্ণনা
1. Mātikāvaṇṇanā
১. নযমাতিকাৰণ্ণনা
1. Nayamātikāvaṇṇanā
১. সঙ্গহো অসঙ্গহোতিআদীনঞ্হি ৰসেন ইদং পকরণং চুদ্দসৰিধেন ৰিভত্তন্তি ৰুত্তং। তং সব্বম্পি উদ্দেসনিদ্দেসতো দ্ৰিধা ঠিতং। তত্থ মাতিকা উদ্দেসো। সা পঞ্চৰিধা – নযমাতিকা, অব্ভন্তরমাতিকা, নযমুখমাতিকা, লক্খণমাতিকা, বাহিরমাতিকাতি। তত্থ সঙ্গহো অসঙ্গহো…পে॰… ৰিপ্পযুত্তেন সঙ্গহিতং অসঙ্গহিতন্তি – অযং চুদ্দসহি পদেহি নিক্খিত্তা নযমাতিকা নাম। অযঞ্হি ইমিনা সঙ্গহাদিকেন নযেন ধাতুকথা ধম্মা ৰিভত্তাতি দস্সেতুং ঠপিতত্তা নযমাতিকাতি ৰুচ্চতি। এতেসং পদানং মূলভূতত্তা মূলমাতিকাতিপি ৰত্তুং ৰট্টতি।
1. Saṅgahoasaṅgahotiādīnañhi vasena idaṃ pakaraṇaṃ cuddasavidhena vibhattanti vuttaṃ. Taṃ sabbampi uddesaniddesato dvidhā ṭhitaṃ. Tattha mātikā uddeso. Sā pañcavidhā – nayamātikā, abbhantaramātikā, nayamukhamātikā, lakkhaṇamātikā, bāhiramātikāti. Tattha saṅgaho asaṅgaho…pe… vippayuttena saṅgahitaṃ asaṅgahitanti – ayaṃ cuddasahi padehi nikkhittā nayamātikā nāma. Ayañhi iminā saṅgahādikena nayena dhātukathā dhammā vibhattāti dassetuṃ ṭhapitattā nayamātikāti vuccati. Etesaṃ padānaṃ mūlabhūtattā mūlamātikātipi vattuṃ vaṭṭati.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / ধাতুকথাপাল়ি • Dhātukathāpāḷi / ১. নযমাতিকা • 1. Nayamātikā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ১. নযমাতিকাৰণ্ণনা • 1. Nayamātikāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ১. নযমাতিকাৰণ্ণনা • 1. Nayamātikāvaṇṇanā
