| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
॥ ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥
Namo tassa bhagavato arahato sammāsambuddhassa
ಅಭಿಧಮ್ಮಪಿಟಕೇ
Abhidhammapiṭake
ಪಞ್ಚಪಕರಣ-ಅಟ್ಠಕಥಾ
Pañcapakaraṇa-aṭṭhakathā
ಧಾತುಕಥಾ-ಅಟ್ಠಕಥಾ
Dhātukathā-aṭṭhakathā
ಅಟ್ಠಾರಸಹಿ ಭೇದೇಹಿ, ವಿಭಙ್ಗಂ ಮಾರಭಞ್ಜನೋ।
Aṭṭhārasahi bhedehi, vibhaṅgaṃ mārabhañjano;
ದೇಸಯಿತ್ವಾ ಮಹಾವೀರೋ, ಯಂ ತಸ್ಸೇವ ಅನನ್ತರಂ॥
Desayitvā mahāvīro, yaṃ tasseva anantaraṃ.
ಅದೇಸಯಿ ಧಾತುಕಥಂ, ಧಾತುಭೇದಪ್ಪಕಾಸನೋ।
Adesayi dhātukathaṃ, dhātubhedappakāsano;
ತಸ್ಸತ್ಥಂ ದೀಪಯಿಸ್ಸಾಮಿ, ತಂ ಸುಣಾಥ ಸಮಾಹಿತಾತಿ॥
Tassatthaṃ dīpayissāmi, taṃ suṇātha samāhitāti.
೧. ಮಾತಿಕಾವಣ್ಣನಾ
1. Mātikāvaṇṇanā
೧. ನಯಮಾತಿಕಾವಣ್ಣನಾ
1. Nayamātikāvaṇṇanā
೧. ಸಙ್ಗಹೋ ಅಸಙ್ಗಹೋತಿಆದೀನಞ್ಹಿ ವಸೇನ ಇದಂ ಪಕರಣಂ ಚುದ್ದಸವಿಧೇನ ವಿಭತ್ತನ್ತಿ ವುತ್ತಂ। ತಂ ಸಬ್ಬಮ್ಪಿ ಉದ್ದೇಸನಿದ್ದೇಸತೋ ದ್ವಿಧಾ ಠಿತಂ। ತತ್ಥ ಮಾತಿಕಾ ಉದ್ದೇಸೋ। ಸಾ ಪಞ್ಚವಿಧಾ – ನಯಮಾತಿಕಾ, ಅಬ್ಭನ್ತರಮಾತಿಕಾ, ನಯಮುಖಮಾತಿಕಾ, ಲಕ್ಖಣಮಾತಿಕಾ, ಬಾಹಿರಮಾತಿಕಾತಿ। ತತ್ಥ ಸಙ್ಗಹೋ ಅಸಙ್ಗಹೋ…ಪೇ॰… ವಿಪ್ಪಯುತ್ತೇನ ಸಙ್ಗಹಿತಂ ಅಸಙ್ಗಹಿತನ್ತಿ – ಅಯಂ ಚುದ್ದಸಹಿ ಪದೇಹಿ ನಿಕ್ಖಿತ್ತಾ ನಯಮಾತಿಕಾ ನಾಮ। ಅಯಞ್ಹಿ ಇಮಿನಾ ಸಙ್ಗಹಾದಿಕೇನ ನಯೇನ ಧಾತುಕಥಾ ಧಮ್ಮಾ ವಿಭತ್ತಾತಿ ದಸ್ಸೇತುಂ ಠಪಿತತ್ತಾ ನಯಮಾತಿಕಾತಿ ವುಚ್ಚತಿ। ಏತೇಸಂ ಪದಾನಂ ಮೂಲಭೂತತ್ತಾ ಮೂಲಮಾತಿಕಾತಿಪಿ ವತ್ತುಂ ವಟ್ಟತಿ।
1. Saṅgahoasaṅgahotiādīnañhi vasena idaṃ pakaraṇaṃ cuddasavidhena vibhattanti vuttaṃ. Taṃ sabbampi uddesaniddesato dvidhā ṭhitaṃ. Tattha mātikā uddeso. Sā pañcavidhā – nayamātikā, abbhantaramātikā, nayamukhamātikā, lakkhaṇamātikā, bāhiramātikāti. Tattha saṅgaho asaṅgaho…pe… vippayuttena saṅgahitaṃ asaṅgahitanti – ayaṃ cuddasahi padehi nikkhittā nayamātikā nāma. Ayañhi iminā saṅgahādikena nayena dhātukathā dhammā vibhattāti dassetuṃ ṭhapitattā nayamātikāti vuccati. Etesaṃ padānaṃ mūlabhūtattā mūlamātikātipi vattuṃ vaṭṭati.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಧಾತುಕಥಾಪಾಳಿ • Dhātukathāpāḷi / ೧. ನಯಮಾತಿಕಾ • 1. Nayamātikā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೧. ನಯಮಾತಿಕಾವಣ್ಣನಾ • 1. Nayamātikāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೧. ನಯಮಾತಿಕಾವಣ್ಣನಾ • 1. Nayamātikāvaṇṇanā
