| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༎ ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ༎
Namo tassa bhagavato arahato sammāsambuddhassa
ཨབྷིདྷམྨཔིཊཀེ
Abhidhammapiṭake
པཉྩཔཀརཎ-ཨཊྛཀཐཱ
Pañcapakaraṇa-aṭṭhakathā
དྷཱཏུཀཐཱ-ཨཊྛཀཐཱ
Dhātukathā-aṭṭhakathā
ཨཊྛཱརསཧི བྷེདེཧི, ཝིབྷངྒཾ མཱརབྷཉྫནོ།
Aṭṭhārasahi bhedehi, vibhaṅgaṃ mārabhañjano;
དེསཡིཏྭཱ མཧཱཝཱིརོ, ཡཾ ཏསྶེཝ ཨནནྟརཾ༎
Desayitvā mahāvīro, yaṃ tasseva anantaraṃ.
ཨདེསཡི དྷཱཏུཀཐཾ, དྷཱཏུབྷེདཔྤཀཱསནོ།
Adesayi dhātukathaṃ, dhātubhedappakāsano;
ཏསྶཏྠཾ དཱིཔཡིསྶཱམི, ཏཾ སུཎཱཐ སམཱཧིཏཱཏི༎
Tassatthaṃ dīpayissāmi, taṃ suṇātha samāhitāti.
༡. མཱཏིཀཱཝཎྞནཱ
1. Mātikāvaṇṇanā
༡. ནཡམཱཏིཀཱཝཎྞནཱ
1. Nayamātikāvaṇṇanā
༡. སངྒཧོ ཨསངྒཧོཏིཨཱདཱིནཉྷི ཝསེན ཨིདཾ པཀརཎཾ ཙུདྡསཝིདྷེན ཝིབྷཏྟནྟི ཝུཏྟཾ། ཏཾ སབྦམྤི ཨུདྡེསནིདྡེསཏོ དྭིདྷཱ ཋིཏཾ། ཏཏྠ མཱཏིཀཱ ཨུདྡེསོ། སཱ པཉྩཝིདྷཱ – ནཡམཱཏིཀཱ, ཨབྦྷནྟརམཱཏིཀཱ, ནཡམུཁམཱཏིཀཱ, ལཀྑཎམཱཏིཀཱ, བཱཧིརམཱཏིཀཱཏི། ཏཏྠ སངྒཧོ ཨསངྒཧོ…པེ॰… ཝིཔྤཡུཏྟེན སངྒཧིཏཾ ཨསངྒཧིཏནྟི – ཨཡཾ ཙུདྡསཧི པདེཧི ནིཀྑིཏྟཱ ནཡམཱཏིཀཱ ནཱམ། ཨཡཉྷི ཨིམིནཱ སངྒཧཱདིཀེན ནཡེན དྷཱཏུཀཐཱ དྷམྨཱ ཝིབྷཏྟཱཏི དསྶེཏུཾ ཋཔིཏཏྟཱ ནཡམཱཏིཀཱཏི ཝུཙྩཏི། ཨེཏེསཾ པདཱནཾ མཱུལབྷཱུཏཏྟཱ མཱུལམཱཏིཀཱཏིཔི ཝཏྟུཾ ཝཊྚཏི།
1. Saṅgahoasaṅgahotiādīnañhi vasena idaṃ pakaraṇaṃ cuddasavidhena vibhattanti vuttaṃ. Taṃ sabbampi uddesaniddesato dvidhā ṭhitaṃ. Tattha mātikā uddeso. Sā pañcavidhā – nayamātikā, abbhantaramātikā, nayamukhamātikā, lakkhaṇamātikā, bāhiramātikāti. Tattha saṅgaho asaṅgaho…pe… vippayuttena saṅgahitaṃ asaṅgahitanti – ayaṃ cuddasahi padehi nikkhittā nayamātikā nāma. Ayañhi iminā saṅgahādikena nayena dhātukathā dhammā vibhattāti dassetuṃ ṭhapitattā nayamātikāti vuccati. Etesaṃ padānaṃ mūlabhūtattā mūlamātikātipi vattuṃ vaṭṭati.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / དྷཱཏུཀཐཱཔཱལི༹ • Dhātukathāpāḷi / ༡. ནཡམཱཏིཀཱ • 1. Nayamātikā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༡. ནཡམཱཏིཀཱཝཎྞནཱ • 1. Nayamātikāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༡. ནཡམཱཏིཀཱཝཎྞནཱ • 1. Nayamātikāvaṇṇanā
