| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৩. নযমুখমাতিকাৰণ্ণনা
3. Nayamukhamātikāvaṇṇanā
৩. তীহি সঙ্গহো, তীহি অসঙ্গহো; চতূহি সম্পযোগো, চতূহি ৰিপ্পযোগোতি অযং চতূহি পদেহি নিক্খিত্তা নযমুখমাতিকা নাম। অযঞ্হি সব্বেসুপি পঞ্চক্খন্ধাদীসু চেৰ কুসলত্তিকাদীসু চ মাতিকাধম্মেসু, তীহি খন্ধাযতনধাতুপদেহেৰ সঙ্গহো চ অসঙ্গহো চ যোজেতব্বো। তথা চতূহি অরূপক্খন্ধেহি সম্পযোগো চ ৰিপ্পযোগো চ। এতানি ইমেসং সঙ্গহাসঙ্গহাদীনং নযানং মুখানীতি দস্সেতুং ঠপিতত্তা নযমুখমাতিকাতি ৰুচ্চতি।
3. Tīhi saṅgaho, tīhi asaṅgaho; catūhi sampayogo, catūhi vippayogoti ayaṃ catūhi padehi nikkhittā nayamukhamātikā nāma. Ayañhi sabbesupi pañcakkhandhādīsu ceva kusalattikādīsu ca mātikādhammesu, tīhi khandhāyatanadhātupadeheva saṅgaho ca asaṅgaho ca yojetabbo. Tathā catūhi arūpakkhandhehi sampayogo ca vippayogo ca. Etāni imesaṃ saṅgahāsaṅgahādīnaṃ nayānaṃ mukhānīti dassetuṃ ṭhapitattā nayamukhamātikāti vuccati.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / ধাতুকথাপাল়ি • Dhātukathāpāḷi / ৩. নযমুখমাতিকা • 3. Nayamukhamātikā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৩. নযমুখমাতিকাৰণ্ণনা • 3. Nayamukhamātikāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৩. নযমুখমাতিকাৰণ্ণনা • 3. Nayamukhamātikāvaṇṇanā
