| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
3. наяамукамаад̇игааван̣н̣анаа
3. Nayamukhamātikāvaṇṇanā
3. наяаанам̣ бавад̇д̇ид̣̇ваарабхууд̇аа сан̇г̇ахаасан̇г̇ахавияог̇ийсахаяог̇ийд̇хаммаа наяамукаанийд̇и д̇зсам̣ уд̣̇д̣̇зсо наяамукамаад̇игаа. жуд̣̇д̣̇асаби хи сан̇г̇ахаасан̇г̇ахасамбаяог̇авиббаяог̇аанам̣ вомиссагад̇аавасзна бавад̇д̇аад̇и язхи д̇з жад̇д̇аароби хонд̇и, д̇з д̇хаммаа жуд̣̇д̣̇асаннамби наяаанам̣ мукаани хонд̇ийд̇и. д̇ад̇т̇а сан̇г̇ахид̇знаасан̇г̇ахид̇абад̣̇аад̣̇ийсу сажжаад̣̇ийхиби яат̇аасамбхавам̣ сан̇г̇ахаасан̇г̇ахо яад̣̇иби вуд̇д̇о, со бана сан̇г̇аахагабхууд̇зхи д̇зхи вуд̇д̇о, на сан̇г̇ахабхууд̇зхи, соби ‘‘жагкааяад̇анзна яз д̇хаммаа канд̇хасан̇г̇ахзна сан̇г̇ахид̇аа ааяад̇анасан̇г̇ахзна асан̇г̇ахид̇аа’’д̇иаад̣̇инаа бужчид̇аб̣б̣ависсаж̇ж̇ид̇аб̣б̣ад̇хаммуд̣̇д̇хаарз д̇ад̇т̇ааби канд̇хаад̣̇ийхзва сан̇г̇ахзхи нияамзд̇ваа вуд̇д̇о, д̇асмаа ‘‘д̇ийхи сан̇г̇ахо, д̇ийхи асан̇г̇ахо’’д̇и вуд̇д̇ам̣. бужчид̇аб̣б̣ависсаж̇ж̇ид̇аб̣б̣ад̇хаммуд̣̇д̇хаарзби бана бужчаависсаж̇ж̇анзсу жа руубагканд̇хаад̣̇ийнам̣ аран̣анд̇аанам̣ яат̇аасамбхавам̣ самбаяог̇авиббаяог̇аа жад̇уухзва канд̇хзхи хонд̇ийд̇и ‘‘жад̇уухи самбаяог̇о, жад̇уухи виббаяог̇о’’д̇и вуд̇д̇ам̣.
3. Nayānaṃ pavattidvārabhūtā saṅgahāsaṅgahaviyogīsahayogīdhammā nayamukhānīti tesaṃ uddeso nayamukhamātikā. Cuddasapi hi saṅgahāsaṅgahasampayogavippayogānaṃ vomissakatāvasena pavattāti yehi te cattāropi honti, te dhammā cuddasannampi nayānaṃ mukhāni hontīti. Tattha saṅgahitenaasaṅgahitapadādīsu saccādīhipi yathāsambhavaṃ saṅgahāsaṅgaho yadipi vutto, so pana saṅgāhakabhūtehi tehi vutto, na saṅgahabhūtehi, sopi ‘‘cakkhāyatanena ye dhammā khandhasaṅgahena saṅgahitā āyatanasaṅgahena asaṅgahitā’’tiādinā pucchitabbavissajjitabbadhammuddhāre tatthāpi khandhādīheva saṅgahehi niyametvā vutto, tasmā ‘‘tīhi saṅgaho, tīhi asaṅgaho’’ti vuttaṃ. Pucchitabbavissajjitabbadhammuddhārepi pana pucchāvissajjanesu ca rūpakkhandhādīnaṃ araṇantānaṃ yathāsambhavaṃ sampayogavippayogā catūheva khandhehi hontīti ‘‘catūhi sampayogo,catūhi vippayogo’’ti vuttaṃ.
нану жа виббаяог̇о руубаниб̣б̣аанзхиби ход̇и, гасмаа ‘‘жад̇уухи виббаяог̇о’’д̇и вуд̇д̇анд̇и? руубаниб̣б̣аанзхи бхаванд̇ассаби жад̇уухзва бхаавад̇о. на хи руубам̣ руубзна ниб̣б̣аанзна ваа виббаяуд̇д̇ам̣ ход̇и, ниб̣б̣аанам̣ ваа руубзна, жад̇уухзва бана канд̇хзхи ход̇ийд̇и жад̇уннам̣ канд̇хаанам̣ руубаниб̣б̣аанзхи виббаяог̇оби виббаяуж̇ж̇амаанзхи жад̇уухи канд̇хзхи нияамид̇о д̇зхи винаа виббаяог̇аабхаавад̇о. со жааяам̣ виббаяог̇о анаарамман̣асса, анаарамман̣аанаарамман̣амиссагзхи миссагасса жа на ход̇и, анаарамман̣асса бана миссагасса жа саарамман̣зна, саарамман̣асса саарамман̣зна анаарамман̣зна миссагзна жа ход̇ийд̇и взд̣̇ид̇аб̣б̣о.
Nanu ca vippayogo rūpanibbānehipi hoti, kasmā ‘‘catūhi vippayogo’’ti vuttanti? Rūpanibbānehi bhavantassapi catūheva bhāvato. Na hi rūpaṃ rūpena nibbānena vā vippayuttaṃ hoti, nibbānaṃ vā rūpena, catūheva pana khandhehi hotīti catunnaṃ khandhānaṃ rūpanibbānehi vippayogopi vippayujjamānehi catūhi khandhehi niyamito tehi vinā vippayogābhāvato. So cāyaṃ vippayogo anārammaṇassa, anārammaṇaanārammaṇamissakehi missakassa ca na hoti, anārammaṇassa pana missakassa ca sārammaṇena, sārammaṇassa sārammaṇena anārammaṇena missakena ca hotīti veditabbo.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 3. наяамукамаад̇игаа • 3. Nayamukhamātikā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 3. наяамукамаад̇игааван̣н̣анаа • 3. Nayamukhamātikāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 3. наяамукамаад̇игааван̣н̣анаа • 3. Nayamukhamātikāvaṇṇanā
