| Library / Tipiṭaka / తిపిటక • Tipiṭaka / పఞ్చపకరణ-అట్ఠకథా • Pañcapakaraṇa-aṭṭhakathā |
౩. నయముఖమాతికావణ్ణనా
3. Nayamukhamātikāvaṇṇanā
౩. తీహి సఙ్గహో, తీహి అసఙ్గహో; చతూహి సమ్పయోగో, చతూహి విప్పయోగోతి అయం చతూహి పదేహి నిక్ఖిత్తా నయముఖమాతికా నామ. అయఞ్హి సబ్బేసుపి పఞ్చక్ఖన్ధాదీసు చేవ కుసలత్తికాదీసు చ మాతికాధమ్మేసు, తీహి ఖన్ధాయతనధాతుపదేహేవ సఙ్గహో చ అసఙ్గహో చ యోజేతబ్బో. తథా చతూహి అరూపక్ఖన్ధేహి సమ్పయోగో చ విప్పయోగో చ. ఏతాని ఇమేసం సఙ్గహాసఙ్గహాదీనం నయానం ముఖానీతి దస్సేతుం ఠపితత్తా నయముఖమాతికాతి వుచ్చతి.
3. Tīhi saṅgaho, tīhi asaṅgaho; catūhi sampayogo, catūhi vippayogoti ayaṃ catūhi padehi nikkhittā nayamukhamātikā nāma. Ayañhi sabbesupi pañcakkhandhādīsu ceva kusalattikādīsu ca mātikādhammesu, tīhi khandhāyatanadhātupadeheva saṅgaho ca asaṅgaho ca yojetabbo. Tathā catūhi arūpakkhandhehi sampayogo ca vippayogo ca. Etāni imesaṃ saṅgahāsaṅgahādīnaṃ nayānaṃ mukhānīti dassetuṃ ṭhapitattā nayamukhamātikāti vuccati.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / ధాతుకథాపాళి • Dhātukathāpāḷi / ౩. నయముఖమాతికా • 3. Nayamukhamātikā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-మూలటీకా • Pañcapakaraṇa-mūlaṭīkā / ౩. నయముఖమాతికావణ్ణనా • 3. Nayamukhamātikāvaṇṇanā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-అనుటీకా • Pañcapakaraṇa-anuṭīkā / ౩. నయముఖమాతికావణ్ణనా • 3. Nayamukhamātikāvaṇṇanā
