Library / Tipiṭaka / д̇ибидага • Tipiṭaka / нзд̇д̇иббагаран̣а-дийгаа • Nettippakaraṇa-ṭīkā

    наяасамудтаанаваараван̣н̣анаа

    Nayasamuṭṭhānavāravaṇṇanā

    79. ‘‘висаяабхзд̣̇ад̇о’’д̇и сан̇кзбзна вуд̇д̇амад̇т̇ам̣ вид̇т̇аарад̇о виварид̇ум̣ ‘‘яат̇аа хий’’д̇иаад̣̇имааха. д̇ад̇т̇а наяад̇од̇и наяаг̇г̇аахад̇о. на хи бадивзд̇хан̃аан̣ам̣ вияа вибассанаан̃аан̣ам̣ бажжагкад̇о бавад̇д̇ад̇ийд̇и. ануб̣уж̇жхияамаанод̇и абхисамаяан̃аан̣асса ануруубам̣ б̣уж̇жхияамаано. яат̇аа згабадивзд̇хзнзва маг̇г̇ан̃аан̣ам̣ бавад̇д̇ад̇и, звам̣ д̇ад̣̇анужчавигам̣ вибассанаан̃аан̣зна г̇аяхамаанод̇и ад̇т̇о. зван̃жа гад̇ваа нанд̣̇ияааваддаад̣̇ийнам̣ д̇ин̣н̣ам̣ ад̇т̇анаяабхааво самад̇т̇ид̇о ход̇ийд̇и. д̇ат̇аа хи ад̇т̇ависзсасаруубад̇ааяа д̇аяо наяаа ‘‘суд̇д̇ад̇т̇о’’д̇и вуд̇д̇аа, бад̣̇ад̇т̇авижаарабхаавзби бана хаараа ‘‘б̣яан̃ж̇анавижаяо’’д̇и. яад̣̇и звам̣ гат̇ам̣ д̇аяод̇и жод̣̇анам̣ санд̇хааяааха ‘‘бадивиж̇жханд̇аанам̣ банаа’’д̇иаад̣̇и. д̇ад̇т̇а згамзго сам̣гилзсавод̣̇аанаанам̣ вибхааг̇ад̇о д̣̇висан̇г̇аход̇и яож̇анаа. жад̇учаадтад̣̇исо жаад̇и на бажжзгам̣ д̇з нанд̣̇ияааваддаад̣̇аяо жад̇учаадтад̣̇исаа, ат̇а ко яат̇ааггаманд̇и. ‘‘зва’’нд̇иаад̣̇и яат̇аавуд̇д̇асса ад̇т̇асса ниг̇аманам̣.

    79.‘‘Visayabhedato’’ti saṅkhepena vuttamatthaṃ vitthārato vivarituṃ ‘‘yathā hī’’tiādimāha. Tattha nayatoti nayaggāhato. Na hi paṭivedhañāṇaṃ viya vipassanāñāṇaṃ paccakkhato pavattatīti. Anubujjhiyamānoti abhisamayañāṇassa anurūpaṃ bujjhiyamāno. Yathā ekapaṭivedheneva maggañāṇaṃ pavattati, evaṃ tadanucchavikaṃ vipassanāñāṇena gayhamānoti attho. Evañca katvā nandiyāvaṭṭādīnaṃ tiṇṇaṃ atthanayabhāvo samatthito hotīti. Tathā hi atthavisesasarūpatāya tayo nayā ‘‘suttattho’’ti vuttā, padatthavicārabhāvepi pana hārā ‘‘byañjanavicayo’’ti. Yadi evaṃ kathaṃ tayoti codanaṃ sandhāyāha ‘‘paṭivijjhantānaṃ panā’’tiādi. Tattha ekameko saṃkilesavodānānaṃ vibhāgato dvisaṅgahoti yojanā. Catuchaaṭṭhadiso cāti na paccekaṃ te nandiyāvaṭṭādayo catuchaaṭṭhadisā, atha kho yathākkamanti. ‘‘Eva’’ntiādi yathāvuttassa atthassa nigamanaṃ.

    д̇ат̇аа жаад̇и яат̇аавуд̇д̇асса ад̇т̇асса убажаязна самад̇т̇анаа. буб̣б̣аа годи на бан̃н̃ааяад̇ийд̇и зд̇т̇а яам̣ вад̇д̇аб̣б̣ам̣, д̇ам̣ барад̇о бадтаанагат̇ааяам̣ аави бхависсад̇и. ‘‘анд̇хам̣ д̇амам̣ д̇ад̣̇аа ход̇и, яам̣ лобхо сахад̇з нара’’нд̇иаад̣̇и (жуул̣ани. каг̇г̇ависаан̣асуд̇д̇анид̣̇д̣̇зса 128) важанад̇о гаамад̇ан̣хааби бадижчаад̣̇анасабхааваа, яад̇о гаамажчанд̣̇ам̣ ‘‘нийваран̣а’’нд̇и вуд̇д̇ам̣. авиж̇ж̇ааяа бана бхавзсу аад̣̇ийнаваббадижчаад̣̇анам̣ саад̇исаяанд̇и. д̇ат̇аа авиж̇ж̇ааби сам̣яож̇анасабхааваа, яад̇о саа б̣ахид̣̇д̇хаа сам̣яож̇анабхаавзна вуд̇д̇аа. звам̣ санд̇зби д̇ан̣хааяа б̣анд̇ханадто саад̇исаяо абзгкид̇абхаавад̇од̇и имамад̇т̇ам̣ д̣̇ассзнд̇о ‘‘д̇ат̇ааби…бз… вуд̇д̇а’’нд̇и ааха.

    Tathā cāti yathāvuttassa atthassa upacayena samatthanā. Pubbā koṭi na paññāyatīti ettha yaṃ vattabbaṃ, taṃ parato paṭṭhānakathāyaṃ āvi bhavissati. ‘‘Andhaṃ tamaṃ tadā hoti, yaṃ lobho sahate nara’’ntiādi (cūḷani. khaggavisāṇasuttaniddesa 128) vacanato kāmataṇhāpi paṭicchādanasabhāvā, yato kāmacchandaṃ ‘‘nīvaraṇa’’nti vuttaṃ. Avijjāya pana bhavesu ādīnavappaṭicchādanaṃ sātisayanti. Tathā avijjāpi saṃyojanasabhāvā, yato sā bahiddhā saṃyojanabhāvena vuttā. Evaṃ santepi taṇhāya bandhanaṭṭho sātisayo apekkhitabhāvatoti imamatthaṃ dassento ‘‘tathāpi…pe… vutta’’nti āha.

    ‘‘сам̣яуд̇д̇аа’’д̇и бад̣̇асса самбаяуд̇д̇аад̇и ад̇т̇од̇и ааха ‘‘миссид̇аа’’д̇и. ‘‘авиж̇ж̇аабхибхууд̇аа…бз… абхинивисанд̇аа’’д̇и зд̇зна авиж̇ж̇ааяа аяаат̇ааваг̇ахан̣ахзд̇уд̇ам̣ д̣̇ассзд̇и, д̇ад̇о со авинд̣̇ияам̣ винд̣̇ад̇ийд̇и авиж̇ж̇аад̇и вужжад̇и. гилиссанам̣ убад̇аабананд̇и ааха ‘‘гилиссанаббаяог̇ам̣ ад̇д̇абарид̇аабанабадибад̇д̇и’’нд̇и. аллийяанам̣ сзванам̣.

    ‘‘Saṃyuttā’’ti padassa sampayuttāti atthoti āha ‘‘missitā’’ti. ‘‘Avijjābhibhūtā…pe… abhinivisantā’’ti etena avijjāya ayāthāvagahaṇahetutaṃ dasseti, tato so avindiyaṃ vindatīti avijjāti vuccati. Kilissanaṃ upatāpananti āha ‘‘kilissanappayogaṃ attaparitāpanapaṭipatti’’nti. Allīyanaṃ sevanaṃ.

    д̣̇угканд̇и …бз… ж̇аананд̇ийд̇и ад̇д̇анаа анубхууяамаанам̣ д̇ат̇аа д̇ат̇аа убадтид̇ам̣ гааяигажзд̇асигад̣̇угкам̣, ид̇арамби ваа згад̣̇зсам̣ ж̇аананд̇и. д̇ан̣хааяаби зсзва наяо. сабхааг̇ависабхааг̇абадибаж̇ж̇ид̇аб̣б̣аагаарад̇о д̇ад̇т̇а д̇зсам̣ н̃аан̣ам̣ над̇т̇зваад̇ид̣̇ассзнд̇о ‘‘ид̣̇ам̣ д̣̇угка’’нд̇иаад̣̇имааха. бавад̇д̇ибавад̇д̇ихзд̇умад̇д̇амбийд̇и ‘‘бавад̇д̇и бавад̇д̇ихзд̇уу’’д̇и зд̇д̇агамби. гаа бана гат̇аад̇и бажураж̇анасаад̇хааран̣з логиязби наама ад̇т̇з язсам̣ н̃аан̣асса бадигхаад̇о, барамаг̇амбхийрз арияаанам̣ зва висаяабхууд̇з логуд̇д̇арз нивад̇д̇инивад̇д̇ихзд̇усан̇каад̇з ад̇т̇з гаа наама гат̇аа, чиннаа гат̇аад̇и ад̇т̇о. адтасамаабад̇д̇ибабхзд̣̇асса гзваласса самат̇асса д̇аад̣̇исз гаалз б̣аахирагаанан̃жа иж̇жханад̇о ‘‘вибассанаад̇хидтаана’’нд̇и висзсид̇ам̣. вуубасамо самужчзд̣̇о, бадиббассад̣̇д̇хи жа.

    Dukkhanti…pe… jānantīti attanā anubhūyamānaṃ tathā tathā upaṭṭhitaṃ kāyikacetasikadukkhaṃ, itarampi vā ekadesaṃ jānanti. Taṇhāyapi eseva nayo. Sabhāgavisabhāgapaṭipajjitabbākārato tattha tesaṃ ñāṇaṃ natthevātidassento ‘‘idaṃ dukkha’’ntiādimāha. Pavattipavattihetumattampīti ‘‘pavatti pavattihetū’’ti ettakampi. Kā pana kathāti pacurajanasādhāraṇe lokiyepi nāma atthe yesaṃ ñāṇassa paṭighāto, paramagambhīre ariyānaṃ eva visayabhūte lokuttare nivattinivattihetusaṅkhāte atthe kā nāma kathā, chinnā kathāti attho. Aṭṭhasamāpattipabhedassa kevalassa samathassa tādise kāle bāhirakānañca ijjhanato ‘‘vipassanādhiṭṭhāna’’nti visesitaṃ. Vūpasamo samucchedo, paṭippassaddhi ca.

    ‘‘сам̣саарасса анубажчзд̣̇анад̇о’’д̇и ид̣̇ам̣ д̣̇идтиг̇ад̇аанам̣ д̣̇идтиг̇ад̇игамад̇ад̣̇ассанам̣. со хи буд̇д̇амукад̣̇ассанз асад̇и сам̣сааро ужчиж̇ж̇зяяаад̇и бхааяад̇и. яад̇о вуд̇д̇ам̣ –

    ‘‘Saṃsārassa anupacchedanato’’ti idaṃ diṭṭhigatānaṃ diṭṭhigatikamatadassanaṃ. So hi puttamukhadassane asati saṃsāro ucchijjeyyāti bhāyati. Yato vuttaṃ –

    ‘‘г̇ан̣д̣уббаад̣̇о гигий жзва, гунд̇ий б̣раахман̣ад̇хаммиго;

    ‘‘Gaṇḍuppādo kikī ceva, kuntī brāhmaṇadhammiko;

    зд̇з абхаяам̣ бхааяанд̇и, саммуул̣хаа жад̇уро ж̇анаа’’д̇и. (су. ни. адта. 2.293; а. ни. дий. 3.5.192);

    Ete abhayaṃ bhāyanti, sammūḷhā caturo janā’’ti. (su. ni. aṭṭha. 2.293; a. ni. ṭī. 3.5.192);

    д̇ад̣̇абхин̃н̃аад̇и д̇ам̣ яат̇аавуд̇д̇аанд̇ад̣̇ваяам̣ абхиж̇аананд̇и г̇ун̣ам̣ ааробзд̇ваа ж̇аананд̇ийд̇и д̇ад̣̇абхин̃н̃аа. ад̇т̇абхан̃ж̇анад̇о, рог̇аг̇ан̣д̣асалласад̣̇исад̇ааяа ад̇д̇абхаавасам̣гилзсаанан̃жа рог̇аг̇ан̣д̣асаллад̇аа.

    Tadabhiññāti taṃ yathāvuttaantadvayaṃ abhijānanti guṇaṃ āropetvā jānantīti tadabhiññā. Atthabhañjanato, rogagaṇḍasallasadisatāya attabhāvasaṃkilesānañca rogagaṇḍasallatā.

    саггааяад̣̇ассанзд̇и зд̇т̇а д̣̇идтид̣̇ассанам̣, саггааяова д̣̇ассанам̣ саггааяад̣̇ассананд̇и ад̇т̇о взд̣̇ид̇аб̣б̣о. д̇зсанд̇и д̣̇идтижарид̇аанам̣. ад̇д̇аабхинивзсо б̣алаваа. д̇асмаа яат̇ааубадтид̇ам̣ руубам̣ ‘‘ад̇д̇аа’’ижжзва г̇ан̣ханд̇ийд̇и ад̇хиббааяо. д̇ат̇аа взд̣̇анаад̣̇им̣. д̇ан̣хаажарид̇о бана яат̇ааубадтид̇ам̣ руубам̣ д̇ан̣хаавад̇т̇ум̣ гад̇ваа ад̇д̇анияаабхинивзсзна абхинивисанд̇аа д̇ад̣̇ан̃н̃амзва ад̇д̇ад̇о саманубассанд̇и. звам̣ взд̣̇анаад̣̇ийсу. д̇знааха ‘‘д̇ан̣хаажарид̇аа’’д̇иаад̣̇и. виж̇ж̇амаанзд̇и барамад̇т̇ад̇о убалаб̣бхамаанз. гааязд̇и самуухз. д̣̇идтияаа баригаббид̇о ад̇д̇аад̣̇и зва барамад̇т̇ад̇о нубалаб̣бхад̇и, д̣̇идти бана лаб̣бхад̇зваад̇и ааха ‘‘сад̇ий ваа виж̇ж̇амаанаа’’д̇и.

    Sakkāyadassaneti ettha diṭṭhidassanaṃ, sakkāyova dassanaṃ sakkāyadassananti attho veditabbo. Tesanti diṭṭhicaritānaṃ. Attābhiniveso balavā. Tasmā yathāupaṭṭhitaṃ rūpaṃ ‘‘attā’’icceva gaṇhantīti adhippāyo. Tathā vedanādiṃ. Taṇhācarito pana yathāupaṭṭhitaṃ rūpaṃ taṇhāvatthuṃ katvā attaniyābhinivesena abhinivisantā tadaññameva attato samanupassanti. Evaṃ vedanādīsu. Tenāha ‘‘taṇhācaritā’’tiādi. Vijjamāneti paramatthato upalabbhamāne. Kāyeti samūhe. Diṭṭhiyā parikappito attādi eva paramatthato nupalabbhati, diṭṭhi pana labbhatevāti āha ‘‘satī vā vijjamānā’’ti.

    саггааяад̣̇ассанамукзнаад̇и саггааяад̣̇идтимукзна.

    Sakkāyadassanamukhenāti sakkāyadiṭṭhimukhena.

    ужчзд̣̇асассад̇анд̇и д̇ам̣сахажаран̣ад̇о ужчзд̣̇асассад̇ад̣̇идти вуд̇д̇аа. ‘‘ужчзд̣̇асассад̇аваад̣̇аа’’д̇иби баато.

    Ucchedasassatanti taṃsahacaraṇato ucchedasassatadiṭṭhi vuttā. ‘‘Ucchedasassatavādā’’tipi pāṭho.

    гасин̣ааяад̇анаанийд̇и гасин̣аж̇жхаанаани.

    Kasiṇāyatanānīti kasiṇajjhānāni.

    д̇зж̇зд̇ваад̇и нисаанзд̇ваа.

    Tejetvāti nisānetvā.

    81. зд̇д̇аавад̇аа нанд̣̇ияааваддасса бхуумиражанавасзна сам̣гилзсабагко д̣̇ассид̇од̇и ааха ‘‘д̇ад̇т̇а д̣̇идтижарид̇од̇иаад̣̇инаа вод̣̇аанабагкам̣ д̣̇ассзд̇ий’’д̇и. ‘‘яасмаа саллзкз д̇иб̣б̣аг̇аараво’’д̇и иминаа д̇ад̇т̇а д̇иб̣б̣аг̇ааравад̇д̇аа сам̣лзкаанусанд̇ад̇авуд̇д̇инаа бхавад̇ийд̇и д̣̇ассзд̇и. сзсзсуби зсзва наяо. мижчаад̇химогко сад̣̇д̇хаабад̇ируубаго авад̇т̇усмим̣ басаад̣̇о.

    81. Ettāvatā nandiyāvaṭṭassa bhūmiracanavasena saṃkilesapakkho dassitoti āha ‘‘tattha diṭṭhicaritotiādinā vodānapakkhaṃ dassetī’’ti. ‘‘Yasmā sallekhe tibbagāravo’’ti iminā tattha tibbagāravattā saṃlekhānusantatavuttinā bhavatīti dasseti. Sesesupi eseva nayo. Micchādhimokkho saddhāpatirūpako avatthusmiṃ pasādo.

    буг̇г̇алаад̇хидтаанзна д̇хаммамзва вибхаж̇ад̇ийд̇и ааха ‘‘сад̇д̇ааби…бз… д̣̇ассзд̇ий’’д̇и.

    Puggalādhiṭṭhānena dhammameva vibhajatīti āha ‘‘sattāpi…pe… dassetī’’ti.

    яз хи гзжийд̇и зд̇т̇а хи-сад̣̇д̣̇о нибаад̇амад̇д̇ам̣. ‘‘имаахи зва жад̇уухи бадибад̣̇аахий’’д̇иби баал̣и. д̣̇угкаабадибад̣̇аад̣̇ивибхааг̇зна маг̇г̇о зва ид̇ха вуд̇д̇од̇и ааха ‘‘бадибад̣̇аа хи маг̇г̇о’’д̇и жад̇уд̣̇д̣̇исаасан̇каад̇ам̣ маг̇г̇анд̇и жад̇уд̣̇д̣̇исаасан̇каад̇ам̣ бавад̇д̇анубааяам̣. д̣̇вз д̣̇исаа зд̇иссаад̇и д̣̇вид̣̇исаа. нанд̣̇ияааваддассаад̇и нанд̣̇ияаавадданаяасса.

    Ye hi kecīti ettha hi-saddo nipātamattaṃ. ‘‘Imāhi eva catūhi paṭipadāhī’’tipi pāḷi. Dukkhāpaṭipadādivibhāgena maggo eva idha vuttoti āha ‘‘paṭipadā hi maggo’’ti catuddisāsaṅkhātaṃ magganti catuddisāsaṅkhātaṃ pavattanupāyaṃ. Dve disā etissāti dvidisā. Nandiyāvaṭṭassāti nandiyāvaṭṭanayassa.

    82. вивад̇д̇ад̇и ваддам̣ зд̇т̇аад̇и вивад̇д̇ам̣, вивад̇д̇ам̣ зва виваддам̣, асан̇кад̇ад̇хаад̇у, ниб̣б̣уд̇и зва ваа. д̇зна вуд̇д̇ам̣ ‘‘ниб̣б̣аана’’нд̇и.

    82. Vivattati vaṭṭaṃ etthāti vivattaṃ, vivattaṃ eva vivaṭṭaṃ, asaṅkhatadhātu, nibbuti eva vā. Tena vuttaṃ ‘‘nibbāna’’nti.

    ‘‘гад̇т̇а д̣̇адтаб̣б̣а’’нд̇и ваа баал̣и. убажаязд̇и убажаяаавад̇т̇ааяанд̇и ад̇т̇о. д̣̇асаннанд̇и лобхаад̣̇игилзсавад̇т̇уунам̣. вибаллаасахзд̇убхаавад̇од̇и субхасан̃н̃аад̣̇ивибаллаасахзд̇угабхаавад̇о. вибариязсаг̇г̇аахавасзна хи аад̣̇ийнавзсу зва сам̣яож̇аниязсу д̇хаммзсу ассаад̣̇аанубассид̇аа. на хи яат̇аабхууд̇ан̃аан̣з сад̇и д̇ат̇аа самбхаво. д̇зна вуд̇д̇ам̣ ‘‘д̣̇асаннам̣…бз… бхаавад̇о’’д̇и. д̣̇асавид̇хагааран̣зд̇и д̣̇асавид̇хз гааран̣з, д̣̇асавид̇хасса ваа гааран̣з. аяонисоманасигаарабаригкад̇аа д̇хаммаа субхаарамман̣аад̣̇аяо.

    ‘‘Katthadaṭṭhabba’’nti vā pāḷi. Upacayeti upacayāvatthāyanti attho. Dasannanti lobhādikilesavatthūnaṃ. Vipallāsahetubhāvatoti subhasaññādivipallāsahetukabhāvato. Vipariyesaggāhavasena hi ādīnavesu eva saṃyojaniyesu dhammesu assādānupassitā. Na hi yathābhūtañāṇe sati tathā sambhavo. Tena vuttaṃ ‘‘dasannaṃ…pe… bhāvato’’ti. Dasavidhakāraṇeti dasavidhe kāraṇe, dasavidhassa vā kāraṇe. Ayonisomanasikāraparikkhatā dhammā subhārammaṇādayo.

    д̇аб̣б̣исаяаа гилзсаад̇и аахаарабарин̃н̃аабариб̣анд̇хабхууд̇аа гилзсаа. вин̃н̃аан̣адтид̇ийсуби зсзва наяо. гааяз бавад̇д̇амаано батамо вибаллаасо гааяасамуд̣̇ааяз, гааязгад̣̇зсз жа габ̣ал̣ийгаарз аахаарз бавад̇д̇о зва ход̇ийд̇и вуд̇д̇ам̣ ‘‘батамз аахаарз висаяабхууд̇з батамо вибаллаасо бавад̇д̇ад̇ий’’д̇и. д̇ат̇аа взд̣̇анааяам̣ бавад̇д̇амаано д̣̇уд̇ияавибаллаасо д̇аббажжаяз пассаахаарз, жид̇д̇з бавад̇д̇амаано д̇ад̇ияавибаллаасо д̇аббажжаяз маносан̃жзд̇анаахаарз, д̇хаммзсу бавад̇д̇амаано жад̇уд̇т̇авибаллаасо д̇аббажжаяз вин̃н̃аан̣аахаарз бавад̇д̇о зва ход̇ийд̇и вуд̇д̇ам̣ ‘‘жад̇уд̇т̇з аахаарз жад̇уд̇т̇о вибаллаасо’’д̇и. д̇знааха ‘‘сзсаахаарзсуби зсзва наяо’’д̇и. аахаарасийсзна ваа аахаарабадиб̣ад̣̇д̇хо чанд̣̇арааг̇о г̇ахид̇о. вин̃н̃аан̣адтид̇ийсуби зсзва наяо. д̇знзвааха ‘‘аахаарасийсзна д̇аб̣б̣исаяаа гилзсаа ад̇хиббзд̇аа’’д̇и. батамз аахаарз висаяабхууд̇зд̇и жа батамз аахаарз чанд̣̇арааг̇асса висаяабхаавам̣ бад̇д̇з, д̇аб̣бхаавам̣ анад̇игганд̇зд̇и ад̇т̇о. аббахийнажчанд̣̇арааг̇асса хи д̇ад̇т̇а вибаллаасаа самбхаванд̇и, на ид̇арасса. д̇ат̇аа д̣̇уд̇ияавибаллаасаад̣̇ийсу аббахийнзсу. ид̇арз убаад̣̇аанаани бавад̇д̇анд̇зва аббахийнад̇д̇аад̇и ааха ‘‘сзсабад̣̇зсуби зсзва наяо’’д̇и. яасмаа жа убаад̣̇аанаад̣̇ийсу аббахийнзсуби яог̇аад̣̇аяо бавад̇д̇анд̇зва яат̇аарахам̣ д̇ам̣сабхаавад̇д̇аа, д̇ад̣̇згадтасабхаавад̇о жа, д̇асмаа вуд̇д̇ам̣ баал̣ияам̣ ‘‘батамз убаад̣̇аанз батамо яог̇о’’д̇иаад̣̇и. д̇знааха ‘‘сзсабад̣̇зсуби зсзва наяо’’д̇и.

    Tabbisayā kilesāti āhārapariññāparibandhabhūtā kilesā. Viññāṇaṭṭhitīsupi eseva nayo. Kāye pavattamāno paṭhamo vipallāso kāyasamudāye, kāyekadese ca kabaḷīkāre āhāre pavatto eva hotīti vuttaṃ ‘‘paṭhame āhāre visayabhūte paṭhamo vipallāsopavattatī’’ti. Tathā vedanāyaṃ pavattamāno dutiyavipallāso tappaccaye phassāhāre, citte pavattamāno tatiyavipallāso tappaccaye manosañcetanāhāre, dhammesu pavattamāno catutthavipallāso tappaccaye viññāṇāhāre pavatto eva hotīti vuttaṃ ‘‘catutthe āhāre catuttho vipallāso’’ti. Tenāha ‘‘sesāhāresupi eseva nayo’’ti. Āhārasīsena vā āhārapaṭibaddho chandarāgo gahito. Viññāṇaṭṭhitīsupi eseva nayo. Tenevāha ‘‘āhārasīsena tabbisayā kilesā adhippetā’’ti. Paṭhame āhāre visayabhūteti ca paṭhame āhāre chandarāgassa visayabhāvaṃ patte, tabbhāvaṃ anatikkanteti attho. Appahīnacchandarāgassa hi tattha vipallāsā sambhavanti, na itarassa. Tathā dutiyavipallāsādīsu appahīnesu. Itare upādānāni pavattanteva appahīnattāti āha ‘‘sesapadesupi eseva nayo’’ti. Yasmā ca upādānādīsu appahīnesupi yogādayo pavattanteva yathārahaṃ taṃsabhāvattā, tadekaṭṭhasabhāvato ca, tasmā vuttaṃ pāḷiyaṃ ‘‘paṭhame upādāne paṭhamo yogo’’tiādi. Tenāha ‘‘sesapadesupi eseva nayo’’ti.

    83. абариж̇аананд̇ассаад̇и н̃аад̇абарин̃н̃ааяа, д̇ийран̣абарин̃н̃ааяа, бахаанабарин̃н̃ааяаад̇и д̇ийхи барин̃н̃аахи барижчинд̣̇ид̇ваа аж̇аананд̇асса, д̇зсам̣ самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ анаваб̣уж̇жханд̇ассаад̇и ад̇т̇о. д̇иб̣б̣о б̣ахало чанд̣̇арааг̇о ход̇и д̇ан̣хаажарид̇абхаавад̇од̇и ад̇хиббааяо. ид̇и убаггилзсасса д̣̇идтаабхинивзсасса хзд̇убхаавад̇од̇и имамад̇т̇ам̣ санд̇хааяааха ‘‘вуд̇д̇анаязнзваа’’д̇и. субхасукасан̃н̃аагаамубаад̣̇аанагаамабхаваяог̇аабхиж̇жхаагааяаг̇ант̇агаамабхаваасава- гаамабхавогхарааг̇асаллачанд̣̇ааг̇ад̇иг̇аманаани д̇ан̣хаабагкигад̇ааяа, д̇ан̣хаасабхаавад̇ааяа жа д̇ан̣хаабад̇хаанаани. сийлаб̣б̣ад̇убаад̣̇аанаб̣яаабаад̣̇агааяаг̇ант̇ад̣̇осасаллад̣̇осааг̇ад̇иг̇аманаани бана д̇ан̣хаабхаавз бхаавад̇о , вин̃н̃аан̣адтид̇ияо д̇ан̣хаависаяад̇о, саб̣б̣зсам̣ ваа д̇ан̣хаависаяад̇о д̇ан̣хаабад̇хаанад̇аа лаб̣бхад̇зва. бажчимагаанам̣ д̣̇идтибад̇хаанад̇аа вуд̇д̇анаяаанусаарзна взд̣̇ид̇аб̣б̣аа.

    83.Aparijānantassāti ñātapariññāya, tīraṇapariññāya, pahānapariññāyāti tīhi pariññāhi paricchinditvā ajānantassa, tesaṃ samudayañca atthaṅgamañca assādañca ādīnavañca nissaraṇañca yathābhūtaṃ anavabujjhantassāti attho. Tibbo bahalo chandarāgo hoti taṇhācaritabhāvatoti adhippāyo. Iti upakkilesassa diṭṭhābhinivesassa hetubhāvatoti imamatthaṃ sandhāyāha ‘‘vuttanayenevā’’ti. Subhasukhasaññākāmupādānakāmabhavayogaabhijjhākāyaganthakāmabhavāsava- kāmabhavogharāgasallachandāgatigamanāni taṇhāpakkhikatāya, taṇhāsabhāvatāya ca taṇhāpadhānāni. Sīlabbatupādānabyāpādakāyaganthadosasalladosāgatigamanāni pana taṇhābhāve bhāvato , viññāṇaṭṭhitiyo taṇhāvisayato, sabbesaṃ vā taṇhāvisayato taṇhāpadhānatā labbhateva. Pacchimakānaṃ diṭṭhipadhānatā vuttanayānusārena veditabbā.

    84. габ̣ал̣ийгаарз аахаарзд̇и габ̣ал̣ийгаараахаарависаяз чанд̣̇арааг̇з. ‘‘аббахийнз’’д̇иаад̣̇игам̣ барияааяагат̇ам̣ мун̃жид̇ваа ниббарияааяамзва д̣̇ассзнд̇о габ̣ал̣ийгаараахаарасса ‘‘асубхасабхаавад̇д̇аа, асубхасамудтаанад̇д̇аа жаа’’д̇и вуд̇д̇ам̣. лаб̣бхамаанз хи уж̇угз ад̇т̇з гим̣ барияааяагат̇ааяаад̇и. чанд̣̇арааг̇о ваа д̇ад̇т̇а ад̇т̇асид̣̇д̇ход̇и звамбзд̇т̇а ад̇т̇о вуд̇д̇о. на хи д̇ад̇т̇а асад̇и чанд̣̇арааг̇з вибаллаасо самбхавад̇и. д̣̇угкасабхаавад̇д̇аад̇и сан̇каарад̣̇угкад̇ааяа д̣̇угкасабхаавад̇д̇аа. д̣̇угкабажжаяад̇д̇аад̇и д̇ивид̇хад̣̇угкад̇аалагкан̣асса д̣̇угкасса гааран̣ад̇о. вин̃н̃аан̣з нижжасан̃н̃ино. д̇ат̇аа хи саад̇и наама бхигку гзваддабуд̇д̇о ‘‘д̇ам̣язва вин̃н̃аан̣ам̣ санд̇хаавад̇и сам̣сарад̇ий’’д̇и д̇ад̇т̇а нижжаабхинивзсам̣ сам̣взд̣̇зси. язбхуяязна сан̇каарзсу ад̇д̇асан̃н̃ид̇аа д̣̇идтиг̇ад̇игаанам̣ ‘‘жзд̇анаа ад̇д̇аа’’д̇иаад̣̇ид̣̇идтибарид̣̇ийбанзсу взд̣̇ид̇аб̣б̣аа. ‘‘бхавависуд̣̇д̇хий’’д̇и бад̣̇асса ад̇т̇аважанам̣ ‘‘ниб̣б̣уд̇исука’’нд̇и. ‘‘сийлаб̣б̣ад̇зхи…бз… суканд̇и д̣̇ал̣хам̣ г̇ан̣хаад̇ий’’д̇и иминаа сийлаб̣б̣ад̇убаад̣̇аанам̣ ид̇ха бхавубаад̣̇аананд̇и д̣̇ассзд̇и. д̇ат̇аа хи вагкад̇и ‘‘сийлаб̣б̣ад̇убаад̣̇аанасан̇каад̇зна бхавубаад̣̇аанзнаа’’д̇и.

    84.Kabaḷīkāre āhāreti kabaḷīkārāhāravisaye chandarāge. ‘‘Appahīne’’tiādikaṃ pariyāyakathaṃ muñcitvā nippariyāyameva dassento kabaḷīkārāhārassa ‘‘asubhasabhāvattā, asubhasamuṭṭhānattā cā’’ti vuttaṃ. Labbhamāne hi ujuke atthe kiṃ pariyāyakathāyāti. Chandarāgo vā tattha atthasiddhoti evampettha attho vutto. Na hi tattha asati chandarāge vipallāso sambhavati. Dukkhasabhāvattāti saṅkhāradukkhatāya dukkhasabhāvattā. Dukkhapaccayattāti tividhadukkhatālakkhaṇassa dukkhassa kāraṇato. Viññāṇe niccasaññino. Tathā hi sāti nāma bhikkhu kevaṭṭaputto ‘‘taṃyeva viññāṇaṃ sandhāvati saṃsaratī’’ti tattha niccābhinivesaṃ saṃvedesi. Yebhuyyena saṅkhāresu attasaññitā diṭṭhigatikānaṃ ‘‘cetanā attā’’tiādidiṭṭhiparidīpanesu veditabbā. ‘‘Bhavavisuddhī’’ti padassa atthavacanaṃ ‘‘nibbutisukha’’nti. ‘‘Sīlabbatehi…pe… sukhanti daḷhaṃ gaṇhātī’’ti iminā sīlabbatupādānaṃ idha bhavupādānanti dasseti. Tathā hi vakkhati ‘‘sīlabbatupādānasaṅkhātena bhavupādānenā’’ti.

    бажжаяаа хонд̇и убаниссаяабажжаяаад̣̇инаа. батамз яог̇з тид̇од̇и батамз яог̇з бад̇идтид̇о. аббахийнаа хи гилзсаа гаммаваддаад̣̇ийнам̣ гааран̣абхууд̇аа д̇ам̣саман̇г̇ино сад̇д̇асса бад̇идтаад̇и вужжанд̇и. барасса абхиж̇жхааяанам̣ бараабхиж̇жхааяанам̣. бхавабад̇т̇анааяа бхавад̣̇идтибхаварааг̇авасзна бияааяид̇асса вад̇т̇уно вибарин̣ааман̃н̃ат̇аабхаавз д̣̇оманассуббад̇д̇им̣ санд̇хааяа вуд̇д̇ам̣ ‘‘бхаварааг̇а…бз… бад̣̇уусзнд̇ий’’д̇и.

    Paccayā honti upanissayapaccayādinā. Paṭhame yoge ṭhitoti paṭhame yoge patiṭṭhito. Appahīnā hi kilesā kammavaṭṭādīnaṃ kāraṇabhūtā taṃsamaṅgino sattassa patiṭṭhāti vuccanti. Parassa abhijjhāyanaṃ parābhijjhāyanaṃ. Bhavapatthanāya bhavadiṭṭhibhavarāgavasena piyāyitassa vatthuno vipariṇāmaññathābhāve domanassuppattiṃ sandhāya vuttaṃ ‘‘bhavarāga…pe… padūsentī’’ti.

    г̇ант̇ид̇ваад̇и г̇ант̇им̣ гад̇ваа. д̣̇вид̇хаабхууд̇ам̣ раж̇ж̇уаад̣̇игз вияа г̇ант̇игаран̣ан̃хи г̇ант̇анам̣. жид̇д̇ам̣ барияаад̣̇ааяа д̇идтанд̇аа аасаваанам̣ уббад̇д̇ихзд̇у хонд̇ийд̇и самб̣анд̇хо. барияудтаанаббад̇д̇аа згажжз гилзсаа висзсад̇о аасавуббад̇д̇ихзд̇у хонд̇ийд̇и д̣̇ассанад̇т̇ам̣ адтагат̇ааяам̣ уббадибаадиважанам̣. д̇аббадибагкз висаяз бад̇т̇зд̇ийд̇и яож̇анаа. д̇аб̣б̣исаяаб̣ахулз бхавз бад̇т̇зд̇ийд̇и яат̇аа маанусагзхи гаамзхи ниб̣б̣иннаруубаа д̣̇звуубабад̇д̇и. д̇ам̣сабхаавад̇д̇аад̇и д̣̇идтисабхаавад̇д̇аа. абараабаранд̇и ан̃н̃аман̃н̃ам̣. згажжаа хи д̣̇идти згажжасса д̣̇идтаабхинивзсасса гааран̣ам̣ ход̇и, яат̇аа саггааяад̣̇идти ид̇араасам̣. абхинивисанд̇ассаад̇и абхинивзсанахзд̇у. ‘‘аяонисоманасигаарад̇о…бз… авиж̇ж̇аасаво уббаж̇ж̇ад̇ий’’д̇и ид̣̇ам̣ сажжаабхинивзсасса палабхууд̇ам̣ авиж̇ж̇аасавам̣ д̣̇ассзд̇и зганд̇авассимзгхавудтаанзна вияа махогхаббавад̇д̇и. авиж̇ж̇аасаво сид̣̇д̇хо ход̇и вудтихзд̇угамахогхасид̣̇д̇хияаа убаримзгхавудтаанам̣ вияа.

    Ganthitvāti ganthiṃ katvā. Dvidhābhūtaṃ rajjuādike viya ganthikaraṇañhi ganthanaṃ. Cittaṃ pariyādāya tiṭṭhantā āsavānaṃ uppattihetu hontīti sambandho. Pariyuṭṭhānappattā ekacce kilesā visesato āsavuppattihetu hontīti dassanatthaṃ aṭṭhakathāyaṃ uppaṭipāṭivacanaṃ. Tappaṭipakkhe visaye patthetīti yojanā. Tabbisayabahule bhave patthetīti yathā mānusakehi kāmehi nibbinnarūpā devūpapatti. Taṃsabhāvattāti diṭṭhisabhāvattā. Aparāparanti aññamaññaṃ. Ekaccā hi diṭṭhi ekaccassa diṭṭhābhinivesassa kāraṇaṃ hoti, yathā sakkāyadiṭṭhi itarāsaṃ. Abhinivisantassāti abhinivesanahetu. ‘‘Ayonisomanasikārato…pe… avijjāsavo uppajjatī’’ti idaṃ saccābhinivesassa phalabhūtaṃ avijjāsavaṃ dasseti ekantavassimeghavuṭṭhānena viya mahoghappavatti. Avijjāsavo siddho hoti vuṭṭhihetukamahoghasiddhiyā uparimeghavuṭṭhānaṃ viya.

    ‘‘нанд̣̇ийрааг̇асахаг̇ад̇аа’’д̇иаад̣̇ийсу (махаава. 14) вияа д̇аб̣бхаавад̇т̇о сахаг̇ад̇асад̣̇д̣̇од̇и ааха ‘‘анусаяа…бз… бхууд̇аа ваа’’д̇и. жид̇д̇асса аб̣бханд̇арасан̇каад̇ам̣ хад̣̇аяанд̇и вибаагажид̇д̇аббавад̇д̇им̣ санд̇хааяа вад̣̇ад̇и. вибаагаваддзби гилзсаваасанаахид̇аа ад̇т̇и гаажи висзсамад̇д̇аа.

    ‘‘Nandīrāgasahagatā’’tiādīsu (mahāva. 14) viya tabbhāvattho sahagatasaddoti āha ‘‘anusaya…pe… bhūtā vā’’ti. Cittassa abbhantarasaṅkhātaṃ hadayanti vipākacittappavattiṃ sandhāya vadati. Vipākavaṭṭepi kilesavāsanāhitā atthi kāci visesamattā.

    лобхасахаг̇ад̇асса вин̃н̃аан̣асса. ид̇арасса д̣̇осасахаг̇ад̇аад̣̇игасса. б̣яан̃ж̇анзна вияа бхож̇анасса аарамман̣асса абхисан̇каран̣ам̣ висзсаабаад̣̇анам̣ убасзжанам̣, нанд̣̇ий саббийд̇игад̇ан̣хаа убасзжанам̣ зд̇ассаад̇и нанд̣̇уубасзжанам̣ убасзжанабхууд̇ааяаби нанд̣̇ияаа рааг̇асаллаубанисад̇о. убасид̇д̇з бана вад̇д̇аб̣б̣амзва над̇т̇ийд̇и д̣̇ассзд̇ум̣ баал̣ияаа ‘‘рааг̇асаллзна нанд̣̇уубасзжанзна вин̃н̃аан̣знаа’’д̇и вуд̇д̇анд̇и д̇амад̇т̇ам̣ баагадам̣ гаад̇ум̣ ‘‘гзна бана д̇ам̣ нанд̣̇уубасзжана’’нд̇и бужчад̇и.

    Lobhasahagatassa viññāṇassa. Itarassa dosasahagatādikassa. Byañjanena viya bhojanassa ārammaṇassa abhisaṅkharaṇaṃ visesāpādanaṃ upasecanaṃ, nandī sappītikataṇhā upasecanaṃ etassāti nandūpasecanaṃ upasecanabhūtāyapi nandiyā rāgasallaupanisato. Upasitte pana vattabbameva natthīti dassetuṃ pāḷiyā ‘‘rāgasallena nandūpasecanena viññāṇenā’’ti vuttanti tamatthaṃ pākaṭaṃ kātuṃ ‘‘kena pana taṃ nandūpasecana’’nti pucchati.

    рааг̇асаллзнаад̇и хзд̇умхи гаран̣аважананд̇и д̣̇ассзнд̇о ‘‘рааг̇асаллзна хзд̇убхууд̇знаа’’д̇и ааха. убаниссаяабажжаяад̇т̇о жзд̇т̇а хзд̇вад̇т̇о. убаг̇анд̇аб̣б̣ад̇о вин̃н̃аан̣знаад̇и вибхад̇д̇им̣ барин̣аамзд̇ваа яож̇зд̇аб̣б̣ам̣. ‘‘бад̇идтаабхаавад̇о’’д̇и иминаа вин̃н̃аан̣асса ниссаяаад̣̇ибажжаяад̇ам̣ вад̣̇ад̇и. д̇знааха ‘‘руубагканд̇хам̣ ниссааяа д̇идтад̇ий’’д̇и. звам̣ д̣̇уд̇ияаад̣̇ивин̃н̃аан̣адтид̇ийсуби ниссаяаад̣̇ибажжаяад̇аа вад̇д̇аб̣б̣аа бад̇идтааважанад̇о.

    Rāgasallenāti hetumhi karaṇavacananti dassento ‘‘rāgasallena hetubhūtenā’’ti āha. Upanissayapaccayattho cettha hetvattho. Upagantabbato viññāṇenāti vibhattiṃ pariṇāmetvā yojetabbaṃ. ‘‘Patiṭṭhābhāvato’’ti iminā viññāṇassa nissayādipaccayataṃ vadati. Tenāha ‘‘rūpakkhandhaṃ nissāya tiṭṭhatī’’ti. Evaṃ dutiyādiviññāṇaṭṭhitīsupi nissayādipaccayatā vattabbā patiṭṭhāvacanato.

    85. яад̣̇иби агусаламуулаад̣̇игз д̇ибугкаласса, д̇ан̣хаад̣̇игз нанд̣̇ияааваддасса д̣̇исаабхаавзна вагкад̇и, д̇ат̇ааби ан̃н̃аман̃н̃аануббавзсад̇о згасмим̣ наяз сид̣̇д̇хз ид̇арзби сид̣̇д̇хаа зва хонд̇ийд̇и имасса висзсасса д̣̇ассанад̇т̇ам̣ ‘‘аахаараад̣̇аяо…бз… вавад̇т̇абзд̇у’’нд̇и вуд̇д̇ам̣. вагкамаанз ваа агусаламуулад̇ан̣хаад̣̇игз аад̣̇исад̣̇д̣̇зна сан̇г̇ахзд̇ваа ‘‘аахаараад̣̇аяо’’д̇и вад̣̇анд̇о ‘‘наяаана’’нд̇и б̣ахуважанамааха. згасса ад̇т̇ассаад̇и рааг̇ажарид̇асса убаггилзсад̇аасан̇каад̇асса згасса баяож̇анасса. б̣яан̃ж̇анад̇т̇оби г̇ахид̇о, на б̣яан̃ж̇анамзва г̇ахид̇анд̇и суд̇д̇абад̣̇аани ан̃н̃аман̃н̃абарияааяаважанаани яат̇аарахам̣ д̇ан̣хаавад̇т̇уунам̣ д̇ад̇т̇а гат̇ид̇ад̇д̇аа вуд̇д̇ам̣ ‘‘савад̇т̇угаа д̇ан̣хаа вуд̇д̇аа’’д̇и. д̣̇осавад̇т̇уунам̣, д̣̇идтивад̇т̇уунан̃жа д̇ад̇т̇а гат̇ид̇ад̇д̇аа ‘‘савад̇т̇уго д̣̇осо, савад̇т̇угаа д̣̇идти жа вуд̇д̇аа’’д̇и имамад̇т̇ам̣ санд̇хааяааха ‘‘вуд̇д̇анаяаанусаарзнаа’’д̇и.

    85. Yadipi akusalamūlādike tipukkhalassa, taṇhādike nandiyāvaṭṭassa disābhāvena vakkhati, tathāpi aññamaññānuppavesato ekasmiṃ naye siddhe itarepi siddhā eva hontīti imassa visesassa dassanatthaṃ ‘‘āhārādayo…pe… vavatthapetu’’nti vuttaṃ. Vakkhamāne vā akusalamūlataṇhādike ādisaddena saṅgahetvā ‘‘āhārādayo’’ti vadanto ‘‘nayāna’’nti bahuvacanamāha. Ekassa atthassāti rāgacaritassa upakkilesatāsaṅkhātassa ekassa payojanassa. Byañjanatthopi gahito, na byañjanameva gahitanti suttapadāni aññamaññapariyāyavacanāni yathārahaṃ taṇhāvatthūnaṃ tattha kathitattā vuttaṃ ‘‘savatthukā taṇhā vuttā’’ti. Dosavatthūnaṃ, diṭṭhivatthūnañca tattha kathitattā ‘‘savatthuko doso, savatthukā diṭṭhi ca vuttā’’ti imamatthaṃ sandhāyāha ‘‘vuttanayānusārenā’’ti.

    д̣̇угкаагаарзна саха д̣̇угкаагаарам̣ г̇ахзд̇ваад̇и ад̇т̇о. зван̃жзд̇анд̇и яад̣̇и д̇ам̣д̇ам̣анубассанааб̣ахуласса васзна буримаахаарад̣̇ваяаад̣̇ийсу вимогкамукависзсанид̣̇д̇хааран̣ам̣ гад̇ам̣, зд̇ам̣ звамзва взд̣̇ид̇аб̣б̣ам̣, на ан̃н̃ат̇аа. д̇ад̇т̇а гааран̣ам̣ вад̣̇анд̇о ‘‘на хий’’д̇иаад̣̇имааха. д̇ассад̇т̇о – яат̇аа арияамаг̇г̇аанам̣ од̇хисо гилзсаббаж̇аханад̇о бахаад̇аб̣б̣зсу д̇хаммзсу нияамо ад̇т̇и, на звам̣ вибассанааяа барин̃н̃аабахаанаанам̣ анижжанд̇игад̇д̇аад̇и.

    Dukkhākārena saha dukkhākāraṃ gahetvāti attho. Evañcetanti yadi taṃtaṃanupassanābahulassa vasena purimāhāradvayādīsu vimokkhamukhavisesaniddhāraṇaṃ kataṃ, etaṃ evameva veditabbaṃ, na aññathā. Tattha kāraṇaṃ vadanto ‘‘na hī’’tiādimāha. Tassattho – yathā ariyamaggānaṃ odhiso kilesappajahanato pahātabbesu dhammesu niyamo atthi, na evaṃ vipassanāya pariññāpahānānaṃ aniccantikattāti.

    абарз банааху – буримз аахаарад̣̇ваяз баригилзсабхаавзна, д̣̇угкабажжаяад̇д̇аа жа д̣̇угкалагкан̣ам̣ субаагадам̣. д̇ад̇т̇а буримз вин̃н̃аан̣адтид̇ид̣̇ваяавин̃н̃аан̣аахаарз д̇ад̇ияавин̃н̃аан̣адтид̇ияам̣ анижжалагкан̣ам̣, маносан̃жзд̇анаахаарз жад̇уд̇т̇авин̃н̃аан̣адтид̇ияам̣ анад̇д̇алагкан̣ам̣ субаагаданд̇и д̇иссаннам̣ анубассанаанам̣ бавад̇д̇имукад̇ааяа д̇зхи аббан̣ихид̇аад̣̇ивимогкамукзхи барин̃н̃ам̣ г̇ажчанд̇ийд̇и. д̇ат̇аа вибаллаасаад̣̇ийсу буримад̣̇ваяам̣ д̣̇угкаанубассанааяа уж̇увибажжанийгам̣, ид̇арад̣̇ваяам̣ анижжаанад̇д̇аанубассанаанам̣. ид̇и бавад̇д̇имукад̇ааяа жа уж̇увибажжанийгад̇ааяа жа имз д̇хаммаа яат̇аарахам̣ аббан̣ихид̇аад̣̇ивимогкамукзхи барин̃н̃зяяаа, бахаад̇аб̣б̣аа жа вуд̇д̇аа. д̇ад̇т̇а субхасукасан̃н̃аагаамубаад̣̇аанасийлаб̣б̣ад̇убаад̣̇аанагаамаяог̇абхаваяог̇аабхиж̇жхаагааяа г̇ант̇агаамаасавагаамогха бхавогха рааг̇асаллачанд̣̇ааг̇ад̇иг̇аманаани сукассаад̣̇авасзна бавад̇д̇анад̇о д̣̇угкаанубассанааяа бадибагкабхаавад̇о б̣яаабаад̣̇агааяаг̇ант̇ад̣̇осасаллад̣̇осааг̇ад̇иг̇аманаани бавад̇д̇имукад̇ааяа аббан̣ихид̇авимогкамукзна бахаад̇аб̣б̣аани. д̇ад̇ияасан̃н̃аад̣̇аяо нижжаабхинивзсад̇аннимид̇д̇аахи анижжаанубассанааяа бадибагкабхаавад̇о анимид̇д̇авимогкамукзна бахаад̇аб̣б̣аа. жад̇уд̇т̇асан̃н̃аад̣̇аяо ад̇д̇аабхинивзсад̇аннид̇д̇аахи анад̇д̇аанубассанааяа бадибагкабхаавад̇о сун̃н̃ад̇авимогкамукзна бахаад̇аб̣б̣аа. д̇ад̇т̇а маанасаллабхаяааг̇ад̇иг̇аманаанам̣ нижжаабхинивзсанимид̇д̇ад̇аа взд̣̇ид̇аб̣б̣аа. на хи анижжад̇о бассад̇о маанаж̇аббанам̣, бхаяам̣ ваа самбхавад̇и. авиж̇ж̇ааяог̇аад̣̇ийнам̣ ад̇д̇аабхинивзсанимид̇д̇ад̇аа баагадаа зваад̇и.

    Apare panāhu – purime āhāradvaye parikilesabhāvena, dukkhapaccayattā ca dukkhalakkhaṇaṃ supākaṭaṃ. Tattha purime viññāṇaṭṭhitidvayaviññāṇāhāre tatiyaviññāṇaṭṭhitiyaṃ aniccalakkhaṇaṃ, manosañcetanāhāre catutthaviññāṇaṭṭhitiyaṃ anattalakkhaṇaṃ supākaṭanti tissannaṃ anupassanānaṃ pavattimukhatāya tehi appaṇihitādivimokkhamukhehi pariññaṃ gacchantīti. Tathā vipallāsādīsu purimadvayaṃ dukkhānupassanāya ujuvipaccanīkaṃ, itaradvayaṃ aniccānattānupassanānaṃ. Iti pavattimukhatāya ca ujuvipaccanīkatāya ca ime dhammā yathārahaṃ appaṇihitādivimokkhamukhehi pariññeyyā, pahātabbā ca vuttā. Tattha subhasukhasaññākāmupādānasīlabbatupādānakāmayogabhavayogaabhijjhākāya ganthakāmāsavakāmogha bhavogha rāgasallachandaagatigamanāni sukhassādavasena pavattanato dukkhānupassanāya paṭipakkhabhāvato byāpādakāyaganthadosasalladosaagatigamanāni pavattimukhatāya appaṇihitavimokkhamukhena pahātabbāni. Tatiyasaññādayo niccābhinivesatannimittāhi aniccānupassanāya paṭipakkhabhāvato animittavimokkhamukhena pahātabbā. Catutthasaññādayo attābhinivesatannittāhi anattānupassanāya paṭipakkhabhāvato suññatavimokkhamukhena pahātabbā. Tattha mānasallabhayaagatigamanānaṃ niccābhinivesanimittatā veditabbā. Na hi aniccato passato mānajappanaṃ, bhayaṃ vā sambhavati. Avijjāyogādīnaṃ attābhinivesanimittatā pākaṭā evāti.

    86. аббаман̃н̃ааваж̇ж̇аа руубааважарасамаабад̇д̇ияо д̣̇иб̣б̣авихаараа ‘‘д̣̇звуубабад̇д̇исам̣вад̇д̇анигагусаласамаабад̇д̇ияо жаа’’д̇и гад̇ваа, сад̇иби д̇аб̣бхаавз барахид̇абадибад̇д̇ид̇о, нид̣̇д̣̇осад̇ааяа жа сздтаа вихаараад̇и жад̇ассо аббаман̃н̃аа б̣рахмавихаараа, жад̇ассо паласамаабад̇д̇ияо арияавихаараа ‘‘аарагаа гилзсзхи арияаанам̣ вихаараа’’д̇и. жад̇ассо ааруббасамаабад̇д̇ияо аанзн̃ж̇авихаараа , сад̇иби д̣̇звуубабад̇д̇исам̣вад̇д̇анигагусаласамаабад̇д̇ибхаавз аанзн̃ж̇асанд̇ад̇аахи логиязсу сикааббад̇д̇ид̇о.

    86. Appamaññāvajjā rūpāvacarasamāpattiyo dibbavihārā ‘‘devūpapattisaṃvattanikakusalasamāpattiyo cā’’ti katvā, satipi tabbhāve parahitapaṭipattito, niddosatāya ca seṭṭhā vihārāti catasso appamaññā brahmavihārā, catasso phalasamāpattiyo ariyavihārā ‘‘ārakā kilesehi ariyānaṃ vihārā’’ti. Catasso āruppasamāpattiyo āneñjavihārā, satipi devūpapattisaṃvattanikakusalasamāpattibhāve āneñjasantatāhi lokiyesu sikhāppattito.

    ад̇хигаран̣абхзд̣̇знаад̇и вад̇т̇убхзд̣̇зна.

    Adhikaraṇabhedenāti vatthubhedena.

    яам̣ абхин̣хам̣ на бавад̇д̇ад̇и, д̇ам̣ ажчарияанд̇и д̣̇ассзд̇ум̣ ‘‘анд̇хасса…бз… уббаж̇ж̇анага’’нд̇и вуд̇д̇ам̣. ад̇хид̇идтад̇и сийлаад̣̇и зд̇зна сажжзна, зд̇т̇а ваа сажжз нимид̇д̇абхууд̇з, ад̇хидтаанамад̇д̇амзва ваа д̇ам̣ сажжанд̇и звам̣ гаран̣аад̇хигаран̣абхаавад̇т̇аа бажжаяавасзна взд̣̇ид̇аб̣б̣аа самаанаад̇хигаран̣асамаасабагкз. д̇ат̇аа ан̃н̃абад̣̇ад̇т̇асамаасабагкз. ид̇арасмим̣ бана самаасз гаран̣аад̇хигаран̣ад̇т̇аа зва, д̇з жа ко сийлаад̣̇ивасзна жа взд̣̇ид̇аб̣б̣аа. суканд̇и жхаанавибассанаамаг̇г̇апаланиб̣б̣аанасукам̣. логияавибаагасукамби лаб̣бхад̇зва. ‘‘наан̃н̃ад̇ра б̣ож̇жхаа…бз… баан̣ина’’нд̇и (сам̣. ни. 1. 98) хи имааяа г̇аат̇ааяа сан̇г̇ахид̇аа анад̇д̇абарихаарамукзна сад̇д̇аанам̣ абхаяаа ниб̣б̣аанасамбад̇д̇исукаавахаа жад̇д̇ааро д̇хаммаа ид̇ха ‘‘сукабхааг̇ияаа’’д̇и вуд̇д̇аад̇и. анавасзсабарияаад̣̇аанад̇од̇и паран̣авасзна анавасзсаг̇г̇ахан̣ад̇о.

    Yaṃ abhiṇhaṃ na pavattati, taṃ acchariyanti dassetuṃ ‘‘andhassa…pe… uppajjanaka’’nti vuttaṃ. Adhitiṭṭhati sīlādi etena saccena, ettha vā sacce nimittabhūte, adhiṭṭhānamattameva vā taṃ saccanti evaṃ karaṇādhikaraṇabhāvatthā paccayavasena veditabbā samānādhikaraṇasamāsapakkhe. Tathā aññapadatthasamāsapakkhe. Itarasmiṃ pana samāse karaṇādhikaraṇatthā eva, te ca kho sīlādivasena ca veditabbā. Sukhanti jhānavipassanāmaggaphalanibbānasukhaṃ. Lokiyavipākasukhampi labbhateva. ‘‘Nāññatra bojjhā…pe… pāṇina’’nti (saṃ. ni. 1. 98) hi imāya gāthāya saṅgahitā anattaparihāramukhena sattānaṃ abhayā nibbānasampattisukhāvahā cattāro dhammā idha ‘‘sukhabhāgiyā’’ti vuttāti. Anavasesapariyādānatoti pharaṇavasena anavasesaggahaṇato.

    батамасса сад̇ибадтаанасса батамабадибад̣̇аавасзна бавад̇д̇ассаад̇и ад̇хиббааяо. звам̣ сзсзсуби. ‘‘яат̇аа хий’’д̇иаад̣̇инаа яат̇аавуд̇д̇абадибад̣̇аасад̇ибадтаанаанам̣ наананд̇арияагад̇ам̣ убамааяа вибхаавзд̇и. сад̇иби жа саб̣б̣аахи бадибад̣̇аахи саб̣б̣зсам̣ сад̇ибадтаанаанам̣ нияамаабхаавз наананд̇аригабхаавзна д̣̇зсанааггамзнзвзд̇т̇а нзсам̣ аяамануггамо гад̇од̇и взд̣̇ид̇аб̣б̣о. ат̇а ваа гааяавзд̣̇анаасу субхасукасан̃н̃аанам̣ д̣̇уб̣б̣инивзтияад̇ааяа асубхад̣̇угкаанубассанаанам̣ гижжасид̣̇д̇хид̇о буримзна бадибад̣̇аад̣̇ваязна буримам̣ сад̇ибадтаанад̣̇ваяам̣ яож̇ид̇ам̣ д̇ад̣̇абхаавад̇о. ид̇арзна ид̇арам̣. д̇аани хи буримзсу сад̇ибадтаанзсу гад̇агаммасса ижчид̇аб̣б̣аани. ат̇а ваа яат̇аа д̇ан̣хаажарид̇ад̣̇идтижарид̇аанам̣ манд̣̇ад̇игкабан̃н̃аанам̣ васзна жад̇ассо бадибад̣̇аа яож̇ид̇аа, звам̣ жад̇д̇аари сад̇ибадтаанаани самбхаванд̇ийд̇и д̣̇ассзд̇ум̣ бадибад̣̇аасад̇ибадтаанаанам̣ аяамануггамо гад̇о.

    Paṭhamassa satipaṭṭhānassa paṭhamapaṭipadāvasena pavattassāti adhippāyo. Evaṃ sesesupi. ‘‘Yathā hī’’tiādinā yathāvuttapaṭipadāsatipaṭṭhānānaṃ nānantariyakataṃ upamāya vibhāveti. Satipi ca sabbāhi paṭipadāhi sabbesaṃ satipaṭṭhānānaṃ niyamābhāve nānantarikabhāvena desanākkamenevettha nesaṃ ayamanukkamo katoti veditabbo. Atha vā kāyavedanāsu subhasukhasaññānaṃ dubbiniveṭhiyatāya asubhadukkhānupassanānaṃ kiccasiddhito purimena paṭipadādvayena purimaṃ satipaṭṭhānadvayaṃ yojitaṃ tadabhāvato. Itarena itaraṃ. Tāni hi purimesu satipaṭṭhānesu katakammassa icchitabbāni. Atha vā yathā taṇhācaritadiṭṭhicaritānaṃ mandatikkhapaññānaṃ vasena catasso paṭipadā yojitā, evaṃ cattāri satipaṭṭhānāni sambhavantīti dassetuṃ paṭipadāsatipaṭṭhānānaṃ ayamanukkamo kato.

    ‘‘д̇ат̇аа’’д̇и иминаа яат̇аа самаанабадибагкад̇ааяа батамасса сад̇ибадтаанасса бхааванаа батамасса жхаанасса висзсаавахаа, звам̣ бийд̇исахаг̇ад̇аад̣̇исамаанад̇ааяа д̣̇уд̇ияасад̇ибадтаанаад̣̇ибхааванаа д̣̇уд̇ияаж̇жхаанаад̣̇ийнам̣ висзсаавахаад̇и имамад̇т̇ам̣ убасам̣харад̇и. бийд̇ибадисам̣взд̣̇анаад̣̇ийд̇и аад̣̇исад̣̇д̣̇зна сукабадисам̣взд̣̇анам̣, жид̇д̇асан̇каарабадисам̣взд̣̇анам̣, бассамбханан̃жа сан̇г̇ан̣хаад̇и. жид̇д̇асса абхиббамод̣̇анаг̇г̇ахан̣ан̃жзд̇т̇а нид̣̇ассанамад̇д̇ам̣ д̣̇адтаб̣б̣ам̣ бадисам̣взд̣̇анасамаад̣̇аханавиможанаанамби васзна бавад̇д̇ияаа ижчид̇аб̣б̣ад̇д̇аа. анижжавирааг̇аад̣̇ийд̇и аад̣̇исад̣̇д̣̇зна нирод̇хабадиниссаг̇г̇аа сан̇г̇аяханд̇и.

    ‘‘Tathā’’ti iminā yathā samānapaṭipakkhatāya paṭhamassa satipaṭṭhānassa bhāvanā paṭhamassa jhānassa visesāvahā, evaṃ pītisahagatādisamānatāya dutiyasatipaṭṭhānādibhāvanā dutiyajjhānādīnaṃ visesāvahāti imamatthaṃ upasaṃharati. Pītipaṭisaṃvedanādīti ādisaddena sukhapaṭisaṃvedanaṃ, cittasaṅkhārapaṭisaṃvedanaṃ, passambhanañca saṅgaṇhāti. Cittassa abhippamodanaggahaṇañcettha nidassanamattaṃ daṭṭhabbaṃ paṭisaṃvedanasamādahanavimocanānampi vasena pavattiyā icchitabbattā. Aniccavirāgādīti ādisaddena nirodhapaṭinissaggā saṅgayhanti.

    руубааважарасамаабад̇д̇ийнанд̇и зд̇т̇а бадилад̣̇д̇хамад̇д̇ам̣ батамаж̇жхаанам̣ батамаж̇жхаанасамаабад̇д̇ияаа баг̇ун̣авасийбхааваабаад̣̇анасса бажжаяо ход̇и, на ид̇араасам̣. ид̇араасам̣ бана ад̇хидтаанабхаавзна барамбарааяа бажжаяо ход̇ийд̇и взд̣̇ид̇аб̣б̣ам̣. б̣яаабаад̣̇авихим̣саавид̇аггаарад̇ирааг̇аа б̣яаабаад̣̇авид̇аггаад̣̇аяо. сукзнаад̇и агижчзна, агасирзнаад̇и ад̇т̇о.

    Rūpāvacarasamāpattīnanti ettha paṭiladdhamattaṃ paṭhamajjhānaṃ paṭhamajjhānasamāpattiyā paguṇavasībhāvāpādanassa paccayo hoti, na itarāsaṃ. Itarāsaṃ pana adhiṭṭhānabhāvena paramparāya paccayo hotīti veditabbaṃ. Byāpādavihiṃsāvitakkaaratirāgā byāpādavitakkādayo. Sukhenāti akicchena, akasirenāti attho.

    д̣̇иб̣б̣авихаараад̣̇игз жад̇д̇ааро вихаарз бад̣̇адтаанам̣ гад̇ваа наанаасанд̇аанзсу уббаннааяа вудтаанаг̇ааминивибассанааяа яат̇ааггамам̣ ануббаннаагусалаануббаад̣̇анаад̣̇ивасзна бавад̇д̇ависаяам̣ санд̇хааяа баал̣ияам̣ ‘‘батамо вихааро бхаавид̇о б̣ахулийгад̇о’’д̇иаад̣̇и вуд̇д̇ам̣. саммаббад̇хаанасад̣̇исан̃хзд̇т̇а саммаббад̇хаанам̣ вуд̇д̇ам̣. арияавихаарз жа хздтимз ниссааяа убаримаг̇г̇аад̇хиг̇амааяа вааяаманд̇асса аяам̣ наяо лаб̣бхад̇и. маг̇г̇абарияаабаннассзва ваа саммаббад̇хаанасса наанаасанд̇аанигасса яат̇аавуд̇д̇авибассанааг̇аманзна д̇ам̣д̇ам̣гижжаад̣̇игасса васзнзд̇ам̣ вуд̇д̇ам̣. саггаа хи вибассанааг̇аманзна сад̣̇д̇хинд̣̇рияаад̣̇ид̇игкад̇аависзсо вияа вийрияасса гижжависзсависаяо маг̇г̇о вин̃н̃аад̇ум̣.

    Dibbavihārādike cattāro vihāre padaṭṭhānaṃ katvā nānāsantānesu uppannāya vuṭṭhānagāminivipassanāya yathākkamaṃ anuppannākusalānuppādanādivasena pavattavisayaṃ sandhāya pāḷiyaṃ ‘‘paṭhamo vihāro bhāvito bahulīkato’’tiādi vuttaṃ. Sammappadhānasadisañhettha sammappadhānaṃ vuttaṃ. Ariyavihāre ca heṭṭhime nissāya uparimaggādhigamāya vāyamantassa ayaṃ nayo labbhati. Maggapariyāpannasseva vā sammappadhānassa nānāsantānikassa yathāvuttavipassanāgamanena taṃtaṃkiccādikassa vasenetaṃ vuttaṃ. Sakkā hi vipassanāgamanena saddhindriyāditikkhatāviseso viya vīriyassa kiccavisesavisayo maggo viññātuṃ.

    д̇ат̇аа сикааббад̇д̇аубзгкаасад̇ибаарисуд̣̇д̇хид̣̇иб̣б̣авихаарам̣ ниссааяа уббаннам̣ батамам̣ саммаббад̇хаанам̣ маанаббахаанам̣ уггам̣сзд̇и, б̣рахмавихаарасанниссаяз уббаннам̣ д̣̇уд̇ияам̣ саммаббад̇хаанам̣ гаамаалаяасамуг̇гхаад̇ам̣, арияавихаарасанниссаязна уббаннам̣ д̇ад̇ияам̣ саммаббад̇хаанам̣ авиж̇ж̇аабахаанам̣, санд̇авимогкасанниссаязна уббаннам̣ жад̇уд̇т̇ам̣ саммаббад̇хаанам̣ бхавуубасамам̣ уггам̣сзд̇ийд̇и д̣̇ассзд̇ум̣ ‘‘батамам̣ саммаббад̇хаана’’нд̇иаад̣̇и вуд̇д̇ам̣.

    Tathā sikhāppattaupekkhāsatipārisuddhidibbavihāraṃ nissāya uppannaṃ paṭhamaṃ sammappadhānaṃ mānappahānaṃ ukkaṃseti, brahmavihārasannissaye uppannaṃ dutiyaṃ sammappadhānaṃ kāmālayasamugghātaṃ, ariyavihārasannissayena uppannaṃ tatiyaṃ sammappadhānaṃ avijjāpahānaṃ, santavimokkhasannissayena uppannaṃ catutthaṃ sammappadhānaṃ bhavūpasamaṃ ukkaṃsetīti dassetuṃ ‘‘paṭhamaṃ sammappadhāna’’ntiādi vuttaṃ.

    бахийнамаано на висам̣ваад̣̇зяяаад̇и маанаббахаанам̣ сажжаад̇хидтаанам̣ вад̣дхзд̇и висам̣ваад̣̇ананимид̇д̇ассзва абхаавад̇о. аббахийнамаано хи маананиссаязна гин̃жи висам̣ваад̣̇зяяа. гаамаалаяз, д̣̇идтаалаяз жа самуг̇гхаадид̇з жааг̇абадибагкасса авасаро зва над̇т̇ийд̇и аалаяасамуг̇гхаад̇о жааг̇аад̇хидтаанам̣ вад̣дхзд̇и. авиж̇ж̇ааяа самужчиннааяа бан̃н̃ааб̣уд̣̇д̇хияаа бариб̣анд̇хова над̇т̇и, бхавасан̇каарзсу оссадтзсу абхавуубасамасса огаасова над̇т̇ийд̇и маанаббахаанаад̣̇аяо сажжаад̇хидтаанаад̣̇игз сам̣вад̣дхзнд̇ийд̇и д̣̇ассзд̇ум̣ ‘‘маанаббахаана’’нд̇иаад̣̇и вуд̇д̇ам̣.

    Pahīnamāno na visaṃvādeyyāti mānappahānaṃ saccādhiṭṭhānaṃ vaḍḍheti visaṃvādananimittasseva abhāvato. Appahīnamāno hi mānanissayena kiñci visaṃvādeyya. Kāmālaye, diṭṭhālaye ca samugghāṭite cāgapaṭipakkhassa avasaro eva natthīti ālayasamugghāto cāgādhiṭṭhānaṃ vaḍḍheti. Avijjāya samucchinnāya paññābuddhiyā paribandhova natthi, bhavasaṅkhāresu ossaṭṭhesu abhavūpasamassa okāsova natthīti mānappahānādayo saccādhiṭṭhānādike saṃvaḍḍhentīti dassetuṃ ‘‘mānappahāna’’ntiādi vuttaṃ.

    ависам̣ваад̣̇анасийло д̇хаммажчанд̣̇аб̣ахуло чанд̣̇аад̇хибад̇зяяам̣ самаад̇хим̣ ниб̣б̣ад̇д̇зд̇и. жааг̇аад̇химуд̇д̇о нзгкаммаж̇жхаасаяо агосаж̇ж̇аб̣ахулад̇ааяа вийрияаад̇хибад̇зяяам̣, н̃аан̣уд̇д̇аро жид̇д̇ам̣ ад̇д̇ано васз вад̇д̇знд̇о жид̇д̇аад̇хибад̇зяяам̣, вуубасанд̇асабхааво убасамахзд̇убхууд̇ааяа виймам̣сааяа виймам̣саяад̇о виймам̣саад̇хибад̇зяяам̣ самаад̇хим̣ ниб̣б̣ад̇д̇зд̇ийд̇и сажжаад̇хидтаанаад̣̇ибаарисуд̣̇д̇хичанд̣̇асамаад̇хиаад̣̇ийнам̣ баарибуурияаа сам̣вад̇д̇ад̇ийд̇и д̣̇ассзд̇ум̣ ‘‘сажжаад̇хидтаанам̣ бхаавид̇а’’нд̇иаад̣̇и вуд̇д̇ам̣.

    Avisaṃvādanasīlo dhammacchandabahulo chandādhipateyyaṃ samādhiṃ nibbatteti. Cāgādhimutto nekkhammajjhāsayo akosajjabahulatāya vīriyādhipateyyaṃ, ñāṇuttaro cittaṃ attano vase vattento cittādhipateyyaṃ, vūpasantasabhāvo upasamahetubhūtāya vīmaṃsāya vīmaṃsayato vīmaṃsādhipateyyaṃ samādhiṃ nibbattetīti saccādhiṭṭhānādipārisuddhichandasamādhiādīnaṃ pāripūriyā saṃvattatīti dassetuṃ ‘‘saccādhiṭṭhānaṃ bhāvita’’ntiādi vuttaṃ.

    д̇хаммажчанд̣̇аб̣ахуло чанд̣̇асамаад̇химхи тид̇о идтаанидтачал̣аарамман̣аабаад̇з анаваж̇ж̇асзвий ход̇и. аарад̣̇д̇хавийрияо вийрияасамаад̇химхи тид̇о сам̣гилзсабагкасса санд̇абанавасзнзва бун̃н̃ам̣ барибуурзд̇и. жид̇д̇ам̣ ад̇д̇ано васз вад̇д̇знд̇о жид̇д̇асамаад̇химхи тид̇о бан̃н̃ааяа убагаараанубагаарагз д̇хаммз бариг̇г̇ан̣ханд̇о б̣уд̣̇д̇хим̣ паад̇им̣ г̇амиссад̇и. виймам̣саасамаад̇химхи тид̇о д̇хаммавижаяаб̣ахуло убад̇хибадиниссаг̇г̇аавахамзва бадибад̇д̇им̣ б̣руухзд̇ийд̇и имамад̇т̇ам̣ д̣̇ассзд̇ум̣ ‘‘чанд̣̇асамаад̇хи бхаавид̇о’’д̇иаад̣̇и вуд̇д̇ам̣.

    Dhammacchandabahulo chandasamādhimhi ṭhito iṭṭhāniṭṭhachaḷārammaṇāpāte anavajjasevī hoti. Āraddhavīriyo vīriyasamādhimhi ṭhito saṃkilesapakkhassa santapanavaseneva puññaṃ paripūreti. Cittaṃ attano vase vattento cittasamādhimhi ṭhito paññāya upakārānupakārake dhamme pariggaṇhanto buddhiṃ phātiṃ gamissati. Vīmaṃsāsamādhimhi ṭhito dhammavicayabahulo upadhipaṭinissaggāvahameva paṭipattiṃ brūhetīti imamatthaṃ dassetuṃ ‘‘chandasamādhi bhāvito’’tiādi vuttaṃ.

    д̣̇уураад̣̇уурабажжад̇т̇иганивааран̣з б̣ахуубагааро инд̣̇рияасам̣варо мзд̇д̇ааяа висзсуббад̇д̇ихзд̇уд̇о мзд̇д̇ам̣ вад̣дхзд̇и. д̇абзна сам̣гилзсад̇хаммз вигкамбхзнд̇о вийрияаад̇хиго барад̣̇угкаабанаяанагаамад̇ам̣ саахад̇т̇игам̣ гарод̇ийд̇и д̇або гарун̣ам̣ сам̣вад̣дхзд̇и. бан̃н̃аа барияод̣̇аабид̇аа сааваж̇ж̇аанаваж̇ж̇ад̇хаммз бариг̇г̇ан̣ханд̇ий бахаасанибаад̇ад̇о муд̣̇ид̇ам̣ рагканд̇ий бариб̣руухзд̇и. убад̇хиниссаг̇г̇о багканд̣̇о ниннабон̣абаб̣бхаарова саммад̣̇зва сад̇д̇асан̇каарзсу уд̣̇аасино ход̇ийд̇и со убзгкаавихаарам̣ баривад̣дхзд̇ийд̇и имамад̇т̇ам̣ д̣̇ассзд̇ум̣ ‘‘инд̣̇рияасам̣варо бхаавид̇о’’д̇иаад̣̇и вуд̇д̇ам̣. д̇знааха ‘‘яо яасса висзсабажжаяо, со д̇ам̣ барибуурзд̇ийд̇и вуд̇д̇о’’д̇и.

    Dūrādūrapaccatthikanivāraṇe bahūpakāro indriyasaṃvaro mettāya visesuppattihetuto mettaṃ vaḍḍheti. Tapena saṃkilesadhamme vikkhambhento vīriyādhiko paradukkhāpanayanakāmataṃ sāhatthikaṃ karotīti tapo karuṇaṃ saṃvaḍḍheti. Paññā pariyodāpitā sāvajjānavajjadhamme pariggaṇhantī pahāsanipātato muditaṃ rakkhantī paribrūheti. Upadhinissaggo pakkhando ninnapoṇapabbhārova sammadeva sattasaṅkhāresu udāsino hotīti so upekkhāvihāraṃ parivaḍḍhetīti imamatthaṃ dassetuṃ ‘‘indriyasaṃvaro bhāvito’’tiādi vuttaṃ. Tenāha ‘‘yo yassa visesapaccayo, so taṃ paripūretīti vutto’’ti.

    87. д̣̇исаабхаавзнаад̇и наяаанам̣ д̣̇исаабхаавзнаад̇и яож̇зд̇аб̣б̣ам̣. ад̇т̇обисса буб̣б̣з вуд̇д̇анаязнзва взд̣̇ид̇аб̣б̣о. язна жад̇уггзна яасса рааг̇ажарид̇аад̣̇ибуг̇г̇аласса вод̣̇аанам̣ висуд̣̇д̇хи. яат̇аа абарин̃н̃аад̇аа, аббахийнаа жа батамаахааравибаллаасаад̣̇аяо рааг̇ажарид̇аад̣̇ийнам̣ буг̇г̇алаанам̣ убаггилзсаа, звам̣ батамабадибад̣̇аад̣̇аяо бхаавид̇аа б̣ахулийгад̇аа нзсам̣ висуд̣̇д̇хияо хонд̇ийд̇и вуд̇д̇анаяаанусаарзна саггаа вин̃н̃аад̇унд̇и ааха ‘‘хздтаа вуд̇д̇анаяамзваа’’д̇и.

    87.Disābhāvenāti nayānaṃ disābhāvenāti yojetabbaṃ. Atthopissa pubbe vuttanayeneva veditabbo. Yena catukkena yassa rāgacaritādipuggalassa vodānaṃ visuddhi. Yathā apariññātā, appahīnā ca paṭhamāhāravipallāsādayo rāgacaritādīnaṃ puggalānaṃ upakkilesā, evaṃ paṭhamapaṭipadādayo bhāvitā bahulīkatā nesaṃ visuddhiyo hontīti vuttanayānusārena sakkā viññātunti āha ‘‘heṭṭhā vuttanayamevā’’ti.

    ат̇а ваа буримаахи д̣̇вийхи бадибад̣̇аахи сиж̇жхамаанаа вибассанаа ад̇д̇ано гижжавуд̇д̇исан̇каад̇ам̣ бавад̇д̇ид̣̇угкамби сан̇г̇ан̣ханд̇ий д̣̇угкаанубассанааб̣аахуллависзсад̇о д̣̇угкалагкан̣ам̣ бадивиж̇жханд̇ий ‘‘аббан̣ихид̇ам̣ вимогкамука’’нд̇и вуд̇д̇аа. д̇ад̇ияааяа бадибад̣̇ааяа сиж̇жхамаанаа сукаббавад̇д̇игад̇ааяа саммад̣̇зва санд̇ад̇игханам̣ бхинд̣̇ид̇ваа анижжалагкан̣ам̣ вибхаавзнд̇ий ‘‘анимид̇д̇ам̣ вимогкамука’’нд̇и вуд̇д̇аа. жад̇уд̇т̇ааяа бана бадибад̣̇ааяа сиж̇жхамаанаа сукаббавад̇д̇игад̇ааяа, висад̣̇ан̃аан̣ад̇ааяа жа самуухагижжаарамман̣агханам̣ бхинд̣̇ид̇ваа саммад̣̇зва анад̇д̇алагкан̣ам̣ вибхаавзнд̇ий ‘‘сун̃н̃ад̇ам̣ вимогкамука’’нд̇и вуд̇д̇аа.

    Atha vā purimāhi dvīhi paṭipadāhi sijjhamānā vipassanā attano kiccavuttisaṅkhātaṃ pavattidukkhampi saṅgaṇhantī dukkhānupassanābāhullavisesato dukkhalakkhaṇaṃ paṭivijjhantī ‘‘appaṇihitaṃ vimokkhamukha’’nti vuttā. Tatiyāya paṭipadāya sijjhamānā sukhappavattikatāya sammadeva santatighanaṃ bhinditvā aniccalakkhaṇaṃ vibhāventī ‘‘animittaṃ vimokkhamukha’’nti vuttā. Catutthāya pana paṭipadāya sijjhamānā sukhappavattikatāya, visadañāṇatāya ca samūhakiccārammaṇaghanaṃ bhinditvā sammadeva anattalakkhaṇaṃ vibhāventī ‘‘suññataṃ vimokkhamukha’’nti vuttā.

    д̇ат̇аа гааяавзд̣̇анаанубассанаа висзсад̇о д̣̇угкалагкан̣ам̣ вибхаавзнд̇ий, жид̇д̇аанубассанаа анижжалагкан̣ам̣, д̇хаммаанубассанаа анад̇д̇алагкан̣анд̇и д̇аа яат̇ааггамам̣ ‘‘аббан̣ихид̇аад̣̇ивимогкамука’’нд̇и вуд̇д̇аа.

    Tathā kāyavedanānupassanā visesato dukkhalakkhaṇaṃ vibhāventī, cittānupassanā aniccalakkhaṇaṃ, dhammānupassanā anattalakkhaṇanti tā yathākkamaṃ ‘‘appaṇihitādivimokkhamukha’’nti vuttā.

    саббийд̇игад̇ааяа ассаад̣̇аани батамад̣̇уд̇ияаж̇жхаанаани вираж̇ж̇анавасзна висзсад̇о д̣̇угкад̇о бассанд̇ияаа вибассанааяа васзна ‘‘аббан̣ихид̇ам̣ вимогкамука’’нд̇и вуд̇д̇аани. д̇ад̇ияам̣ санд̇асукад̇ааяа б̣аахирагаанам̣ нижжаабхинивзсавад̇т̇убхууд̇ам̣ сабхаавад̇о ‘‘анижжа’’нд̇и бассанд̇ияаа вибассанааяа васзна ‘‘анимид̇д̇ам̣ вимогкамука’’нд̇и вуд̇д̇ам̣. жад̇уд̇т̇ам̣ убаггилзсавиг̇амаад̣̇ийхи барисуд̣̇д̇хам̣ сусамаахид̇ам̣ яат̇аа барзсам̣, звам̣ ад̇д̇ано жа яат̇аабхууд̇асабхаавааваб̣од̇хахзд̇уд̇ааяа саммад̣̇зва ‘‘сун̃н̃а’’нд̇и бассанд̇ияаа вибассанааяа васзна ‘‘сун̃н̃ад̇ам̣ вимогкамука’’нд̇и вуд̇д̇ам̣.

    Sappītikatāya assādāni paṭhamadutiyajjhānāni virajjanavasena visesato dukkhato passantiyā vipassanāya vasena ‘‘appaṇihitaṃ vimokkhamukha’’nti vuttāni. Tatiyaṃ santasukhatāya bāhirakānaṃ niccābhinivesavatthubhūtaṃ sabhāvato ‘‘anicca’’nti passantiyā vipassanāya vasena ‘‘animittaṃ vimokkhamukha’’nti vuttaṃ. Catutthaṃ upakkilesavigamādīhi parisuddhaṃ susamāhitaṃ yathā paresaṃ, evaṃ attano ca yathābhūtasabhāvāvabodhahetutāya sammadeva ‘‘suñña’’nti passantiyā vipassanāya vasena ‘‘suññataṃ vimokkhamukha’’nti vuttaṃ.

    звам̣ вихаараанам̣ вибассанаавасзнзва вимогкамукад̇аа, д̇ад̇т̇а ‘‘д̣̇иб̣б̣аб̣рахмавихаараанам̣ санд̇асукад̇ааяа ассаад̣̇анийяад̇аа’’д̇иаад̣̇инаа аббан̣ихид̇авимогкамукад̇аа яож̇зд̇аб̣б̣аа. арияавихаарасса бан̃н̃аад̇хигад̇д̇аа висзсад̇о анад̇д̇аанубассанаасанниссаяад̇ааяа сун̃н̃ад̇авимогкад̇аа. аанзн̃ж̇авихаарасса санд̇авимогкад̇ааяа анижжалагкан̣аббадивзд̇хасса висзсабажжаяасабхаавад̇о анимид̇д̇авимогкамукад̇аа яож̇зд̇аб̣б̣аа.

    Evaṃ vihārānaṃ vipassanāvaseneva vimokkhamukhatā, tattha ‘‘dibbabrahmavihārānaṃ santasukhatāya assādanīyatā’’tiādinā appaṇihitavimokkhamukhatā yojetabbā. Ariyavihārassa paññādhikattā visesato anattānupassanāsannissayatāya suññatavimokkhatā. Āneñjavihārassa santavimokkhatāya aniccalakkhaṇappaṭivedhassa visesapaccayasabhāvato animittavimokkhamukhatā yojetabbā.

    д̇ат̇аа буримаанам̣ д̣̇виннам̣ саммаббад̇хаанаанам̣ сам̣гилзсависаяад̇д̇аа гилзсад̣̇угкавийд̇иггамасса д̣̇угкаанубассанааб̣аахуллад̇д̇аа аббан̣ихид̇авимогкамукад̇аа. д̇ад̇ияасса ануббаннагусалуббаад̣̇анзна д̇хаммаанам̣ уд̣̇аяаваяаванд̇ад̇аавибхааванад̇о анижжалагкан̣ам̣ баагаданд̇и анимид̇д̇авимогкамукад̇аа. жад̇уд̇т̇асса уббаннаанам̣ тид̇ад̇д̇ам̣ б̣яаабаараабаж̇ж̇анзна д̇хаммаанам̣ авасавад̇д̇ид̇аад̣̇ийбанад̇о анад̇д̇алагкан̣ам̣ субаагаданд̇и сун̃н̃ад̇авимогкамукад̇аа.

    Tathā purimānaṃ dvinnaṃ sammappadhānānaṃ saṃkilesavisayattā kilesadukkhavītikkamassa dukkhānupassanābāhullattā appaṇihitavimokkhamukhatā. Tatiyassa anuppannakusaluppādanena dhammānaṃ udayavayavantatāvibhāvanato aniccalakkhaṇaṃ pākaṭanti animittavimokkhamukhatā. Catutthassa uppannānaṃ ṭhitattaṃ byāpārāpajjanena dhammānaṃ avasavattitādīpanato anattalakkhaṇaṃ supākaṭanti suññatavimokkhamukhatā.

    маанаббахаанаалаяасамуг̇гхаад̇аанам̣ сахааяад̇ан̣хаабахаанад̇ааяа д̇ан̣хаабан̣ид̇хивисод̇ханад̇о аббан̣ихид̇авимогкамукад̇аа. авиж̇ж̇аабахаанасса бан̃н̃аагижжаад̇хигад̇ааяа сун̃н̃ад̇авимогкамукад̇аа. бхавуубасамасса сан̇кааранимид̇д̇абадибагкад̇ааяа анимид̇д̇авимогкамукад̇аа.

    Mānappahānālayasamugghātānaṃ sahāyataṇhāpahānatāya taṇhāpaṇidhivisodhanato appaṇihitavimokkhamukhatā. Avijjāpahānassa paññākiccādhikatāya suññatavimokkhamukhatā. Bhavūpasamassa saṅkhāranimittapaṭipakkhatāya animittavimokkhamukhatā.

    багад̇ияаа д̣̇угкасабхаавз сан̇каарз н̃аан̣асажжзна ависам̣ваад̣̇знд̇о д̣̇угкад̇о зва бассад̇и, жааг̇аад̇хивимуд̇д̇ад̇ааяа д̇ан̣хам̣ вид̣̇уурийгаронд̇о рааг̇аббан̣ид̇хим̣ висосзд̇ийд̇и буримам̣ ад̇хидтаанад̣̇ваяам̣ ‘‘аббан̣ихид̇ам̣ вимогкамука’’нд̇и вуд̇д̇ам̣. ид̇арасса бана ад̇хидтаанад̣̇ваяасса сун̃н̃ад̇аанимид̇д̇авимогкамукад̇аа вуд̇д̇анаяаа зва.

    Pakatiyā dukkhasabhāve saṅkhāre ñāṇasaccena avisaṃvādento dukkhato eva passati, cāgādhivimuttatāya taṇhaṃ vidūrīkaronto rāgappaṇidhiṃ visosetīti purimaṃ adhiṭṭhānadvayaṃ ‘‘appaṇihitaṃ vimokkhamukha’’nti vuttaṃ. Itarassa pana adhiṭṭhānadvayassa suññatānimittavimokkhamukhatā vuttanayā eva.

    чанд̣̇аад̇хибад̇зяяаа жид̇д̇згаг̇г̇ад̇аа висзсад̇о д̇хаммажчанд̣̇авад̇о нзгкаммавид̇аггаб̣ахуласса ход̇и, вийрияаад̇хибад̇зяяаа бана гаамавид̇аггаад̣̇игз винод̣̇знд̇ассаад̇и д̇ад̣̇убхаяам̣ ниссааяа бавад̇д̇аа вибассанаа висзсад̇о рааг̇аад̣̇иббан̣ид̇хийнам̣ висосанад̇о ‘‘аббан̣ихид̇ам̣ вимогкамука’’нд̇и вуд̇д̇аа. жид̇д̇аад̇хибад̇зяяам̣ , виймам̣саад̇хибад̇зяяан̃жа ниссааяа бавад̇д̇аа яат̇ааггамам̣ анижжаанад̇д̇аанубассанааб̣аахуллад̇о ‘‘анимид̇д̇ам̣ вимогкамукам̣, аббан̣ихид̇ам̣ вимогкамука’’нд̇и жа вуд̇д̇аа.

    Chandādhipateyyā cittekaggatā visesato dhammacchandavato nekkhammavitakkabahulassa hoti, vīriyādhipateyyā pana kāmavitakkādike vinodentassāti tadubhayaṃ nissāya pavattā vipassanā visesato rāgādippaṇidhīnaṃ visosanato ‘‘appaṇihitaṃ vimokkhamukha’’nti vuttā. Cittādhipateyyaṃ , vīmaṃsādhipateyyañca nissāya pavattā yathākkamaṃ aniccānattānupassanābāhullato ‘‘animittaṃ vimokkhamukhaṃ, appaṇihitaṃ vimokkhamukha’’nti ca vuttā.

    абхиж̇жхаавинаяано инд̣̇рияасам̣варо, гаамасан̇габбаад̣̇ивинод̣̇ано д̇або жа вуд̇д̇анаязнзва бан̣ид̇хибадибагкад̇о аббан̣ихид̇ам̣ вимогкамукам̣, б̣уд̣̇д̇хи анад̇д̇аанубассанаанимид̇д̇ам̣, убад̇хибадиниссаг̇г̇о нимид̇д̇аг̇г̇аахабадибагкод̇и д̇ад̣̇убхаяасанниссаяаа вибассанаа яат̇ааггамам̣ ‘‘сун̃н̃ад̇ам̣, анимид̇д̇ам̣ вимогкамука’’нд̇и вуд̇д̇аа.

    Abhijjhāvinayano indriyasaṃvaro, kāmasaṅkappādivinodano tapo ca vuttanayeneva paṇidhipaṭipakkhato appaṇihitaṃ vimokkhamukhaṃ, buddhi anattānupassanānimittaṃ, upadhipaṭinissaggo nimittaggāhapaṭipakkhoti tadubhayasannissayā vipassanā yathākkamaṃ ‘‘suññataṃ, animittaṃ vimokkhamukha’’nti vuttā.

    аасаннабажжад̇т̇игарааг̇ам̣ бадиб̣ааханд̇ий мзд̇д̇аа рааг̇абан̣ид̇хияаа бадибагко, гарун̣аа барад̣̇угкаабанаяанаагааравуд̇д̇игаа д̣̇угкасахаг̇ад̇ааяа д̣̇угкаанубассанааяа висзсабажжаяод̇и д̇ад̣̇убхаяасанниссаяаа вибассанаа ‘‘аббан̣ихид̇ам̣ вимогкамука’’нд̇и вуд̇д̇аа. муд̣̇ид̇аа сад̇д̇аанам̣ мод̣̇аг̇г̇ахан̣аб̣ахулаа д̇ад̣̇анижжад̇аад̣̇ассанад̇о анижжаанубассанааяа висзсабажжаяод̇и д̇анниссаяаа вибассанаа анимид̇д̇ам̣ вимогкамукам̣. убзгкаа н̃аан̣агижжаад̇хигад̇ааяа анад̇д̇аанубассанааяа висзсабажжаяод̇и д̇анниссаяаа вибассанаа ‘‘сун̃н̃ад̇ам̣ вимогкамука’’нд̇и вуд̇д̇аад̇и звамзд̇т̇а бавад̇д̇иаагаарад̇о вибассад̇о ниссаяад̇о, гижжад̇о жа бхинд̣̇ид̇ваа вимогкамукаани яож̇ид̇аанийд̇и.

    Āsannapaccatthikarāgaṃ paṭibāhantī mettā rāgapaṇidhiyā paṭipakkho, karuṇā paradukkhāpanayanākāravuttikā dukkhasahagatāya dukkhānupassanāya visesapaccayoti tadubhayasannissayā vipassanā ‘‘appaṇihitaṃ vimokkhamukha’’nti vuttā. Muditā sattānaṃ modaggahaṇabahulā tadaniccatādassanato aniccānupassanāya visesapaccayoti tannissayā vipassanā animittaṃ vimokkhamukhaṃ. Upekkhā ñāṇakiccādhikatāya anattānupassanāya visesapaccayoti tannissayā vipassanā ‘‘suññataṃ vimokkhamukha’’nti vuttāti evamettha pavattiākārato vipassato nissayato, kiccato ca bhinditvā vimokkhamukhāni yojitānīti.

    самад̇иггаманам̣ барин̃н̃аабахаанан̃жа. сабарасанд̇аанзд̇и ад̇д̇ано, барзсан̃жа санд̇аанз, д̇зна гааяиго, ваажасиго жа вихааро ‘‘виггийл̣ид̇а’’нд̇и вуд̇д̇од̇и д̣̇ассзд̇и ‘‘вивид̇хо хааро’’д̇и гад̇ваа. д̇асса бана вибхааванаа ид̇ха ад̇хиббзд̇аа наяасса бхуумибхаавад̇о. язна бадибагкабхаавзна. д̇зсам̣ бадибагкабхаавод̇и д̇зсам̣ аахаараад̣̇ийнам̣ бадибагкабхааво бахаад̇аб̣б̣абхааво бадибад̣̇аад̣̇ийнам̣ бадибагкабхааво бахааяагабхаавод̇и яож̇зд̇аб̣б̣ам̣. д̇ад̇т̇а бадибад̣̇ааг̇г̇ахан̣зна вибассанаа гат̇ид̇аа. вибассанаа жа жад̇д̇ааро аахаарз бариж̇аананд̇ий д̇аббадиб̣ад̣̇д̇хачанд̣̇арааг̇ам̣ баж̇ахад̇ийд̇и уж̇угамзва д̇зсам̣ бадибагкад̇аа, звам̣ жхаанаад̣̇ийнамби убаад̣̇аанаад̣̇ибадибагкад̇аа взд̣̇ид̇аб̣б̣аа д̇ад̣̇убад̣̇зсзна вибассанааяа гат̇ид̇ад̇д̇аа. вибаллаасасад̇ибадтаанаанам̣ бадибагкабхааво баагадо зва. нд̇и сийхавиггийл̣ид̇ам̣. вийсад̇ияаа жад̇уггзхи висабхааг̇ад̇о вид̇т̇аарзна вибхад̇д̇анд̇и д̇ийхи бад̣̇зхи сан̇г̇ахзд̇ваа гат̇игад̇д̇аа вуд̇д̇ам̣ ‘‘сан̇кзбзна д̣̇ассзнд̇о’’д̇и.

    Samatikkamanaṃ pariññāpahānañca. Saparasantāneti attano, paresañca santāne, tena kāyiko, vācasiko ca vihāro ‘‘vikkīḷita’’nti vuttoti dasseti ‘‘vividho hāro’’ti katvā. Tassa pana vibhāvanā idha adhippetā nayassa bhūmibhāvato. Yena paṭipakkhabhāvena. Tesaṃ paṭipakkhabhāvoti tesaṃ āhārādīnaṃ paṭipakkhabhāvo pahātabbabhāvo paṭipadādīnaṃ paṭipakkhabhāvo pahāyakabhāvoti yojetabbaṃ. Tattha paṭipadāggahaṇena vipassanā kathitā. Vipassanā ca cattāro āhāre parijānantī tappaṭibaddhachandarāgaṃ pajahatīti ujukameva tesaṃ paṭipakkhatā, evaṃ jhānādīnampi upādānādipaṭipakkhatā veditabbā tadupadesena vipassanāya kathitattā. Vipallāsasatipaṭṭhānānaṃ paṭipakkhabhāvo pākaṭo eva. Nti sīhavikkīḷitaṃ. Vīsatiyā catukkehi visabhāgato vitthārena vibhattanti tīhi padehi saṅgahetvā kathikattā vuttaṃ ‘‘saṅkhepena dassento’’ti.

    инд̣̇рияаананд̇и сад̣̇д̇хаад̣̇иинд̣̇рияаанам̣. д̣̇асаннам̣ жад̇уггаанам̣ нид̣̇д̇хааран̣аад̇и яож̇анаа.

    Indriyānanti saddhādiindriyānaṃ. Dasannaṃ catukkānaṃ niddhāraṇāti yojanā.

    88. ниг̇г̇ажчад̇ийд̇и нигкамад̇и. д̇ад̇о нид̣̇д̇хаарзд̇ваа вужжамаано хи ниг̇г̇ажчанд̇о вияа ход̇ийд̇и. жад̇д̇ааро буг̇г̇алзд̇и ‘‘д̇ан̣хаажарид̇о манд̣̇о’’д̇иаад̣̇инаа (нзд̇д̇и. 6) вуд̇д̇з жад̇д̇ааро буг̇г̇алз. буг̇г̇алаад̇хидтаанзна жзд̇т̇а д̇хаммо вуд̇д̇од̇и ааха ‘‘бхуумим̣ нид̣̇д̣̇исид̇ваа’’д̇и. д̇ад̇о зваад̇и яат̇аавуд̇д̇абуг̇г̇алажад̇уггад̇о зва. ид̇арад̇т̇аабийд̇и ‘‘сукааяа…бз… буг̇г̇алаа’’д̇и зд̇т̇ааби. саад̇хааран̣ааяаад̇и батамажад̇уд̇т̇аахиби вимиссааяа. яат̇аавуд̇д̇аасууд̇и д̣̇уд̇ияад̇ад̇ияаасу.

    88.Niggacchatīti nikkhamati. Tato niddhāretvā vuccamāno hi niggacchanto viya hotīti. Cattāro puggaleti ‘‘taṇhācarito mando’’tiādinā (netti. 6) vutte cattāro puggale. Puggalādhiṭṭhānena cettha dhammo vuttoti āha ‘‘bhūmiṃ niddisitvā’’ti. Tato evāti yathāvuttapuggalacatukkato eva. Itaratthāpīti ‘‘sukhāya…pe… puggalā’’ti etthāpi. Sādhāraṇāyāti paṭhamacatutthāhipi vimissāya. Yathāvuttāsūti dutiyatatiyāsu.

    хздтаад̇и д̣̇зсанаахааравибхан̇г̇авижаяахаарасамбаад̇аван̣н̣анаасу.

    Heṭṭhāti desanāhāravibhaṅgavicayahārasampātavaṇṇanāsu.

    зсзва наяод̇и гусаламуулаад̣̇ид̣̇ваад̣̇асад̇игасан̇г̇ахо анаваж̇ж̇абагко. ‘‘вод̣̇ааяад̇и суж̇жхад̇и зд̇знаад̇и вод̣̇аана’’нд̇и (нзд̇д̇и. адта. 11) вам̣ нзд̇аб̣б̣ад̇ам̣ санд̇хааяааха.

    Eseva nayoti kusalamūlādidvādasatikasaṅgaho anavajjapakkho. ‘‘Vodāyati sujjhati etenāti vodāna’’nti (netti. aṭṭha. 11) vaṃ netabbataṃ sandhāyāha.

    яат̇аа хаарауд̣̇д̣̇зсо гад̇о, звам̣ наяаанам̣ агаран̣з гааран̣ам̣, баяож̇анан̃жа вибхаавзд̇угаамо ‘‘гасмаа банаа’’д̇иаад̣̇имааха. наязхи наяанд̇арзхи. самбхавад̣̇ассанад̇т̇анд̇и убабад̇д̇ид̣̇ассанад̇т̇ам̣. д̇ад̇т̇а самбхаво ануд̣̇д̣̇зсаггамзна нид̣̇д̣̇исанз гаран̣ам̣ д̣̇ассанам̣ баяож̇анам̣. яад̣̇и хи имз наяаа уббад̇д̇идтаанавасзна асам̣гин̣н̣аа бхавзяяум̣, хаараа вияа уд̣̇д̣̇зсаануггамзнзва нид̣̇д̣̇исид̇аб̣б̣аа сияум̣. д̇ат̇аа хи вуд̇д̇ам̣ хаараанам̣ уд̣̇д̣̇зсаавасаанз ‘‘зд̇з сол̣аса хаараа багид̇д̇ид̇аа ад̇т̇ад̇о асам̣гин̣н̣аа’’д̇и (нзд̇д̇и. 1).

    Yathā hārauddeso kato, evaṃ nayānaṃ akaraṇe kāraṇaṃ, payojanañca vibhāvetukāmo ‘‘kasmā panā’’tiādimāha. Nayehi nayantarehi. Sambhavadassanatthanti upapattidassanatthaṃ. Tattha sambhavo anuddesakkamena niddisane karaṇaṃ dassanaṃ payojanaṃ. Yadi hi ime nayā uppattiṭṭhānavasena asaṃkiṇṇā bhaveyyuṃ, hārā viya uddesānukkameneva niddisitabbā siyuṃ. Tathā hi vuttaṃ hārānaṃ uddesāvasāne ‘‘ete soḷasa hārā pakittitā atthato asaṃkiṇṇā’’ti (netti. 1).

    яасмаа банзд̇з муулабад̣̇зхи муулабад̣̇анд̇аранид̣̇д̇хааран̣зна ан̃н̃аман̃н̃ам̣ д̇з ниг̇г̇ажчанд̇и, д̇асмаа згасмим̣ нид̣̇д̣̇идтз ид̇ароби ад̇т̇ад̇о нид̣̇д̣̇идтоязва наама ход̇ийд̇и имасса ад̇т̇асса д̣̇ассанад̇т̇ам̣ ‘‘уд̣̇д̣̇зсаануггамзна нид̣̇д̣̇зсо на гад̇о’’д̇и.

    Yasmā panete mūlapadehi mūlapadantaraniddhāraṇena aññamaññaṃ te niggacchanti, tasmā ekasmiṃ niddiṭṭhe itaropi atthato niddiṭṭhoyeva nāma hotīti imassa atthassa dassanatthaṃ ‘‘uddesānukkamena niddeso na kato’’ti.

    ид̣̇аани д̇амзва сан̇кзбзна вуд̇д̇амад̇т̇ам̣ вид̇т̇аарзна д̣̇ассзд̇ум̣ ‘‘батаманаяад̇о хий’’д̇иаад̣̇и вуд̇д̇ам̣. д̇ад̇т̇а д̇ан̣хаад̣̇идтижарид̇авасзна д̣̇вид̇хаа буг̇г̇алз вибхаж̇ид̇ваа д̇зсам̣ васзна нанд̣̇ияаавадданаяам̣ нийхарид̇ваа буна д̇з зва д̇ан̣хаад̣̇идтижарид̇з жад̇уббадибад̣̇аавибхааг̇зна вибхаж̇ид̇ваа сийхавиггийл̣ид̇асса наяасса самбхаво д̣̇ассид̇о, д̇з зва жад̇уббадибад̣̇аабхзд̣̇абхиннз буг̇г̇алз буна уг̇гхадид̇ан̃н̃уаад̣̇ивибхааг̇зна д̇ид̇хаа вибхаж̇ид̇ваа д̇ибугкаласса наяасса самбхаво д̣̇ассид̇о. д̇ам̣ санд̇хааяааха ‘‘батаманаяад̇о…бз… нид̣̇д̣̇идто’’д̇и.

    Idāni tameva saṅkhepena vuttamatthaṃ vitthārena dassetuṃ ‘‘paṭhamanayato hī’’tiādi vuttaṃ. Tattha taṇhādiṭṭhicaritavasena dvidhā puggale vibhajitvā tesaṃ vasena nandiyāvaṭṭanayaṃ nīharitvā puna te eva taṇhādiṭṭhicarite catuppaṭipadāvibhāgena vibhajitvā sīhavikkīḷitassa nayassa sambhavo dassito, te eva catuppaṭipadābhedabhinne puggale puna ugghaṭitaññuādivibhāgena tidhā vibhajitvā tipukkhalassa nayassa sambhavo dassito. Taṃ sandhāyāha ‘‘paṭhamanayato…pe… niddiṭṭho’’ti.

    яасмаа субхасукасан̃н̃аахи лобхо, нижжасан̃н̃ааяа д̣̇осо ‘‘иминаа мз анад̇т̇о гад̇о’’д̇и аагхаад̇уббад̇д̇ид̇о , ад̇д̇асан̃н̃ааяа мохо г̇ахид̇о ход̇и. д̇ат̇аа асубхасан̃н̃аад̣̇ийхи алобхаад̣̇аяо, д̇асмаа д̇хаммаад̇хидтаанавасзна д̇ад̇ияанаяад̇о д̣̇уд̇ияанаяасса самбхаво. яасмаа бана лобхз сад̇и самбхавад̇о лобхаг̇г̇ахан̣знзва д̣̇осо г̇аяхад̇и. лобхо жа д̇ан̣хаа, мохо авиж̇ж̇аа, д̇аббадибагкад̇о алобхаад̣̇осзхи самат̇о г̇аяхад̇и, амохзна вибассанаа, д̇асмаа д̇хаммаад̇хидтаанавасзнзва д̣̇уд̇ияанаяад̇о батаманаяасса самбхавод̇и имам̣ висзсам̣ д̣̇ийбзд̇ум̣ уд̣̇д̣̇зсаануггамзна нид̣̇д̣̇зсо на гад̇од̇и д̣̇ассзнд̇о ‘‘д̇хаммаад̇хидтаанавасзна банаа’’д̇иаад̣̇имааха.

    Yasmā subhasukhasaññāhi lobho, niccasaññāya doso ‘‘iminā me anattho kato’’ti āghātuppattito , attasaññāya moho gahito hoti. Tathā asubhasaññādīhi alobhādayo, tasmā dhammādhiṭṭhānavasena tatiyanayato dutiyanayassa sambhavo. Yasmā pana lobhe sati sambhavato lobhaggahaṇeneva doso gayhati. Lobho ca taṇhā, moho avijjā, tappaṭipakkhato alobhādosehi samatho gayhati, amohena vipassanā, tasmā dhammādhiṭṭhānavaseneva dutiyanayato paṭhamanayassa sambhavoti imaṃ visesaṃ dīpetuṃ uddesānukkamena niddeso na katoti dassento ‘‘dhammādhiṭṭhānavasena panā’’tiādimāha.

    д̇знзваад̇и д̇ад̇ияанаяад̇о д̣̇уд̇ияанаяасса вияа д̣̇уд̇ияанаяад̇о батаманаяассаби самбхавад̇о. звам̣ баал̣ияам̣ буг̇г̇алаад̇хидтаанавасзна ааг̇ад̇ам̣ ниссааяа адтагат̇ааяам̣ д̇хаммаад̇хидтаанавасзнзва наяаниг̇г̇амо нид̣̇д̇хаарид̇од̇и аяамзва висзсо. яад̣̇и званд̇и баал̣ияам̣ ааг̇ад̇аббагаарад̇о ан̃н̃знаби багаарзна наяаа нид̣̇д̇хаарзд̇аб̣б̣аа, звам̣ санд̇з яат̇аа буг̇г̇алаад̇хидтаанавасзна батаманаяад̇о д̇ад̇ияанаяасса, д̇ад̇ияанаяад̇о д̣̇уд̇ияанаяасса самбхаво д̣̇ассид̇о, звам̣ д̇хаммаад̇хидтаанавасзнзва батаманаяад̇о д̇ад̇ияанаяад̣̇уд̇ияанаяаанам̣, д̇хаммаад̇хидтаанавасзнзва д̣̇уд̇ияанаяад̇о д̇ад̇ияанаяасса самбхаво д̣̇ийбзд̇аб̣б̣од̇и имамад̇т̇амааха ‘‘д̣̇вз худ̇ваа…бз… сияаа’’д̇и.

    Tenevāti tatiyanayato dutiyanayassa viya dutiyanayato paṭhamanayassapi sambhavato. Evaṃ pāḷiyaṃ puggalādhiṭṭhānavasena āgataṃ nissāya aṭṭhakathāyaṃ dhammādhiṭṭhānavaseneva nayaniggamo niddhāritoti ayameva viseso. Yadi evanti pāḷiyaṃ āgatappakārato aññenapi pakārena nayā niddhāretabbā, evaṃ sante yathā puggalādhiṭṭhānavasena paṭhamanayato tatiyanayassa, tatiyanayato dutiyanayassa sambhavo dassito, evaṃ dhammādhiṭṭhānavaseneva paṭhamanayato tatiyanayadutiyanayānaṃ, dhammādhiṭṭhānavaseneva dutiyanayato tatiyanayassa sambhavo dīpetabboti imamatthamāha ‘‘dve hutvā…pe… siyā’’ti.

    д̇ад̇т̇а наяод̇и бажчаа вуд̇д̇ад̣̇уд̇ияанаяо. ад̇т̇ад̇од̇и ад̇т̇аабад̇д̇ид̇о, ад̇т̇ад̇о лаб̣бхамаанад̇д̇аа зва саруубзна на гат̇ид̇од̇и ад̇т̇о. ид̣̇аани д̇ам̣ ад̇т̇аабад̇д̇им̣ зганд̇игам̣ гад̇ваа д̣̇ассзд̇ум̣ ‘‘яасмаа’’д̇иаад̣̇и вуд̇д̇ам̣. ануббавзсо ижчид̇о д̇ам̣д̇ам̣наяамуулабад̣̇аанам̣ наяанд̇арамуулабад̣̇зсу самаваруж̇жханад̇о. д̇ат̇аа хи ‘‘яад̇т̇а саб̣б̣о агусалабагко сан̇г̇ахам̣ самосаран̣ам̣ г̇ажчад̇и, яад̇т̇а саб̣б̣о гусалабагко сан̇г̇ахам̣ самосаран̣ам̣ г̇ажчад̇ий’’д̇и (нзд̇д̇и. 3) жа вуд̇д̇ам̣. аяан̃жа ад̇т̇од̇и ‘‘наяаанам̣ ан̃н̃аман̃н̃аануббавзсо ниг̇г̇амо’’д̇и аяам̣ д̣̇увид̇хо ад̇т̇о. бидагаанам̣ ад̇т̇агат̇анам̣ бздагам̣, со зва убад̣̇зсод̇и бздагобад̣̇зсо, убад̣̇зсабхууд̇аа барияад̇д̇исам̣ван̣н̣анаад̇и ад̇т̇о.

    Tattha nayoti pacchā vuttadutiyanayo. Atthatoti atthāpattito, atthato labbhamānattā eva sarūpena na kathitoti attho. Idāni taṃ atthāpattiṃ ekantikaṃ katvā dassetuṃ ‘‘yasmā’’tiādi vuttaṃ. Anuppaveso icchito taṃtaṃnayamūlapadānaṃ nayantaramūlapadesu samavarujjhanato. Tathā hi ‘‘yattha sabbo akusalapakkho saṅgahaṃ samosaraṇaṃ gacchati, yattha sabbo kusalapakkho saṅgahaṃ samosaraṇaṃ gacchatī’’ti (netti. 3) ca vuttaṃ. Ayañca atthoti ‘‘nayānaṃ aññamaññaanuppaveso niggamo’’ti ayaṃ duvidho attho. Piṭakānaṃ atthakathanaṃ peṭakaṃ, so eva upadesoti peṭakopadeso, upadesabhūtā pariyattisaṃvaṇṇanāti attho.

    аад̣̇ид̇о бадтааяаад̇и наяаанам̣ ан̃н̃аман̃н̃аануббавзсаниг̇г̇амамад̇д̇амзва авибхаавзд̇ваа наяавижаарасса батамааваяавад̇о бабхуд̇и вибхааванаа д̣̇ийбанаа багаасанаа.

    Ādito paṭṭhāyāti nayānaṃ aññamaññaanuppavesaniggamamattameva avibhāvetvā nayavicārassa paṭhamāvayavato pabhuti vibhāvanā dīpanā pakāsanā.

    д̣̇осад̣̇идтийд̇и аббассаад̣̇ад̇аад̣̇ид̣̇осаг̇аахигад̣̇идтий, д̣̇осад̣̇ассинод̇и ад̇т̇о. д̇з хи асамуухад̇аанусаяаа, гаамзсу жа аад̣̇ийнавад̣̇ассино. ид̣̇ан̃хи нзсам̣ ан̇г̇ад̣̇ваяам̣ ад̇д̇агиламат̇аануяог̇асса гааран̣ам̣ вуд̇д̇ам̣. над̇т̇и ад̇т̇од̇и яо рааг̇аабхибхууд̇зхи анд̇хаб̣аалзхи баригаббид̇о д̣̇идтад̇хаммиго гаамзхи ад̇т̇о, со мад̇хуб̣инд̣̇уг̇ид̣̇д̇хасса мад̇хулид̇д̇асад̇т̇ад̇хаараавалзханасад̣̇исо аббассаад̣̇о б̣ахуд̣̇угко б̣ахубааяаасо б̣ахуаад̣̇ийнаво савигхаад̇о сабарил̣аахо самбарааяиго д̇ат̇зваад̇и саб̣б̣ад̣̇ааби вин̃н̃ууж̇аад̇игасса гаамзхи баяож̇анам̣ на виж̇ж̇ад̇и. анаж̇жхосид̇аад̇и анабхибхууд̇аа вихаранд̇и. д̇зна вужжад̇и сукаа бадибад̣̇аад̇и д̇зна манд̣̇агилзсабхаавзна д̇зсам̣ буг̇г̇алаанам̣ агижчзна сиж̇жхамаанаа вибассанаа бадибад̣̇аа ‘‘сукаа бадибад̣̇аа’’д̇и вужжад̇и. аж̇жхосид̇аад̇и абхинивидтаа. имз саб̣б̣з сад̇д̇аад̇и имз д̇ан̣хаад̣̇идтижарид̇абхаавзна д̣̇вид̇хаа вуд̇д̇аа абаримаан̣аббабхзд̣̇аа саб̣б̣зби бадибаж̇ж̇анд̇аа сад̇д̇аа.

    Dosadiṭṭhīti appassādatādidosagāhikadiṭṭhī, dosadassinoti attho. Te hi asamūhatānusayā, kāmesu ca ādīnavadassino. Idañhi nesaṃ aṅgadvayaṃ attakilamathānuyogassa kāraṇaṃ vuttaṃ. Natthi atthoti yo rāgābhibhūtehi andhabālehi parikappito diṭṭhadhammiko kāmehi attho, so madhubindugiddhassa madhulittasatthadhārāvalehanasadiso appassādo bahudukkho bahupāyāso bahuādīnavo savighāto sapariḷāho samparāyiko tathevāti sabbadāpi viññūjātikassa kāmehi payojanaṃ na vijjati. Anajjhositāti anabhibhūtā viharanti. Tena vuccati sukhā paṭipadāti tena mandakilesabhāvena tesaṃ puggalānaṃ akicchena sijjhamānā vipassanā paṭipadā ‘‘sukhā paṭipadā’’ti vuccati. Ajjhositāti abhiniviṭṭhā. Ime sabbe sattāti ime taṇhādiṭṭhicaritabhāvena dvidhā vuttā aparimāṇappabhedā sabbepi paṭipajjantā sattā.

    сукзна бадиниссаж̇ж̇анд̇ийд̇и гилзсз агижчзна баж̇аханд̇и. ‘‘имаа жад̇ассо бадибад̣̇аа’’д̇иаад̣̇и бадибад̣̇аанам̣ зд̇д̇аавад̇ааяам̣, висаяабхаавагижжзсу жа б̣яабхижаараабхаавад̣̇ассанам̣. аяам̣ бадибад̣̇аад̇и ниг̇аманам̣, аяам̣ бадибад̣̇аа яааяа васзна сийхавиггийл̣ид̇асса наяасса бхуумид̣̇ассанад̇т̇ам̣ жад̇д̇ааро буг̇г̇алаа нид̣̇д̇хаарид̇аад̇и ад̇хиббааяо. жад̇уггамаг̇г̇зна гилзсз нид̣̇д̣̇исад̇ийд̇и ананд̇арам̣ вагкамаанзна аахаараад̣̇ижад̇уггамаг̇г̇зна д̣̇асавад̇т̇угз гилзсасамуухз нид̣̇д̣̇исад̇и. жад̇уггамаг̇г̇зна арияад̇хаммзсу нид̣̇д̣̇исид̇аб̣б̣аад̇и д̇аббадибагкзна бадибад̣̇аад̣̇ижад̇уггамаг̇г̇зна арияад̇хаммзсу б̣од̇хибагкиязсу висаяабхууд̇зсу нид̣̇д̇хаарзд̇ваа гат̇зд̇аб̣б̣аа.

    Sukhenapaṭinissajjantīti kilese akicchena pajahanti. ‘‘Imā catasso paṭipadā’’tiādi paṭipadānaṃ ettāvatāyaṃ, visayabhāvakiccesu ca byabhicārābhāvadassanaṃ. Ayaṃ paṭipadāti nigamanaṃ, ayaṃ paṭipadā yāya vasena sīhavikkīḷitassa nayassa bhūmidassanatthaṃ cattāro puggalā niddhāritāti adhippāyo. Catukkamaggena kilese niddisatīti anantaraṃ vakkhamānena āhārādicatukkamaggena dasavatthuke kilesasamūhe niddisati. Catukkamaggena ariyadhammesu niddisitabbāti tappaṭipakkhena paṭipadādicatukkamaggena ariyadhammesu bodhipakkhiyesu visayabhūtesu niddhāretvā kathetabbā.

    ид̣̇ан̃жа бамаан̣ам̣ жад̇д̇ааро аахаараад̇и имзсам̣ вибаллаасаанам̣ бавад̇д̇ияаа бамаан̣ам̣, яад̣̇ид̣̇ам̣ жад̇д̇ааро аахаараа. ид̣̇ам̣ вуд̇д̇ам̣ ход̇и – яаавад̣̇зва жад̇д̇ааро аахаараа барин̃н̃ам̣ на г̇ажчанд̇и, д̇аавад̣̇зва жад̇д̇ааро вибаллаасз вибхаж̇анд̇и. яаавад̣̇зва жад̇д̇ааро вибаллаасаа аббахийнаа, д̇аавад̣̇зва жад̇д̇аари убаад̣̇аанаани бариб̣рууханд̇ийд̇и. звам̣ саб̣б̣ад̇т̇а яат̇аарахам̣ вад̇д̇аб̣б̣ам̣. д̇знааха ‘‘звам̣ имаани саб̣б̣аани д̣̇аса бад̣̇ааний’’д̇и. ‘‘яож̇зд̇аб̣б̣ааний’’д̇и жа важанасзсо.

    Idañca pamāṇaṃ cattāro āhārāti imesaṃ vipallāsānaṃ pavattiyā pamāṇaṃ, yadidaṃ cattāro āhārā. Idaṃ vuttaṃ hoti – yāvadeva cattāro āhārā pariññaṃ na gacchanti, tāvadeva cattāro vipallāse vibhajanti. Yāvadeva cattāro vipallāsā appahīnā, tāvadeva cattāri upādānāni paribrūhantīti. Evaṃ sabbattha yathārahaṃ vattabbaṃ. Tenāha ‘‘evaṃ imāni sabbāni dasa padānī’’ti. ‘‘Yojetabbānī’’ti ca vacanaseso.

    ‘‘абхиж̇жхааяа г̇ант̇ад̇ий’’д̇и иминаа абхиж̇жхааяанамзва г̇ант̇ананд̇и д̣̇ассзд̇и. зса наяо сзсзсуби. бабан̃жзнд̇од̇и д̣̇идтаабхинивзсам̣ вид̇т̇аарзнд̇о.

    ‘‘Abhijjhāya ganthatī’’ti iminā abhijjhāyanameva ganthananti dasseti. Esa nayo sesesupi. Papañcentoti diṭṭhābhinivesaṃ vitthārento.

    виббадисааруббад̇д̇ихзд̇убхааво гилзсаанам̣ аасавананд̇и ааха ‘‘аасаванд̇ий’’д̇и. гим̣ виббадисаараад̇и д̇зна гилзсаанам̣ вийд̇иггамавад̇т̇ум̣ вад̣̇ад̇и. яасмаа аббахийнаанусаяассзва виббадисаараа, на ид̇арасса, д̇асмаа ‘‘яз виббадисаараа, д̇з анусаяаа’’д̇и вуд̇д̇ам̣. бад̣̇ад̣̇ваязнаби палуубажаарзна гааран̣ам̣ вуд̇д̇ам̣.

    Vippaṭisāruppattihetubhāvo kilesānaṃ āsavananti āha ‘‘āsavantī’’ti. Kiṃ vippaṭisārāti tena kilesānaṃ vītikkamavatthuṃ vadati. Yasmā appahīnānusayasseva vippaṭisārā, na itarassa, tasmā ‘‘ye vippaṭisārā, te anusayā’’ti vuttaṃ. Padadvayenapi phalūpacārena kāraṇaṃ vuttaṃ.

    батамзна бад̣̇знаад̇и яат̇аавуд̇д̇зсу д̣̇асасу суд̇д̇абад̣̇зсу батамзна бад̣̇зна. батамааяа д̣̇исааяаад̇и д̇ад̣̇ад̇т̇асан̇каад̇ааяа сийхавиггийл̣ид̇асса сам̣гилзсабагкз батамааяа д̣̇исааяа.

    Paṭhamenapadenāti yathāvuttesu dasasu suttapadesu paṭhamena padena. Paṭhamāya disāyāti tadatthasaṅkhātāya sīhavikkīḷitassa saṃkilesapakkhe paṭhamāya disāya.

    ид̇ийд̇и звам̣, вуд̇д̇анаязнаад̇и ад̇т̇о. гусалаагусалаананд̇и яат̇аавуд̇д̇аанаваж̇ж̇асааваж̇ж̇ад̇хаммаанам̣. багкабадибагкавасзнаад̇и вод̣̇аанабагкад̇аббадибагкавасзна. яож̇анаад̇и батамад̣̇исаад̣̇ибхаавзна яуд̇д̇з гад̇ваа манасаанубзгканаа. ‘‘манасаа вологаяад̇з’’д̇и (нзд̇д̇и. 4) хи вуд̇д̇ам̣.

    Itīti evaṃ, vuttanayenāti attho. Kusalākusalānanti yathāvuttaanavajjasāvajjadhammānaṃ. Pakkhapaṭipakkhavasenāti vodānapakkhatappaṭipakkhavasena. Yojanāti paṭhamadisādibhāvena yutte katvā manasānupekkhanā. ‘‘Manasā volokayate’’ti (netti. 4) hi vuttaṃ.

    д̇ассаад̇и д̣̇исаалоганасса. сод̇аабад̇д̇ипалаад̣̇ийнам̣ барияосаанад̇аа инд̣̇рияавасзна взд̣̇ид̇аб̣б̣аа. язсан̃хи сад̣̇д̇хаад̣̇ийнам̣ инд̣̇рияаанам̣ васзна сад̇ибадтаанаад̣̇ийни сиж̇жханд̇и, д̇зсам̣ васзна сод̇аабад̇д̇ипалаад̣̇ийнам̣ барияосаанад̇аа. д̇ад̇т̇а сод̇аабад̇д̇ипалз сад̣̇д̇хинд̣̇рияам̣ баарибуурим̣ г̇ажчад̇и. сод̇аабанно хи сад̣̇д̇хааяа барибууригаарий. сагад̣̇ааг̇аамипалз вийрияинд̣̇рияам̣ баарибуурим̣ г̇ажчад̇и. сагад̣̇ааг̇аамий хи аарад̣̇д̇хавийрияо убаримаг̇г̇аад̇хиг̇амааяа. анааг̇аамипалз самаад̇хинд̣̇рияам̣ баарибуурим̣ г̇ажчад̇и. анааг̇аамий самаад̇хисмим̣ барибууригаарий. аг̇г̇апалз арахад̇д̇з сад̇инд̣̇рияан̃жа бан̃н̃инд̣̇рияан̃жа баарибуурим̣ г̇ажчад̇и. арахаа хи сад̇ивзбуллаббад̇д̇о, бан̃н̃аавзбуллаббад̇д̇о жаад̇и.

    Tassāti disālokanassa. Sotāpattiphalādīnaṃ pariyosānatā indriyavasena veditabbā. Yesañhi saddhādīnaṃ indriyānaṃ vasena satipaṭṭhānādīni sijjhanti, tesaṃ vasena sotāpattiphalādīnaṃ pariyosānatā. Tattha sotāpattiphale saddhindriyaṃ pāripūriṃ gacchati. Sotāpanno hi saddhāya paripūrikārī. Sakadāgāmiphale vīriyindriyaṃ pāripūriṃ gacchati. Sakadāgāmī hi āraddhavīriyo uparimaggādhigamāya. Anāgāmiphale samādhindriyaṃ pāripūriṃ gacchati. Anāgāmī samādhismiṃ paripūrikārī. Aggaphale arahatte satindriyañca paññindriyañca pāripūriṃ gacchati. Arahā hi sativepullappatto, paññāvepullappatto cāti.

    абарз банааху – сад̣̇д̇хааб̣алзна субхасан̃н̃ааяа бахаанам̣. сад̣̇д̣̇аханд̇о хи бадиггууламанасигаарз гаммам̣ гарод̇и. вийрияаб̣алзна сукасан̃н̃ааяа бахаанам̣. вийрияаваа хи сукассаад̣̇ам̣ абхибхавид̇ваа яонисоманасигаарамануяун̃ж̇ад̇и. самаад̇хиб̣алзна нижжасан̃н̃ааяа бахаанам̣. самаахид̇о хи сан̇каараанам̣ уд̣̇аяаб̣б̣аяам̣ бариг̇г̇ан̣ханд̇о анижжасан̃н̃ам̣ бадилабхад̇и. бан̃н̃ааб̣алзна ад̇д̇асан̃н̃ааяа бахаанам̣. бан̃н̃аваа хи сан̇каараанам̣ авасавад̇д̇ид̇ам̣ саллагкзнд̇о ад̇д̇асун̃н̃ад̇ам̣ бадивиж̇жхад̇и. сад̇и бана саб̣б̣ад̇т̇ааби ижчид̇аб̣б̣аа. д̇знааха ‘‘сад̇им̣ жа кваахам̣, бхигкавз, саб̣б̣ад̇т̇игам̣ вад̣̇аамий’’д̇и (сам̣. ни. 5.234; ми. ба. 2.1.13). звам̣ жад̇увибаллаасаббахааяийнам̣ жад̇уннам̣ инд̣̇рияаанам̣ баарибууридтаанам̣ жад̇д̇аари сааман̃н̃апалаани жад̇увибаллаасамукаанам̣ жад̇уннам̣ д̣̇исаанам̣ барияосаанаани вуд̇д̇аанийд̇и.

    Apare panāhu – saddhābalena subhasaññāya pahānaṃ. Saddahanto hi paṭikkūlamanasikāre kammaṃ karoti. Vīriyabalena sukhasaññāya pahānaṃ. Vīriyavā hi sukhassādaṃ abhibhavitvā yonisomanasikāramanuyuñjati. Samādhibalena niccasaññāya pahānaṃ. Samāhito hi saṅkhārānaṃ udayabbayaṃ pariggaṇhanto aniccasaññaṃ paṭilabhati. Paññābalena attasaññāya pahānaṃ. Paññavā hi saṅkhārānaṃ avasavattitaṃ sallakkhento attasuññataṃ paṭivijjhati. Sati pana sabbatthāpi icchitabbā. Tenāha ‘‘satiṃ ca khvāhaṃ, bhikkhave, sabbatthikaṃ vadāmī’’ti (saṃ. ni. 5.234; mi. pa. 2.1.13). Evaṃ catuvipallāsappahāyīnaṃ catunnaṃ indriyānaṃ pāripūriṭṭhānaṃ cattāri sāmaññaphalāni catuvipallāsamukhānaṃ catunnaṃ disānaṃ pariyosānāni vuttānīti.

    ‘‘лобхо агусаламуула’’нд̇иаад̣̇и лобхаад̣̇ийнам̣ хзд̇упалабхаавзна самбаяуд̇д̇ад̇ааяа д̣̇ассанам̣.

    ‘‘Lobho akusalamūla’’ntiādi lobhādīnaṃ hetuphalabhāvena sampayuttatāya dassanaṃ.

    д̇ад̇т̇а манаабигзнаад̇и язбхуяяавасзна вуд̇д̇ам̣. аманаабигзнааби хи аарамман̣зна вибариязсавасзна лобхо уббаж̇ж̇ад̇и. манаабигзнаад̇и ваа манаабигаагаарзна. пассавзд̣̇ануубавижаарарааг̇авид̇аггабарил̣аахаа сахаж̇аад̇ааби лаб̣бханд̇и, асахаж̇аад̇ааби. ‘‘уббаад̣̇о’’д̇и зд̇зна уббаж̇ж̇амаанасан̇каараг̇г̇ахан̣анд̇и ‘‘уббаж̇ж̇ад̇ий’’д̇и вуд̇д̇ам̣. уббаад̣̇алагкан̣ассзва бана г̇ахан̣з ‘‘уббаж̇ж̇ад̇ий’’д̇и на вад̇д̇аб̣б̣ам̣ сияаа. на хи уббаад̣̇о уббаж̇ж̇ад̇и, рааг̇аж̇абарил̣аахахзд̇угад̇аа жа д̇зсам̣ рааг̇асса д̇ан̣хаасабхаавад̇д̇аа. д̇ан̣хаа хи д̣̇угкасса самуд̣̇аяо, яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ д̣̇угканд̇и. д̇ат̇аа жа вуд̇д̇ам̣ ‘‘д̇ан̣хаасахаж̇аад̇авзд̣̇анааяа бана лобхо сахаж̇аад̇аад̣̇ибажжаязхи жа бажжаяо’’д̇и. звам̣ идтаарамман̣з уббанналобхасахаг̇ад̇асукавзд̣̇анааяа уд̣̇аяо ид̇ха ‘‘уббаад̣̇о сан̇кад̇алагкан̣а’’нд̇и вуд̇д̇о, д̇ассаа вибарин̣аамо ‘‘вибарин̣аамад̣̇угкад̇аа’’д̇и. вибарин̣аамаавад̇т̇аа жа уд̣̇аяаавад̇т̇ам̣ винаа на ход̇ийд̇и саа д̇ам̣ ниссааяа уббаж̇ж̇анд̇ий вияа вуд̇д̇аа ‘‘уббаад̣̇ам̣…бз… д̣̇угкад̇аа’’д̇и.

    Tattha manāpikenāti yebhuyyavasena vuttaṃ. Amanāpikenāpi hi ārammaṇena vipariyesavasena lobho uppajjati. Manāpikenāti vā manāpikākārena. Phassavedanūpavicārarāgavitakkapariḷāhā sahajātāpi labbhanti, asahajātāpi. ‘‘Uppādo’’ti etena uppajjamānasaṅkhāraggahaṇanti ‘‘uppajjatī’’ti vuttaṃ. Uppādalakkhaṇasseva pana gahaṇe ‘‘uppajjatī’’ti na vattabbaṃ siyā. Na hi uppādo uppajjati, rāgajapariḷāhahetukatā ca tesaṃ rāgassa taṇhāsabhāvattā. Taṇhā hi dukkhassa samudayo, yaṃ kiñci samudayadhammaṃ, sabbaṃ taṃ dukkhanti. Tathā ca vuttaṃ ‘‘taṇhāsahajātavedanāya pana lobho sahajātādipaccayehi ca paccayo’’ti. Evaṃ iṭṭhārammaṇe uppannalobhasahagatasukhavedanāya udayo idha ‘‘uppādo saṅkhatalakkhaṇa’’nti vutto, tassā vipariṇāmo ‘‘vipariṇāmadukkhatā’’ti. Vipariṇāmāvatthā ca udayāvatthaṃ vinā na hotīti sā taṃ nissāya uppajjantī viya vuttā ‘‘uppādaṃ…pe… dukkhatā’’ti.

    д̣̇осо агусаламууланд̇иаад̣̇ийсуби вуд̇д̇анаяаанусаарзна ад̇т̇о взд̣̇ид̇аб̣б̣о. аяам̣ бана висзсо – тид̇асса ан̃н̃ат̇ад̇д̇ам̣ наама ж̇араа, д̇ам̣ ниссааяа д̣̇оманассасса уббаж̇ж̇анад̇о вуд̇д̇ам̣ ‘‘тид̇асса…бз… д̣̇угкад̣̇угкад̇аа’’д̇и. д̣̇осаж̇абарил̣аахахзд̇угад̇аа ж̇арааяа д̣̇осаб̣ахуласса буг̇г̇аласса нажирзна ж̇ийран̣ад̇о взд̣̇ид̇аб̣б̣аа.

    Doso akusalamūlantiādīsupi vuttanayānusārena attho veditabbo. Ayaṃ pana viseso – ṭhitassa aññathattaṃ nāma jarā, taṃ nissāya domanassassa uppajjanato vuttaṃ ‘‘ṭhitassa…pe… dukkhadukkhatā’’ti. Dosajapariḷāhahetukatā jarāya dosabahulassa puggalassa nacirena jīraṇato veditabbā.

    ваяод̇и сан̇каараанам̣ нирод̇хо. анижжад̇аавасзна жа сан̇кад̇ад̇хаммаанам̣ сан̇каарад̣̇угкад̇аад̇и вуд̇д̇ам̣ ‘‘ваяа…бз… сан̇каарад̣̇угкад̇аа’’д̇и. д̇знааха бхаг̇аваа ‘‘яад̣̇анижжам̣ д̇ам̣ д̣̇угка’’нд̇и (сам̣. ни. 3.15, 45, 76; бади. ма. 2.10). мохаж̇абарил̣аахахзд̇угад̇аа ваяалагкан̣асса язбхуяязна саммоханимид̇д̇ад̇д̇аа, маран̣асса авиж̇ж̇аабажжаяад̇д̇аа жа сам̣саараббавад̇д̇ияаа взд̣̇ид̇аб̣б̣аа.

    Vayoti saṅkhārānaṃ nirodho. Aniccatāvasena ca saṅkhatadhammānaṃ saṅkhāradukkhatāti vuttaṃ ‘‘vaya…pe… saṅkhāradukkhatā’’ti. Tenāha bhagavā ‘‘yadaniccaṃ taṃ dukkha’’nti (saṃ. ni. 3.15, 45, 76; paṭi. ma. 2.10). Mohajapariḷāhahetukatā vayalakkhaṇassa yebhuyyena sammohanimittattā, maraṇassa avijjāpaccayattā ca saṃsārappavattiyā veditabbā.

    алобхаад̣̇ийнам̣ бан̃н̃аад̣̇ибаарибуурихзд̇угад̇аа яат̇аарахам̣ убаниссаяагодисахаж̇аад̇агодияаа жа бажжаяабхаавзна взд̣̇ид̇аб̣б̣аа. саб̣б̣з хи гусалаа д̇хаммаа саб̣б̣зсам̣ гусалаанам̣ д̇хаммаанам̣ яат̇аасамбхавам̣ бажжаяависзсаа хонд̇и зваад̇и. аб̣яаабаад̣̇авид̇аггасанниссаяо убавижааро аб̣яаабаад̣̇уубавижааро. авихим̣суубажаарзби зсзва наяо.

    Alobhādīnaṃ paññādipāripūrihetukatā yathārahaṃ upanissayakoṭisahajātakoṭiyā ca paccayabhāvena veditabbā. Sabbe hi kusalā dhammā sabbesaṃ kusalānaṃ dhammānaṃ yathāsambhavaṃ paccayavisesā honti evāti. Abyāpādavitakkasannissayo upavicāro abyāpādūpavicāro. Avihiṃsūpacārepi eseva nayo.

    аяам̣ д̇ибугкало наама д̣̇уд̇ияо наяо сад̣̇д̇хим̣ д̣̇исаалогананаязна нид̣̇д̣̇идтод̇и важанасзсо. ‘‘имз жад̇д̇ааро’’д̇иаад̣̇и буг̇г̇алаад̇хидтаанзнзва нанд̣̇ияааваддасса наяасса бхуумид̣̇ассанад̇т̇ам̣ аарад̣̇д̇хам̣. имз яат̇аавуд̇д̇абадибад̣̇аажад̇уггасса васзна жад̇уб̣б̣ид̇хаа. висзсзнаад̇и д̣̇идтид̇ан̣хаасанниссаяад̇аависзсзна. д̣̇идтижарид̇о хи д̇игкабан̃н̃о, манд̣̇абан̃н̃о жа сукааяа бадибад̣̇ааяа киббаабхин̃н̃ааяа жа д̣̇анд̇хаабхин̃н̃ааяа жа нияяаад̇ийд̇и д̣̇вид̇хаа вуд̇д̇од̇и. д̇ат̇аа д̇ан̣хаажарид̇о д̣̇угкааяа бадибад̣̇ааяа киббаабхин̃н̃ааяа жа д̣̇анд̇хаабхин̃н̃ааяа жа нияяаад̇ийд̇и д̣̇вид̇хаа вуд̇д̇од̇и д̣̇ассид̇о жааяамад̇т̇о. д̇знааха ‘‘д̣̇вз хонд̇и д̣̇идтижарид̇о жа д̇ан̣хаажарид̇о жаа’’д̇и.

    Ayaṃ tipukkhalo nāma dutiyo nayo saddhiṃ disālokananayena niddiṭṭhoti vacanaseso. ‘‘Ime cattāro’’tiādi puggalādhiṭṭhāneneva nandiyāvaṭṭassa nayassa bhūmidassanatthaṃ āraddhaṃ. Ime yathāvuttapaṭipadācatukkassa vasena catubbidhā. Visesenāti diṭṭhitaṇhāsannissayatāvisesena. Diṭṭhicarito hi tikkhapañño, mandapañño ca sukhāya paṭipadāya khippābhiññāya ca dandhābhiññāya ca niyyātīti dvidhā vuttoti. Tathā taṇhācarito dukkhāya paṭipadāya khippābhiññāya ca dandhābhiññāya ca niyyātīti dvidhā vuttoti dassito cāyamattho. Tenāha ‘‘dve honti diṭṭhicarito ca taṇhācarito cā’’ti.

    жад̇д̇ааро худ̇ваад̇и сийхавиггийл̣ид̇асса наяасса бхуумид̣̇ассанз жад̇д̇ааро худ̇ваа тид̇аа, жад̇уббадибад̣̇аавасзна жад̇д̇ааро гад̇ваа вуд̇д̇аад̇и ад̇т̇о. д̇аяо хонд̇ийд̇и д̇ибугкаласса наяасса бхуумид̣̇ассанз уг̇гхадид̇ан̃н̃уаад̣̇ивасзна д̇аяо бхаванд̇и. д̇аяо худ̇ваад̇и д̇ат̇аа д̇аяо худ̇ваа тид̇аа д̇аяо гад̇ваа гат̇ид̇аа. д̣̇вз хонд̇ийд̇и ид̣̇аани нанд̣̇ияааваддасса наяасса бхуумид̣̇ассанз д̣̇вз бхаванд̇и. аж̇жхосаананд̇и д̣̇идтиаж̇жхосаанам̣. абхинивзсод̇и д̇ан̣хаабхинивзсо. ахам̣гаарод̇и ахам̣маано ‘‘аха’’нд̇и ваа гаран̣ам̣ ахам̣гааро. д̣̇идтимаанаман̃н̃анаанам̣ васзна ‘‘ахамасмий’’д̇и саманубассанаа мамам̣гааро, мамааяанам̣ д̇ан̣хааг̇г̇аахо.

    Cattārohutvāti sīhavikkīḷitassa nayassa bhūmidassane cattāro hutvā ṭhitā, catuppaṭipadāvasena cattāro katvā vuttāti attho. Tayo hontīti tipukkhalassa nayassa bhūmidassane ugghaṭitaññuādivasena tayo bhavanti. Tayo hutvāti tathā tayo hutvā ṭhitā tayo katvā kathitā. Dve hontīti idāni nandiyāvaṭṭassa nayassa bhūmidassane dve bhavanti. Ajjhosānanti diṭṭhiajjhosānaṃ. Abhinivesoti taṇhābhiniveso. Ahaṃkāroti ahaṃmāno ‘‘aha’’nti vā karaṇaṃ ahaṃkāro. Diṭṭhimānamaññanānaṃ vasena ‘‘ahamasmī’’ti samanupassanā mamaṃkāro, mamāyanaṃ taṇhāggāho.

    д̣̇асабад̣̇аани ‘‘батамаа д̣̇исаа’’д̇и гаад̇аб̣б̣аанийд̇и нанд̣̇ияааваддасса наяасса ‘‘батамаа д̣̇исаа’’д̇и гаран̣ийяаани, ‘‘батамаа д̣̇исаа’’д̇и вавад̇т̇абзд̇аб̣б̣аанийд̇и ад̇т̇о. сам̣кид̇д̇зна…бз… багкассаад̇и анзгаббабхзд̣̇ассаби ган̣хабагкасса сам̣гилзсабагкасса ад̇т̇ам̣ сам̣кид̇д̇зна сан̇кзбзна бадибагкз вад̇д̇амаанз вод̣̇аанад̇хаммз уд̣̇д̣̇исса н̃аабзнд̇и багаасзнд̇и, батамаа гаад̇аб̣б̣аад̇и яож̇анаа. д̣̇аса бад̣̇аани д̣̇уд̇ияагаанийд̇и д̇ан̣хаад̣̇игаа д̣̇аса годтаасаа ‘‘д̣̇уд̇ияаа д̣̇исаа’’д̇и гаад̇аб̣б̣аа. ‘‘сам̣кид̇д̇зна…бз… ган̣хабагкассаа’’д̇и аанзд̇ваа яож̇зд̇аб̣б̣ам̣.

    Dasapadāni ‘‘paṭhamā disā’’ti kātabbānīti nandiyāvaṭṭassa nayassa ‘‘paṭhamā disā’’ti karaṇīyāni, ‘‘paṭhamā disā’’ti vavatthapetabbānīti attho. Saṃkhittena…pe… pakkhassāti anekappabhedassapi kaṇhapakkhassa saṃkilesapakkhassa atthaṃ saṃkhittena saṅkhepena paṭipakkhe vattamāne vodānadhamme uddissa ñāpenti pakāsenti, paṭhamā kātabbāti yojanā. Dasa padāni dutiyakānīti taṇhādikā dasa koṭṭhāsā ‘‘dutiyā disā’’ti kātabbā. ‘‘Saṃkhittena…pe… kaṇhapakkhassā’’ti ānetvā yojetabbaṃ.

    яонисод̇и убааяасо. яонисо манасигааро анижжаад̣̇ивасзна батамаманасигааро. бан̃н̃аад̇и суд̇ажинд̇аамаяий бан̃н̃аа, жхаанаабхин̃н̃аа жа. ниб̣б̣ид̣̇аад̇и ниб̣б̣зд̇хан̃аан̣ам̣. соманассад̇хаммуубасан̃хид̇ам̣ бамод̣̇аад̣̇исахаг̇ад̇ам̣ жзд̇асигасукам̣.

    Yonisoti upāyaso. Yoniso manasikāro aniccādivasena paṭhamamanasikāro. Paññāti sutacintāmayī paññā, jhānābhiññā ca. Nibbidāti nibbedhañāṇaṃ. Somanassadhammūpasañhitaṃ pamodādisahagataṃ cetasikasukhaṃ.

    гусалабагкз жаад̇и жа-сад̣̇д̣̇о самужжаяад̇т̇о, д̇зна убхаяабагкад̇о самужжаяавасзна жад̇ассо д̣̇исаа, на бажжзганд̇и д̣̇ассзд̇и.

    Kusalapakkhe cāti ca-saddo samuccayattho, tena ubhayapakkhato samuccayavasena catasso disā, na paccekanti dasseti.

    д̇зсанд̇и д̇ан̣хаад̣̇ийнам̣, д̇ан̣хааяа, д̇ан̣хаабагкигаанан̃жаад̇и ад̇т̇о. сад̇иби анавасзсад̇о рааг̇з бахийяамаанз анавасзсад̇о авиж̇ж̇ааби бахийяад̇зва, рааг̇асса бана жзд̇овимуд̇д̇и уж̇убадибагкод̇и д̣̇ассанад̇т̇ам̣ ‘‘рааг̇авирааг̇аа’’д̇и вуд̇д̇ам̣. авиж̇ж̇аавирааг̇аад̇и зд̇т̇ааби зсзва наяо. аяан̃жа ад̇т̇о ‘‘аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇и’’нд̇иаад̣̇инаа (ма. ни. 1.438) ааг̇ад̇абаал̣ияаа ад̇т̇аван̣н̣анаавасзна вуд̇д̇аа, ид̇ха бана ‘‘рааг̇авирааг̇аа жзд̇овимуд̇д̇и сзгкапалам̣, авиж̇ж̇аавирааг̇аа бан̃н̃аавимуд̇д̇и асзгкапала’’нд̇иаад̣̇инаа (нзд̇д̇и. 51) взважанасамааробанз ааг̇ад̇ад̇д̇аа буримаа анааг̇аамипалам̣. д̇ан̃хи гаамарааг̇асса уж̇увибажжанийгад̇о самаад̇хибаарибуурияаава висзсад̇о ‘‘рааг̇авирааг̇аа жзд̇овимуд̇д̇ий’’д̇и вужжад̇и, бажчимаа арахад̇д̇апалам̣ д̇ан̣хааяа, авиж̇ж̇ааяа жа анавасзсаббахаанад̇о, бан̃н̃аабаарибуурияаа жа ‘‘авиж̇ж̇аавирааг̇аа бан̃н̃аавимуд̇д̇ий’’д̇и вужжад̇и.

    Tesanti taṇhādīnaṃ, taṇhāya, taṇhāpakkhikānañcāti attho. Satipi anavasesato rāge pahīyamāne anavasesato avijjāpi pahīyateva, rāgassa pana cetovimutti ujupaṭipakkhoti dassanatthaṃ ‘‘rāgavirāgā’’ti vuttaṃ. Avijjāvirāgāti etthāpi eseva nayo. Ayañca attho ‘‘āsavānaṃ khayā anāsavaṃ cetovimuttiṃ paññāvimutti’’ntiādinā (ma. ni. 1.438) āgatapāḷiyā atthavaṇṇanāvasena vuttā, idha pana ‘‘rāgavirāgā cetovimutti sekkhaphalaṃ, avijjāvirāgā paññāvimutti asekkhaphala’’ntiādinā (netti. 51) vevacanasamāropane āgatattā purimā anāgāmiphalaṃ. Tañhi kāmarāgassa ujuvipaccanīkato samādhipāripūriyāva visesato ‘‘rāgavirāgā cetovimuttī’’ti vuccati, pacchimā arahattaphalaṃ taṇhāya, avijjāya ca anavasesappahānato, paññāpāripūriyā ca ‘‘avijjāvirāgā paññāvimuttī’’ti vuccati.

    д̇ад̇т̇аад̇и нанд̣̇ияаавадданаяз. д̇зсууд̇и ‘‘жад̇д̇аари бад̣̇ааний’’д̇и вуд̇д̇зсу д̇ан̣хаад̣̇ийсу жад̇уусу муулабад̣̇зсу. ид̇ха самосаран̣анд̇и сан̇г̇ахо вуд̇д̇о, со жа сабхаавад̇о, сабхааг̇ад̇о жа ход̇ийд̇и д̇ан̣хаад̣̇ийни жад̇д̇аари д̣̇ассзд̇ваа ‘‘д̇зсу адтаараса муулабад̣̇аани самосаранд̇ий’’д̇и вуд̇д̇ам̣. самат̇ам̣ бхаж̇анд̇и сабхаавад̇о, сабхааг̇ад̇о жаад̇и ад̇хиббааяо. вибассанам̣ бхаж̇анд̇ийд̇и зд̇т̇ааби зсзва наяо. наяаад̇хидтаанаанам̣ наяаад̇хидтаанз ануббавзсо наяаанам̣ наязсу ануббавзсо зва наама ход̇ийд̇и ааха ‘‘д̇ибугкало…бз… ануббависанд̇ий’’д̇и.

    Tatthāti nandiyāvaṭṭanaye. Tesūti ‘‘cattāri padānī’’ti vuttesu taṇhādīsu catūsu mūlapadesu. Idha samosaraṇanti saṅgaho vutto, so ca sabhāvato, sabhāgato ca hotīti taṇhādīni cattāri dassetvā ‘‘tesu aṭṭhārasa mūlapadāni samosarantī’’ti vuttaṃ. Samathaṃ bhajanti sabhāvato, sabhāgato cāti adhippāyo. Vipassanaṃ bhajantīti etthāpi eseva nayo. Nayādhiṭṭhānānaṃ nayādhiṭṭhāne anuppaveso nayānaṃ nayesu anuppaveso eva nāma hotīti āha ‘‘tipukkhalo…pe… anuppavisantī’’ti.

    алобхаамохабагкам̣ абхаж̇аабзд̇ваа ад̣̇осабагкам̣ бхаж̇аабзд̇аб̣б̣асса нанд̣̇ияааваддасийхавиггийл̣ид̇амуулабад̣̇асса абхаавад̇о ад̣̇осо згасуд̇д̇агодияаа згагова ход̇ийд̇и д̣̇ассзнд̇о ааха ‘‘ад̣̇осо ад̣̇осо зваа’’д̇и. д̣̇осо д̣̇осо зваад̇и зд̇т̇ааби зсзва наяо. самосаранд̇и сабхааг̇ад̇о жа сабхаавад̇о жа сан̇г̇ахам̣ г̇ажчанд̇ийд̇и ад̇т̇о.

    Alobhāmohapakkhaṃ abhajāpetvā adosapakkhaṃ bhajāpetabbassa nandiyāvaṭṭasīhavikkīḷitamūlapadassa abhāvato adoso ekasuttakoṭiyā ekakova hotīti dassento āha ‘‘adoso adoso evā’’ti. Doso doso evāti etthāpi eseva nayo. Samosaranti sabhāgato ca sabhāvato ca saṅgahaṃ gacchantīti attho.

    бхууми г̇ожарод̇и жа муулабад̣̇аани зва санд̇хааяа вад̣̇ад̇и. згзгам̣ наяам̣ ануббависад̇и д̇ам̣д̇ам̣муулабад̣̇аануббавзсад̇о. гусалз ваа вин̃н̃аад̇з агусало бадибагко, агусалз ваа гусало бадибагко анвзсид̇аб̣б̣о сам̣ван̣н̣ияамаанасуд̇д̇абад̣̇аануруубад̇о убабаригкид̇аб̣б̣о. анвзсанаа убабаригкаа ‘‘д̣̇исаалогана’’нд̇и вужжад̇и. со наяо нид̣̇д̣̇исид̇аб̣б̣од̇и д̇ат̇аа анвзсид̇ваа д̇зхи д̇хаммзхи д̣̇исаа вавад̇т̇абзд̇ваа со со наяо нид̣̇д̇хаарзд̇ваа яож̇зд̇аб̣б̣о. яат̇аа муулабад̣̇зсу муулабад̣̇аанам̣ ануббавзсо сам̣ван̣н̣ид̇о, иминаава наязна муулабад̣̇ад̇о муулабад̣̇аанам̣ нид̣̇д̇хааран̣аад̇и взд̣̇ид̇аб̣б̣аад̇и д̣̇ассзнд̇о ‘‘яат̇аа згамхи…бз… нид̣̇д̣̇исид̇аб̣б̣ааний’’д̇и ааха. ‘‘згзгасмин̃хий’’д̇иаад̣̇и гааран̣аважанам̣.

    Bhūmi gocaroti ca mūlapadāni eva sandhāya vadati. Ekekaṃ nayaṃ anuppavisati taṃtaṃmūlapadānuppavesato. Kusale vā viññāte akusalo paṭipakkho, akusale vā kusalo paṭipakkho anvesitabbo saṃvaṇṇiyamānasuttapadānurūpato upaparikkhitabbo. Anvesanā upaparikkhā ‘‘disālokana’’nti vuccati. So nayo niddisitabboti tathā anvesitvā tehi dhammehi disā vavatthapetvā so so nayo niddhāretvā yojetabbo. Yathā mūlapadesu mūlapadānaṃ anuppaveso saṃvaṇṇito, imināva nayena mūlapadato mūlapadānaṃ niddhāraṇāti veditabbāti dassento ‘‘yathā ekamhi…pe… niddisitabbānī’’ti āha. ‘‘Ekekasmiñhī’’tiādi kāraṇavacanaṃ.

    д̇ад̇т̇а д̇ад̇т̇аад̇и згзгасмим̣ наяз. згасмим̣ д̇хаммз вин̃н̃аад̇зд̇и д̇ан̣хаад̣̇игз згасмим̣ муулабад̣̇ад̇хаммз саруубад̇о, нид̣̇д̇хааран̣авасзна ваа вин̃н̃аад̇з. саб̣б̣з д̇хаммаа вин̃н̃аад̇аа хонд̇ийд̇и д̇ад̣̇ан̃н̃амуулабад̣̇абхууд̇аа саб̣б̣з лобхаад̣̇аяо вин̃н̃аад̇аа наяасса бхуумижаран̣ааяог̇яад̇ааяа багаасаа баагадаа хонд̇и . ‘‘имзса’’нд̇иаад̣̇и наяад̇д̇аяад̣̇исаабхууд̇ад̇хаммаанам̣ мад̇т̇агабаабанзна д̇ин̣н̣ам̣ наяаанам̣ гуудаг̇г̇ахан̣ам̣, д̇ам̣ хздтаа вуд̇д̇анаяамзва.

    Tattha tatthāti ekekasmiṃ naye. Ekasmiṃ dhamme viññāteti taṇhādike ekasmiṃ mūlapadadhamme sarūpato, niddhāraṇavasena vā viññāte. Sabbedhammā viññātā hontīti tadaññamūlapadabhūtā sabbe lobhādayo viññātā nayassa bhūmicaraṇāyogyatāya pakāsā pākaṭā honti . ‘‘Imesa’’ntiādi nayattayadisābhūtadhammānaṃ matthakapāpanena tiṇṇaṃ nayānaṃ kūṭaggahaṇaṃ, taṃ heṭṭhā vuttanayameva.

    буна ‘‘имзсуу’’д̇иаад̣̇и гамманаяад̣̇ваяасса вибхааг̇авибхааванам̣, д̇ам̣ вин̃н̃зяяамзва.

    Puna ‘‘imesū’’tiādi kammanayadvayassa vibhāgavibhāvanaṃ, taṃ viññeyyameva.

    наяасамудтаанаваараван̣н̣анаа нидтид̇аа.

    Nayasamuṭṭhānavāravaṇṇanā niṭṭhitā.




    Next: саасанабадтаанаваараван̣н̣анаа • Sāsanapaṭṭhānavāravaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / наяасамудтаанам̣ • Nayasamuṭṭhānaṃ

    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / наяасамудтаанаваараван̣н̣анаа • Nayasamuṭṭhānavāravaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / наяасамудтаанавибхааванаа • Nayasamuṭṭhānavibhāvanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact