| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
9. наяат̇аажид̇д̇асса ваажаад̇игат̇ааван̣н̣анаа
9. Nayathācittassa vācātikathāvaṇṇanā
564. ид̣̇аани наяат̇аажид̇д̇асса ваажаад̇игат̇аа наама ход̇и. д̇ад̇т̇а яасмаа гожи ан̃н̃ам̣ бхан̣иссаамийд̇и ан̃н̃ам̣ бхан̣ад̇и, д̇асмаа наяат̇аажид̇д̇асса ваажаа жид̇д̇аануруубаа жид̇д̇аануг̇ад̇игаа на ход̇и, винааби жид̇д̇зна бавад̇д̇ад̇ийд̇и язсам̣ лад̣̇д̇хи; сзяяат̇ааби буб̣б̣асзлияаанам̣; д̇з санд̇хааяа бужчаа сагаваад̣̇исса, бадин̃н̃аа ид̇арасса. ат̇а нам̣ ‘‘яад̣̇и д̇ам̣самудтаабагам̣ жид̇д̇ам̣ на сияаа, пассаад̣̇аяоби д̇асмим̣ кан̣з на сияу’’нд̇и жод̣̇зд̇ум̣ апассагассаад̇иаад̣̇имааха. на бхан̣ид̇угаамод̇иаад̣̇ийсу яасмаа ан̃н̃ам̣ бхан̣иссаамийд̇и ан̃н̃ам̣ бхан̣анд̇оби бхан̣ид̇угаамоязва наама ход̇и, д̇асмаа на хзваад̇и бадигкибад̇и.
564. Idāni nayathācittassa vācātikathā nāma hoti. Tattha yasmā koci aññaṃ bhaṇissāmīti aññaṃ bhaṇati, tasmā nayathācittassa vācā cittānurūpā cittānugatikā na hoti, vināpi cittena pavattatīti yesaṃ laddhi; seyyathāpi pubbaseliyānaṃ; te sandhāya pucchā sakavādissa, paṭiññā itarassa. Atha naṃ ‘‘yadi taṃsamuṭṭhāpakaṃ cittaṃ na siyā, phassādayopi tasmiṃ khaṇe na siyu’’nti codetuṃ aphassakassātiādimāha. Na bhaṇitukāmotiādīsu yasmā aññaṃ bhaṇissāmīti aññaṃ bhaṇantopi bhaṇitukāmoyeva nāma hoti, tasmā na hevāti paṭikkhipati.
565. нану ад̇т̇и гожи ан̃н̃ам̣ бхан̣иссаамийд̇иаад̣̇ийсу жийваранд̇и бхан̣ид̇угаамо жийранд̇и бхан̣зяяа. д̇ад̇т̇а ан̃н̃ам̣ бхан̣ид̇угаамад̇аажид̇д̇ам̣, ан̃н̃ам̣ бхан̣анажид̇д̇ам̣, ид̇и буб̣б̣абхааг̇зна жид̇д̇зна асад̣̇исад̇д̇аа аяат̇аажид̇д̇о наама ход̇и, д̇знасса гзвалам̣ анаабад̇д̇и наама ход̇и, на бана жийранд̇и важанасамудтаабагажид̇д̇ам̣ над̇т̇и, ид̇и ажид̇д̇агаа саа ваажаад̇и ад̇т̇ам̣ санд̇хааяа иминаа уд̣̇аахаран̣зна ‘‘наяат̇аажид̇д̇асса ваажаа’’д̇и бад̇идтаабид̇ааби аббад̇идтаабид̇аава ход̇ийд̇и.
565. Nanu atthi koci aññaṃ bhaṇissāmītiādīsu cīvaranti bhaṇitukāmo cīranti bhaṇeyya. Tattha aññaṃ bhaṇitukāmatācittaṃ, aññaṃ bhaṇanacittaṃ, iti pubbabhāgena cittena asadisattā ayathācitto nāma hoti, tenassa kevalaṃ anāpatti nāma hoti, na pana cīranti vacanasamuṭṭhāpakacittaṃ natthi, iti acittakā sā vācāti atthaṃ sandhāya iminā udāharaṇena ‘‘nayathācittassa vācā’’ti patiṭṭhāpitāpi appatiṭṭhāpitāva hotīti.
наяат̇аажид̇д̇асса ваажаад̇игат̇ааван̣н̣анаа.
Nayathācittassa vācātikathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (92) 9. на яат̇аажид̇д̇асса ваажаад̇игат̇аа • (92) 9. Na yathācittassa vācātikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 9. наяат̇аажид̇д̇ассаваажаад̇игат̇ааван̣н̣анаа • 9. Nayathācittassavācātikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 9. наяат̇аажид̇д̇ассаваажаад̇игат̇ааван̣н̣анаа • 9. Nayathācittassavācātikathāvaṇṇanā
