| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੯. ਨਯਥਾਚਿਤ੍ਤਸ੍ਸ વਾਚਾਤਿਕਥਾવਣ੍ਣਨਾ
9. Nayathācittassa vācātikathāvaṇṇanā
੫੬੪. ਇਦਾਨਿ ਨਯਥਾਚਿਤ੍ਤਸ੍ਸ વਾਚਾਤਿਕਥਾ ਨਾਮ ਹੋਤਿ। ਤਤ੍ਥ ਯਸ੍ਮਾ ਕੋਚਿ ਅਞ੍ਞਂ ਭਣਿਸ੍ਸਾਮੀਤਿ ਅਞ੍ਞਂ ਭਣਤਿ, ਤਸ੍ਮਾ ਨਯਥਾਚਿਤ੍ਤਸ੍ਸ વਾਚਾ ਚਿਤ੍ਤਾਨੁਰੂਪਾ ਚਿਤ੍ਤਾਨੁਗਤਿਕਾ ਨ ਹੋਤਿ, વਿਨਾਪਿ ਚਿਤ੍ਤੇਨ ਪવਤ੍ਤਤੀਤਿ ਯੇਸਂ ਲਦ੍ਧਿ; ਸੇਯ੍ਯਥਾਪਿ ਪੁਬ੍ਬਸੇਲਿਯਾਨਂ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਅਥ ਨਂ ‘‘ਯਦਿ ਤਂਸਮੁਟ੍ਠਾਪਕਂ ਚਿਤ੍ਤਂ ਨ ਸਿਯਾ, ਫਸ੍ਸਾਦਯੋਪਿ ਤਸ੍ਮਿਂ ਖਣੇ ਨ ਸਿਯੁ’’ਨ੍ਤਿ ਚੋਦੇਤੁਂ ਅਫਸ੍ਸਕਸ੍ਸਾਤਿਆਦਿਮਾਹ। ਨ ਭਣਿਤੁਕਾਮੋਤਿਆਦੀਸੁ ਯਸ੍ਮਾ ਅਞ੍ਞਂ ਭਣਿਸ੍ਸਾਮੀਤਿ ਅਞ੍ਞਂ ਭਣਨ੍ਤੋਪਿ ਭਣਿਤੁਕਾਮੋਯੇવ ਨਾਮ ਹੋਤਿ, ਤਸ੍ਮਾ ਨ ਹੇવਾਤਿ ਪਟਿਕ੍ਖਿਪਤਿ।
564. Idāni nayathācittassa vācātikathā nāma hoti. Tattha yasmā koci aññaṃ bhaṇissāmīti aññaṃ bhaṇati, tasmā nayathācittassa vācā cittānurūpā cittānugatikā na hoti, vināpi cittena pavattatīti yesaṃ laddhi; seyyathāpi pubbaseliyānaṃ; te sandhāya pucchā sakavādissa, paṭiññā itarassa. Atha naṃ ‘‘yadi taṃsamuṭṭhāpakaṃ cittaṃ na siyā, phassādayopi tasmiṃ khaṇe na siyu’’nti codetuṃ aphassakassātiādimāha. Na bhaṇitukāmotiādīsu yasmā aññaṃ bhaṇissāmīti aññaṃ bhaṇantopi bhaṇitukāmoyeva nāma hoti, tasmā na hevāti paṭikkhipati.
੫੬੫. ਨਨੁ ਅਤ੍ਥਿ ਕੋਚਿ ਅਞ੍ਞਂ ਭਣਿਸ੍ਸਾਮੀਤਿਆਦੀਸੁ ਚੀવਰਨ੍ਤਿ ਭਣਿਤੁਕਾਮੋ ਚੀਰਨ੍ਤਿ ਭਣੇਯ੍ਯ। ਤਤ੍ਥ ਅਞ੍ਞਂ ਭਣਿਤੁਕਾਮਤਾਚਿਤ੍ਤਂ, ਅਞ੍ਞਂ ਭਣਨਚਿਤ੍ਤਂ, ਇਤਿ ਪੁਬ੍ਬਭਾਗੇਨ ਚਿਤ੍ਤੇਨ ਅਸਦਿਸਤ੍ਤਾ ਅਯਥਾਚਿਤ੍ਤੋ ਨਾਮ ਹੋਤਿ, ਤੇਨਸ੍ਸ ਕੇવਲਂ ਅਨਾਪਤ੍ਤਿ ਨਾਮ ਹੋਤਿ, ਨ ਪਨ ਚੀਰਨ੍ਤਿ વਚਨਸਮੁਟ੍ਠਾਪਕਚਿਤ੍ਤਂ ਨਤ੍ਥਿ, ਇਤਿ ਅਚਿਤ੍ਤਕਾ ਸਾ વਾਚਾਤਿ ਅਤ੍ਥਂ ਸਨ੍ਧਾਯ ਇਮਿਨਾ ਉਦਾਹਰਣੇਨ ‘‘ਨਯਥਾਚਿਤ੍ਤਸ੍ਸ વਾਚਾ’’ਤਿ ਪਤਿਟ੍ਠਾਪਿਤਾਪਿ ਅਪ੍ਪਤਿਟ੍ਠਾਪਿਤਾવ ਹੋਤੀਤਿ।
565. Nanu atthi koci aññaṃ bhaṇissāmītiādīsu cīvaranti bhaṇitukāmo cīranti bhaṇeyya. Tattha aññaṃ bhaṇitukāmatācittaṃ, aññaṃ bhaṇanacittaṃ, iti pubbabhāgena cittena asadisattā ayathācitto nāma hoti, tenassa kevalaṃ anāpatti nāma hoti, na pana cīranti vacanasamuṭṭhāpakacittaṃ natthi, iti acittakā sā vācāti atthaṃ sandhāya iminā udāharaṇena ‘‘nayathācittassa vācā’’ti patiṭṭhāpitāpi appatiṭṭhāpitāva hotīti.
ਨਯਥਾਚਿਤ੍ਤਸ੍ਸ વਾਚਾਤਿਕਥਾવਣ੍ਣਨਾ।
Nayathācittassa vācātikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੯੨) ੯. ਨ ਯਥਾਚਿਤ੍ਤਸ੍ਸ વਾਚਾਤਿਕਥਾ • (92) 9. Na yathācittassa vācātikathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੯. ਨਯਥਾਚਿਤ੍ਤਸ੍ਸવਾਚਾਤਿਕਥਾવਣ੍ਣਨਾ • 9. Nayathācittassavācātikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੯. ਨਯਥਾਚਿਤ੍ਤਸ੍ਸવਾਚਾਤਿਕਥਾવਣ੍ਣਨਾ • 9. Nayathācittassavācātikathāvaṇṇanā
