| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[379] 4. нзруж̇аад̇агаван̣н̣анаа
[379] 4. Nerujātakavaṇṇanā
гааголаа гаагасан̇гхаа жаад̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ бхигкум̣ аараб̣бха гат̇зси. со гира сад̇т̇у санд̇игз гаммадтаанам̣ г̇ахзд̇ваа згам̣ бажжанд̇аг̇аамам̣ аг̇амааси. мануссаа д̇асса ирияаабат̇з басийд̣̇ид̇ваа д̇ам̣ бхож̇зд̇ваа бадин̃н̃ам̣ г̇ахзд̇ваа аран̃н̃з бан̣н̣асаалам̣ гад̇ваа д̇ад̇т̇а васаабзсум̣, ад̇ивияа жасса саггаарам̣ гарим̣су. ат̇згз сассад̇аваад̣̇аа ааг̇амам̣су. д̇з д̇зсам̣ важанам̣ суд̇ваа т̇зрасса ваад̣̇ам̣ виссаж̇ж̇зд̇ваа сассад̇аваад̣̇ам̣ г̇ахзд̇ваа д̇зсан̃н̃зва саггаарам̣ гарим̣су. д̇ад̇о ужчзд̣̇аваад̣̇аа ааг̇амам̣су д̇з сассад̇аваад̣̇ам̣ виссаж̇ж̇зд̇ваа ужчзд̣̇аваад̣̇амзва г̇ан̣хим̣су. ат̇ан̃н̃з ажзлагаа ааг̇амим̣су. д̇з ужчзд̣̇аваад̣̇ам̣ виссаж̇ж̇зд̇ваа ажзлагаваад̣̇ам̣ г̇ан̣хим̣су. со д̇зсам̣ г̇ун̣ааг̇ун̣ам̣ аж̇аананд̇аанам̣ мануссаанам̣ санд̇игз д̣̇угкзна васид̇ваа вуд̇т̇авассо баваарзд̇ваа сад̇т̇у санд̇игам̣ г̇анд̇ваа гад̇абадисант̇ааро ‘‘гахам̣ вассам̣вуд̇т̇осий’’д̇и вуд̇д̇з ‘‘бажжанд̇ам̣ ниссааяа, бханд̇з’’д̇и вад̇ваа ‘‘сукам̣ вуд̇т̇осий’’д̇и будто ‘‘бханд̇з, г̇ун̣ааг̇ун̣ам̣ аж̇аананд̇аанам̣ санд̇игз д̣̇угкам̣ вуд̇т̇осмий’’д̇и ааха. сад̇т̇аа ‘‘бхигку бораан̣агабан̣д̣ид̇аа д̇иражчаанаяонияам̣ ниб̣б̣ад̇д̇ааби г̇ун̣ааг̇ун̣ам̣ аж̇аананд̇зхи сад̣̇д̇хим̣ згад̣̇ивасамби на васим̣су, д̇вам̣ ад̇д̇ано г̇ун̣ааг̇ун̣ам̣ аж̇аананадтаанз гасмаа васий’’д̇и вад̇ваа д̇зна яаажид̇о ад̇ийд̇ам̣ аахари.
Kākolā kākasaṅghā cāti idaṃ satthā jetavane viharanto aññataraṃ bhikkhuṃ ārabbha kathesi. So kira satthu santike kammaṭṭhānaṃ gahetvā ekaṃ paccantagāmaṃ agamāsi. Manussā tassa iriyāpathe pasīditvā taṃ bhojetvā paṭiññaṃ gahetvā araññe paṇṇasālaṃ katvā tattha vasāpesuṃ, ativiya cassa sakkāraṃ kariṃsu. Atheke sassatavādā āgamaṃsu. Te tesaṃ vacanaṃ sutvā therassa vādaṃ vissajjetvā sassatavādaṃ gahetvā tesaññeva sakkāraṃ kariṃsu. Tato ucchedavādā āgamaṃsu te sassatavādaṃ vissajjetvā ucchedavādameva gaṇhiṃsu. Athaññe acelakā āgamiṃsu. Te ucchedavādaṃ vissajjetvā acelakavādaṃ gaṇhiṃsu. So tesaṃ guṇāguṇaṃ ajānantānaṃ manussānaṃ santike dukkhena vasitvā vutthavasso pavāretvā satthu santikaṃ gantvā katapaṭisanthāro ‘‘kahaṃ vassaṃvutthosī’’ti vutte ‘‘paccantaṃ nissāya, bhante’’ti vatvā ‘‘sukhaṃ vutthosī’’ti puṭṭho ‘‘bhante, guṇāguṇaṃ ajānantānaṃ santike dukkhaṃ vutthosmī’’ti āha. Satthā ‘‘bhikkhu porāṇakapaṇḍitā tiracchānayoniyaṃ nibbattāpi guṇāguṇaṃ ajānantehi saddhiṃ ekadivasampi na vasiṃsu, tvaṃ attano guṇāguṇaṃ ajānanaṭṭhāne kasmā vasī’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о суван̣н̣ахам̣саяонияам̣ ниб̣б̣ад̇д̇и, ганидтабхаад̇аабисса ад̇т̇и. д̇з жид̇д̇агуудабаб̣б̣ад̇з васанд̇аа химаванд̇абад̣̇зсз саяам̣ж̇аад̇асаалим̣ каад̣̇анд̇и. д̇з згад̣̇ивасам̣ д̇ад̇т̇а жарид̇ваа жид̇д̇агуудам̣ ааг̇ажчанд̇аа анд̇араамаг̇г̇з згам̣ нзрум̣ наама ган̃жанабаб̣б̣ад̇ам̣ д̣̇исваа д̇асса мад̇т̇агз нисийд̣̇им̣су. д̇ам̣ бана баб̣б̣ад̇ам̣ ниссааяа васанд̇аа сагун̣асан̇гхаа жад̇уббад̣̇аа жа г̇ожарабхуумияам̣ наанааван̣н̣аа хонд̇и, баб̣б̣ад̇ам̣ бавидтагаалад̇о бадтааяа д̇з саб̣б̣з д̇ассобхаасзна суван̣н̣аван̣н̣аа хонд̇и. д̇ам̣ д̣̇исваа б̣од̇хисад̇д̇асса ганидто д̇ам̣ гааран̣ам̣ аж̇аанид̇ваа ‘‘гим̣ ну ко зд̇т̇а гааран̣а’’нд̇и бхаад̇араа сад̣̇д̇хим̣ саллабанд̇о д̣̇вз г̇аат̇аа абхааси –
Atīte bārāṇasiyaṃ brahmadatte rajjaṃ kārente bodhisatto suvaṇṇahaṃsayoniyaṃ nibbatti, kaniṭṭhabhātāpissa atthi. Te cittakūṭapabbate vasantā himavantapadese sayaṃjātasāliṃ khādanti. Te ekadivasaṃ tattha caritvā cittakūṭaṃ āgacchantā antarāmagge ekaṃ neruṃ nāma kañcanapabbataṃ disvā tassa matthake nisīdiṃsu. Taṃ pana pabbataṃ nissāya vasantā sakuṇasaṅghā catuppadā ca gocarabhūmiyaṃ nānāvaṇṇā honti, pabbataṃ paviṭṭhakālato paṭṭhāya te sabbe tassobhāsena suvaṇṇavaṇṇā honti. Taṃ disvā bodhisattassa kaniṭṭho taṃ kāraṇaṃ ajānitvā ‘‘kiṃ nu kho ettha kāraṇa’’nti bhātarā saddhiṃ sallapanto dve gāthā abhāsi –
20.
20.
‘‘гааголаа гаагасан̇гхаа жа, маяан̃жа бад̇ад̇ам̣ вараа;
‘‘Kākolā kākasaṅghā ca, mayañca patataṃ varā;
саб̣б̣зва сад̣̇исаа хома, имам̣ ааг̇амма баб̣б̣ад̇ам̣.
Sabbeva sadisā homa, imaṃ āgamma pabbataṃ.
21.
21.
‘‘ид̇ха сийхаа жа б̣яаг̇гхаа жа, син̇г̇аалаа жа миг̇аад̇хамаа;
‘‘Idha sīhā ca byagghā ca, siṅgālā ca migādhamā;
саб̣б̣зва сад̣̇исаа хонд̇и, аяам̣ го наама баб̣б̣ад̇о’’д̇и.
Sabbeva sadisā honti, ayaṃ ko nāma pabbato’’ti.
д̇ад̇т̇а гааголаад̇и ванагаагаа. гаагасан̇гхаад̇и багад̇игаагасан̇гхаа жа. бад̇ад̇ам̣ вараад̇и багкийнам̣ сздтаа. сад̣̇исаа хомаад̇и сад̣̇исаван̣н̣аа хома.
Tattha kākolāti vanakākā. Kākasaṅghāti pakatikākasaṅghā ca. Patataṃ varāti pakkhīnaṃ seṭṭhā. Sadisā homāti sadisavaṇṇā homa.
д̇асса важанам̣ суд̇ваа б̣од̇хисад̇д̇о д̇ад̇ияам̣ г̇аат̇амааха –
Tassa vacanaṃ sutvā bodhisatto tatiyaṃ gāthamāha –
22.
22.
‘‘имам̣ нзрууд̇и ж̇аананд̇и, мануссаа баб̣б̣ад̇уд̇д̇амам̣;
‘‘Imaṃ nerūti jānanti, manussā pabbatuttamaṃ;
ид̇ха ван̣н̣зна самбаннаа, васанд̇и саб̣б̣абаан̣ино’’д̇и.
Idha vaṇṇena sampannā, vasanti sabbapāṇino’’ti.
д̇ад̇т̇а ид̇ха ван̣н̣знаад̇и имасмим̣ нзрубаб̣б̣ад̇з обхаасзна ван̣н̣асамбаннаа худ̇ваа.
Tattha idha vaṇṇenāti imasmiṃ nerupabbate obhāsena vaṇṇasampannā hutvā.
д̇ам̣ суд̇ваа ганидто сзсаг̇аат̇аа абхааси –
Taṃ sutvā kaniṭṭho sesagāthā abhāsi –
23.
23.
‘‘амаананаа яад̇т̇а сияаа, анд̇аанам̣ ваа вимаананаа;
‘‘Amānanā yattha siyā, antānaṃ vā vimānanā;
хийнасаммаананаа вааби, на д̇ад̇т̇а висад̇им̣васз.
Hīnasammānanā vāpi, na tattha visatiṃvase.
24.
24.
‘‘яад̇т̇ааласо жа д̣̇агко жа, сууро бхийру жа бууж̇ияаа;
‘‘Yatthālaso ca dakkho ca, sūro bhīru ca pūjiyā;
на д̇ад̇т̇а санд̇о васанд̇и, ависзсагарз нарз.
Na tattha santo vasanti, avisesakare nare.
25.
25.
‘‘нааяам̣ нзру вибхаж̇ад̇и, хийнауггадтамаж̇жхимз;
‘‘Nāyaṃ neru vibhajati, hīnaukkaṭṭhamajjhime;
ависзсагаро нзру, ханд̣̇а нзрум̣ ж̇ахаамасз’’д̇и.
Avisesakaro neru, handa neruṃ jahāmase’’ti.
д̇ад̇т̇а батамаг̇аат̇ааяа аяамад̇т̇о – яад̇т̇а санд̇аанам̣ бан̣д̣ид̇аанам̣ сийласамбаннаанам̣ маананасса абхаавзна амаананаа аваман̃н̃анаа жа авамаанавасзна вимаананаа ваа хийнаанам̣ ваа д̣̇уссийлаанам̣ саммаананаа сияаа, д̇ад̇т̇а ниваасз на васзяяа. бууж̇ияаад̇и зд̇з зд̇т̇а згасад̣̇исааяа бууж̇ааяа бууж̇анийяаа хонд̇и, самагам̣ саггаарам̣ лабханд̇и. хийнауггадтамаж̇жхимзд̇и ж̇аад̇иг̇од̇д̇агулаббад̣̇зсасийлаажааран̃аан̣аад̣̇ийхи хийнз жа маж̇жхимз жа уггадтз жа аяам̣ на вибхаж̇ад̇и. ханд̣̇аад̇и вавассаг̇г̇ад̇т̇з нибаад̇о. ж̇ахаамасзд̇и барижжаж̇аама. зван̃жа бана вад̇ваа убхоби д̇з хам̣саа уббад̇ид̇ваа жид̇д̇агуудамзва г̇ад̇аа.
Tattha paṭhamagāthāya ayamattho – yattha santānaṃ paṇḍitānaṃ sīlasampannānaṃ mānanassa abhāvena amānanā avamaññanā ca avamānavasena vimānanā vā hīnānaṃ vā dussīlānaṃ sammānanā siyā, tattha nivāse na vaseyya. Pūjiyāti ete ettha ekasadisāya pūjāya pūjanīyā honti, samakaṃ sakkāraṃ labhanti. Hīnaukkaṭṭhamajjhimeti jātigottakulappadesasīlācārañāṇādīhi hīne ca majjhime ca ukkaṭṭhe ca ayaṃ na vibhajati. Handāti vavassaggatthe nipāto. Jahāmaseti pariccajāma. Evañca pana vatvā ubhopi te haṃsā uppatitvā cittakūṭameva gatā.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз со бхигку сод̇аабад̇д̇ипалз бад̇идтахи. д̇ад̣̇аа ганидтахам̣со аананд̣̇о ахоси, ж̇здтагахам̣со бана ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne so bhikkhu sotāpattiphale patiṭṭhahi. Tadā kaniṭṭhahaṃso ānando ahosi, jeṭṭhakahaṃso pana ahameva ahosinti.
нзруж̇аад̇агаван̣н̣анаа жад̇уд̇т̇аа.
Nerujātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 379. нзруж̇аад̇агам̣ • 379. Nerujātakaṃ
