| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
18. нзваход̇инанаход̇исуд̇д̇ам̣
18. Nevahotinanahotisuttaṃ
241. саавад̇т̇инид̣̇аанам̣. ‘‘гисмим̣ ну ко, бхигкавз, сад̇и, гим̣ убаад̣̇ааяа, гим̣ абхинивисса звам̣ д̣̇идти уббаж̇ж̇ад̇и – ‘нзва ход̇и на на ход̇и д̇ат̇ааг̇ад̇о барам̣ маран̣аа’’’д̇и? бхаг̇авам̣муулагаа но, бханд̇з, д̇хаммаа…бз… ‘‘руубз ко, бхигкавз, сад̇и, руубам̣ убаад̣̇ааяа, руубам̣ абхинивисса звам̣ д̣̇идти уббаж̇ж̇ад̇и – ‘нзва ход̇и, на на ход̇и д̇ат̇ааг̇ад̇о барам̣ маран̣аа’д̇и. взд̣̇анааяа сад̇и… сан̃н̃ааяа сад̇и… сан̇каарзсу сад̇и… вин̃н̃аан̣з сад̇и, вин̃н̃аан̣ам̣ убаад̣̇ааяа, вин̃н̃аан̣ам̣ абхинивисса звам̣ д̣̇идти уббаж̇ж̇ад̇и – ‘нзва ход̇и, на на ход̇и д̇ат̇ааг̇ад̇о барам̣ маран̣аа’’’д̇и.
241. Sāvatthinidānaṃ. ‘‘Kismiṃ nu kho, bhikkhave, sati, kiṃ upādāya, kiṃ abhinivissa evaṃ diṭṭhi uppajjati – ‘neva hoti na na hoti tathāgato paraṃ maraṇā’’’ti? Bhagavaṃmūlakā no, bhante, dhammā…pe… ‘‘rūpe kho, bhikkhave, sati, rūpaṃ upādāya, rūpaṃ abhinivissa evaṃ diṭṭhi uppajjati – ‘neva hoti, na na hoti tathāgato paraṃ maraṇā’ti. Vedanāya sati… saññāya sati… saṅkhāresu sati… viññāṇe sati, viññāṇaṃ upādāya, viññāṇaṃ abhinivissa evaṃ diṭṭhi uppajjati – ‘neva hoti, na na hoti tathāgato paraṃ maraṇā’’’ti.
‘‘д̇ам̣ гим̣ ман̃н̃ат̇а, бхигкавз, руубам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’…бз… вибарин̣аамад̇хаммам̣, аби ну д̇ам̣ анубаад̣̇ааяа звам̣ д̣̇идти уббаж̇ж̇зяяа – ‘нзва ход̇и, на на ход̇и д̇ат̇ааг̇ад̇о барам̣ маран̣аа’’’д̇и? ‘‘но хзд̇ам̣, бханд̇з’’. ‘‘ид̇и ко, бхигкавз, д̣̇угкз сад̇и, д̣̇угкам̣ убаад̣̇ааяа, д̣̇угкам̣ абхинивисса звам̣ д̣̇идти уббаж̇ж̇ад̇и – ‘нзва ход̇и, на на ход̇и д̇ат̇ааг̇ад̇о барам̣ маран̣аа’’’д̇и. ‘‘взд̣̇анаа… сан̃н̃аа … сан̇каараа… вин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’…бз… вибарин̣аамад̇хаммам̣, аби ну д̇ам̣ анубаад̣̇ааяа звам̣ д̣̇идти уббаж̇ж̇зяяа – ‘нзва ход̇и, на на ход̇и д̇ат̇ааг̇ад̇о барам̣ маран̣аа’’’д̇и? ‘‘но хзд̇ам̣, бханд̇з’’. ‘‘ид̇и ко, бхигкавз, д̣̇угкз сад̇и, д̣̇угкам̣ убаад̣̇ааяа д̣̇угкам̣ абхинивисса звам̣ д̣̇идти уббаж̇ж̇ад̇и – ‘нзва ход̇и, на на ход̇и д̇ат̇ааг̇ад̇о барам̣ маран̣аа’’’д̇и. адтаарасамам̣.
‘‘Taṃ kiṃ maññatha, bhikkhave, rūpaṃ niccaṃ vā aniccaṃ vā’’ti? ‘‘Aniccaṃ, bhante’’…pe… vipariṇāmadhammaṃ, api nu taṃ anupādāya evaṃ diṭṭhi uppajjeyya – ‘neva hoti, na na hoti tathāgato paraṃ maraṇā’’’ti? ‘‘No hetaṃ, bhante’’. ‘‘Iti kho, bhikkhave, dukkhe sati, dukkhaṃ upādāya, dukkhaṃ abhinivissa evaṃ diṭṭhi uppajjati – ‘neva hoti, na na hoti tathāgato paraṃ maraṇā’’’ti. ‘‘Vedanā… saññā … saṅkhārā… viññāṇaṃ niccaṃ vā aniccaṃ vā’’ti? ‘‘Aniccaṃ, bhante’’…pe… vipariṇāmadhammaṃ, api nu taṃ anupādāya evaṃ diṭṭhi uppajjeyya – ‘neva hoti, na na hoti tathāgato paraṃ maraṇā’’’ti? ‘‘No hetaṃ, bhante’’. ‘‘Iti kho, bhikkhave, dukkhe sati, dukkhaṃ upādāya dukkhaṃ abhinivissa evaṃ diṭṭhi uppajjati – ‘neva hoti, na na hoti tathāgato paraṃ maraṇā’’’ti. Aṭṭhārasamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. д̣̇уд̇ияаг̇аманаад̣̇иваг̇г̇аван̣н̣анаа • 2. Dutiyagamanādivaggavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. д̣̇уд̇ияаг̇аманаад̣̇иваг̇г̇аван̣н̣анаа • 2. Dutiyagamanādivaggavaṇṇanā
