| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༨. ནེཝསཉྙཱནཱསཉྙཱཡཏནཔཉྷཱསུཏྟཾ
8. Nevasaññānāsaññāyatanapañhāsuttaṃ
༣༣༩. ‘‘‘ནེཝསཉྙཱནཱསཉྙཱཡཏནཾ, ནེཝསཉྙཱནཱསཉྙཱཡཏན’ནྟི ཝུཙྩཏི། ཀཏམཾ ནུ ཁོ ནེཝསཉྙཱནཱསཉྙཱཡཏནནྟི? ཏསྶ མཡ྄ཧཾ, ཨཱཝུསོ, ཨེཏདཧོསི – ‘ཨིདྷ བྷིཀྑུ སབྦསོ ཨཱཀིཉྩཉྙཱཡཏནཾ སམཏིཀྐམྨ ནེཝསཉྙཱནཱསཉྙཱཡཏནཾ ཨུཔསམྤཛྫ ཝིཧརཏི། ཨིདཾ ཝུཙྩཏི ནེཝསཉྙཱནཱསཉྙཱཡཏན’ནྟི། སོ ཁྭཱཧཾ, ཨཱཝུསོ, སབྦསོ ཨཱཀིཉྩཉྙཱཡཏནཾ སམཏིཀྐམྨ ནེཝསཉྙཱནཱསཉྙཱཡཏནཾ ཨུཔསམྤཛྫ ཝིཧརཱམི། ཏསྶ མཡ྄ཧཾ, ཨཱཝུསོ, ཨིམིནཱ ཝིཧཱརེན ཝིཧརཏོ ཨཱཀིཉྩཉྙཱཡཏནསཧགཏཱ སཉྙཱམནསིཀཱརཱ སམུདཱཙརནྟི།
339. ‘‘‘Nevasaññānāsaññāyatanaṃ, nevasaññānāsaññāyatana’nti vuccati. Katamaṃ nu kho nevasaññānāsaññāyatananti? Tassa mayhaṃ, āvuso, etadahosi – ‘idha bhikkhu sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati. Idaṃ vuccati nevasaññānāsaññāyatana’nti. So khvāhaṃ, āvuso, sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharāmi. Tassa mayhaṃ, āvuso, iminā vihārena viharato ākiñcaññāyatanasahagatā saññāmanasikārā samudācaranti.
‘‘ཨཐ ཁོ མཾ, ཨཱཝུསོ, བྷགཝཱ ཨིདྡྷིཡཱ ཨུཔསངྐམིཏྭཱ ཨེཏདཝོཙ – ‘མོགྒལླཱན, མོགྒལླཱན! མཱ, བྲཱཧྨཎ, ནེཝསཉྙཱནཱསཉྙཱཡཏནཾ པམཱདོ, ནེཝསཉྙཱནཱསཉྙཱཡཏནེ ཙིཏྟཾ སཎྛཔེཧི, ནེཝསཉྙཱནཱསཉྙཱཡཏནེ ཙིཏྟཾ ཨེཀོདིཾ ཀརོཧི, ནེཝསཉྙཱནཱསཉྙཱཡཏནེ ཙིཏྟཾ སམཱདཧཱ’ཏི། སོ ཁྭཱཧཾ, ཨཱཝུསོ, ཨཔརེན སམཡེན སབྦསོ ཨཱཀིཉྩཉྙཱཡཏནཾ སམཏིཀྐམྨ ནེཝསཉྙཱནཱསཉྙཱཡཏནཾ ཨུཔསམྤཛྫ ཝིཧཱསིཾ། ཡཉྷི ཏཾ, ཨཱཝུསོ, སམྨཱ ཝདམཱནོ ཝདེཡྻ…པེ॰… མཧཱབྷིཉྙཏཾ པཏྟོ’’ཏི། ཨཊྛམཾ།
‘‘Atha kho maṃ, āvuso, bhagavā iddhiyā upasaṅkamitvā etadavoca – ‘moggallāna, moggallāna! Mā, brāhmaṇa, nevasaññānāsaññāyatanaṃ pamādo, nevasaññānāsaññāyatane cittaṃ saṇṭhapehi, nevasaññānāsaññāyatane cittaṃ ekodiṃ karohi, nevasaññānāsaññāyatane cittaṃ samādahā’ti. So khvāhaṃ, āvuso, aparena samayena sabbaso ākiñcaññāyatanaṃ samatikkamma nevasaññānāsaññāyatanaṃ upasampajja vihāsiṃ. Yañhi taṃ, āvuso, sammā vadamāno vadeyya…pe… mahābhiññataṃ patto’’ti. Aṭṭhamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡-༨. པཋམཛྷཱནཔཉྷཱསུཏྟཱདིཝཎྞནཱ • 1-8. Paṭhamajhānapañhāsuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡-༨. པཋམཛ྄ཛྷཱནཔཉྷསུཏྟཱདིཝཎྞནཱ • 1-8. Paṭhamajjhānapañhasuttādivaṇṇanā
