| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੧੯. ਨ੍ਹਾਨਕਪ੍ਪਨਿਦ੍ਦੇਸવਣ੍ਣਨਾ
19. Nhānakappaniddesavaṇṇanā
੧੬੮. ਪੁਰਤੋਤਿ (ਚੂਲ਼વ॰ ੩੭੨) ਥੇਰਾਨਂ ਪੁਰਤੋ ਉਪਰਿ વਾ ਨ ਚ ਨ੍ਹਾਯੇਯ੍ਯਾਤਿ ਅਤ੍ਥੋ।
168.Puratoti (cūḷava. 372) therānaṃ purato upari vā na ca nhāyeyyāti attho.
੧੬੯-੧੭੧. ਕੁਟ੍ਟਤ੍ਥਮ੍ਭਤਰੁਟ੍ਟਾਨੇਤਿ ਏਤ੍ਥ (ਚੂਲ਼વ॰ ੨੪੩; ਚੂਲ਼વ॰ ਅਟ੍ਠ॰ ੨੪੩) ਕੁਟ੍ਟੇ વਾ ਥਮ੍ਭੇ વਾ ਤਰੁਮ੍ਹਿ વਾ ਅਟ੍ਟਾਨਫਲਕੇ વਾ ਕਾਯਂ ਨ ਘਂਸਯੇਤਿ ਅਤ੍ਥੋ। ਗਨ੍ਧਬ੍ਬਹਤ੍ਥੋ ਨਾਮ ਮਕ੍ਕਟਹਤ੍ਥਸਦਿਸੋ ਦਾਰੁਆਦਿਮਯੋ। ਕੁਰੁવਿਨ੍ਦਕਸੁਤ੍ਤਿਯਾਤਿ ਕੁਰੁવਿਨ੍ਦਸੁਤ੍ਤਿਯਾ। ਮਲ੍ਲਕੇਨ વਾ ਅਞ੍ਞਮਞ੍ਞਂ વਾ। ‘‘ਨ ਭਿਕ੍ਖવੇ વਿਗ੍ਗਯ੍ਹ ਪਰਿਕਮ੍ਮਂ ਕਾਰਾਪੇਤਬ੍ਬਂ। ਯੋ ਕਾਰਾਪੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ (ਚੂਲ਼વ॰ ੨੪੩) ਏવਂ વੁਤ੍ਤਂ વਿਗ੍ਗਹਪਰਿਕਮ੍ਮਂ ਸਨ੍ਧਾਯ ‘‘ਅਞ੍ਞਮਞ੍ਞਂ વਾ’’ਤਿ વੁਤ੍ਤਂ।
169-171.Kuṭṭatthambhataruṭṭāneti ettha (cūḷava. 243; cūḷava. aṭṭha. 243) kuṭṭe vā thambhe vā tarumhi vā aṭṭānaphalake vā kāyaṃ na ghaṃsayeti attho. Gandhabbahattho nāma makkaṭahatthasadiso dāruādimayo. Kuruvindakasuttiyāti kuruvindasuttiyā. Mallakena vā aññamaññaṃ vā. ‘‘Na bhikkhave viggayha parikammaṃ kārāpetabbaṃ. Yo kārāpeyya, āpatti dukkaṭassā’’ti (cūḷava. 243) evaṃ vuttaṃ viggahaparikammaṃ sandhāya ‘‘aññamaññaṃ vā’’ti vuttaṃ.
ਇਦਾਨਿ ਕਪ੍ਪਿਯਾਨਿ ਦਸ੍ਸੇਤੁਂ ‘‘ਕਪਾਲਿਟ੍ਠਕਖਣ੍ਡਾਨੀ’’ਤਿਆਦਿਮਾਹ। ਸਬ੍ਬੇਸਂ વਟ੍ਟਤੀਤਿ ਸਮ੍ਬਨ੍ਧੋ । ਗਿਲਾਨਸ੍ਸਪਿ (ਚੂਲ਼વ॰ ਅਟ੍ਠ॰ ੨੪੩) ਅਗਿਲਾਨਸ੍ਸਪਿ ਇਮਾਨਿ ਕਪਾਲਿਟ੍ਠਕਖਣ੍ਡਾਦੀਨਿ ਕਾਯਘਂਸਨੇ વਟ੍ਟਨ੍ਤਿ। ਪੁਥੁਪਾਣੀਤਿ (ਚੂਲ਼વ॰ ੨੪੪) ਹਤ੍ਥਪਰਿਕਮ੍ਮਂ વੁਚ੍ਚਤਿ। ਤਸ੍ਮਾ ਸਬ੍ਬੇਸਂ ਹਤ੍ਥੇਨ ਪਿਟ੍ਠਿਪਰਿਕਮ੍ਮਂ ਕਾਤੁਂ વਟ੍ਟਤਿ। ਅਕਤਮਲ੍ਲਕਂ ਨਾਮ ਏਕਦਾਠਿਮਂ ਪਰਿਚ੍ਛਿਨ੍ਦਿਤ੍વਾ ਕਤਂ। ਪਾਸਾਣਾਦਯੋ ਪਾਦਘਂਸਨੇ ਏવ ਕਪ੍ਪਿਯਾ। ਨ੍ਹਾਨਕਪ੍ਪવਿਨਿਚ੍ਛਯੋ।
Idāni kappiyāni dassetuṃ ‘‘kapāliṭṭhakakhaṇḍānī’’tiādimāha. Sabbesaṃ vaṭṭatīti sambandho . Gilānassapi (cūḷava. aṭṭha. 243) agilānassapi imāni kapāliṭṭhakakhaṇḍādīni kāyaghaṃsane vaṭṭanti. Puthupāṇīti (cūḷava. 244) hatthaparikammaṃ vuccati. Tasmā sabbesaṃ hatthena piṭṭhiparikammaṃ kātuṃ vaṭṭati. Akatamallakaṃ nāma ekadāṭhimaṃ paricchinditvā kataṃ. Pāsāṇādayo pādaghaṃsane eva kappiyā. Nhānakappavinicchayo.
ਨ੍ਹਾਨਕਪ੍ਪਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Nhānakappaniddesavaṇṇanā niṭṭhitā.
