| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੧੯. ਨ੍ਹਾਨਕਪ੍ਪਨਿਦ੍ਦੇਸવਣ੍ਣਨਾ
19. Nhānakappaniddesavaṇṇanā
੧੬੮. ਕਪ੍ਪਨਂ ਕਪ੍ਪਿਯਤਾ ਕਪ੍ਪੋ, ਨ੍ਹਾਨੇ ਕਪ੍ਪੋ ਨ੍ਹਾਨਕਪ੍ਪੋ। ਨવਕੋ ਥੇਰਾਨਂ ਪੁਰਤੋ ਉਪਰਿ વਾ ਨ ਚ ਨ੍ਹਾਯੇਯ੍ਯਾਤਿ ਸਮ੍ਬਨ੍ਧੋ। ਨ ਚਾਤਿ ਨਯੇવ। ਪੁਰਤੋਤਿ ਅਭਿਮੁਖੇ। ਉਪਰੀਤਿ ਨਦਿਯਾ ਉਪਰਿ।
168. Kappanaṃ kappiyatā kappo, nhāne kappo nhānakappo. Navako therānaṃ purato upari vā na ca nhāyeyyāti sambandho. Na cāti nayeva. Puratoti abhimukhe. Uparīti nadiyā upari.
੧੬੯-੧੭੧. ਕੁਟ੍ਟਤ੍ਥਮ੍ਭਤਰੁਟ੍ਟਾਨੇ ਕਾਯਂ ਨ ਘਂਸਯੇਤਿ ਸਮ੍ਬਨ੍ਧੋ। ਤਤ੍ਥ ਕੁਟ੍ਟਂ ਨਾਮ ਇਟ੍ਠਕਦਾਰੁਸਿਲਾਭਿਤ੍ਤਿ। ਥਮ੍ਭੋ ਨਾਮ ਨਹਾਨਤਿਤ੍ਥੇ ਨਿਖਨਿਤ੍વਾ ਠਪਿਤੋ। ਤਰੂਤਿ ਰੁਕ੍ਖੋ। ਅਟ੍ਟਾਨਂ ਨਾਮ ਤਚ੍ਛੇਤ੍વਾ ਅਟ੍ਠਪਦਾਕਾਰੇਨ ਰਾਜਿਯੋ ਛਿਨ੍ਦਿਤ੍વਾ ਨਹਾਨਤਿਤ੍ਥੇ ਨਿਖਾਤਫਲਕਂ। ਗਨ੍ਧਬ੍ਬਹਤ੍ਥੇਨ વਾ…ਪੇ॰… ਮਲ੍ਲਕੇਨ વਾ ਕਾਯਂ ਸਰੀਰੇਨ વਾ ਅਞ੍ਞਮਞ੍ਞਂ ਨ ਘਂਸਯੇਤਿ ਸਮ੍ਬਨ੍ਧੋ। ਗਨ੍ਧਬ੍ਬਹਤ੍ਥੇਨਾਤਿ ਦਾਰੁਮਯਹਤ੍ਥੇਨ। ਕੁਰੁવਿਨ੍ਦਕਸੁਤ੍ਤਿਯਾਤਿ ਕੁਰੁવਿਨ੍ਦਕਪਾਸਾਣਚੁਣ੍ਣਾਨਿ ਲਾਖਾਯ ਬਨ੍ਧਿਤ੍વਾ ਕਤਗੁਲ਼ਿਕਾવਲਿਯਾ ਸੁਤ੍ਤੇਨ ਆવੁਣਿਤਸੁਤ੍ਤਿਯਾ। ਮਲ੍ਲਕੇਨਾਤਿ ਮਕਰਦਨ੍ਤਕੇ ਛਿਨ੍ਦਿਤ੍વਾ ਪਦੁਮਕਣ੍ਣਿਕਸਣ੍ਠਾਨੇਨ ਕਤਮਲ੍ਲਕੇਨ। ਸਰੀਰੇਨਾਤਿ ਅਤ੍ਤਨੋ ਕਾਯੇਨ। ਅਞ੍ਞਮਞ੍ਞਸ੍ਸ ਅਞ੍ਞਮਞ੍ਞਂ ਕਿਰਿਯਾਕਰਣਸਙ੍ਖਾਤੇ ਕਿਰਿਯਾਬ੍ਯਭਿਹਾਰੇ ਦ੍વਿਤ੍ਤਂ। ਕਪਾਲ…ਪੇ॰… ਪੁਥੁਪਾਣਿ ਚ ਸਬ੍ਬੇਸਂ વਟ੍ਟਤੀਤਿ ਸਮ੍ਬਨ੍ਧੋ। ਕਪਾਲਞ੍ਚ ਇਟ੍ਠਕਾ ਚ, ਤਾਸਂ ਖਣ੍ਡਾਨਿ। ਪੁਥੁਪਾਣੀਤਿ ਪੁਥੁ ਨਾਨਾ ਪਾਣਿ ਪੁਥੁਪਾਣਿ, ਹਤ੍ਥਪਰਿਕਮ੍ਮਂ ਰੁਲ਼੍ਹੀવਸੇਨ। ਸਬ੍ਬੇਸਨ੍ਤਿ ਗਿਲਾਨਾਗਿਲਾਨਾਨਂ। ਗਿਲਾਨਸ੍ਸ ਅਕਤਮਲ੍ਲਕਂ વਟ੍ਟਤੀਤਿ ਸਮ੍ਬਨ੍ਧੋ। ਅਕਤਮਲ੍ਲਕਂ ਨਾਮ ਕਤਮਲ੍ਲਕવਿਪਰੀਤਂ। ਫੇਣਂ ਨਾਮ ਸਮੁਦ੍ਦਫੇਣਨ੍ਤਿ।
169-171. Kuṭṭatthambhataruṭṭāne kāyaṃ na ghaṃsayeti sambandho. Tattha kuṭṭaṃ nāma iṭṭhakadārusilābhitti. Thambho nāma nahānatitthe nikhanitvā ṭhapito. Tarūti rukkho. Aṭṭānaṃ nāma tacchetvā aṭṭhapadākārena rājiyo chinditvā nahānatitthe nikhātaphalakaṃ. Gandhabbahatthena vā…pe… mallakena vā kāyaṃ sarīrena vā aññamaññaṃ na ghaṃsayeti sambandho. Gandhabbahatthenāti dārumayahatthena. Kuruvindakasuttiyāti kuruvindakapāsāṇacuṇṇāni lākhāya bandhitvā kataguḷikāvaliyā suttena āvuṇitasuttiyā. Mallakenāti makaradantake chinditvā padumakaṇṇikasaṇṭhānena katamallakena. Sarīrenāti attano kāyena. Aññamaññassa aññamaññaṃ kiriyākaraṇasaṅkhāte kiriyābyabhihāre dvittaṃ. Kapāla…pe… puthupāṇi ca sabbesaṃ vaṭṭatīti sambandho. Kapālañca iṭṭhakā ca, tāsaṃ khaṇḍāni. Puthupāṇīti puthu nānā pāṇi puthupāṇi, hatthaparikammaṃ ruḷhīvasena. Sabbesanti gilānāgilānānaṃ. Gilānassa akatamallakaṃ vaṭṭatīti sambandho. Akatamallakaṃ nāma katamallakaviparītaṃ. Pheṇaṃ nāma samuddapheṇanti.
ਨ੍ਹਾਨਕਪ੍ਪਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Nhānakappaniddesavaṇṇanā niṭṭhitā.
