| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
11. нхаад̇агамунид̇т̇зраг̇аат̇ааван̣н̣анаа
11. Nhātakamunittheragāthāvaṇṇanā
ваад̇арог̇аабхинийд̇од̇иаад̣̇игаа ааяасмад̇о нхаад̇агамунисса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинид̇ваа имасмим̣ б̣уд̣̇д̇хуббаад̣̇з рааж̇аг̇ахз б̣раахман̣агулз ниб̣б̣ад̇д̇ид̇ваа ваяаббад̇д̇о виж̇ж̇аадтаанаад̣̇ийсу нибпад̇д̇им̣ г̇ад̇о нхаад̇агалагкан̣аяог̇зна нхаад̇агод̇и бан̃н̃ааяид̇т̇а. со д̇аабасабаб̣б̣аж̇ж̇ам̣ баб̣б̣аж̇ид̇ваа рааж̇аг̇ахасса д̇ияож̇анаббамаан̣з таанз аран̃н̃ааяад̇анз нийваарзхи яаабзнд̇о аг̇г̇им̣ барижаараяамаано васад̇и. д̇асса сад̇т̇аа гхадз вияа бад̣̇ийбам̣ хад̣̇аяаб̣бханд̇арз баж̇ж̇аланд̇ам̣ арахад̇д̇уубаниссаяам̣ д̣̇исваа ассамабад̣̇ам̣ аг̇амааси. со бхаг̇аванд̇ам̣ д̣̇исваа хадтад̇удто ад̇д̇ано убагаббананияаамзна аахаарам̣ убанзси. д̇ам̣ бхаг̇аваа барибхун̃ж̇и. звам̣ д̇аяо д̣̇ивасз д̣̇ад̇ваа жад̇уд̇т̇ад̣̇ивасз ‘‘бхаг̇аваа д̇умхз барамасукумаалаа, гат̇ам̣ иминаа аахаарзна яаабзт̇аа’’д̇и ааха. д̇асса сад̇т̇аа арияасанд̇осаг̇ун̣ам̣ багаасзнд̇о д̇хаммам̣ д̣̇зсзси. д̇аабасо д̇ам̣ суд̇ваа сод̇аабанно худ̇ваа баб̣б̣аж̇ид̇ваа арахад̇д̇ам̣ баабун̣и. бхаг̇аваа д̇ам̣ арахад̇д̇з бад̇идтабзд̇ваа г̇ад̇о. со бана д̇ад̇т̇зва вихаранд̇о абарабхааг̇з ваад̇ааб̣аад̇хзна убад̣̇д̣̇уд̇о ахоси. сад̇т̇аа д̇ад̇т̇а г̇анд̇ваа бадисант̇аарамукзна д̇асса вихаарам̣ бужчанд̇о –
Vātarogābhinītotiādikā āyasmato nhātakamunissa gāthā. Kā uppatti? Ayampi purimabuddhesu katādhikāro tattha tattha bhave puññāni upacinitvā imasmiṃ buddhuppāde rājagahe brāhmaṇakule nibbattitvā vayappatto vijjāṭṭhānādīsu nipphattiṃ gato nhātakalakkhaṇayogena nhātakoti paññāyittha. So tāpasapabbajjaṃ pabbajitvā rājagahassa tiyojanappamāṇe ṭhāne araññāyatane nīvārehi yāpento aggiṃ paricārayamāno vasati. Tassa satthā ghaṭe viya padīpaṃ hadayabbhantare pajjalantaṃ arahattūpanissayaṃ disvā assamapadaṃ agamāsi. So bhagavantaṃ disvā haṭṭhatuṭṭho attano upakappananiyāmena āhāraṃ upanesi. Taṃ bhagavā paribhuñji. Evaṃ tayo divase datvā catutthadivase ‘‘bhagavā tumhe paramasukhumālā, kathaṃ iminā āhārena yāpethā’’ti āha. Tassa satthā ariyasantosaguṇaṃ pakāsento dhammaṃ desesi. Tāpaso taṃ sutvā sotāpanno hutvā pabbajitvā arahattaṃ pāpuṇi. Bhagavā taṃ arahatte patiṭṭhapetvā gato. So pana tattheva viharanto aparabhāge vātābādhena upadduto ahosi. Satthā tattha gantvā paṭisanthāramukhena tassa vihāraṃ pucchanto –
435.
435.
‘‘ваад̇арог̇аабхинийд̇о д̇вам̣, вихарам̣ гаананз ванз;
‘‘Vātarogābhinīto tvaṃ, viharaṃ kānane vane;
бавид̣̇д̇хаг̇ожарз луукз, гат̇ам̣ бхигку гариссасий’’д̇и. – г̇аат̇амааха; ат̇а т̇зро –
Paviddhagocare lūkhe, kathaṃ bhikkhu karissasī’’ti. – gāthamāha; Atha thero –
436.
436.
‘‘бийд̇исукзна вибулзна, парид̇ваана самуссаяам̣;
‘‘Pītisukhena vipulena, pharitvāna samussayaṃ;
луукамби абхисамбхонд̇о, вихариссаами гаананз.
Lūkhampi abhisambhonto, viharissāmi kānane.
437.
437.
‘‘бхаавзнд̇о сад̇д̇а б̣ож̇жхан̇г̇з, инд̣̇рияаани б̣алаани жа;
‘‘Bhāvento satta bojjhaṅge, indriyāni balāni ca;
жхаанасокуммасамбанно, вихариссам̣ анаасаво.
Jhānasokhummasampanno, viharissaṃ anāsavo.
438.
438.
‘‘виббамуд̇д̇ам̣ гилзсзхи, суд̣̇д̇хажид̇д̇ам̣ анаавилам̣;
‘‘Vippamuttaṃ kilesehi, suddhacittaṃ anāvilaṃ;
абхин̣хам̣ бажжавзгканд̇о, вихариссам̣ анаасаво.
Abhiṇhaṃ paccavekkhanto, viharissaṃ anāsavo.
439.
439.
‘‘аж̇жхад̇д̇ан̃жа б̣ахид̣̇д̇хаа жа, яз мз виж̇ж̇им̣су аасаваа;
‘‘Ajjhattañca bahiddhā ca, ye me vijjiṃsu āsavā;
саб̣б̣з асзсаа ужчиннаа, на жа уббаж̇ж̇арз буна.
Sabbe asesā ucchinnā, na ca uppajjare puna.
440.
440.
‘‘бан̃жагканд̇хаа барин̃н̃аад̇аа, д̇идтанд̇и чиннамуулагаа;
‘‘Pañcakkhandhā pariññātā, tiṭṭhanti chinnamūlakā;
д̣̇угкагкаяо ануббад̇д̇о, над̇т̇и д̣̇аани бунаб̣бхаво’’д̇и. –
Dukkhakkhayo anuppatto, natthi dāni punabbhavo’’ti. –
имаахи сзсаг̇аат̇аахи ад̇д̇ано вихаарам̣ сад̇т̇у бавзд̣̇зси.
Imāhi sesagāthāhi attano vihāraṃ satthu pavedesi.
д̇ад̇т̇а жхаанасокуммасамбаннод̇и жхаанасукумабхаавзна саманнааг̇ад̇о. жхаанасукумам̣ наама аруубаж̇жхаанам̣, д̇асмаа адтасамаабад̇д̇илаабхимхийд̇и вуд̇д̇ам̣ ход̇и. д̇зна ад̇д̇ано убхад̇обхааг̇авимуд̇д̇ид̇ам̣ д̣̇ассзд̇и. абарз банааху – ‘‘сокумманд̇и аг̇г̇амаг̇г̇апалзсу ад̇хибан̃н̃аасигкаа ад̇хиббзд̇аа, д̇ад̇о жхаанаг̇г̇ахан̣зна ад̇д̇ано убхад̇обхааг̇авимуд̇д̇ид̇ам̣ вибхаавзд̇ий’’д̇и. виббамуд̇д̇ам̣ гилзсзхийд̇и бадиббассад̣̇д̇хивимуд̇д̇ияаа саб̣б̣агилзсзхи вимуд̇д̇ам̣, д̇ад̇о зва суд̣̇д̇хажид̇д̇ам̣, анаавиласан̇габбад̇ааяа анаавилам̣, д̇ийхиби бад̣̇зхи арахад̇д̇апалажид̇д̇амзва вад̣̇ад̇и. сзсам̣ хздтаа вуд̇д̇анаяамзва. имамзва жа т̇зрасса ан̃н̃ааб̣яаагаран̣ам̣ ахосийд̇и.
Tattha jhānasokhummasampannoti jhānasukhumabhāvena samannāgato. Jhānasukhumaṃ nāma arūpajjhānaṃ, tasmā aṭṭhasamāpattilābhimhīti vuttaṃ hoti. Tena attano ubhatobhāgavimuttitaṃ dasseti. Apare panāhu – ‘‘sokhummanti aggamaggaphalesu adhipaññāsikkhā adhippetā, tato jhānaggahaṇena attano ubhatobhāgavimuttitaṃ vibhāvetī’’ti. Vippamuttaṃ kilesehīti paṭippassaddhivimuttiyā sabbakilesehi vimuttaṃ, tato eva suddhacittaṃ, anāvilasaṅkappatāya anāvilaṃ, tīhipi padehi arahattaphalacittameva vadati. Sesaṃ heṭṭhā vuttanayameva. Imameva ca therassa aññābyākaraṇaṃ ahosīti.
нхаад̇агамунид̇т̇зраг̇аат̇ааван̣н̣анаа нидтид̇аа.
Nhātakamunittheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 11. нхаад̇агамунид̇т̇зраг̇аат̇аа • 11. Nhātakamunittheragāthā
